Undir svefninn.

4.12.2011 | 00:52

Já það er auðséð að það er komin jólamánuðurinn, skreytingar koma upp ein af annari rétt eins og heima.

Hér er auðvitqað verið að æfa jólalögin á gítarinn hennar Ásthildar.

Og hér er bara svona notaleg kvöldstund áður en maður burstar tennur þvær sér og fer að sofa. Börnin vakna kl. 6 því það þarf að borða, klæða og koma sér af stað áður en skóli og leikskóli byrja.

Köttunum líður líka best fyrir framan ofninn.

Nú ætlum við að skreppa til Mattersburgh. Sem er í um 5 km fjarlægð frá V_Fortschenstein, stærri byggðakjarni með allskonar verslun og þjónustu.

Ég sé að hér skreyta þeir mikið með borðum og slaufum.

Og hringtorgin eru líka skreytt en þetta er samt ekki jólaskraut.

Vínakrarnir standa tilbúnir fyrir næsta vor.

Og nú er verið að setja upp snjógildrur svo snjórinn haldi sig inn á akrinum, en ekki úti á vegum.

Verslunarkeðjan Billa er hér nokkurskonar Bónus.

Stærsti aðventukrans sem ég hef séð.

Við erum í miðbæ Mattersburg og þar er allt skreytt í bak og fyrir.

Eins og ég sagði þeir skreyta mikið með borðum og slaufum.

Nú eða bara eins og við með kúlum.

En ekki hérna þetta er næturklúbbur. Ég hef reyndar aldrei komið þar og langar ekki, en skreytingarna eru skemmtilegar og eru allt árið.

Jamm það sem skiptir mestu máli heheh LoL

Tilbúin í Smashing Pumpkins.

Og ef hellist niður vatn á gólfið, þá er það ekki vandamálið, það eru til þess gerðar vatnssugur sem koma og gera sitt. Tounge

Svo þarf að tæma laugina undir veturinn.

Það er auðvitað alveg bráðnauðsynlegt.

Pabbi og stelpurnar sjá um það og auðvitað Trölli.

'Eg hef verið að vinna dálítið að jólasögunni minni og þá er gott að hafa Báru mína og Bjarka til aðstoðar þegar í nauðirnar rekur.

Ef þið haldið að hann sofi alltaf þá er það misskilningur, hann vakir heilmikið og þroskast og drekkur eins og hann fái borgað fyrir það LoL Heart Hann ætlar sér að flýta sér að verða stór og sterkur.

Púma finnst gott að troða sér allstaðar ofan í eitthvað.

Vá!!! full Skál af gúmmelaði.

Unaðslegur ilmur alveg..

Æ nei þetta er víst ekki fyrir mig.... Blush

Tvær kisulórur, Púma og Lara kisa.

Knúsírófur Heart

Ömmur geta líka hjálpað heilmikið til.

MMMM unaðslegt hugsar Carlos.

Hæ Hæ það má alveg gera tvennt í einu W00t

Ha ein loppa þar?

Já ég var nefnilega nærri sprunginn, því ég þurfti aðeins að snyrta á mér... rófuna LoL

Með þessum fíflaskap býð ég ykkur góða nótt elskurnar. Heart

Flokkur: Bloggar | Facebook

Athugasemdir

Með þessum hjartnæmu morgun sýnigu,bíð ég góðan dag. Ætla samt að kúra lengur.

Helga Kristjánsdóttir, 4.12.2011 kl. 09:25

Yndislega hlýtt og notalegt hjá ykkur . Búin að koma einni tæplega átta ára á fætur, hún gisti í nótt. Og stóri frændi var að koma og sækja hana til að renna sér í snjónum með litlu frænku í fyrsta sinn. En ég ætla að drífa mig í morgungöngu með litlu systur minni .