Skyggni, draumfarir og vissa um lífið eftir "dauðann".

Þú ert kjarkmaður Kári, að opna á það að það sé ekki bara líf eftir dauðann, heldur fylgist ættingjar með bæði okkur og því sem er að gerast. 

Ég veit að þetta er svona, því ég hef fyrir því margvíslegar sannanir fyrir mig, einnig alin upp hjá afa mínum sem var bæði rammskyggn, fann hluti sem voru týndir, fjarskyggn og hrærðist í veröld milli heimanna. Átti einnig ævilanga vináttu við álfkonu sem hann sat löngum og spjallaði við.    En það er nú einhvernveginn svo að menn setur hljóða þegar einhver vekur máls á þessu.  Margir eru enn þann dag í dag hræddir við að viðurkenna skyggni eða slíkar "tilfinninga" af ótta við hæðni, niðurlægingu og afneitun.  Það er í sjálfu sér allt í lagi að trúa ekki á framhaldslíf, en annað mál er að gera lítið úr þeim sem upplifa slíkt. 

Þess vegna var ég ánægð að lesa þessa tilvitnun í þig. 

„Væri ég lifandi hefði ég sent þessa vísu inn í Moggann“

Athugasemdir

[Ásthildur Cesil Þórðardóttir, 19.9.2013 kl. 16:31]

Og auðvitað þorir enginn að kommentera á þetta.  Sýnir vel hvernig við þorum ekki að tjá okkur um þessi mál.

[Eyþór Örn Óskarsson, 19.9.2013 kl. 17:28]

Sæl vinkona og skilaðu kveðu vestur...

það er alveg rétt hjá þér að margir bera ekki svona lagað á torg eða ræða mikið um andleg mál - við sem höfum séð og upplifað ýmislegt höfum fengið sannanir fyrir okkur, þessir "heimar" eru okkur raunverulegir - svo eru þeir sem ekki sjá eða upplifað (halda þeir) - oft á tíðum kemur ýmislegt í ljós þegar maður ræðir við þetta fólk, sem bendir á að þau hafa upplifað eitthvað sem ekki fellur undir grjótharðan raunveruleikann og oft lokar þetta fólk á slikar upplifanir og dæmir það sem ýmyndun og rugl - ég hef þá trú að þessir einstaklingar séu einfaldlega ekki tilbúnir...

[Jósef Smári Ásmundsson, 19.9.2013 kl. 17:38]

Svona svona Ásthildur.Ég var nú bara að koma úr vinnunni,þurfti aðeins að skreppa á klóið og fá mér kaffibolla og svo í Bloggið.Auðvitað þorir maður að tjá sig um þetta,það er ekki spurning.En eitt sem ég var að spá í .Ef að líf er eftir dauðann deyr maður þá nokkuð?Er maður ekki bara sprelllifandi,í plati að sýnast dauður og haldandi niðrí sér hlátrinum yfir líkræðunni og bröndurunum frá ættingunum sem halda að maður sé steindauður og heyri þessvegna ekki þegar þeir eru að grínast með hvað hann Jobbi var alltaf snarundarlegur þegar hann lifði.En að öllu gríni slepptu þá er ekkert ólíklegt að eitthvað sé hinum megin og kannski erum við bara þar núna og lifðum"áður".Ég er með fullt af kenningum um hvernig þetta allt saman virkar ,ein er á þá veru að til séu tveir samhliða heimar.Kenningin byggir á því hvernig  efnisheimurinn varð til úr engu.Ef við setjum þetta "ekkert" sem 0 , þá varð 0 að +1-1.með öðrum orðum 0=+1-1.+1 er þá efnisheimurinn sem við þekkjum og -1 hliðstæði heimurinn.í vísindaheiminum er þetta skilgreint sem efni og andefni.En heyrðu.Vertu margblessuð.Sjáumst hinumegin.

[assa (IP-tala skráð) 19.9.2013 kl. 18:47]

Mig dreymdi draum. Og eftir þann draum er ég handviss um að þegar við deyjum fáum við smá tíma hér á jörðu til að fylgjast með, veit ekki hversu langan....eða hver tilgangurinn er. Kannski er þetta aðlögunartími fyrir okkur sjálf áður en við höldum á nýja braut?

