Er eitt barn merkilegra en annað?

 Bara spyr.   Það er alltaf gleði og gæfa fyrir fólk að eignast barn.  Sem betur fer eru þau flest velkomin í heimin og foreldrum til gleði. Ég man þegar ég eignaðist mitt fyrsta barn, hann var reyndar ekki alveg planaður... eða þannig og ég ól hann upp að mestu leyti sjálf fyrstu árin, en hann var svo velkomin fyrir því, og ég man hvað mér þótti hann mikið kraftaverk og mér fannst ég vera svo stór og merkileg að geta komið í heimin einhverju svona fullkomnu. 

Lætin núna kringum væntanlegan prins, eru frekar ýktar að mínu mati, og allar serimoníurnar kring um blessað fólkið alveg örugglega að þolmörkum.  Er alveg viss um að allt þetta umstang gerir tilvonandi foreldrum ekki neitt gott, en fólk er auðvitað ekkert að spá í það.   Það kemur svo vel fram í þessu öllu hvað við mannfólkið erum ófullkomin.   Þurfum alltaf að hafa einhverja sem leiða okkur, einhverja sem við getum sameinast um að dást að og elska hvað sem það kostar.  Hvort sem það eru biskupar, kóngar, einræðisherrar, leikarar eða söngvarar eða what not.

Við þurfum einhverja til að fylgja í stað þess að læra bara að vera við sjálf og treysta því að við séum alveg jafn merkileg öll sömul.

Auðvitað óska ég ungu hjónunum alls hins besta og vona að barnið fæðist heilbrigt og vel skapað.  Ég byrjaði til dæmis á því að telja fingur og tær, er næstum viss um að flestar mæður geri eitthvað slíkt.

En við skulum muna að við erum öll jafnmerkileg og öll börn eru jafnfalleg í augum ástvina sinna.  Og þau gefa svo sannarlega hamingju til okkar. 

Bíða tilkynningar við Buckingham

Athugasemdir

[Grímur (IP-tala skráð) 22.7.2013 kl. 19:13]

Verandi á ættarmóti um helgina þá finnst mér öll börn bara yndisleg

og þessi mýta að krakkar í dag kunni ekki að leika sér

það voru foreldarnir sem þurftu að fara að leita að börnunum og draga þau í mat 

börnin máttu ekkert vera að því að koma inn (eða sinna foreldrunum)

[Ásthildur Cesil Þórðardóttir, 22.7.2013 kl. 23:04]

Nákvæmlega Grímur þannig er þetta bara, þegar þau eru í réttu umhverfi, ég gæti sagt þér sögur af mínum barnabörnum í kúlunni, þau eru eins og villimenn út um allt og fá að vera frjáls, og það besta er að foreldrarnir samþykkja það að þau fái að vera í algjörri paradís hjá afa og ömmu.  Yndisleg eru þau öll og svo gefandi og falleg.

[Sigrún Aðalsteinsdóttir, 24.7.2013 kl. 00:32]

Ég var ánægð að sjá að prinsessan var ekkert að fela óléttumagann (eftir fæðingu) og virtist bara stolt af honum. Ekki þetta pukur eins og hjá svo mörgum frægum konum sem láta ekki sjá sig fyrr en óléttukílóin eru farin af þeim. Svona bumba eftir barnsburð er bara eðlilegust í heimi og prinsessan strauk hana stolt

Ég óska þeim og barninu þeirra alls hins besta í lífinu.

[Erla Magna Alexandersdóttir, 30.7.2013 kl. 19:42]

Mer fannst að kóngaparið væri bara svo sælt og stolt eins og allir aðrir foreldrar og þau virðast laus við hroka-mj0g elskulegt fólk.

 öll börn eru falleg og skapa hamingju.

[Ásthildur Cesil Þórðardóttir, 31.7.2013 kl. 11:16]

Já þau virðast vera hið besta fólk.  Og það er vel.