Skýrsla..... og skýrsla?

Nú eru komnar út tvær skýrslur um "aðildarviðræðurnar", önnur gerð af þeim sem ekki vilja ganga í Esb og hin af aðildarsinnum.  Þessar skýrslur vekja upp meiri spurningar en þær svara.  

Í fyrsta lagi sýnist mér að Evrópusambandið tali tungum tveim, eftir því við hverja er rætt.  

Ég er að vísu ekki búin að lesa seinni skýrsluna, en hef hlustað vel á aðalatriðin sem þar hafa komið fram.  Og mér sýnist nú að meira hafi verið fjallað um hana í útvarpi allra landsmanna en skýrslu Hagfræðstofnunar háskólans, hvernig sem á því nú stendur.  

M.a. fróðlegt viðtal við fréttamann í síðdegisútvarpinu, sem er í sjálfu sér merkilegt, vegna þess að þessi áæti fréttamaður virtist vera frekar óöruggur af einhverjum ástæðum, hvort sem hann var að tala gegn betri vitund, eða hvað, hann tafsaði, ræskti sig í sífellu, varð loðmæltur og átti í erfiðleikum með að svara áköfum spurningum spyrlanna.  

Hér má hlusta á það.  

http://www.ruv.is/evropusambandid/skyrsla-althjodamalastofnunar-kynnt

Einhverra hluta vegna sló þetta mig.   

En látum það nú vera.  Ef þessir samningar sem sagt er að hafi verið í gangi samkvæmt þessari skýrslu gengu svona ljómandi vel, af hverju í ósköpunum var dæmið þá ekki klárað af fyrri ríkisstjórn?

Hvað varð til þess að málið var sett á ís, ef allir voru tilbúnir til að semja?

Þetta setur meiri þrýsting á Össur og Steingrím að gera hreint fyrir sínum dyrum með það af hverju ferlið var stöðvað.  

Ég man ekki betur en Össur sjálfur hafi fullyrt að Makríldeilan og Icesave hafi ekkert haft með viðræðurnar að gera.  

En það er grafalvarlegt mál ef Evrópusambandsmenn segir eitt og gera annað.  Þegar lesin er skýrsla ESB þá kemur þar skýrt fram að hér sé um aðlögun að ræða, og ekki umsemjanlegt heldur tímasetning á upptöku regluverks ESB upp á 100.000 bls.  

Svörin sem Jón Bjarnason fékk voru að íslendingar verði að afsala sér yfirráðum yfir sjávarútveginum til Brussel.  Það stendur líka að öll aðildarlöndin verði að samþykkja samning, áður en hann tekur gildi, Sjá menn fyrir sér að portugalar, spánverjar og bretar muni samþykkja að Ísland haldi öllu sínu, þegar þeir sjálfir hafa þurft að gefa eftir yfirráðin?

Svo þessi missögn að ef ferlinu verði slitið þá þurfi að byrja allt upp á nýtt, en aðrir segja að ekkert mál sé að taka viðræðurnar upp frá því sem horfið var? 

Hér er svo ágætt svar sem ég sá á blogginu, sem segir meira um þetta á skýran hátt:

 Predikarinn - Cacoethes scribendi Jón Bjarnason sjávarútvegs og landbúnaðarráðherra lagði sem slíkur fram markmið Íslands í fiskveiðimálum fyrir Evrópusambandið í gegn um aðlögunarnefndina og voru þau markmið í samræmi Jú dr. Össur stöðvaði þær endanlega í sterkum saltpækli.við þingsályktun Alþingis þar um !

Þetta hefur Jón staðfest í einum þremur greinum og pistlum undanfarnar vikur.

Svör Evrópusambandsins voru löngu fyrirséð, en í stuttu máli voru þau á þann veg að þegar þeir höfðu lesið þetta frá sjávarútvegsráðuneytinu þá sagði ESB að það myndi ekki hefja aðlögunarviðræður um sjávarútvegsmál fyrr en Ísland myndi fyrirfram falla frá kröfum Alþingis í fiskveiðimálum og staðfesta að Ísland myndi ganga 100% inn í fiskveiðistefnu ESB, að undanskyldu að einhver lítill tími yrði gefinn til aðlögunar þar.

Þetta er í samræmi við sérstaka ályktun ráðherraráðs Evrópusambandsins í desember 2012 : . „Ráðherraráð Evrópusambandsins ítrekar að Ísland verði að samþykkja og innleiða allan lagabálk Evrópusambandsins við mögulega inngöngu í sambandið.“http://eyjan.pressan.is/frettir/2012/12/12/radherrarad-esb-adildarvidraedur-ganga-vel-en-island-tharf-ad-samthykkja-allan-lagabalk-esb/ .

