Hannes var ekki valin, heldur valdi sjálfur, sem er allt annað mál.

Stundum held ég að ráðamenn haldi að við séum ennþá á tuttugustu öldinni, og hægt sé að telja okkur almúganum trú um hvað sem er.  

Það gekk vel alveg þangað til almenningur komst í  tæri við internetið, og gat bæði fylgst nánar með og tjáð sig sjálfur.  Hér áður fyrr var "plottað" í reykfylltum bakherbergjum og síðan var "fréttinni" komið áleiðis til ákveðinna aðila sem skrifuðu um það eða sögðu frá í heitu pottunum, og svo var hamrað á gjörðinni uns hún virtist vera algjör sannleikur og þjóðþrifamál, meðan þar bjó ekkert undir nema að ota eigin tota. 

Því miður er þetta brennimerkt öllum gamla fjórflokknum en ekki bara einum eða tveimur.  Þeir hafa allir gert sig seka um svona vinnubrögð, sem þess vegna augljóslega hefur orðið til þess að almenningur í landinu ber ekkert traust til stjórnmálamanna.  Því miður nær hugsunin ekki lengra en það, því fólk virðist alltaf kjósa það sama yfir sig aftur og aftur, en ég held að það breytist núna hraðar og hraðar.  Og plottið springur jafnvel framan í þá sem spinna það.  

 Þetta sést hvergi betur en einmitt í dæminu með Hannes Hólmstein, 

http://www.dv.is/frettir/2014/7/9/ekki-rett-ad-felagsvisindastofnun-hafi-valid-hannes-og-falid-honum-verkefnid/?fb_action_ids=10204193820114877&fb_action_types=og.comments

Þar sem kemur fram að Félagsvísindastofnun valdi hann ekki til starfans með rannsóknina.  Heldur var þetta undan hans rifjum runnið og var síðan borið undir fjármálaráðherra sem tók málið upp á sína arma.  Vissi Bjarni Benediktsson hvernig í pottinn var búið, eða var hann plataður upp úr skónum?

Eftir það sem nú hefur komið í ljós er augljóst að þessum tíu milljónum er kastað út í loftið, því enginn heilvitamaður mun taka mark á þessum vinnubrögðum.  

Ég hef svona hingað til haft ákveðna samúð og eftirvæntingu með þessa ríkisstjórn, en því miður er hún byrjuð að sýna tennurnar í allskonar niðurskurðarmálum, subbuskap með náttúruauðlindir, og allt virðist vera falt í þeirra augum.  

Þetta er synd, því vissulega hefur ríkt ákveðin bjartsýni í bæði atvinnulífi og fjármálum að undanförnu, en það við viljum bara ekki kosta öllu til.  Landið okkar þarf að vera verndað til að skila því til barnanna okkar þannig að þau geti lifað hér.  

Ég yrði ekki hissa þó ríkisstjórnin myndi lenda í blindgötu fyrr en síðar, því sífellt stækkar bilið milli Framsóknarflokks og Sjálfstæðisflokks og hvað tekur þá við?  Ekki vil ég fá Samfylkinguna, Bjarta framtíð og Vinstri græn aftur við stjórnvölin, ég fæ bara grænar bólur af tilhugsuninni.

En eitthvað verður að gerast til að menn átti sig á því að almenningur í þessu landi er búin að fá nóg af plotti í fylltum bakherbergjum og vilja ekki lengur hafa svona vinnubrögð, hvaða stjórnmálaflokkar sem haga sér þannig.

Skora á þig Bjarni Benediktsson að endurskoða þessa fyrirætlun þína, þegar komið er í ljós að þarna er pottur brotinn.  Það er nefnilega ekki sama hvort félgasvísindastofnun valdi mann til að vinna ákveðið verkefni, eða að það kom úr hans eigin ranni og er hans hugmynd.  Það er bara allt annar hlutur, þú hlýtur að sjá það sjálfur.   

 

Athugasemdir

[Sigurður K Hjaltested (IP-tala skráð) 9.7.2014 kl. 20:23]

Já Ásthildur, mikið segir þú satt.

Því miður eftir hrunið, hefði forseti vor, í fyrsta skiptið, geta komið í veg

fyrir allt sem á eftir hefur gengið.

Hann hefði getað og hefði átt, mín skoðun, að skipa utanþingsstjórn, vegna

þeirrar upplausnar sem var í okkar samfélagi þá.

