Skoðanakönnun á röngu róli. Svör óskast.

Prófessorinn sem sér um þessa könnun segir svo:

Gæta verður að fagmennsku

Rúnar Vilhjálmsson, prófessor í félagsfræði við Háskóla Íslands, gerði könnunina. Hann segir að kannanir um þetta málefni hafi flestar verið misvísindi hingað til, og að þær hafi sýnt gjörólíkar niðurstöður. Þannig sýni kannanir, sem andstæðingar viðræðna láti gera, andstöðu við áframhaldandi viðræður, og öfugt. Rúnar segir að þetta megi sjá í könnunum hjá fyrirtækjum á borð við Capacent og MMR. „Þarna þarf að gæta að fagmennsku. Það er nú stundum þannig að viðskiptavinir koma með spurningar og jafnvel svarmöguleika og þeir vilja láta leggja þetta fyrir og bjóða til þess greiðslur. Þá verða fyrirtækin að gæta að faglegum sjónarmiðum og passa sig á því að það sé ekki verið að spyrja villandi eða leiðandi spurninga og gefa misvísandi niðurstöður því við viljum jú öll standa faglega að málum og tryggja að þessi upplýsingaöflun sé grundvöllur fyrir upplýstri þjóðfélagsumræðu.“

Spurningin sem hann setti fyrir þátttakendur hljómar svo:Hver er afstaða þín til aðildarviðræðna Íslands og Evrópusambandsins? Vilt þú halda aðildarviðræðunum áfram eða hætta þeim?

Nú fylgdist ég með Birni Bjarnasyni fyrrverandi dómsmálaráðherra á ferð sem hann fór m.a. til Brussel til að kynna sér persónulega hvað var í gangi það.  Og þar kom fram hjá honum tilvitnun sem ég því miður get ekki birt hér lengur þar sem ég hef skipt um tölvu og finn ekki lengur, þar sem hann segir og vitnar beint upp úr skýrslu ESB.  "Að tala um aðildarviðræður er villandi þar  sem hér er um að ræða AÐLÖGUNARVIÐRÆÐUR, þar sem regluverk upp á 90.000 bls um aðild eru ekki umsemjanlegar".  

Þá er verið að tala um öll helstu málefni landsins. Einnig hefur komið fram að engar varanlegar undanþágur verði veittar.    

Þannig að ef prófessorinn hefði verið jafn faglegur og hann er að væna aðra um að vera ekki, hefði spurningin átt að hljóma svona:Hver er afstaða þín til AÐLÖGUNARVIÐRÆÐNA Íslands við Evrópusambandi?  Vilt þú halda AÐLÖGUNARVIÐRÆÐUM áfram eða hætta þeim?

Ég er ekki viss um að svörin hefðu farið á þennan veg ef svo hefði verið spurt sem er sannleikanum samkvæmt.

Og Björn segir í pistli frá Brusselferðinni.

Á visir.is segir 21. október „Formaður Samfylkingarinnar [Jóhanna Sigurðadóttir] segist ætla að ljúka aðildarviðræðum við ESB fyrir kosningar árið 2013. Til þess verks hafi flokkurinn verið kosinn. Landsfundur Samfylkingarinnar var settur síðdegis í dag.“

Þegar ég spyr Brussel-menn um tímasetningar varðandi aðild Íslands og viðræðurnar vilja þeir engan tíma nefna. Þegar ég segi að Jóhanna og Össur Skarphéðinsson tali eins og að ofan segir er svarið: „Stjórnmálamenn ráða því hvað þeir segja til heimabrúks. Það stjórnar ekki ferð okkar hér í Brussel.“

Vandinn við umræður um umsókn Íslands er að enginn alþjóðlegur fjölmiðill hefur auga á viðræðunum, gangi þeirra eða til að leggja mat á yfirlýsingar framkvæmdastjórnar ESB og ríkisstjórnar Íslands. Í þessu tómarúmi blakta ábyrgðarlausir álitsgjafar á borð við Egil Helgason sem stjórnast af tilfinningum í stað staðreynda eða fréttaskýrendur eins og þeir sem lýsa ESB-viðræðunum í Fréttablaðinu og Speglinum á vegum RÚV svo að ekki sé minnst á fræðimenn á bor við Eirík Bergmann Einarsson.

Þegar ummæli Jóhönnu eru lesin ber að spyrja: Ætlar forsætisráðherra Íslands að segja við ESB: Við ljúkum við viðræðunum 2013 eða íslensk stjórnvöld hverfa frá þeim. Hvers vegna spyr enginn íslenskur fjölmiðill Jóhönnu að þessu? Er hún að ögra ESB? Jóhanna ertu að setja „deadline“ á viðræðurnar? Hvað sagði Stefan Füle við því?

Og enn segir Björn í Brusselpistlum sínum:

Mánudagur 26. 12. 11

Einkenni málflutnings þeirra sem vilja ekki að gert sé hlé á aðildarviðræðunum við Evrópusambandið og á ástæðunum fyrir því að sótt var um aðild eru hin sömu: í báðum tilvikum má ekki ræða efni málsins.

Að baki samþykkt aðildarviðræðnanna liggur sú blekking að unnt sé að sækja um aðild að ESB án þess að ætla sér annað en athuga hvað í henni felist. Þegar þeirri athugun verði lokið megi skoða niðurstöðuna og taka afstöðu til hennar. Málið er ekki svona einfalt. Aðildarumsókn jafngildir ákvörðun um aðlögun. Þá staðreynd hefur verið leitast við að fela í 30 mánuði. Feluleikurinn hefur eyðilagt trúverðugleika íslensku viðræðunefndarinnar og gert hana svo háða viðmælendum sínum í Brussel að þeir telja sig hafa örlög nefndarinnar í hendi sér.

Hvarvetna innan ESB-ríkja má sjá málsmetandi menn, þar á meðal einlæga stuðningsmenn Evrópusamrunans, vekja máls á hinni einstöku áskorun sem blasir við ríkisstjórnum aðildarríkjanna þegar samstaða þeirra hefur brostið og enginn sér enn hvernig brotunum verður raðað saman. Stuðningsmenn ESB á Íslandi stinga höfðinu í sandinn þegar vakið er máls á þessari áskorun. Þeir vilja ekki ræða framtíð ESB

 

Þetta segir mér bara að við erum á kolröngu róli með þetta mál.  Sannleikurinn er falinn í orðræðum og blekkingarleik við saklaust fólk sem veit ekki betur. 

