Góður dagur fyrir mig og mína.

Mér bárust þrjár gleðifréttir og pakkar í dag, eða eiginlega fjórar.

Fyrsta ánægjan var bréf frá Barnaverndarstofu um að við Elli minn værum formlega orðnir fósturforeldrar Alejöndru.  Þannig að stúlkan sú er komin í heila höfn og leiðin greið.  Fyrir það ber að þakka.

Í öðru lagi þá var hér dásemdarveður sól og ylur sem ekki er sjálfgefið á þessum tíma. 

Í þriðja lagi þá hefur myndavélin mín verið biluð undanfarið og þarf að fara í viðgerð, en vegna þess hvað ég er frábær Þá var mér gefin ný myndavél, nýjasta týpan af Canon Eos 600D.  Svo nú þarf ég að fara að skoða hana og læra.  Svo ég geti sett inn myndir.

En síðast og ekki síst, þá fékk ég loksins bók sem ég er búin að hugsa um lengi.  En þannig var að þegar ég var lítil þá átti ég uppáhaldsbók sem heitir Pönnukökukóngurinn.  'Eg man hvað ég skoðaði þessa bók mikið.  Svo loksins tók ég mig til að spurðist fyrir hana á netinu, og einhver sagði mér að hún hefði séð þessa bók auglýsta á Facebook fyrir nokkrum árum síðan.  Ég ákvað að kynna mér málin og komst í samband við eigandann.  Hann átti bókina ennþá og var tilbúin að selja mér hana.  ég beið því spennt og hún kom sem sé í dag með öllu hinu góða og skemmtilega. 

'Eg hafði gert mér í hugarlund stærð bókarinnar eftir barnsminninu, og þá var hún gríðarstór, ég bjóst því við alveg rosalega stórri bók, en ég gat ekki annað en hlegið þegar ég fékk hana í hendur, hún er svona A4 stærð, svo þá er hægt að ímynda sér hve ég hef verið há í loftinu þegar ég var að skoða hana, svona um 6 ára aldur og jafnvel yngri.  En það var gaman að fá hana og fletta upp, því þarna er allt eins og var, teikningarnar og sagan, ég skoðaði mest teikningarnar á þessum tíma.

Ég á eftir að lesa þessa bók fyrir barnabörnin mín og passa vel upp á hana. 

En mér tókst að taka nokkrar myndir á gömlu myndavélina mína í dag, með fyrirhöfn.

Svona er nú snjórinn mikill.

Og sólin skín.

Loksins elsku ísfirðingar gamlir sem vilja skoða myndir, koma nokkrar, en svo verður bætt úr því.

Og grasið er ennþá grænt á kúlunni.  En á mánudaginn næsta á ég von á blaðakonu og rithöfundi þýskri ásamt ljósmyndara til að taka myndir af húsinu  mínu.  Þessari sem gerði bókina um tilvist álfa, nú vill stórt bókaforlag gera ítarlegri úttekt á nokkrum húsum sem hún tengdist, og þetta hús er eitt af þeim, og frekar framarlega á óskalistanum.

En ég er lukkunnar pamfíll má segja.  Góða nótt elskurnar.

Athugasemdir

[Jóhann Elíasson, 26.10.2011 kl. 22:38]

Innilega til hamingju með þennan stóra áfanga og mikil er hamingja stúlkunnar en sú lukka að eiga ykkur tvö að.  Ekki má gleyma hlut Ella í þessu tilfelli, því eins og sagt er:"ÞAÐ ÞARF TVO TIL". Ég er aðeins að segja að það væri ERFITT að framkvæma hlutina ef aðeins ANNAR vildi gera hlutinn.  Góða nótt og bestu óskir um gott líf í "kúluna"..........................

[Ásthildur Cesil Þórðardóttir, 26.10.2011 kl. 22:43]

Já satt segir þú Jóhann það þarf tvo til bæði til að búa til barn og taka að sér barn.  Það verður ekki gert nema með góðfúslegu samþykki beggja aðila.   Takk og góða nótt til þín líka.

[Bergljót Gunnarsdóttir, 26.10.2011 kl. 22:44]

Mikið samgleðst ég þér Ásthildur mín og hjartanlega til hamingju með þetta allt. Þú átt þetta allt margfalt skilið.

[Helga Kristjánsdóttir, 26.10.2011 kl. 23:01]

   Hreinn og klár hamingjudagur á heimilinu. Næst ,,VIÐ,,  sem erum þjóðin.

[Ásthildur Cesil Þórðardóttir, 26.10.2011 kl. 23:12]

Takk innilega já ég er afskaplega glöð yfir að mál Alejöndru skuli nú vera leyst. Hún er líka að gera góða hluti í skólanum og með vinkonum sínum, heilbrigð 15 ára stúlka með lífið framundan.

[Kristín (IP-tala skráð) 26.10.2011 kl. 23:44]

Til hamingju með allar þessar góðu fréttir :) Ég má til með að segja þér að ég á nákvæmlega sömu endurminningar um Pönnukökukónginn og þú lýsir. Bókin var risastór og mjög skemmtileg.

[Árni Karl Ellertsson, 26.10.2011 kl. 23:48]

Til hamingju með góðu fréttirnar, ekki veitir af á þessum slæmu tímum.

[Ásthildur Cesil Þórðardóttir, 27.10.2011 kl. 00:04]

Kristín en gaman.  Ég elskaði þessa bók sem krakki. 

Takk Árni minn, já svo sannarleg gleðifréttir úr kúlunni.

