Fyrsta myndin á nýju vélina og Árshátíð Grunnskólans á Ísafirði.

Fyrsta myndin á nýju vélina tekin í dag. 

En ég fór í kvöld á yndislega skemmtun, árshátíð Grunnskólans.  Þetta var hin besta skemmtun.  Ég hef farið á allflestar þessara skemmtana gegnum árin, og mér finnst þær alltaf betri og betri, meiri metnaður. Ég dáist að kennurunum og krökkunum fyrir að vinna að árshátíðinni.  Þar er mikil leikgleði og hugmyndaauðginni gefin laus taumurinn.

Það er örugglega afar erfitt að gera leikþætti og atriði sem allir geta tekið þátt í, og það er greinilegt að það er lagt mikið upp úr að allir geri eitthvað.  Það sem skortir á um framsögn og leikhæfileika, bæta þau upp með fjörinu og gleðinni. 

Það ríkti eftirvænting í leikhúsinu, foreldrar, afar og ömmur, systkini og ættingar höfðu komið til að skemmta sér.  Og nú ætti ballið að fara að byrja.

Þessi tvö voru kynnar, og þau lásu líka upp úr gagn og gaman, okkur eldri til mikillar skemmtunnar.  Xog Z eru hjón, óttalega mikil flón og svo framvegis.

14 ára stelpur sýndu svo föt.

Gerðu það mjög vel.

FLottar stelpur.

5. bekkur rifjaði upp fyrir okkur sögurnar af Bakkabræðrum við mikinn fögnuð áhorfenda. Hér sjáum við söguna um Faðir vor kallar kútinn.

Sagan um þegar þeir fóru að borga leiguna og gleymdu ýmsum siðum og þurftu að fara fleiri ferðir til húsfreyju.

Og svo ruglast þeir á fótunum á sér.  Þetta var virkilega skemmtilegt.

6. bekkur fór í tímaflakk.  Þau hittu álfa sem leyfðu þeim að hoppa milli alda.

Hér eru þau komin á sturlungaöld, á Þingvelli þegar kristnitakann varð. 

Goðinn kemur undan feldi og lýsir yfir að Ísland sé kristið, en menn megi blóta á laun.

Að þessu atriði var hlegið, á balli í Sjallanum.  Margir örugglega sem könnuðust við sig þar, þ.e. afar og ömmur.

Æ fóru aðeins og langt og þau eru komin á Elliheimilið.

Fegnust urðu þau nú samt að komst heim til sín. 

7. bekkur stalst inn á bókasafnið og bækurnar lifnuðu við. Hér er sagan af Hróa Hetti.

Rauðhetta og úlfurinn sú saga vakti mikla kátínu, því það var leikuppsetning, og leikstjórinn lét þau segja sömu hlutina aftur og aftur, hlæjandi, grátandi og svífandi. Afar skemmtilegt.

8. bekkur færði okkur Öskubusku.

Vonda stjúpan les henni fyrir öll verkin sem hún á að gera áður en hún fær að fara á dansleikinn.

Öskubuska dansar við prinsinn.

9. bekkur færði okkur ýmsa smáþætti.  Hér sjáum við Forrest Gump.

Má ekki bjóða þér konfekt, konfektkassi er eins og lífið, maður veit aldrei hvaða mola maður fær. 

Ég get barist við Vampýrur.

Já draugalegt er það.

Fengum líka að sjá strumpana.

Og Justin Beaber.

Ó hann er svo sætur.

Og Billy Dean.

Hjá 10. bekk litum við inn á upptökur á sápuóperunni Ást og svik.

Þar voru svik, prettir, framhjáhöld og óléttur og margt sem kom þar fram, enda örugglega ekta amerísk sápuópera.

Í miðri upptöku ruddist óboðin gestur inn.

En var snarlega ofurliði borin og hent út.

Þarna voru líka upptökumenn, hljóðmenn, teljarar og sminkur.  Allt eins og í raunveruleikanum.

Mamma og pabbi megum við koma upp í hjá ykkur.  Já.. ég er eiginlega ekki mamma ykkar, ég er pabbi ykkar... já og ég er eiginlega ekki pabbi ykkar ég er mamma ykkar.

Og endað með dansi og stæl.