Og þegar Prófessor leggur svona spurningu fyrir þjóðina sem er frá grunnin röng, þá er niðurstaðan ekki marktæk.

Hunskist til að segja hlutina eins og þeir eru.  Sannleikann upp á borðið og það ómengað. Ég þoli ekki svona vinnubrögð og segi bara er ekki kominnn tími til að kæra þetta fólk fyrir landsdómi sem landráðafólk?

Helmingur vill viðræður áfram

Athugasemdir

[Óðinn Þórisson, 29.1.2012 kl. 21:33]

Það ætti að vera öllum ljóst að ekki er hægt að sækja um aðild að esb til að ath. hvað er pakkanum - ÁED hefur sagt frá hvernig þessi umsókn var knúin fram - ef satt eru þau vinnubrögð ekki beint lýðræðisleg.
Er kannski sannleikurinn að búið er að semja um eitthvað bakvið þjóðina - vinnubrgðin kringum Svavarsaminginn hræða þar átti þing og þjóð ekki að fá að sjá saminginn EN bara SAMÞYKKJA.

[Ásthildur Cesil Þórðardóttir, 29.1.2012 kl. 22:09]

Já ég vil sem þegn Íslenska ríkisins krefjast þess að fram fari opinber rannsókn á þessu máli öllu saman og forsvarsmenn ESB umsóknarinnar og allt það mál verði rannsakað af saksóknara eða Landsdómi og ef rétt reynist að hér sé um landráð að ræða að það fólk verði sótt til saka og dæmd sem slík. 

[Sigurður M Grétarsson, 29.1.2012 kl. 22:43]

Hún er orðin ansi þreytt þessi haugalygi ykkar ESB andstæðinga að við séum í einhverju aðlögunarferli að ESB en ekki í umsóknarferli. Þegar sótt er um aðild að ESB er það gert að því gefnu að viðunandi aðildarsamningur náist. Náist hann ekki þá er aðild hafnað. Það er þá gert í þjóðaratkvæðagreiðslu eftir að samningirnn liggur fyrir. Þá einfaldlega kíkir þjóðin í pakkann og segir já eða nei.

Segi þjóðin já hefst aðlögunarferlið en ekki fyrr. Vissulega getum við tekið ákvarðanir um að taka upp ákveðnar ESB reglur sem við höfum séð í rýnivinnunni að eru öðruvísi en hjá okkur og teljum við þá skoðun að ESB reglurnar séu betri en okkar. Það er hins vegar engin krafa um það frá ESB að við gerum neitt slíkt.

[Vilhjálmur Stefánsson, 29.1.2012 kl. 22:49]

Rétt Ásthildur.     Í Tugthúsið með ESB Pakkið....

[Ásthildur Cesil Þórðardóttir, 29.1.2012 kl. 22:52]

Nei það er einfaldlega rangt hjá þér Sigurður.  Þetta sem ég tala um og þarf að finna aftur er beint upp úr skýrslu frá ESB sjálfu. Um að það sé villandi að tala um aðildarviðræður, því raunverulega er verið að tala um Aðildarviðræður þar sem flest af því sem er boðið upp á sé ekki umsemjanlegt, heldur þurfi umsóknarríki að taka upp allt sem lítur að inngöngu upp á 90.000 bls. af regluverki SEM EKKI ER UMSEMJANLEGT. Ég þarf endilega að finna þetta aftur því lesskilningi ykkar ESBinnlimunarsinna er dálítið ábótavant. Og þið virðist heldur vilja stinga hausnum í sandinn og trúa öllu sem ríkisstjórnin vill halda að ykkur án þess að kanna hvað er í raun og veru verið að fjalla um.  Þvílík glámskyggni.

[Ásthildur Cesil Þórðardóttir, 29.1.2012 kl. 22:54]

Já eða bara senda þau til Brussel Vilhjámur og leyfa þeim að lifa þar í vellystingum praktulega á kostnað ESB. Það væri umhugsunarvert hvort þau fengju góða stóla án þess að þurfa að bera með sér auðlindir landsins.  Sem svo greinilega er agnið-GULRÓTIN sem þau hafa lofað komisserunum í ESB:

[Ásthildur Cesil Þórðardóttir, 29.1.2012 kl. 23:05]

Ég hef sent BB tölvupóst til að biðja hann um að senda mér link á þessi ummæli í skýrslu hjá ESB.

[Helga Kristjánsdóttir, 29.1.2012 kl. 23:22]

Athugaðu Ásthildur,engum leiðréttingum fáum við komið í þá fjölmiðla,sem birta þessar fréttir. Það er grátbölvað að sitja heima þegar við ættum að fara og mótmæla,fyrir utan Útvarpshúsið,niðri í ráðuneitum,Alþingi,bara allsstaðar, Evrópustofu. Helst vildi ég taka saman allt sem ríkisstjórnin hefur framkvæmt allt að því ólöglega.. Síðan staðreyndir um ESB. sem aldrei kemur í Ruv. Efnið er hér hjá bloggvinum,fái ég leyfi,skal ganga eins og vottur J. í hvert hús. Jæja,sendi kveðju.

[Ásthildur Cesil Þórðardóttir, 29.1.2012 kl. 23:31]

Já Helga mín lygin er þeirra skuggi og þeirra málstaður. Því miður virðast margir falla fyrir lyginni og hlusta á falskar forsendur.  En svo kemur sannleikurinn upp á yfir borðið og hann verður sár þeim sem mest trúa á lygina. 

[Ásthildur Cesil Þórðardóttir, 29.1.2012 kl. 23:55]

Hérna er kvótið í skýrslu ESB sem ég var að tala um: AÐLÖGUNARFERLI umsóknaríkja.:

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them. And these rules (also known as “acquis”, French for “that which has been agreed”) are not negotiable

[Ásthildur Cesil Þórðardóttir, 29.1.2012 kl. 23:56]

Komið svo og segið mér að þetta sé aðildarumræður en ekki aðlögunarferli.

[Ingibjörg Guðrún Magnúsdóttir, 30.1.2012 kl. 00:06]

Já Ásthildur og að vilja sjá samning er ekki það sama og að vilja ganga í ESB....

