Fallegt veður og svanir á polli.

17.3.2007 | 14:25

Veðrið var yndislegt hér í morgun. Við elskulegur eiginmaður fórum í göngutúr. Sólin skein og það var hlýtt, nýfallinn mjöll merlaði undir fótum okkar, og útsýnið upp á það besta. SKemmtileg birta. Og svo voru svanir á Pollinum, já ég get svarið það. Sex tignarlegir svanir, fyrst hélt ég að ég væri inn í miðri sögu um Dimmalimm. En þarna voru þeir og syntu tignarlega innan um æðafuglana. Það er komið vorhljóð í fuglana á Pollinum.

Ég tók nokkrar myndir. Vona að þið hafið gaman af þeim.

Skemmtileg birta, þegar sólin lék við skýin og reyndi að stjaka þeim burt.

Svanirnir á sundi.

Takið eftir birtunni á sjónum. Þeir eru svo flottir.

Vorið er ekki langt undan. Bráðum fara kirsuberin að blómstra í garðinum hjá mér. Og skálinn klæðist vorskrúðanum.

Ó hve þetta er fallegur dagur á Ísafirði.

Flokkur: Bloggar | Facebook

Athugasemdir

Í faðmi fjalla blárra, þar freyðir aldan köld,

í sölum hamra hárra á huldan góða völd,

sem lætur blysin blika um bládimm klettaskörð,

er kvöldsins geislar kvika og kyssa Ísafjörð.

Minnir mig á "þjóðsöng" Ísfirðinga, sem pabbi hans Gulla í bokabúðinni samdi. Jónas Tómasson tónskáld.

Jón Steinar Ragnarsson, 17.3.2007 kl. 19:01

Já það er fallegt ljóð. Og vel við hæfi í okkar fallega bæ.

Ásthildur Cesil Þórðardóttir, 17.3.2007 kl. 19:14

Yndislegt Ásthildur, myndirnar fallegar, svo kyrrar, nánast hugleiðslukenndar.

Jenný Anna Baldursdóttir, 17.3.2007 kl. 22:19

Æðislega flott efsta myndin.

Jens Guð, 18.3.2007 kl. 00:20

Fallegar myndir Cesil og einhvern veginn táknrænar.

kv.gmaria.

Guðrún María Óskarsdóttir., 18.3.2007 kl. 01:29

Takk elskuleg, kyrrð er vissulega þarna sannleikanum samkvæmt. Þetta var yndislegur morgun. og allt svo kyrrt og hljótt og þetta samspil sólar og skjýja sem er svo heillandi.

Ásthildur Cesil Þórðardóttir, 18.3.2007 kl. 03:46

Minnir mig á tímann þegar ég var fyrir vestan.

Efsta myndin er næstum óraunveruleg.

Katrín Snæhólm Baldursdóttir, 18.3.2007 kl. 11:11

Já Hanna Birna mín það er að koma vor. En núna er mikill snjór og snjóflóð falla á vegunum á Kirkjubólshlíð og Óshlíð. Vonandi gera þeir göng alla leið til Súðavíkur.

Veistu Katrín mín að þessi birta í gær var næstum órauneruleg. En um leið svo falleg.

Ásthildur Cesil Þórðardóttir, 18.3.2007 kl. 12:51