Þetta er jafnframt í samræmi við lesefni á heimasíðu Evrópusambandsins sem þér Hrannar og öðrum slíkum hefur yfirsést ávallt að lesa. Evrópusambandið, ólíkt inngöngusinnum á Íslandi, eru ekkert að fela kröfurnar sínar.

Þar er meðal annarra skjala eftirfarandi framsetning sem 10 ára grunnskólabörn skilja auk þess að hægt er að fá sömu lesningu í ítarlegra formi. Það er sífelld blekking fullveldisafsalssinna í gangi við þá sem ekki vita betur að láta menn halda annað en raunveruleikinn er.

Tilgangurinn virðist helga meðalið. . Hérna er blað af heimasíðu Evrópusambandsins sem sýnir ferlið (bls. 2) á einni blaðsíðu á myndrænan hátt : . http://ec.europa.eu/enlargement/pdf/publication/factsheet_en.pdf .

Þegar dr. Össur fór með aðildarumsókn Íslands til Brüssel þá var haldinn fjölþjóðlegur fréttamannafundur þar sem Füle varð að tukta dr. Össur eins og sést hér : . http://www.youtube.com/watch?v=0O4fkcYwpu8 .

Að gefnu tilefni held ég að nauðsynlegt sé að setja hér inn enska textann af því sem stækkunarstjóri Evrópusambandsins svaraði dr. Össuri :

. . Füle : . „And if I may - I am sure you will find the necessary level of creativity, but in the framework of the existing acquis, and also based on the general principle which very much will be sustained throughout the discussion that there are no permanent derogations from the acquis.” .

En því miður loka já-menn augum og eyrum við öllu sem þarna er nema „...you will find the necessary level og creativity” en að þeir skilji eða vilji heyra innan hvaða ramma creativity megi vera það vill hvorki dr. Össur né heldur aðrir Já-menn upp til hópa."

 

 

Ég get ekki betur séð en að þetta sé leikur kattarins að músinni, ég er farin að hallast að því að hér sé allt í húfi til að koma okkur inn fyrir dyr gullna hliðsins, hvað sem tautar og raular.

Dettur í hug barnaþulan gamla.

Fagur er fiskur í sjó,

brettist upp á halanum,

með rauða kúlu á maganum.

vanda vanda, gættu þinna handa

vingur slingur vara þína fingur,

fetta bretta svo skal högg á lítinn lófa detta.  

Eigið annars góðan dag.  

 

 

 

 

 

 

 

 

 

 

 

 

Þessa mynd tók kajakræðarinn Halldór Óli, þegar Elli og Jorge okkar frá El Salvador fóru saman á kajak í blíðu sem einkennir Ísafjörð.   

Athugasemdir

[Guðbjörg Snót Jónsdóttir (IP-tala skráð) 8.4.2014 kl. 12:36]

Mér var það löngu ljóst í þessu máli öllu, að ESB talaði tungum tveim og það sitt með hvorri, eftir því hver spurði eða ræddi við kommissarana þar, enda vitum við það báðar, að við reynum náttúrulega að ræða við "rétta fólkið", eftir því, hvort við viljum jákvæð eða neikvæð svör, þ.e. eftir því, hvort við erum með eða á móti ESB í þessu tilviki. Þetta hef ég líka alltaf vitað, því að faðir minn, sem á fjórða áratug síðustu aldar var erindreki ASÍ, sagði, að það væri mest um vert að tala við rétta fólkið, ef maður vildi ná því fram, sem maður vildi. Þegar hann var þarna fyrir vestan í heimsókn hjá Finni Jónssyni og var að athuga með stofnun verkalýðsfélaga, þá lét Finnur hann fá lista með því fólki, sem hann skyldi tala við og var vænst til að vilja stofna verkalýðsfélög. Þegar faðir minn fór norður og austur, þá var þetta sama uppi á teningnum. Honum var bent á fólk, sem hann ætti að tala við. Þetta gæti átt við í þessu tilviki líka. Kommissararnir í Brüssel hafa líka vitað, að það þýddi ekkert að tala við Össur, Jóhönnu og Árna Pál öðru vísi en þau vildu heyra, því að þau skildu ekkert annað en að hægt væri að fá undanþágur o.s.frv.,  og vildu ekki heyra annað, þótt Bjarni, Sigmundur Davíð, Ragnar Arnalds og aðrir andstæðingar ESB-aðildar fengju að vita hið sanna, og skildu vel, hvað málið snérist um. Svo er það líka hitt í þessu, og það er skilningur ráðamanna hérna á málinu. Þeir hafa nú snúið út úr og skrumskælt ræður kommissaranna í Brüssel, og túlkað þær eftir sínu höfði og óskum. Andstæðingarnir hafa svo flutt þær óbrjálaðar og sagt sannleikann, eins og hann liggur fyrir. Þess vegna er það nú, sem ég hef ekki nennt að leggja eyrun að þessarri þvælu í ESB-halelújakórnum hér á landi, sem ég kalla svo, því að ég veit, að það er tómt rugl úr þeim sjálfum einna helst. Ég marka það meira, sem Bjarni, Sigmundur Davíð, Gunnar Bragi, Ragnar Arnalds og Jón Bjarnason segja. Þannig er það.