[Ásthildur Cesil Þórðardóttir, 30.1.2012 kl. 00:13]

Nei nákvæmlega og þegar spurningin er röng þá verður niðurstaðan líka röng. Og þessi professor sem talar um faglega niðurstöðu spyr rangrar spurningar hvað má segja um það?

[Ásthildur Cesil Þórðardóttir, 30.1.2012 kl. 00:49]

Ég bíð ennþá eftir svari við spurningunni minni um spurningu prófessorsins um spurninguna.

First, it is important to underline that the term “negotiation” can be misleading. Accession negotiations focus on the conditions and timing of the candidate’s adoption, implementation and application of EU rules – some 90,000 pages of them. And these rules (also known as “acquis”, French for “that which has been agreed”) are not negotiable

í ÞESSU LJÓSI VIL ÉG FÁ SVAR HVERS VEGNA VAR SPURNINGIN EKKI SAMKVÆMT ÞESSARI STAÐREYND?

[Fjölnir (IP-tala skráð) 30.1.2012 kl. 00:52]

Að vitna í Björn Bjarnarson gerir þína röksemdarfærslu alveg verðlausa sorry.

[Ásthildur Cesil Þórðardóttir, 30.1.2012 kl. 01:02]

Já er það?  við erum að tala um fyrverandi dómsmálaráðherra sem fór sérstaka ferð til að kynna sér málin í Brussel.    Ég segi bara fyrir mig ég hef mínar skoðanir á mönnum og málefnum, en ég er líka það skynsöm að taka undir það sem fólk segir burt séð frá stjórnmálaskoðunum og firru, og meta hvað það hefur að segja eftir að hafa kynnt sér málin jafn vel og þessi maður hefur gert. Það er langt í frá að  við Björn Bjarnason sjáum málin í sama pólitísku samhengi í landsmálunum, en mér er alveg sama hvaðan gott kemur þannig að þegar fólk ræðir um upplifun sína af þeim málum sem það hefur kynnt sér og farið til þess sérstaka ferð, þá hlýt ég að hlusta.  E

[Ásthildur Cesil Þórðardóttir, 30.1.2012 kl. 01:06]

Ef þú hefur eitthvað trúverðugara fram að færa Fjölnir svo sem samræðum þínum beint við fólki í Evrópusambandinu eða eitthvað sem setur þetta í annað ljós, þá skal ég hlusta.  Hefur þú eitthvað það fram að færa sem er andsvar við því sem Björn segir hér?

[Dagný, 30.1.2012 kl. 09:17]

Nákvæmlega það sem ég hugsaði.

[Jón Valur Jensson, 30.1.2012 kl. 11:44]

Mjög vel athugað hjá þér, Ásthildur. Rúnar prófessor er að vísu allra góðra gjalda verður, hann leiðrétti enn hlutdrægari aðferð Esb-Fréttablaðsins og annarra Esb-dindilsinnaðra framkvæmenda skoðanakannana, þar sem kostirnir voru ekki hafðir hreinir og beinir: hætta eða halda áfram "aðildarviðræðum", heldur jafnan bætt við þann fyrri: og greiða svo atkvæði um málið í þjóðaratkvæðagreiðslu. En þjóðin er almennt hlynnt þjóðaratkvæðagreiðslum, og þess vegna kom þetta við veika taug í henni, og það jók fylgið við seinni "kostinn". En þetta er í raun enginn kostur nú, og það á að spyrja um það sem hægt að gera nú, ekki kúpla því saman við eitthvað sem gert verði í óvissri framtíð – fyrir utan að möguleikinn á þjóðaratkvæðagreiðslu er ekki hreinni og beinni en svo, að stjórnvöld hér (meirihluti á alþingi) höfðu hafnað því, að sú þjóðaratkvæðagreiðsla skyldi vera bindandi.

Vitaskuld átti Rúnar ekki að spyrja núna um framhalda "aðildarviðræðna", þegar í raun er um dýrkeypt aðlögunarferli að ræða (bara breytingar á tollalöggjöfinni eiga að kosta 2 milljarða!).

Svo skulu menn jafnan hafa í huga, að ALLAR skoðanakannanir eftir umsókn Össurargengisins um innlimun í Esb-skrímslið (þar sem gömlu 10 nýlenduveldin ráða 73,34% atkvæðavægi í ráðherraráði og leiðtogaráði Evrópusambandsins frá 1.11. 2014) hafa sýnt yfirburðafylgi við þá afstöðu að vilja EKKI ganga í Esb., nú síðast, í þessum mánuði (þegar aðeins eru taldir þeir, sem taka afstöðu) eru 63% á móti inngöngu í Evrópusambandið, einungis 37% með!

[Jón Valur Jensson, 30.1.2012 kl. 11:46]

Og þú ert öflug, Ásthildur, gaman að sjá það.

[Ásthildur Cesil Þórðardóttir, 30.1.2012 kl. 14:30]

Takk fyrir það Jón Valur.

Takk Dagný mín.

[Sigurður Kristján Hjaltested (IP-tala skráð) 30.1.2012 kl. 18:36]

Góð grein hjá þér Ásthildur að jöfnu. Hins vegar ætti nafni minn (3) Óskarsson að átta sig á  því að við sem erum að reyna að benda á staðreyndir í því sem er að gerast, þá erum við orðin hundleið á þessum órökstuddum athugasemdum að við séum að ljúga einhverju um ESB. Staðreyndin er sú, að ESB sinnar, hafa ákkurat engin rök fyrir því að hér sé ekki um aðildarferli að ræða og þegar strandar á skeri, þá eru viðbrögðin að hrópa nógu mikið til að fela lygina og ósómann. Við erum orðin löngu þreytt á því að hlusta á einu rökin sem þeir hafa að "Kíkja í pakkann" Hljómar svo saklaust, en á sama tíma gleyma þessir landráðamenn því að 80% af þjóðinni vildi ekki fara í þessar umræður um að "Kíkja í Pakkann" en ekkert á það hlustað. Svo tala þeir um lýðræði  á sama tíma og því troðið niður í svaðið af þeim sjálfum. Er ekki í umræðunni hjá ESB sinnum að svipta lýðræðinu af Grikkjum..?? Þeir gengu í þetta samband á sömu forsendum hversu gott væri að "Kíkja í pakkann". Sjá eftir því og fleiri. Við verðum að bera gæfu til þess að koma í veg fyrir þessi landráð, því alltaf sannast málshátturinn, að grasið er ekkert grænna hinum megin nema öfugt sé. Orð að sönnu.