[Hörður Þórðarson, 19.9.2013 kl. 19:50]

Þú veist það sem þú veist, og þú trúir því sem þú trúir. Við erum öll komin mislangt í þroska og skilningi. Það tekur því ekki að reyna að sannfæra fólk um eitt eða annað. Það lærir þegar það er tilbúið.

Hafðu það gott, Ásthildur og mundu að láta ekki veraldlega hluti eða aðstæður valda þér þjáningum. Þessir hlutir, og reyndar allt annað er sífellt að breytast. Við verðum einfaldlega að sætta okkur við það og láta okkur líða vel núna. 

[Kolbrún Hilmars, 19.9.2013 kl. 19:56]

Það eru þó nokkuð margir einstaklingar sem eru stilltir á það tíðnisvið að "sjá".  Það sem kallað er á ensku "second sight". 
Jósef hér að ofan nefndi einmitt efnisheiminn - hið áþreifanlega, sem allir þekkja.  Mannsheilinn er líka áþreifanlegur á krufningarborðinu.  En hvar er þá hugsunin; heilastarfsemin, já, jafnvel sálin sjálf?  Það er haft fyrir satt að þessi heilastarfsemi, tengist rafbylgjum.  Sem eðli sínu samkvæmt geta ekki dáið líkamlegum dauða.

Þangað til annað verður sannað, trúi ég því að þessi einstaka rafræna heilastarfsemi lifi af líkamlegan dauða og geti  gert vart við sig hjá þeim sem næmir eru fyrir - ja, segjum bara tíðnisviðinu.  Líkt og með útvarpsbylgjur, sem flokkast niður í FM, AM, LM - allt eftir móttökuaðstæðum.

[Sigurður Alfreð Herlufsen, 19.9.2013 kl. 21:10]

Ásthildur Cecil, hafðu ekki minnstu áhyggjur út af hinni andlegu veröld.

Hún fer ekkert frá okkur, þó einhverjir láti óvarleg orð falla. Fólk sem ekkert hefur gefið þessu gaum, en telur sig samt hafa eitthvað til málanna að leggja!

Lifðu heil og hafðu gott jarðsamband, því það er nauðsynlegt til að ná hinum viðkvæmu andlegu bylgjum sem eru aðeins fyrir þá sem vilja móttaka. Enda eru hinir úr leik sem fyrirfram hafa sett slagbrand fyrir sálarglugga sinn.

[Sólrún (IP-tala skráð) 19.9.2013 kl. 21:31]

https://www.youtube.com/watch?v=gRjatXe5bis&list=PL7S2h1lHxAPIaAAnrqM8Z14zHPNzsi6Gz

[Ásthildur Cesil Þórðardóttir, 19.9.2013 kl. 22:51]

Takk öll fyrir góð innlegg í umræðuna.

Skila kveðjunni Eyþór minn, og sammála þér um að það kemur ýmislegt í ljós þegar við förum að ræða saman á þeim nótum að ekki sé allt bara svart og hvítt.

Jósef ég gat bara sagt þér frá upplifun afa míns við jarðarfarir, hann sagði mér oft frá slíkum.  Hann sá kirkjugesti og síðan þann látna og prestinn, en hinu megin stóðu nánustu ættingjar sem voru farnir til að taka á móti hinum látna.  Ég hef líka setið yfir manneskjum mér kærum sem voru að deyja, allavega tveimur og þær báðar sáu nánustu ættingja sem voru farnir og töluðu um að þeir væru farnir að bíða eftir sér. 

Afi sagði mér líka frá konunum í sveitinni sem alltaf mættu í jarðarfarir, og líka eftir dauðann, þær mættu nokkur ár, en alltaf þynntust þær upp og loks var ekkert eftir nema móða af höfðum þeirra, þegar þær voru tilbúnar til að halda áfram.

Assa mín, já við fáum tíma til að halda áfram. Hve lengi sá tími varir fer eftir því hversu tilbúin við erum að fara.  Sumir geta haldið strax áfram, meðan aðrir verða að bíða og læra og sætta sig við það sem gerðist.  En alltaf fáum við samt aðstoð hinu megin frá.  Þess vegna verðum við sem eftir erum að sætta okkur við missin og leyfa ástvinum okkar að halda áfram, en binda þá ekki  niður í sorg okkar.

