Heimsóknir.

Veðrið náði okkur loksins, og það hellirigndi í nótt og var hvasst.  En jörðinni veitti ekki af þessari vætu, nú er veðrið að lagast, en ég er í letikasti inni hjá mér.

Þóra frænka mín kom í heimsókn með Grétari manninum sínum, það var yndælt að fá þau.

Takk fyrir síðast Þóra mín

Dælan úr tjörninni hefur verið biluð, og við vorum að spá í hvort hún væri ónýt, þá stóðst Grétar ekki mátið, hann tók sig til og lagaði dælun svo nú eru fiskarnir afar ánægðir með rétt súrefnisstig í tjörninni

Hér er hún Þóra, við erum búnar að vera eins og systur frá barnæsku, þó hún búi í Reykjavík en ég hér, það þarf ekki alltaf sífellda nærveru, þetta á líka við um Atla frænda og Garðar.

Litlar skottur komu til að skoða kisubörnin, þeim Ágústu Maríu og Bjargey finnst tilhlýðilegt að koma við hjá ömmu í kúlu þegar þær koma vestur

Spennandi að fá aðeins að halda á einni kisunni.

Bara smá og klappa.

Og auðvitað að heilsa upp á fiskana.

En við hjálpuðumst að að baka pizzur, ég gerði deigið en strákarnir skreyttu.

Allataf best að hjálpast að.

Í gær opnuðu svo litlu kettlingarnir augun í fyrsta skipti. Svo nú sér maður í litlu fallegu augun líka.

Eigið góðan dag.  

Athugasemdir

[Jóhann Elíasson, 23.7.2012 kl. 14:52]

Það er aldrei nein lognmolla í kringum þig.  Ég vildi að ég hefði, þó ekki væri nema helminginn af þinni orku.

  Bestu kveðjur Vestur................

[Ásthildur Cesil Þórðardóttir, 23.7.2012 kl. 14:55]

Takk Jóhann minn, þú mátt fá eins og þú þarft af orkunni. Ég fæ meira eftir því sem ég gef meira

[Helga Kristjánsdóttir, 23.7.2012 kl. 17:51]

J.Á. Orka h/f ,vinnur þjóðinni til heilla.

[Dísa (IP-tala skráð) 23.7.2012 kl. 20:28]

Vá, er svona langt síðan ég var á ferðinni, þegar þeir voru að fæðast . Gott að loks kom rigning, allt var orðið svo þurrt.

Alltaf gott að hafa gott fólk í kringum sig

[Ásthildur Cesil Þórðardóttir, 23.7.2012 kl. 20:34]

Já Dísa mín það er alltaf voða notalegt.  Já það er svona langt síðan þessar elskur fæddust

Orka er nauðsyn Helga mín.