 Kveðja

[Sólrún (IP-tala skráð) 30.1.2012 kl. 19:51]

Áfram Ásthildur Cecil þetta er glæsilegt hjá þér.

Færi þér hér með lykil að gullkistu Lofts Atlice.

Þar er margt merkilegt að finna.

http://samstada-thjodar.blog.is/blog/samstada-thjodar/entry/1220111/

[Katrín Elisabet Sigurðardóttir (IP-tala skráð) 30.1.2012 kl. 21:31]

Sæl ía mín, ég vildi bara láta þig vita að ég er mætt aftur hér

Góð kveðja ,

Lísó

[Vilhjálmur Stefánsson, 30.1.2012 kl. 21:36]

Ásthildur, Vestfirðingum vanta Konu eins og þig í framboð..það hefur engin kvennskörungur verið í framboði svo vel sé síðan Sólveig Ólafdóttir heitin var og hét..Kvenskörungur mikill nam land við djúp,þuríður Sundafyllir og Bjó í Vasnesi í Siðridal við Bolungavík,svo konur ættu að taka hana til fyrirmyndar og kvæsa á óréttlætið sem dinur á okkur og menn vilja selja Föðurlandið með inngöngu í ESB.þuríðu elsaði Land sitt og fyrir rest varð hún að Gróti upp á Óshirnu.En það væri betra en að ganga í ESB..

[Sigurður M Grétarsson, 30.1.2012 kl. 23:37]

Bara svo við byrjum að þýða þennan texta sem þið eruð alltaf að vitna í til sönnunar þess að við séum í aðlögunarviðræðum en ekki aðildarviðræðum.

„Í fyrsta lagi er mikilvægt að undirstrika að hugtakið „samningaviðræður“ getur verið villandi. Aðildarviðærður snúast fyrst og fremst um skilyrði og tímasetningu á innleiðingu ESB reglna upp á 90.000 síður. Þessar reglur eru ekki umsemjanlegt“.

Takið eftir að þarna er talað um að samningaviðræðurnar snúist um að semja um tímasetningu á innleiðingum ESB reglna en hvergi minnst á að nein þeirra tímasetninga skuli vera fyrir ákvörðun um inngöngu. Það er því ekkert í þessum texta sem segir að einhver aðlögun þurfi að eiga sér stað meðan samningaferlið er í gangi heldur aðeins að búin sé til tímasett áætlun um aðlögun sem síðan sé fylgt eftir verði aðild samþykkt.

Þar sem tíminn sem gert er ráð fyrir að líði milli þess að aðild er samþykkt þangað til að inngöngu verður er aðeins eitt og hálft til tvö ár þá þarf að undirbúa þá aðlögun sem fer fram á þeim tíma svo hægt sé að klára hana tímanlega. Þess vegna er verið að senda menn á námskeið, hanna tölvukerfi sem ekki er talið raunhæft að klára á þessum stutta tíma og annað í þeim dúr. Ekkert af þessu fer hins vegar í notkun fyrr en búið er að samþykkja aðild svo fremi að íslenska þjóðin beri gæfu til þess að gera það. Verði aðild ekki samþykkt far ekkert að þessu í gang.

Þó vissulega standi í þessum texta að reglurnar séu ekki umsemjanlegar þá er það nú svo að öll ríki sem gengið hafa í ESB hafa náð fram einhverjum breytingum á ESB reglum í aðildarviðræðum. Gott dæmi um það er reglan um heimskautalandbúnað sem Svíar og Finnar náðu í gegn. Þetta er ekki óumsemnanlegra en svo.

Það er því alveg á tæru að við stöndum núna í umsóknarferli en ekki aðlögunarferli. Ég endurtek. Það er orðin ansi þreytt þessi haugalygi ESB andstæðinga um að við stöndum núna í einhverju aðlögunarferli en ekki umsóknarferli.

[Sigurður M Grétarsson, 30.1.2012 kl. 23:41]

Jón Valur. Það er engin hlutdrægni í þeim könnunum sem Fréttablaðið hefur gert heldur er einfaldlega varið að spyrja annarra spurninga sem gefur önnur svör en í þeim skoðanakönnunum sem Heimssýn hefur látið gera. Ef menn vilja fá svar við því hversu margir vilja halda aðildarviðræðum áfram af því gefnu að niðurstaða þeirra fari fyrir þjóðaratkvæðagreiðslu þá spyrna menn að því. Niðurtaðan úr slíkri könnun segir þá hversu margir styðja slíkt af þeirri forsendu gefinni. Það er ekkert rangt eða hlutdrægt við það.

Vilji menn hins vegar vita hversu margir vilja halda aðildarviðræðum áfram óháð því hvoart niðurstaðan fer fyrir þjóðaratkvæðagreiðslu eða ekki þá spyrna menn eins og Heimssýn hefur gert.

Þar sem aldrei hefur neitt annað komið til greina en að niðurstaða aðildarviðræðna fari í þjóðaratkvæðagreiðslu má alveg eins halda því fram að það sé könnun Heimssýnar sem sé hlutdræg eins og könnun Fréttablaðsins því hún gengur ekki út á spurningu um það ferli sem stendur til að fara.

[Vilhjálmur Stefánsson, 30.1.2012 kl. 23:53]

Sigurður M, Er Fréttablaðið alt í einu orðið Óhlutdrægt????

[Ásthildur Cesil Þórðardóttir, 31.1.2012 kl. 00:02]

Sigurður já hvað varðar ESB innlimunarsinna þá eru upphrópanir og kerskni orðin þeirra aðalaðferð til að gera lítið úr fólki sem vill ekki fara inn í ESB.  Það er gott merki um uppgjöf eða að málstaðurinn er ekki nógu góður.

Takk Sólrún mun lesa þessa færslu og kynna mér hana á eftir.

Lísó mín gott að sjá þig hér aftur.  Hef verið að spá í hvað varð eiginlega af þér mín kæra.