Takk fyrir góðar óskir Hörður og vel sagt.  Ég er sammála því sem þú segir.  Og ég er að reyna að láta ekki það sem er að gerast hjá mér valda mér sorg, vil ekki verða veik vegna þess óréttlætis sem ég er að verða fyrir, reyni að hugsa framhjá og vera "góð" við sjálfa mig til að halda sönsum.

Mikið rétt Kolbrún, málið er að ég las einhversstaðar að höfuð okkar léttis um einhver grömm við dauðan.  Dauðinn hér er ekkert annað en endurfæðing í annað líf, og stundum veljum við að koma aftur til að þroskast í þessum táradal. 

Takk minn kæri Sigurður og mæl þú manna heilastur.

[Ásthildur Cesil Þórðardóttir, 19.9.2013 kl. 23:13]

Sólrún takk fyrir þessa áhugaverðu mynd, ég fékk einmitt Erlu til að gera álfakort af Ísafirði, gat ekki horf á alla myndina núna en ætla mér að skoða hana sem fyrst. 

[Billy Brown (IP-tala skráð) 20.9.2013 kl. 07:06]

Þarft þú brýn 2% lán til að borga allar skuldir eða byrja upp eigin
fyrirtæki. Við erum staðfest, áreiðanleg og traust. Þú getur haft samband við okkur um lán fyrirspurn um þetta email: ([e-mail])
Þú ert að fylla út hér fyrir neðan upplýsingar um rannsóknina.
Fullt nafn .....
land .......
ástand ......
Heimilisfang ......
Aldur .....
Fæðingardagur .......
Kynlíf ....
Hjúskaparstaða .....
Símanúmer .....
faxnúmer ......
Mánaðarlega tekjur .....
lánsfjárhæð þarf ....
lán lengd.
Vinsamlegast svaraðu þessu bréfi: [e-mail]

Treystu Lán fjárfesting.
Lán framkvæmdastjóri.
Mr Billy Brown

[Ásthildur Cesil Þórðardóttir, 20.9.2013 kl. 11:23]

Á þetta að vera brandari? Hvað kemur kynlíf peningaláni við?

[Sigurður Þór Guðjónsson, 20.9.2013 kl. 12:58]

Virkilega óþægileg tilhugsun ef framliðnir eru að fylgjast með okkur með nefið niðir í hvers manns koppi!

[Ásthildur Cesil Þórðardóttir, 20.9.2013 kl. 13:11]

Já sennilega fyrir sumum.  En ég held að það sé meira á andlega sviðinu en ekki því líkamlega Sigurður minn.  En það er virkilega notalegt að fá bæði kveðjur frá ástvinum og svo að finna að þeir eru nálægt manni.  Virkilega góð tilfinning.

[Sólrún (IP-tala skráð) 20.9.2013 kl. 14:50]

Billy Brown ???

https://www.youtube.com/watch?v=pNldcyRkGsI

Njóttu vel Ásthildur mín fjallkonan okkar góða.

við íslendingar eigum ýmsa vanmetna fjársjóði sem útlendingar sjá oft betur en við sjálf :) eins og mér finnst koma fram í þessari mynd til dæmis

[Jósef Smári Ásmundsson, 20.9.2013 kl. 16:04]

Ég ætla að vona að þér hafi ekki sárnað þó ég hafi verið með þennan gálgahúmor.Þetta var ekkert illa meint og ekkert grín í gangi.

[Ásthildur Cesil Þórðardóttir, 20.9.2013 kl. 16:10]

Takk Sólrún mín

Sá alveg í gegnum þig Jósef minn

[Jósef Smári Ásmundsson, 21.9.2013 kl. 07:38]

Það er nú gott.Dreymdi nefnilega draum í fyrrinótt þar sem Afi "heitinn"kom fram og tikynnti að tekið yrði í lurginn á piltinum um leið og hann kæmi yfirum.Hann les iðulega Bloggið hjá þér og ég vona að hann hafi séð þessa yfirsjón líka.