En þó Ólafur hafi sýnt okkur, að hann sé góður forseti og stóð með

þjóð sinn gagnvart ICESLAVE, þá kitlaði það hann að sjá,

fyrstu hreinu vinstri stjórnina komast til valda, enda með rætur að rekja,

en  þau lugu sig inn á því, að ætla sér að slá "SKJALDBORG UM HEIMILIN"

Eflaust trúði hann því, meira segja ég. Ég hélt virkilega að þetta fólk

ætlaði að gera eitthvað fyrir almenning og láta slag standa.

Allir vita hvernig það fór. Þarna hefði og átti Ólafur,

sem forseti, að nota tækifærið á því að segja við pólitíkusa og flokka,

"Þið brugðust þeim væntingum sem fólk gerði til ykkar og nú

verð ég að setja á utanþingsstjórn, skipuð af bestu mönnum

sem völ er á, til að laga til allt þetta klúður ykkar".

Hugsið ykkur ef slíkt hefði skeð.

Því miður, eru stjórnvöld í dag ekket skárri og lugu sig inn

líka. Bjarni sýndi þá bestu takta sem pólitíkus hefur gert

á Íslandi til að ná í atkvæði,  þegar hann grét vafningalaust,

ísköldum  krókudílatárum framan í alþjóð í viðtali í sjónvarpi.

Hann vissi sem sannur íslendingur, að þeir mega ekkert aumt sjá og

viti menn, fylgið rauk upp.

Hinn félagi hans var ekkert betri. Bara bætti um betur.

Lofaði þvílíkri lækkun á skuldastöðu heimilanna, að

allir þeir sem voru komnir á ystu nöf, greiddu þeim atkvæði.

Vonleysið eftir fyrrverandi ríksisstjórn var svo mikið að

fólk kaus bara helvítið bara yfir sig aftur.  Það getur varla

orðið verra  lýsingardæmið á þessum pólitíkusum í  dag.

Eina sem getur bjargað þessu landi, úr því sem komið er,

eru einstaklingsframboð, því þar vita

allir allt um viðkomandi og hann getur ekki falið sig  á bak við

handónýt og stjórnuð prófkjör, eins og flestir þeir sem sitja

á alþingi í dag. Flokkagrílan og spillingin,

heldur því fram, að þá sé endalega lýðræðið til fjandans.

Það er löngu farið og dugar að benda á Reykjavík til þess.

M.b.kv.

[Grímur (IP-tala skráð) 9.7.2014 kl. 20:47]

Óskaplegt hatur er þetta á Hannesi þarna fyrir vestan

[Sigurgeir Jónsson, 9.7.2014 kl. 21:00]

Hannes er ekki að vestan, hann er Húnvetningur.Sigmundur Davíð er að vestan.

[Ásthildur Cesil Þórðardóttir, 9.7.2014 kl. 22:08]

Já takk fyrir þitt innlegg Sigurður, margt til í því sem þú segir.

Grímur hvaða hatur? þegar rök þrjóta þá er gripið til þess að leggja manni orð eða tilfinningar í munn. Þetta er bara bláköld staðreynd og ekkert annað, hvernig sem á málið er litið.

Takk annars allir fyrir innlitið.

[Haraldur Haraldsson, 9.7.2014 kl. 22:35]

Er eiginlega miklð sammála þeér þarna Ásthildur,kveðja

[Örn Johnson ´43 (IP-tala skráð) 9.7.2014 kl. 22:47]

Ásthildur, takk fyrir að upplýsa að DV sé þitt heimildargoð. Þarf þar með aldrei að lesa neitt eftir þig lengur.

[Ásthildur Cesil Þórðardóttir, 9.7.2014 kl. 23:05]

Örn þetta er það barnalegasta sem ég hef séð lengi. Þú þarft ekkert að lesa neitt eftir mig, en svona þér til umhugsunar þá les ég margt og mikið og frá mörgum stöðum. Sýnir bara að þú lest hvort sem er ekkert eftir mig, þá myndir þú vita betur.

Takk Haraldur minn.

[Brynjólfur Tómasson, 9.7.2014 kl. 23:37]

Gott hjá þér vinkona en það sem er samt það leiðinlega við þetta allt er að það virðist vera sama í dag og þegar plottað var í reykfylltum bakherbergjum. fólk lætur í sér heyra en óréttlætið heldur áfram samt sem áður. Ég ætla að halda áfram að lesa það sem þú skrifar því þú kemur með marga góða punkta og fylgist með í öllum miðlum DV og hinum líka en skemmtilegast það sem kemur frá þér sjálfri :)

[Margret (IP-tala skráð) 9.7.2014 kl. 23:51]

Sammála þínum skrifum Ásthildur. Leiðréttu mig ef ég fer með rangt mál, var hann ekki sakaður um ritstuld hér um árið hann Hannes? Ef svo er hver á þá að trúa því sem frá honum kemur.