Vilhjálmur minn ég hefði örugglega verið til í að fara á þing og láta að mér kveða... fyrir nokkrum áratugum, þegar kerla er orðin 67 ára er mesti krafturinn úr henni nema í kjaftinum.  En orð eru sverð sem hægt er að beita ef það er gert á góðan hátt og með sannleikann að leiðarljósi.  Takk fyrir mig.

Sigurður M.  Hér fellurðu nákvæmlega í sama pyttinn og ég hef verið að gagnrýna, þú reynir að þýða þetta með minnsta mögulega damage control í huga. 

Svona er þetts útskýrt í Heimsýn, sem ég treysti betur en þér, vegna þess að Björn Bjarnason fór sérstaklega erlendis til Brussel til að ræða við þá sem þar ráða.  Hefur þú gert það? 

ESB-sinnar lærðu það snemma að í áróðrinum ber fremur að tala um ,,viðræður“ við Evrópusambandið en aðildarumsókn,- og hvað þá aðlögun. Fólk er hvatt til að skoða hvað er „pakkanum.” Viðræður er saklaust orðalag og gefur til kynna að engar skuldbindingar fylgi. En það er öðru nær.

Ríki sem sækir um aðild að Evrópusambandinu fer inn í aðlögunarferli þar sem umsóknarríki tekur jafnt og þétt upp lög og reglugerðir Evrópusambandsins. Ráðamenn í Brussel gera ráð fyrir að umsóknarríki hafi gert upp hug sinn og vilji inn í félagsskapinn. Evrópusambandið býður ekki upp á neinar óskuldbindandi viðræður. Orðrétt segir Evrópusambandið

First, it is important to underline that the term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 90,000 pages of them. And these rules (also known as "acquis", French for "that which has been agreed") are not negotiable.

90.000 bls. sem EKKI ERU UMSEMJANLEGARL.   Og þú ætlar að halda því fram að þetta sé bara svona venjulegt umsóknarferli þar sem hægt er að kíkja í pakka, þar sem meirihlutinn er ekki umsemjanlegur heldur einungis dagsetningar og tímatöflur um hvenær skal skrifað undir.  Það hefur einnig komið fram hjá mönnum sem hafa rætt við kommisarana þarna úti, meira að segja einn ágætu maður sem er þó EBS sinni Snævarr man ekki nafnið hans, að hann hafi fengið að vita eftir að hafa spurt AÐ ÞAÐ ERU ENGAR VARANLEGAR UNDANÞÁGUR VEITTAR.

Veistu þú menntamaðurinn sjálfur hvað VARANLEGT ÞÝÐIR?

Einnig hefur ESB verið breytt þannig í dag að nú eru ekki aðildarumræður lengur heldur aðlögunarviðræður, þar sem eins og kom hér fram áðan ekki er hægt að semja um neitt af þessum 90.000 bls.  Raunar er þetta ekki sama ESB og Ísland sótti um, því reglur hafa verið hertar og meiri sameining orðið, m.a. með þvingunum um eftirlit með fjármálum ríkja. 

Ég veit ekki hvað þið ESB sinnar eruð að sækjast eftir, en ég tel að þeir sem þarna vilja inn sé fólk frá 101 Reykjavík mestmegnis, sem veit ekki lengur hvaðan peningarnir koma, halda sennilegla að þeir komi um Verslunarmiðstöðvar eins og Kringluna og fleiri slík.  Eða menntafólk sem telur sig fá betur launaða vinnu í Brussel á kostnað annara landsmanna sem verða þá bara vinnudýr Elítunnar í Brussel.  En ég skal segja þér nokkuð.. áður en við komumst þarna inn fyrir dyr verður þetta dýrðarríki ykkar hrunið til grunna, allir helstu hagfræðingar og fræðimenn sem mark er takandi á segja það.  Og þó þessi 25 ríki hafi samþykkt að láta kommisserum ESB eftir að hafa síðasta orðið um fjármál landanna, get ég lofað þér því að það verður uppreisn fólksins, það eru nefnilega ekki allar þjóðir jafn miklir sauðir og við að láta bjóða sér hvað sem er og þegja bara og rífast bara á blogginu eða í eldhúskróknum.   Þannig er það bara.

[Helga Kristjánsdóttir, 31.1.2012 kl. 03:17]

Valkyrja í ,,vígahug,, koma svo !! Allir andstæðingar esb.

[Sigurður M Grétarsson, 31.1.2012 kl. 14:16]

Ásthildur. Ég held að þegar ýmsir ESB andstæðingar eru að kalla menn "landsráðamenn", "þjóðníðinga", "innlimunarsinna" og svo framvegis þá séu það einmitt gott dæmi um upphrópanir menna  með slæman málstað að verja.

Þýðing mín á textanum er einmitt þýðing á því sem hann þýðir. Að taka það sem einhverja sönnun um að við þurfum að breyta lögum okkar í átt við ESB reglur fyrir þjóðaratkvæðagreiðslu um aðildarlsamning er ekkert annað en lélagur útrúrsnúningur á því sem þar stendur enda ekki minnst á neitt slíkt í þeim texta. Ég segi því enn og aftur og stend við það. Það er orðin ansi þreytt þessi haugalygi ESB andstæðinga að við séum í einhverju aðlögunarferli en ekki umsóknarferli að ESB.

Það er alveg rétt hjá þér að ESB hefur aldrei samið um varanlegar undanþágur frá ESB reglum. Það stafar einfaldlega af því að þeir vilja ekki hafa neinar varanlegar undanþágur frá ESB reglum og því eru allar varanlegar breytinar sem samþykktar eru meðal annars í aðildarsamningum einstakra ríkja framkvæmdar þannig að reglunum er breytt. Reglan um heimskótalandbúnað sem kom inn í aðildarsamningum Svía og Finna eru einfaldlega breyttar reglur og það er varanleg breyting. Það sama á við um reglurnar um bann við fjárfestingum útlendinga í sjálvarútvgi og ferðamannaiðnaði Maltverja. Það er varanleg breyting á ESB reglum og fæst ekki breytt nema með samþykki Maltverja.

