Langimangi og Soffía Karls.

18.3.2007 | 13:06

Viltu koma með mér á tónleika í kvöld, spurði tengdadóttir mín. Soffía Karls er að syngja.

Ha sagði ég Soffía "Það er draumur að dansa við dáta" Karlsdóttir ? Nei sagði tengdadóttir mín og hló, þessi er ung og rosalega góð söngkona. Jú auðvitað kem ég með, sagði ég, ekki neita ég góðu gamni.

Og mikið rétt þarna var þessi gullfallega stúlka, með þvílílka rödd, tók Aretu Franklín eins og að drekka vatn, Tinu Turner var líka gerð góð skil, og svo lög af hennar eigin diski. Þetta var alveg yndislegt.

Í pásunni spurði hún mig; ertu systir hennar Margrétar Áka ? Nei sagði ég, en skrýtið að þú skyldir spyrja. Ég hitti hana nefnilega í haust, mér var boðið smáhlutverk í mynd sem var tekinn upp hérna, og í því atriði lék Margrét Ákadóttir miðil. Við fórum síðan út að skemmta okkur saman á Langamanga einmitt, ásamt Margréti Vilhjálms og fleira góðu gólki. Þær komu síðan daginn eftir og við áttum huggulega stund í eldhúsinu hjá mér, og komumst að því að við værum örugglega andlegar systur. Svo systur erum við líklega.

Svo keypti ég auðvitað diskinn hennar, og fékk hann áritaðan.

En þetta var alveg frábær skemmtun á Langamanga.

Gummi Hjalta, Halli og Haukur spiluðu og þeir eru frábærir hljómlistamenn, spila hvað sem er, og Soffía söng með þeim allt kvöldið. Sem sagt frábær skemmtun.

Ég segi nú bara takk fyrir mig.

Flokkur: Bloggar | Breytt s.d. kl. 13:08 | Facebook

Athugasemdir

Þú átt nú örugglega marga þræði um lífsins heima Ásthildur mín. Sterka þræði sem trosna trauðlega. Þarf að kynna mér þessa stelpu. Er hún að vestan? Enn eitt eldfjallið. Svo segir fólk að það sé engin elvirkni á vestfjörðum. Og víst segi ég!