[Ásthildur Cesil Þórðardóttir, 10.7.2014 kl. 00:11]

Takk Brynjólfur minn.

Jú Margrét, hann situr undir því að hafa gerst sekur um slíkt. En situr samt ennþá sem fræðímaður í Háskólanum, ekki mikill metnaður þar á bæ, sýnist mér.

[Sigurður Þorsteinsson, 10.7.2014 kl. 18:01]

Ásthildur mín, nú er ég ekki alveg sammála þér. Nú kemur þú til Bjarna Ben, eða annara ráðherra með hugmynd sem þú vilt vinna með og ráðherra finnst mjög góð. Þá er í raun ekkert athugavert við að nema að ef dæmið fellur undir útboð. Mér finnst í raun ekki skipta nokkru einasta máli í hvaða stjórnmálaflokki viðkomandi er, svo framalega sem gott verk sé unnið. Hingað til hefður oft fyrst verið spurt í hvaða stjórnmálaflokki er þessi eða hinn og síðan er spurt hvort viðkomandi fái verk eða ekki.

Hitt er svo annað mál, það er algjörlega óþarfi og truflandi að málin séu ekki lögð á borðið, og án þess að um feluleik sé að ræða.

[Ásthildur Cesil Þórðardóttir, 10.7.2014 kl. 18:42]

Já Sigurður minn, Hannes lætur að því liggja að Félagsvísindastofnun hafi falið honum verkið, sennilega fer hann þannig með það til Bjarna. Auðvitað á pólitík ekki að skipta máli, en fræðimenn eins og Hannes, Eiríkur Bergmann, Baldur Þórhallsson, og Vilhjálmur Matthíasson geta aldrei orðið hlutlausir fræðimenn, til þess hafa þeir sjálfir séð til.

Og í hugum almennings eru þessir menn því ekki til þess fallnir að takast á hendur óháða skýrslugerð. Því miður fyrir þá. En það er bara svona. Til dæmis lokast á mér eyrun þegar hinn óháði Eiríkur Bergmann er spurður út í gjaldeyrismál. Eins þegar Baldur Þórhallsson tjáir sig um ESB og Vilhjálmur þegar hann talar um kúpu norðursins.

Ef fræðimenn vilja virkilega láta taka mark á sér, þá reyna þeir allavega að sjá allar hliðar mála en ekki bara þá einu sem flokkurinn þeirra leggur. Það er bara mín persónulega skoðun.

Hins vegar hef ég sagt að mér líkar vel við Bjarna Benediktsson hann er virðist vera að reyna að gera rétt, en fær sennilega ekki tækifæri til þess.

[Sigurður Þorsteinsson, 10.7.2014 kl. 21:20]

Ásthildur já þú hefur rétt fyrir þér varðandi þennan hóp, í hann vantar reyndar Stéfán Ólafsson. Allir þessir menn hafa gert ágætis hluti á milli, en getuleysi þeirra að halda fræðunum ofar ömulegri flokkapólitík skemmir fyrir þeim. Trúverðuleiki þeirra verður alltaf dreginn í efa.

[Ásthildur Cesil Þórðardóttir, 10.7.2014 kl. 22:03]

Já því miður þá er það svo. Það má reyndar kalla þetta sjálfskaparvíti.

[Sigurður Þorsteinsson, 11.7.2014 kl. 06:06]

Ásthildur bara svo að Vilhjálmur móðgist ekki þá heitir guttinn sem þú talar um víst Þórólfur Matthísasson. Annars breytist mannlegt eðli litið. Hér áður höfðu kóngar líka hiðfífl,sem sögðu aulabrandara og dásömuðu bossanna í tíma og ótíma.

[Ásthildur Cesil Þórðardóttir, 11.7.2014 kl. 11:54]

Ó sorrý ég biðst afsökunar á þessi. Veit ekki hvar Vilhjálmsnafnið kom til.

En það er alveg laukrétt hjá þér kóngar og hirðfífl hafa fylgst að alla tíð.

Takk fyrir að leiðrétta mig.