Því fer víðs fjarri að við ESB sinnar gerum okkur ekki grein fyrir því hvaðan verðmætin koma. Við gerum okkur þvert á móti vel grein fyrir því að til að skapa verðmæti þarf ekki bara að geta framleitt vörur heldur þarf líka að vera hægt að selja þær. Við gerum okkurlíka grein fyrir því að samkeppni er nauðsynleg til að tryggja sem mesta hagkvæmni í rekstri og því eru höft á sölu vöru og þjónustu milli landa mikill skaðvaldur sem leiðir til lakari lífskjara. Þess vegan geta ríki náð fram betri lífskjörum fyrir þegna sína með því að gera gagnkvæma samninga um að afnema öll höft á sölu vöru og þjónustu milli sin. Þau græða öll á því. Enn meiri hagkvæmni og þar með betri lífskjör fyrir þegna sína ná þau með að afmena öll höft á heimildum þegna sinna til að fara milli ríkjanna til að vinna og þar með til að setjast þar að.

Við gerum okkur líka grein fyrir því hversu mikilvægt það er fyrir fyrittæki og heimili að búa við eins lága vexti og hugsast getur af sínum lánum. Við gerum okkur líka grein fyrir því hversu mikilvægt það er fyrir fyritæki að búa við stöðugan gjaldmiðil og hversu mikil hafkvæmni er í því að geta selt vörur milli landa án þess að þurfa að standa í gjaldmiðilskiptum. Við gerum okkur líka grein fyrir því hversu mikilvægt það er fyrir fyrirtæki að hafa gjöld og tekjur í sama gjaldmiðlinum ásamt því að hafa stóran markað fyrir framleiðsluvörur sínar.

Það eru þessir mikilvægu hlutir sem við erum að sækjast eftir með aðild að ESB. Það hafa öll ríki sem gengi hafa í ESB uppskorið betri lífskjör fyrir þegna sína Þau ESB ríkki sem nú eru í vanda væru að öllum líkindum í mun verri málum ef þau væru ekki aðilar að ESB.

[Sigurður M Grétarsson, 31.1.2012 kl. 14:19]

Vilhjálmur. Ég geri ekki ráð fyir að neinn fjölmiðill sé óhlutdrægur enda starfar þar fólk sem er mannlegt og er með sínar skoðanir. Fréttablaðið er þó með óhlutdrægari dagblöðum landsins og er alger hátíð miðað við Morgunblaðið svo ekki sé talað um bændablaðið sem hefur verið að breytast úr fagriti fyrir bændur í áróðursrit gegn ESB.

[Jón Valur Jensson, 31.1.2012 kl. 15:26]

Samfylkingarþægur, tapsár Sigurður M. Grétarsson skrifar hér eins og honum er líkt. Það er einmitt Esb-Fréttablaðið sem hefur haldið hér uppi lygaáróðri um Evrópusambandið, m.a. í meintum fræðslugreinum um það. Klemenz Ólafur Þrastarson (hagfræðings, Ólafssonar, enn eins Esb-dindils) er einn þeirra, sem þar hafa logið til um ráðherraráðið og valdahlutföllin í því, eins og ég rakti, þegar ég tók hann á beinið fyrir það (Á Fréttablaðið að komast upp með að þegja í þágu ESB um meginstaðreynd um ráðherraráðið?). Ágæt frammistaða Morgunblaðsins hefur í raun verið hálf-einangruð varnarbarátta gegn sameinuðu valdi 365 fjölmiðla, Rúvsins undir (evró)kratastjórn og margra í álitsgjafagáfumannasamfélaginu í 101 Reykjavík og Mela- & Öskjuhlíðarklúbbunum, fyrir utan þap sem Esb. ætlar sjálft að gera með áróðursstofu sinni nýopnaðri (önnur slík verður á Akureyri!).

Svo hefur Bændablaðið að sjálfsögðu þurft að fjalla um Esb-ið, jafnmikil ógnun sem innlimun yrði fyrir bændastéttina, flestum stéttum fremur, ef sjómenn eru undanskildir.

Sigurður M., landráðabálkur hegningarlaganna var EKKI settur þar inn vegna þess, að aldrei kæmi til greina að þurfa að beita honum. Ef menn færa rök fyrir því (eins og ég hef gert HÉR og Valdimar Samúelsson gerði í blaðagrein), að einhver(jir) hafi framið landráð, þá eru það ekki í sjálfu sér "upphrópanir", heldur réttmætar ábendingar.

Hér frömdu margir brot á bóluárunum og í kringum bankahrunið, og menn urðu að fá að ræða það fullum fetum og feimnislaust. Það sama á ekki síður við um atlögur að lýðveldinu.

[Sigurður M Grétarsson, 1.2.2012 kl. 00:28]

Jón Valur. Þvíllikt bull hjá þér. Morgunblaðið hefur verið keypt af aðilum sem vilja bæði berjast gegn breytingum á kvótakerfinu og koma í veg fyrir aðild að ESB. Því hefur í Morgunblaðinu verið haldið uppi linnulausum einhliða áróðri gegn ESB þar sem borin hefur verið út lygaþvættinguinn í ESB andstæðingum. Þar er vaðið uppi með mýtur og innistæðulausan hræðsluáróður rétt eins og á vefsíðum á borð við Heimssýn, Evrópuvaktina og einnig þinni eigin bloggsíðu. Fæstar þessar bloggsíður heimila athugasemdir enda erfitt að halda úti blekkingum þegar hægt er að koma með athugsaemdir þar sem þær eru leiðrétar. Þú sjálfur heimiar reyndar athugasemdir á þinni bloggsíðu og lætur þannig líta úr fyrir að þú heimilir frjáls skoðanaskipti en svo er ekki í raun. Þú heimilar þeim sem eru annarrar skoðunar en þú og þú telur þig hafa í fullu tré við í rökræðum um málið ern lokar miskunarlaust á þá sem ná að færa það sterk rök fyrir sínu máli að þú getur ekki hrakið þau. Með öðrum orðum þá lokar þú á menn þegar þú ert orðin rökþrota í viðræðum við. Þetta þekki ég sjálfur vel því þú lokaðir á mig þegar þú varst orðin rökþrota þegar við deildum á þinni bloggsíðu. Og bara til að hafa það á hereinu að það sem þú hefur stundum verið að ljúga upp á mig þegar ég hef minnst á þetta þá skriaði ég aldrei neitt sem stangast á við þær reglur sem þú setur upp. Ég var aldrei með skitkast eða persónuníð og ég fór eldrei út fyrir málefnið. Eina ástæðan fyrir því að þú lokaðir á mig var sú að ég var á annarri skoðun en þú og þú gast ekki hrakið mín rök.