[Ásthildur Cesil Þórðardóttir, 8.4.2014 kl. 13:19]

Takk fyrir þetta innlegg Guðbjörg, og ég er algjörlega sammála þér.

[Brynjar (IP-tala skráð) 8.4.2014 kl. 14:20]

Ef þetta er rétt hjá ykkur, er þá ekki best að klára málið og síðan verður það kolfellt í þjóðaratkvæðisgreiðslu.  Þá er komin einhver niðurstaða. 

[Gróa á leiti í Brussel (IP-tala skráð) 8.4.2014 kl. 16:49]

Sæl Ásthildur

Nokkrir embættismenn í Brussel tala tungum tveim (jafnvel fleiri) fer eftir því hvern við er rætt og hvað er til umræðu. Til hvers voru skýrsluhöfundar að ræða við Pat the Cope Gallagher ESB - þingmann Íra sem mest hefur beitt sér gegn Íslendingum í makríldeilunni? Það er nokkuð ljóst að skýrsluhöfundar hafa fengið nokkurn vegin það sem þeir voru að sækjast eftir. Þetta er svona "ólygin sagði mér" skýrsla Alþjóðastofnunnar Háskóla Íslands. Væri ég einn af skýrsluhöfundum væri ég búinn að rölta í akademísku hauspokabúðina.

Það sem felst í að "klára pakkann" Brynjar er nákvæmlega það að taka upp tilskipanir Evrópusambandsins og gera kerfið okkar fullkomlega tilbúið fyrir aðild. Það sem felst í aðildarsamningi er hversu hratt Ísland ætlar að aðlagast regluverki sambandsins með upptöku á 100.000 bls regluverki þess. Þær reglugerðir eru ÓUMSEMJANLEGAR. Gefðu þér smá tíma til þess að kynna þér aðildarferli ríkja að ESB hér: http://ec.europa.eu/enlargement/policy/conditions-membership/index_en.htm

Það er ekkert að koma úr pakkanum annað en aðild Íslands að ESB og þeir sem frábiðja sér aðild vilja náttúrulega ekki sjá neinn aðildarsamning.

Góðar kveðjur frá Brussel

[Ásthildur Cesil Þórðardóttir, 8.4.2014 kl. 19:38]

Brynjar tek undir með Gróu á leiti í Brussel í þessu máli. Það er nú málið, eftir því sem þessu vindur fram, því betur sé ég hve mikið Brusselkommisserar vilja fá okkur inn með það sem við gefum með okkur. Sérstaklega tek ég undir lokaorðin, það er ekkert að koma úr pakkanum annað en aðild Íslands að ESB og þeir sem frébiðja sér aðild vilja náttúrulega ekki sjá neinn aðildarsamning. Ég er ein af þeim.

[Valdimar Samúelsson, 8.4.2014 kl. 21:54]

Þetta er bara spurning um hvað við viljum. Við þurfum ekki alltaf að færa rök fyrir öllu. Þetta er einvígi og ekkert annað. Já nei nei já.Færeyingarnir kölluðu Íslendinganna jáara á togaraárunum mínum í dag er menn meira með skoðanir og segja ekki já við öllu og ég er einn þeirra og án allra raka segi ég nei eða svoleiðis. :-)

[Ásthildur Cesil Þórðardóttir, 8.4.2014 kl. 22:52]

Já það eru rök út af fyrir sig Valdimar.

