Sumar 2012.

Já góða veðrið er komið aftur.  Hinga komu hollensk hjón að forvitnast í gær.  Þau voru ótrúlega vinaleg af hollendingum að vera, þeir eru frekar svona alvarlegir flestir.  En sem sagt þau fengu að taka myndir og svo tók ég mynd af þeim sitjandi fyrir framan húsið mitt.  Þau voru alsæl.  Konan sagði mér að hún hefði hringt í móður sína, og sú er í sumarfríi í Hollandi og er fullklædd í úlpu og vetlinga sökum kulda.  Dóttirin sagði henn þá að hún hefði verið að fá sér kaffi í sólinni á Ísafirði og hló mikið.

Og rétt í því kom ísbíllinn, hann bílstjórinn þekkir mig orðið og er svo viss um að ég kaupi ís að hann bara stoppar og kemur svo út.  Ég kaupi allaf af honum ís, mér finnst þetta alveg frábært að geta keypt ís si sona í Ísbíl. Nágrannarnir voru líka tilbúnir, þar voru börnin einmitt stödd með sín barnabörn svo það var fjör.

Sólin skín og þá lyftist brúnin. Veit að það rigndi í Osló í gær og var hálfskýjað í dag.

Pernillan mín er upp á sitt fegursta núna þessi elska.

Nína líka falleg.

Upp klifra Nelly Moser og Villa De lyon, en þessi klukka var mér færð í fyrra af nágrannakonu minni. Hún er líka falleg.

Jamm það er voða notalegt eftir vinnudaginn að setjast út fyrir kúlu og fá sér smá rauðvín.

Hér er reyndar búið að vera mikill umgangur unglinga. Flottir krakkar, og stundum fá þau að sofa.

Þetta er hrefnukjöt sem drengurinn er að maula hér.

Svo er Daníel minn komin líka, hann er aldeilis flottur.

Þeir voru að fara í bíó i kvöld.

Það er blómlegt í kring um mig núna, og þó ég segi sjálf frá þá held ég að fáir hafi jafnflottar Hengipetóníur þetta árið og ég. 

En nú þarf ég sennilega að færa blómin aftur út, ég þorði ekki annað en að bera þau öll inn fyrir kuldasúpuna sem skall á umdaginn.

En ég held að sumarið sé komið til að vera.  

Athugasemdir

[Ragnheiður , 10.6.2012 kl. 21:13]

Takk fyrir að gleðja með fallegum myndum og vonandi er sumarið komið fyrir vestan :)

[Ásthildur Cesil Þórðardóttir, 10.6.2012 kl. 22:08]

Já það vona ég svo sannarlega Ragnheiður mín

[Vilhjálmur Stefánsson, 10.6.2012 kl. 22:36]

þið eruð í hollustuni,borðið Hrefnukjöt eflaust frá Konna.

[Kidda, 10.6.2012 kl. 23:07]

Pernillan og fleiri blóm eru yndislega falleg. Það er satt sem Ragga segir, myndirnar þínar gleðja mann alltaf :)

Knús í blómakúluna

[Ásthildur Cesil Þórðardóttir, 11.6.2012 kl. 08:47]

Já hrefnan er örugglega frá Konna Eggerts Vilhjálmur.

Takk Kidda mín.  Knús á móti.

[Dísa (IP-tala skráð) 11.6.2012 kl. 10:23]

Loksins er ég komin í almennilegt samband aftur, tók tíma að hreinsa tölvuna mína af fjögurra ára rusli. Alltaf jafn yndislegt að sjá myndirnar þínar af blómum og börnum .

[Ragna Birgisdóttir, 11.6.2012 kl. 10:36]

Blóma og kærleiksknús vestur í Kúluna Ásthildur mín

[Hrönn Sigurðardóttir, 11.6.2012 kl. 11:47]

Ég er ekki hissa að konan hafi hlegið. Hún hefi átt að fá sér ís á Ísafirði á Íslandi og hringja svo í mömmu sína :)

[Ásthildur Cesil Þórðardóttir, 11.6.2012 kl. 12:17]

Gott að þú ert komin í samband aftur elsku Dísa mín

Knús á móti Ragna mín.

Jamm nákvæmlega Hrönn, Ís á Ísafirði Íslandi, það smellpassar

[Anna Benkovic Mikaelsdóttir, 11.6.2012 kl. 19:37]

Kærleikskúlan

[Ásthildur Cesil Þórðardóttir, 11.6.2012 kl. 20:40]

Knús Anna mín

[Helga Kristjánsdóttir, 12.6.2012 kl. 02:00]

Blómadrottning,ég er með helbláa fingur ,þegar kemur að fitli við blóm. Gott að horfa á þau,en kvíði fyrir að setja niður á leiðin,sem eru í sinn hvorum kirkjugarðinum,en svo verð ég ósköp ánægð með mig þegar ég hef lokið því,jafnvel montin yfir því.

[Ásthildur Cesil Þórðardóttir, 12.6.2012 kl. 09:17]

Já það er skiljanlegt Helga mín.  En við erum sem betur fer eins misjöfn og mennirnir eru margir, og öll höfum við eitthvað sem aðrir hafa ekki, þannig lærum við hvort af öðru.

[Ásdís Sigurðardóttir, 13.6.2012 kl. 17:18]

Bara aðeins að líta við, fallegar myndir að vanda, flott mynd af þér, þú lítur vel út núna, hefur eitthvað náð þér upp sýnist mér :):) knús

[Ásthildur Cesil Þórðardóttir, 13.6.2012 kl. 19:48]

Takk Ásdís mín elskuleg, já ég hef svo gott af að rótast í moldinni