Þetta á við marga aðra sem skrifuðu gegn því sem þú skrifaðir og voru kurteisir og málefnanlegir í sínum skrifum. Þetta segir  mun meira um þig en þá sem þú hefur lokað á til þess eins að losna við aðila sem voru að hrekja rangfærslur þínar og gátu fært nægjanelga sterk rök fyrir máli sínu til að þú gætir ekki hrakið rök þeirra.

[Sigurður M Grétarsson, 1.2.2012 kl. 00:38]

Jón Valur.Það er alvg rétt hjá þér að landráðakafli stjórnarskrárinnar var ekki settur til að nota hann aldrei. Málið er að hann var heldur ekki settur til að menn væru að nota orðið "landráð'" að ástæðulausu eins og þið ESB andstæðingar eruð mikið að gera gagvart þeim sem eru ykkur ósammála um kosti og galla ESB aðildar. Notkun þessar orðs í tengslum við ESB umsókn okkar og svo lágkúrlulegt skítkast og persónuníð að menn sem gera slíkt gera sig að ómerkingum í umræðunni um aðild að ESB.

Það er einfaldlega þvættingur að Íslandi tapi fullveldi sínu og sjálfstæði við aðild að ESB. Ef menn telja í lagi að nota þetta orð í umræðunni um ESB þá ætti það mun frekar við um þá sem vilja hafa af þjóðinni þann ávinning og bætt lífskjör sem fylgir ESB aðild til að þóknast sérhagsmunum aðila eins og félagsmanna í LÍÚ. Menn em ekki hika við að bera á borð alls konar rangfærslur og innistæðulausan hræðsluáróður með alls konar útrúrsnúningum á ESB reglum.

Við ESB sinnar erum hins vegar ekki svo ómerkilegir og lágkúrulegir að nota þetta orð að ástæðulausu eins og margir ESB andstæðingar gera. Slík ástæðulaus og svo sannarlega óverðskulduð notkun á þessu orði segir meira um þá sem nota það en þá sem því er beint gegn. Er til of mikils mælst að hægt sé að ræða um kosti og galla ESB aðildar með málefnanlegum hætti án jafn ómerkilegs og lágkúrulegs skítksts og persónuníðs eins og notkun þessa orðs er. Þetta orð á ekkert erindi inn í þessa umræðu og því er notkun þess af jafn miklu tilefnisleysi og í þessu samhengi aðeins til þess fallið að þynna út gildi þess orðs.

[Anna Sigríður Guðmundsdóttir, 1.2.2012 kl. 09:46]

Sigurður. Hvað þýðir orðið landráð nákvæmlega, og hvernig er það framkvæmt?

ESB-sinnar eru upp til hópa vænsta fólk, sem ekki trúir ekki að sannleikurinn um ESB sé jafn ljótur og raunin er. Ég vona að fólk átti sig á hvernig ESB-raunveruleikinn er, allra vegna.

M.b.kv.

[Ásthildur Cesil Þórðardóttir, 1.2.2012 kl. 15:33]

Ég vil í þessu sambandi benda á nokkra útdrætti úr bloggfærslum Björns Bjarnasonar fyrrverandi menntamálaráðherra, en hann fór gagngert út til Berlínar og Brussel til að kynna sér afstöðu ráða manna þar um væntanlega inngöngu í ESB.  Þarna er margt ansi fróðlegt og ber að huga betur að.

http://www.bjorn.is/pistlar/nr/6090

Ríkisstjórn Íslands taldi nauðsynlegt að auka þekkingu Íslendinga á Evrópusambandinu. Hún sneri sér til stækkunardeildar Evrópusambandsins með tilmæli um að þetta yrði gert. Stækkunardeildin samþykkti að verða við tilmælunum og ákvað að verja 1,4 milljónum evra (nú um 220 m. ISK) á tveimur árum til þessa verkefnis. Var kynningarstarfið sett í útboð. Í ágúst 2011 var kynnt að tilboði Media Consulta í Berlín hefði verið tekið og á Íslandi yrði Athygli almannatengsl framkvæmdaraðili. Innan tíðar verður kynningarskrifstofa ESB opnuð í hjarta Reykjavíkur undir þessum formerkjum.

 

Þegar ég hafði á orði í Berlín að einhverjir á Íslandi teldu að með því að stofna til kynningarstarfs af þessu tagi bryti Evrópusambandið gegn íslenskum lögum var mér snarlega bent á að þetta væri gert að tilmælum ríkisstjórnar Íslands. Hún hefði snúið sér til ESB og farið þess á leit við framkvæmdastjórnina að hún tæki að sér að fræða Íslendinga um ESB. Vissu íslensk stjórnvöld ekki hvað væri heimilt eða óheimilt í þessu tilliti væri það vandamál annarra en þeirra sem hefðu tekið að sér að framkvæma verkefnið á grundvelli útboðs í krafti samnings milli ríkisstjórnarinnar og ESB.

 

http://www.bjorn.is/pistlar/nr/6087

Eftir að hafa í þrjár vikur setið fundi með stjórnmálamönnum, stjórnarerindrekum og embættismönnum í Brussel og Berlín og rætt um stöðu Evrópusambandsins, úrslausnarefnin á evru-svæðinu og aðildarumsókn Íslands eru sjónarmið ESB-aðildarsinna á Íslandi fjær því í mínum huga að samrýmast bláköldum staðreyndum en áður.

 

Hér þykir mönnum ekki mikið til þeirra raka koma að óhjákvæmilegt sé að leiða viðræður fulltrúa Íslands og ESB til lykta svo að kosið verði um niðurstöðuna. Hana geti menn í raun séð fyrir því að skilyrði ESB séu skýrt og ótvíræð. Alþingi Íslendinga hljóti að hafa gert sér grein fyrir þegar um var sótt. Í Þýskalandi fagna menn því að hins vegar skilyrt sé að þjóðaratkvæðagreiðsla fari fram um málið að lokum. Aldrei hafi verið efnt til slíkrar atkvæðagreiðslu í Þýskalandi.

 

Svo mælir Björn enn.