[Helga Kristjánsdóttir, 8.4.2014 kl. 23:12]

Sæl vertu vestfirska baráttukona! Ég er svo hissa að enn skuli menn flaska á þessu að klára”málið” eins og Brynjar leggur til,en Gróa skýrði það sem betur fer fyrir honum. Það segir mér hvað okkur vantar tilfinnanlega sjónvarpsmiðil,sem fer með fréttir af þessum vettvangi sannleikanum samkvæmt eða að minnsta kosti þaggaði ekki mikilvæg sannindi. Þótt skrifað sé mikið,eru enn margir sem ekki vilja í ESb,.enn þá að klifa á þessu,það skýrir að einhverju leiti að þeir vilja kosningar núna,sem er ekki hægt,án upptöku regluverks,sem er óumsemjanlegt,Gróa skýrir svo vel. góðar stundir.

[Ásthildur Cesil Þórðardóttir, 8.4.2014 kl. 23:54]

Já Helga mín, það er bara sorglegt að fólk skuli ennþá halda að það sé pakki til að kíkja í. Ég er raunar ánægð með Bjarna núna sem tekur af öll tvímæli um aðildina, að hún sé ekki í boði. Svo nú er bara að slíta þessum viðræðum.

[Berynjar (IP-tala skráð) 9.4.2014 kl. 14:52]

Sæl Ásthildur og þakka þér svarið sem ég kaupi þó engan vegin.  Ég notaði aldrei orðið að kíkja í pakkann, ég vill klára þessar viðræður og kjósa um samninginn.  Ég get bara ekki skilið afhverju þú og flerri sem segið að ekkert sé að semja um viljið það ekki líka.  Ég bara endurtek að ef um ekkert verður samið að þá verður samningurinn kolfelldur í þjóðaratkvæðisgreiðslu og þá getur þessi þjóð snúið sér að öðru að rífast um.

Stundum heldur maður að hræðsla ykkar sé fyrst og fremst það að við fáum góðan samning

Að ganga gegn vilja 70% þjóðarinnar er forræðishyggja og vantraust á þessum stærri hluta þjóðarinnar.

Þið eruð yfirleitt sama fólkið og notaði öfug rök í ICEsave málinu.  Eruð þið þá bara líðræðissinnar stundum þegar það hentar ykkur. 

[Ásthildur Cesil Þórðardóttir, 9.4.2014 kl. 18:06]

Brynjar ég er alls ekki á móti því að fólk reiði atkvæði um aðildarviðræður, og ég er ekkert hrædd við þá niðurstöðu. En málið er að þetta er bara ekki svona einfalt. Við vitum nú þegar hvað er í boði, til dæmis engar varanlega undanþágur, hvorki í sjávarútvegi né öðru, nema því sem innifelst í aðildinni að EES.

Ég var ein af þeim sem barðist gegn því að greiða Icesaveskuld einkaaðila, og taldi að íslenskur almenningur ætti ekki að greiða skuldir einkabanka. Ég er raunar afar ánægð með hvernig það mál fór. Það sem þú talar um 70% þjóðarinnar, tel ég að það fólk sem skrifaði undir hafi gert það í góðri trú, en það var nefnilega vitlaust gefið, og keyrt á því að verið væri að semja um eitthvað, þó marg oft hafi komið fram bæði í skýrslu ESB, og svo orð stækkunarstjóra sambandsins, en einnig ummæli margra aðila sem þekkja málið betur en ég til dæmis, að það er ekki verið að tala um samning heldur aðlögun að regluverki sambandsins upp á 100.000 bls. Og getur þú svarað því ef allt gekk svona vel með að fá undanþágur og tilhliðranir, af hverju í ósköpunum var allt sett á ís af fyrrverandi utanríkisráðherra?

[brynjar (IP-tala skráð) 10.4.2014 kl. 09:19]

Sæl Ásthildur.  Við erum örugglega hvorugt neinir sérfræðingar í þessum málum og það má alveg vera rétt hjá þér að um ekkert sé að semja.  Þá mun ég kjósa á móti þeim samning sem verður lagður fram ásamt flestum öðrum.  Mér finnst bara bull að bakka út núna því þá verður áfram rifist um þetta um ókomin ár.

[Ásthildur Cesil Þórðardóttir, 10.4.2014 kl. 10:41]

Það er auðvitað gott að fá þetta endanlega út af borðinu hvort heldur með kosningu eða betri upplýsingum til almennings um Lissabonsáttmálan og regluverk ESB. Svo er bara að sjá hverju fram vindur.