Að kæra eða ekki kæra.

Þetta er ein af þessum fréttum sem hægt er að skemmta sér yfir, vegna þess hvernig lyktir urðu.  Ekki ætla ég að réttlæta þjófnaðinn af hendi stúlkunnar, en hún hefur annað hvort fengið "Cold feet", eða er útspekuleruð, sem er sennilegra, vegna þess hvernig hún fór að þessu, að láta manninn greiða sér út um bílgluggann.

En það fyndna í þessu er karlgreyið að fara að kæra þjófnaðinn til lögreglu.  Maður getur svona ímyndað sér hvernig þetta fór fram.

Ég ætla að kæra þjófnað.

Nú, hvað gerðist?

Jú ég var búin að semja við stúlku um að drátt, og hún tók við greiðslunni en stakk svo af.

Þetta er ekki gott mál.  Veistu hver hún er?

Já já, nafn hennar er ......

ja há, ég sé hér í tölvunni að hún er aðeins 16 ára.

Mér er alveg sama ég vil bara fá peningana mína til baka.

Ókey við leggjum fram kæru á hana. 

 

Seinna.

Hemm, málinu var vísað frá í héraðsdómi.

Ha! er þjófnaður nú orðin leyfilegur í þjóðfélaginu?

Ja! sko það er bannað með lögum að kaupa sér vændi.

Allt er nú orðið bannað, ef maður má ekki kaupa sér drátt lengur.

Málið er líka ahemm að stúlkan er undir lögaldri, svo við verðum víst að ákæra þig fyrir að ætla að kaupa vændi. Þetta voru einhver mistök hjá okkur í upphafi með að ákæra stúlkuna.

Þú verður að gjöra svo vel að koma með okkur í yfirheyrslu.

 

Í alvöru, hefði nú ekki verið betra að hypja sig og sætta sig við að tapa 20.000 kallinum, en að koma sjálfum sér í þá aðstöðu að vera lagalega barnaperri, og dæmdur sem slíkur upp frá því?

Stundum er betra að sætta sig við orðin hlut, en að vaða áfram og kæra út og suður.  Þetta má herma upp á fleiri sem eru endalaust að kæra aðra, fyrir ljót orð, fyrir að væna mann um þjófnað og slíkt.

Menn þurfa virkilega að hugsa sig um, og spá í hvað maður gerir sjálfum sér, sérstaklega ef æra manns er brotin fyrir.  Og sérstaklega ef menn eru þjóðþekktir og vilja hafa sitt á hreinu.  Kjaftagangur verður nefnilega ekkert staðfestur nema maður fari sjálfur að taka undir hann og kvarta yfir honum. 

Þessi dæmisaga er því í mörgu tilliti víti til varnaðar. 

En þetta er bara mín skoðun.    

Vændiskaupandinn sætir ákæru

Athugasemdir

[Ingibjörg Axelma Axelsdóttir, 14.10.2013 kl. 13:11]

Stúlkan hefur væntanlega áætlað að hann myndi ekkert gera í málinu vegna kringumstæðna.

Satt best að segja er ég ánægð að þau sæti bæði ákæru.

[S. MacEachern (IP-tala skráð) 14.10.2013 kl. 13:46]

Eiginlega doldið skondið mál. Tilfellið er að "eftirspurn" skapar vændið. Mér finnst framferði mannsins lýsa vel þeirri afstöðu sem sumir menn (Vændisnotendur) hafa til kvenna. Satt að segja finnst mér það mátulegt á manninn að hafa misst af vændispeningnum. Ætli honum finnist eins mikið um mannorðsmissirinn.

[Ásthildur Cesil Þórðardóttir, 14.10.2013 kl. 13:58]

Já Ingibjörg, ætti að kenna stúlkunni að vera ekki að leika sér að eldinum.

S.Ég myndi nú halda að hann hugsaði sig tvisvar um áður en hann gerir svona lagað aftur.  Og vonandi verður þetta til þess að hann hætti að eltast við smástelpur. 

[veffari (IP-tala skráð) 14.10.2013 kl. 14:26]

Hvað var kadlinn gamall?

[Guðbjörg Snót Jónsdóttir (IP-tala skráð) 14.10.2013 kl. 14:42]

Mér datt fyrst í hug, þegar ég heyrði þessa frétt, að stúlkunni hafi ekki snúist hugur á síðustu stundu, en svo hugsaði ég, að kannske hafi hún beinlínis gert þetta viljandi til þess að negla manninn fyrir að kaupa vændi og það af stúlku undir lögaldri, og hjálpa þannig löggunni til að ná honum. Gæti það ekki verið, þó að maður viti ekki um aðstæður stúlkunnar, sem skiptir náttúrulega miklu máli í þessu sambandi líka?

[Ásthildur Cesil Þórðardóttir, 14.10.2013 kl. 19:19]

Það fylgir ekki sögunni veffari hvað kadlinn var gamall, enda skiptir það ekki máli, nema að hann hafi verið undir 18 ára

Guðbjörg það væri gaman að heyra hennar túlkun á þessu, reyndar ætti einhver blaðamaður að skoða þetta og segja hennar sögu. 

[Jens Guð, 15.10.2013 kl. 00:42]

  Líkt mál kom upp á Akranesi fyrir nokkrum árum.  Þá hafði fullorðinn karlmaður samið um kynmök við 14 ára dreng gegn greiðslu.  Ég man ekki hver upphæðin átti að vera en strákurinn stal - að mig minnir - 30 þúsund kalli frá kauða.  Kannski veski hans líka.  Kauði tilkynnti lögreglunni þjófnaðinn.  Og lét þess getið að hann hefði grun um að þjófurinn væri samkynhneigður.  Tilkynningin snérist í höndum á manninum og lögreglan kærði hann.  Fyrir dóm var lögð greinargerð læknis.  Sá vottaði að maðurinn væri vel gerður gagnkynhneigður fjölskyldumaður sem ætti um sárt að binda vegna þessa atviks.  Konan hefði yfirgefið hann vegna málsins og gott ef hann missti ekki vinnu sem kennari.  Greinargerð læknisins var virt manninum til refsilækkunar.  Eftir að léttur málamyndadómur féll stigu fleiri fram með ásakanir um að maðurinn ætti sögu um kynferðislega ásókn í unga drengi.     

[Jens Guð, 15.10.2013 kl. 01:01]

https://www.facebook.com/photo.php?fbid=10200563107748634&set=o.544402128926648&type=3&theater

[Ásthildur Cesil Þórðardóttir, 15.10.2013 kl. 10:23]

Jón Ingi Hrafnsson þessi maður er enn með virkan profile á siðu sem heitir gayrome.com og hefur hann oft reynt að tæla unga drengi td mig !þá var ég 14 ára

Eitt af kommentunum þarna. Ætli yfirvöld fylgist með honum?