[Adda Laufey , 27.10.2011 kl. 00:14]

Til lukku , frábærar fréttir

[Ásthildur Cesil Þórðardóttir, 27.10.2011 kl. 00:43]

Takk Adda mín.

[Gréta (IP-tala skráð) 27.10.2011 kl. 08:51]

Til lukku :-)

[Guðrún Emilía Guðnadóttir, 27.10.2011 kl. 09:06]

Elsku Ásthildur mín og Elli hjartanlega til hamingju með allar þessar gleðigjafir, alveg sérstaklega óska ég ykkur og ekki síðst Alejöndru til hamingju mikið held ég að hún hafi orðið glöð.


Ljúfust mín nú eru björtu árin byrjuð.
Kærleik í kúlu

[Kidda, 27.10.2011 kl. 09:06]

Mikið er nú gott að heyra að mál Alejöndru eru leyst, til hamingju með nýju dótturina

Er svona mikill snjór hjá ykkur? Get ekki sagt að ég öfundi þig af honum, náðirðu að klára útiverkin áður?

Knús í kærleikskúluna

[Erla Magna Alexandersdóttir, 27.10.2011 kl. 11:05]

Til hamingju með því sem þú ert að fagna. við mættum mörg taka þig til fyrirmyndar !kv. EA

[Dísa (IP-tala skráð) 27.10.2011 kl. 11:15]

Kærleikurinn og þrjóskan hafa sigrað! . Til hamingju öll . Frábært að þú fékkst nýja myndavél svo þú getir haldiðáfram að taka myndir fyrir okkur hérna. Og að þú fékkst pönnukökukónginn og getur sýnt barnabörnunum hafa, ekki bara sagt frá henni . Knús

[Ásdís Sigurðardóttir, 27.10.2011 kl. 11:21]

Elsku Ásthildur, mikið eru hér yndislegar fréttir á ferð.  Fyrst af öllu vil ég óska ykkur innilega til hamingju með stúlkuna ykkar, hlýtur að vera mikill léttir fyrir hana og ykkur öll.  Bókin er náttl. bara yndisleg, mín draumabók var Lata Stelpan, hún var líka risastór í minningunni en minni þegar ég eignaðist hana fyrir fáum árum, en alltaf jafn yndisleg.  Gaman að heyra að þú eignaðist nýja myndavél, ef einhver á það skilið ert það þú, hlakka til að njóta allra myndanna með þér áfram. Kær kveðja og innilegt knús til ykkar allra. 

[Ásthildur Cesil Þórðardóttir, 27.10.2011 kl. 11:24]

Innilega takk fyrir mig öll Það gladdi mig mikið að lesa öll þessi hlýju og fallegu orð og hugsanir ykkar. 

[Ásdís Sigurðardóttir, 27.10.2011 kl. 11:28]

Þú átt þau öll skilin og meira til

[Valdís Skúladóttir, 27.10.2011 kl. 11:38]

Innilega til hamingju með stúlkuna ykkar.

Og allar góðu fréttirnar..

[Ásthildur Cesil Þórðardóttir, 27.10.2011 kl. 11:45]

Takk Valdís mín.

Takk Ásdís mín.

[Ragna Birgisdóttir, 27.10.2011 kl. 12:04]

Kærleikskossar,kram og knús vestur í Kúluna

[Ásthildur Cesil Þórðardóttir, 27.10.2011 kl. 12:27]

Takk Ragna mín

[Sigurður Þorsteinsson, 27.10.2011 kl. 15:08]

Það koma héðan hamingjuóskir úr Kópavoginum, alveg stútfullar af hjartahlýju

[Gunnlaugur Ingvarsson (IP-tala skráð) 27.10.2011 kl. 15:15]

Sæl Ásthildur og til lukku.

Innilegar hamingjuóskir til þín og fjölskyldu þinnar héðan frá Spáni.

[Ásthildur Cesil Þórðardóttir, 27.10.2011 kl. 15:20]

Innilegar þakkir Sigurður og Gunnlaugur. 

[Jenný Stefanía Jensdóttir, 27.10.2011 kl. 15:59]

Samgleðst þér Ásthildur mín, þú ert kjarnakona og hugljúf með einsdæmum. 

[Ásthildur Cesil Þórðardóttir, 27.10.2011 kl. 16:02]

Takk Jenný mín.

[Kolbrún Hilmars, 27.10.2011 kl. 16:40]

Til hamingju með daginn, Ásthildur.

Mikið er það skemmtileg tilbreyting að heyra góðar fréttir 

[Ásthildur Cesil Þórðardóttir, 27.10.2011 kl. 16:53]

Takk Kolbrún mín, já ég er glöð með það. 

[Sigrún Óskars, 27.10.2011 kl. 18:45]

þegar ég sá mynd af bókinni þinni, þá mundi ég eftir uppáhaldsbókinni minni; Lata stelpan, en hún er í sama bókarflokki 

kveðja vestur

[Ásthildur Cesil Þórðardóttir, 27.10.2011 kl. 18:55]

Ég man vel eftir henni Sigrún mín við áttum hana og hún var oft lesin upp í hjónarúminu með alla krakkana kring um okkur Elli las, en við hin nutum.  Og svo var Selurinn Snorri líka, Kári Litli og Lappi og Þjóðsögur og Ævintýri eftir Jón Árnason. Gaman að rifja þetta upp.

[Ingibjörg (IP-tala skráð) 27.10.2011 kl. 22:15]

Til hamingju með dömuna.

Gaman að þú skyldir fá Pönnukökukónginn.

Kveðja,

I.

[Ásthildur Cesil Þórðardóttir, 27.10.2011 kl. 22:22]

Takk Ingibjörg mín.