Frábær sýning.  'Eg veit það ekki alveg, en allavega eldri bekkirnir sömdu sitt efni sjálf, auðvitað með dyggri aðstoð kennarana sinna.  Þarna kom fram mikil hugmyndaauðgi og efnið vel frambærilegt og skemmtilegt.  Fyrir utan skemmtanagildið, þá er það frábært að krakkarnir skuli fá tækifæri til að vinna að svona skemmtun, það færir líka samband kennara og nemenda upp á annað og skemmtilegt svið, þar sem þau sameina krafta sína. Ég sá líka að kennaranir fylgdust með, þeir sem ekki voru á kafi í að aðstoða sinn bekk.  Og eins og ég sagði fyrr, það er flott að geta fundið öllum stað og hlutverk og að allir séu hluti af heildinni. 

Krakkar þið voruð frábær ég vil þakka innilega fyrir mig í kvöld.  Og haldið áfram að vera svona áhugasöm og yndæl.

Athugasemdir

[Dísa (IP-tala skráð) 28.10.2011 kl. 09:02]

Frábært hjá þeim. Örugglega spennufall núna þegar allt er búið. Undirbúningurinn er svo skemmtilegur, sýningarkvöldið spennandi og svo smátóm, þar til viðbrögðin fást og nú er eftir að spá sín á milli hvernig var.

[Guðrún Emilía Guðnadóttir, 28.10.2011 kl. 09:58]

Æðislegar myndir enda er ungviðið okkar frábært fólk, ég er nú búin að fara á nokkrar skemmtanir og árshátíðir í skólanum á Ísafirði og ég varð alltaf svo glöð  er ég sá framför krakkanna, eins er Grunnskólinn á Húsavík tók við, alltaf jafn yndislegt, börnin eru mín besta skemmtun.

Knús í kúlu

[Kidda, 28.10.2011 kl. 10:01]

Er ekki frá því að krakkarnir á Ísafirði séu heppnari en td krakkar hérna á höfuðborgarsvæðinu. ég man ekki eftir því að mér hafi verið boðið á árshátíðirnar hjá mínum strákum og minnist þess ekki að það hafi verið svona mikið gert á þeim.

Fallegur bær og fallegir krakkar á Ísafirði

Knús í kærleikskúluna

Til lukku með nýju myndavélina, það er ekki hægt að frúin í Kúlu sé myndavélalaus. Þetta er sagt með mikilli eigingirni, alltaf svo gaman að skoða myndirnar þínar

[Ásthildur Cesil Þórðardóttir, 28.10.2011 kl. 10:43]

Dísa já það er þekkt að spennufall verður eftir frumsýningar.  Þau eiga að sýna aftur í kvöld og þá er líka ball.  Þá verða þau tilbúin í slaginn aftur þessar elskur.

Takk Milla mín, já þau eru yndæl, jákvæð og skemmtileg. Og svo voru þau svo kurteis.  Tveir dyraverðir við innganginn tóku á móti manni brosandi og óskuðu góðrar skemmtunnar, þeir sem voru að selja miðana, brosandi og óskuðu góðrarskemmtunnar og þeir sem hleypu manni inn á skemmtunina líka.  Það má margt læra að krökkunum, ekki minnist ég þess að svona góðar óskir fylgi manni þegar maður fer í almenn leikhús eða bíó, það er allavega undantekninginn fremur en reglan.

Takk Kidda mín. Já þau eru heppinn krakkarnir úti á landi, ég held að það sé meiri samskipti milli foreldra og skóla í fámenninu, og meira gert úr öllu svona.  Og það er svo notalegt.   Ég lofa að vera dugleg að taka myndir.

[Ásdís Sigurðardóttir, 28.10.2011 kl. 12:41]

Frábært, ég er glöð að sjá að unga fólkið okkar er enn að setja upp sýningar og skemmta sér, yndislegar myndir.

[Ásthildur Cesil Þórðardóttir, 28.10.2011 kl. 13:08]

Takk Ásdís mín

[Bergljót Gunnarsdóttir, 28.10.2011 kl. 17:22]

Fínar myndir, eins og oftast Ásthildur mín og gaman að skoða þær. Mér datt í hug, eða kannski uppgötvaði ég það bara, þegar ég sá fyrstu myndina, hversu lánsöm þið eruð að hafa þetta útsýni í hvert sinn sem þið komið út. Ég held að stór hluti af því hversu aktiv, velþenkjandi og góð manneskja þú ert komi af því. Ella þekki ég ekkert, en mér er sagt að hann sé ekkert síðri. Ég samgleðst ykkur.

[Ásthildur Cesil Þórðardóttir, 28.10.2011 kl. 17:43]

Takk Bergljót mín.  Já það er dýrðarinnar dásemd að hafa þetta útsýni í hvert sinn sem maður kemur fram í dyr.  Ég er ótrúlega heppinn manneskja.