Í dag hitti ég þingmann í Bundestag, þýska sambandsþinginu, sem sagði flokk sinn ekki hlynntan aðild Íslands að ESB. Flokkurinn segði það þó ekki opinberlega af því að hann vildi ekki fá á sig þann stimpil að sýna þeim dónaskap sem bankaði á dyr ESB. Gerði hann það kynni hann að sæta ákúrum fyrir að vera heimóttalegur eða jafnvel fjandsamlegur í garð útlendinga. Slíkt vildu menn að sjálfsögðu forðast.

 

http://www.bjorn.is/pistlar/nr/6079

 

Ég hélt áfram að fræðast um afstöðu Þjóðverja til ESB-umsóknar okkar Íslendinga. Minni ég enn á að Guido Westerwelle, utanríkisráðherra Þjóðverja, sagði við Össur Skarphéðinsson á bókamessunni í Frankfurt að þýska stjórnin fagnaði því yrðu Íslendingar aðilar að ESB. Viðmælandi minn í dag sagðist einnig mundu fagna aðild Íslands, hann væri sannfærður um gildi Evrópusambandsins. Hann minnti á að CDU, kristilegi flokkurinn, flokkur Angelu Merkel, væri Evrópuflokkurinn í Þýskalandi. Það væri inngróið í þýskt stjórnmálalíf að Þýskaland væri í ESB og hefði þar forystu, Þýskaland utan ESB væri í raun óhugsandi. Þess vegna væri erfitt fyrir Þjóðverja almennt að ímynda sér að einhverjir efuðust um gildi þess að eiga aðild að ESB.

 

Þýskur utanríkisráðherra gæti ekki sagt annað við íslenskan starfsbróður en að hann fagnaði því ef Ísland gengi í ESB. Hins vegar yrði að viðurkenna að það þyrfti í raun mjög sterk og sannfærandi rök fyrir því að þjóð ákvæði að sækja um aðild að ESB á núverandi umbrotatímum

 

http://www.bjorn.is/pistlar/nr/6069

Morgunblaðið minnir á það í leiðara 27. október að Ŝtefan Füle, stækkunarstjóri ESB, hafi áréttað í heimsókn sinni til Íslands 18. og 19. október „að ekki væri ætlast til að ríki sæktu um aðild að sambandinu nema skýr vilji væri til inngöngu. Viðræðurnar við sambandið þyrftu að fara fram á þeim forsendum“.

 

Þessi orð stækkunarstjórans koma heim og saman við það sem ég hef kynnst hér í Brussel dagana sem ég hef dvalist hér til að átta mig á stöðu Íslands gagnvart Evrópusambandinu þegar rúm tvö ár eru liðin frá því að alþingi samþykkti aðildarumsóknina 16. júlí 2009. Þá talaði Össur Skarphéðinsson utanríkisráðherra um hraðferð Íslands inn í ESB. Engan tíma mætti missa, lífið lægi við að taka upp evruna. Bar hann Carl Bildt, utanríkisráðherra Svía, fyrir því að hlutirnir myndu ganga hratt fyrir sig og einnig Olla Rehn, forvera Füles í embætti stækkunarstjóra

 

Í stuttu máli: sé farið yfir yfirlýsingar forráðamanna Samfylkingarinnar um tímasetningar í viðræðunum við ESB kemur í ljós að þær eru allar til heimabrúks og eiga ekki við nein rök að styðjast. Að Danir ætli að vinna að því hörðum höndum að opna alla viðræðukafla við Íslendinga á meðan þeir fara með pólitíska forystu innan ESB 1. janúar til 1. júlí 2012 endurómar þessa óskhyggju. Þeir hafa ekki gefið nein fyrirheit í þá veru.

 

Áhersla Össurar á ákveðin tímamörk í viðræðunum við ESB mælist nú orðið illa fyrir í Brussel. Íslendingum sé nær, segja menn, að búa þannig um hnúta að unnt sé að haga viðræðunum að kröfum ESB.

 

Af hálfu ESB er enginn skilningur á því að eitthvert ríki sæki um aðild að sambandinu án þess að hafa kynnt sér skilmála um framgöngu á umsóknarferlinu. ESB telur einfaldlega ekki unnt að hrófla við þessum skilmálum þótt fulltrúar þess hafi teygt sig til móts við Össur og félaga með orðaleikjum um aðlögun annars vegar og „tímasetta áætlun“ hins vegar.

 

Hjá ESB hafa menn vonað að þessi orðaleikur dygði til að aðlögun hæfist. Að nokkru leyti hefur það gerst. Jón Bjarnason, sjávarútvegs- og landbúnaðarráðherra, hefur þó ekki bitið nægilega fast á agnið að mati sambandsins. Um framhaldið verður meðal annars deilt á flokksþingi vinstri-grænna á Akureyri um næstu helgi.

 

Í fyrrgreindum leiðara Morgunblaðsins frá því 27. október segir:

 

 

„Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.““

 

Því ber að fagna að blaðið birtir þessi skýru fyrirmæli af hálfu ESB í leiðara sínum. Allir sem kynna sér aðildarferli ESB vita um þessi skilyrði sambandsins og að undan þeim verður ekki vikist.

Sem sagt sannleikurinn nakinn eins og keisarinn forðum.  Og svona hefur verið haldið á málum hér.   Það kemur m.a. fram að Aþingi hefði átt að vita áður en umsóknin var samþykkt að þetta væri ekki umsókn heldur aðildarferli, þar sem ekkert væri um að semja heldur einungis tímasetningar um hvenær taka ætti upp einstaka pakka. 

Það er líka athyglisvert að það var ríkisstjórnin sem bað um það að hér væri sett á stofn "kynningarstofa" frá ESB.  TIl að glepja fólk. 

Og svo þetta í ESB er enginn skilningur á því að ríki hafi sótt um án þess að hafa kynnt sér skilmála að umsóknaraferlinu.  

Eða sem sé það að hér er ekki verið að kíkja í neinn pakka, heldur aðlaga umsóknarríkið að inngöngu í ESB með öllum því regluverki sem því fylgir. 

[Ásthildur Cesil Þórðardóttir, 1.2.2012 kl. 15:38]

Kvóti í Björn hættir í fjórðu greinaskilum svo það fari ekki á milli mála.