Hversu margir þurfa að deyja til að yfirvöld átti sig á hvar vandinn raunverulega liggur?

Það sem ég hef um þetta mál að segja, er þetta: https://www.facebook.com/asthildurcesil/posts/10202363634761387?comment_id=6611879&offset=0&total_comments=7&notif_t=share_comment

 

Er ekki komin tími til að fara að hugsa upp á nýtt um aðbúnað fanga?  Það á ekki að setja fíkla í fangelsi, það á ekki að glæpavæða fólk sem hefur ánetjast fíkniefnum.  Lögreglan hefur margt þarfara að gera en að eltast við hassneytendur, og hamprækt. 

Reynið heldur að finna þá sem fjármagna innflutning á eitrinu.  Það eru ekki burðardýrin, og ekki þeir sem neyta efnanna. 

Það þarf að lögleiða neyslu veikari efna eins og kannabis. 

Hér þarf að hugsa málin upp á nýtt og hætta að glæpavæða fólk sem hefur ánetjast fíkniefnum, þau eru fórnarlömb en ekki glæpamenn. 

Athugasemdir

[Ómar Geirsson, 12.11.2013 kl. 09:10]

Mikið sammála þér Ásthildur.

Kveðja að austan.

[Ásthildur Cesil Þórðardóttir, 12.11.2013 kl. 11:22]

Takk Ómar, já það þarf virkilega að skoða þessi mál upp á nýjan máta. 

[Anna Sigríður Guðmundsdóttir, 12.11.2013 kl. 12:59]

Ef "gæslan" gæti notað sömu gleraugu við að stoppa innflutning á eiturbrasinu, sem hún notar við að hindra nauðsynlegar fiskveiðar, þá væri nú ástandið betra hjá mörgum.

En auðvitað eiga allir neytendur á Íslandi að sitja við sama borð, þegar kemur að neyslumálum. Hvítflibba-klíkan á ekki neinn einkarétt á vörum. Samkeppniseftirlitið ætti að fara í þetta þarfa neytenda-mál.

Lögleiðing veikari efna er eina lausnin. Það hefur verið sannreynt í öðrum löndum.Við þurfum ekki að finna upp hjólið í þeim efnum, frekar en öðrum.

M.b.kv.

[Ásthildur Cesil Þórðardóttir, 12.11.2013 kl. 13:14]

Mikið rétt Anna Sigríður.  Það er nefnilega ekki sama hvort um er að ræða jón á götunni með núll komma eitthvað í vasa, eða fjármagn til risainnflutnings á allskonar efnum, þá er það Séra Jón sem má ekki hrófla við. 

Og það er líka rétt það eiga allir að hafa sama rétt, og það á að refsa í samræmi við glæpinn en ekki eftir þjóðfélagsstöðu hvers og eins.  Það er mikill misbrestur þar á.