Inninotalegheit.

Í dag var svona inni kúra veður.  Kalt og snjókoma.  Allstaðar ófært og ekki flogið. Í gær ætlaði Alva Garett rithöfundur og blaðamaður að koma hingað með ljósmyndara og ræða við mig og tak myndir af húsinu fyrir forlag sem hefur áhuga á að gefa út bók um íslensk hús og arkitektur.  Þau biðu út á flugvelli allan morguninn, og hættu svo við að koma í gær, en ætla að koma á laugardaginn, þá er spáð betra veðri sagði hún.  Ég hugsaði með mér, enn eitt ævintýrið fyrir útlendinga, að lenda í íslensku vetrarveðri og færð

En ég er búin að vera inni og hugge mig í allan dag, nema rétt skrapp í bæinn til að kaupa í kjötsúpu, því hvað á betur við en einmitt íslensk kjötsúpa á svona degi.

Já í svona veðri er best að hafa það notalegt inni með kerti og hanga í tölvunni, ganga frá þvotti og leggja svo kapal, eða lesa góða bók. 

Það er eins og vetur konungur sé bara komin til að vera.

Fuglarnir hafa ekki einu sinni getað klárað að borða reyniberin, og í dag gaf ég snjótittlingunum kurlaðan maís, þeir urðu voða kátir.

Músin er alveg í essinu sínu, hún skemmti mér í dag með að hlaupa utan við eldhúsgluggann, hengipotti sem þar er með blómum, og var að borða fræin, það er gaman að sjá hvernig þær borða, setjast og taka matinn í framfæturnar og borða. 

Jörð kallar,  steinar frá Austurríki.

Rakst  svo á þessa gaura í bókahillunni, þeir eru reyndar búnir að standa þarna rólegir síðan um síðustu jól  Ég tók bara ekki eftir þeim fyrr en í dag, svei mér þá. 

En ég er orðin hálf þreytt, ég þarf alltaf meira að sofa svona í skammdeginu, svo ég segi bara góða nótt elskurnar.

Athugasemdir

[Kidda, 2.11.2011 kl. 08:58]

Mikið ósköp er orðið vetrarlegt hjá þér, eiginlega einum um of. Svona veður kallar á góða kjötsúpu og góða bók að lesa. Vonandi hverfur þessi snjór fljótlega hjá ykkur á Ísafirði. Mikið eru steinakúlurnar flottar, ég á enga svona kúlu þó eg eigi nóg af steinum.

Knús í kósýkúluna

[Dísa (IP-tala skráð) 2.11.2011 kl. 09:13]

Finnst þér ekki yndislegt á svona dögum að vera búin að skila þínu og hafa frelsi til að kúra og láta fara vel um þig? Gott að hafa mynd af þér í huganum inni í hlýjunni .

[Ásthildur Cesil Þórðardóttir, 2.11.2011 kl. 10:58]

Já þessar eru frá Austurríki Kidda mín.  það er aldeilis vetrarlegt hér núna.

Dísa jú ég þakka bara mínum sæla á hverjum morgni þegar ég leggs aftur út af á koddann og get bara gert það sem ég vil.  Ég er enn að ná þessu, það er svo frábært.  Takk Dísa mín.

[Hrönn Sigurðardóttir, 3.11.2011 kl. 21:53]

Jæks! Og ég sem ætlaði að vinna ferð vestur á tónleika með Mugison ;)

Ferlega flottar þessar steinakúlur ♥

[Ásthildur Cesil Þórðardóttir, 3.11.2011 kl. 22:32]

komdu bara Hrönn mín með ókeypis gistungu í kúlu og tónleika hjá Mugison ekki vandamálið.  Common baby, ég kem með þér á tónleikana ekki málið.

[Hrönn Sigurðardóttir, 5.11.2011 kl. 12:59]

Það væri hrikalega gaman! Bezt ég láti verða af því að vinna þennan miða ;)

[Ásthildur Cesil Þórðardóttir, 5.11.2011 kl. 13:33]

Já ekki spurning Hrönn mín.