Sleginn harmi já en er það iðrun eða klór í bakka?

Kirkjan muni aldrei líða ofbeldi af neinu tagi 

Svo er verið að tala um eftiráskýringar Jóns Ásgeirs.

Afsakið en mér finnst nú lítið leggjast fyrir kappann með að klóra í bakkann á þennan hátt.  Ef hann er svona harmi sleginn þá segir hann auðvitað af sér, félaga sinna og kirkjunnar vegna. 

Eða er það bara ég sem get gubbað yfir svona yfirlýsingum eftir allt sem á undan er gengið.  Og hann tekur ekki einu sinni á sig það sem honum ber, heldur talar um þetta almennt eins og hann hafi hvergi nærri komið.

Ég verð nú bara að segja að ekki hefur álit mitt aukist á þjónum kirkjunnar og hefur það verið í lágmarki hingað til.  Þ.e.a.s. flestra, ég þekki nokkra góða menn sem gegna prestþjónustu en ég vorkenni þeim að þurfa að bera þetta á bakinu. 

Biskup harmi sleginn

Athugasemdir

[Ásdís Sigurðardóttir, 19.10.2011 kl. 13:25]

Mér finnst svona setning engu skila til fórnarlamba.

[DoctorE (IP-tala skráð) 19.10.2011 kl. 13:30]

Hafið þið spáð í því, ef við gerum augnablik ráð fyrir því að Guddi sé til; Að hann Guddi sat hjá og horfði upp á biskup naðga dóttur sinni, já og öðrum konum; Að Guddi horfði á yfirhylmingar og mikið óréttlæti sem gekk yfir þær konur sem reyndu að leita réttlætis.

Er það ekki enn ein "nauðgunin" þegar Guðrún Ebba talar um að hún hafi alist upp á kristnu heimili, þar sem hún var einmitt heilaþvegin.. í þessa undirgefni, í að vera bara enn einn sauðurinn.

Hafið þið spáð í því að þessi sami Guddi stóð hjá og gerði ekkert á meðan prestar á Írlandi nauðguðu tugumþúsunda barna; Já og rændu börnum og seldu víððsvegar um heiminn.

Óskiljanlegt að nokkur maður sjái ástæðu til að trúa á þennan vesæla* guð

* Guddi er náttlega ekki vesæll því Guddi er ekki til, það eru bara prestar og trúarstofnanir. You are alone in the mess.

Prestar eiga enga vorkunn skilið; Þeir hafa lesið biblíu, þeir VITA að biblían er bullshit, þeir vita að allt sem þeir segja um guð/líf eftir dauðan með Sússa, þeir vita að þetta eru lygar.

Menn sem geta farið í gegnum "nám", "lært" til prests.. og hætta því ekki þegar þeir sjá ruglið í galdrabókinni, slíkir menn eru menn sem á ekki að treysta fyrir einu né neinu,

Capice

[Kolbrún Hilmars, 19.10.2011 kl. 14:05]

Það er íhugunarvert að þessi ímyndarkreppa kirkjunnar - sem stofnunar, kemur upp á sama tíma og samsvarandi kreppa í pólitíkinni, eða fjórflokksstofnananna.

Ef til vill hafa þessar stofnanir (og fleiri jafnvel) þróast út í það að lifa "sjálfstæðu" geðþóttalífi með rofin tengsl við þann almenning sem upphaflega skapaði þær.

Gæti það verið vandamálið?

[Sigurður Þórðarson, 19.10.2011 kl. 14:11]

Biskupinn harmar að þurfa að iðrast opinberlega.

[Ásthildur Cesil Þórðardóttir, 19.10.2011 kl. 14:14]

Ásdís nákvæmlega.

DoctorE það er til ljós og kærleikur, en slíkt er fyrst og fremst í manni sjálfum.  Það er enginn utanaðkomandi gamall karl með skegg sem situr og dæmir eða hjálpar rétt er það.  Biskupar og páfar hafa tekið sér það vald, án leyfis.  Það er bara ekki hægt að gefa sjálfum sér slíkt þó maður skrýðist pelli og purpura, þá er manneskjan jafnvaxin og hún er án klæða. 

Kolbrún þetta er spurning sem vert er að íhuga.  Það er iðulega rætt um að biskupinn hafi starfað í skjóli yfirvalda og þegar Ólafs málið stóð sem hæst hafi hæstráðendur í pólitíkinni vilja að það yrði þaggað niður.  Það skyldi þó aldrei vera að þarna lægju allir þræðir á einn og sama stað?

[Vilhjálmur Stefánsson, 19.10.2011 kl. 14:52]

Vissulega hafa Biskupar og Páfar tekið sér vald og reindar á Karl Sigurbjörsson að segja af sér..Talandi um Biblíuna þá er hún allavega vegvísir fyrir mig dags daglega og höfum við hjónin komið upp 5 börnim og brínt firir þeim guð ótta og lestur Biblíunar og við erum heppin með þau og þau hafa gengið mentaveginn og við erum þakklát.Eis eru Teingdabörn og barnabörn tamið sér lestur Biblíunar. Svo eru menn til eins og margir Prestar sem hafa trínna að yfirskini....

[Sólveig Adamsdóttir, 19.10.2011 kl. 15:34]

Ég er sammála harmurinn hans er einskis virði.  Hann ber reyndar enga ábyrgð á og getur ekki bætt fyrir það sem Ólafur gerði að mínu mati.  Það sem að honum snýr er hans meðferð á bréfinu frá Guðrúnu Ebbu og þ.a.l afstaða sem mér finnst ekki vera neitt annað en ÞÖGGUN og fyrir það á hann að gjalda.

[Ásthildur Cesil Þórðardóttir, 19.10.2011 kl. 15:51]

Vilhjálmur það er auðvitað málið við verðum að velja okkar veg sjálf, ef við erum sátt við biblíuna þá er það gott, en ef við viljum velja aðra leið þá er hún ekkert verri eða betri.  Að við séum sátt við sjálf okkur og það sem býr í okkar brjósti er okkur nauðsyn til að vera glöð og ánægð.

Einmitt Sólveig ég held að enginn ætlist til þess að Karl bæti fyrir afbrot Ólafs, en það sem hann gerði sjálfur þ.e. að stinga bréfi Guðrúnar Ebbu undir stól og reyna að þagga niður er eitthvað sem hann getur EKKI leitt hjá sér, og á ekki að ræða það eins og eitthvað sem gerðist út í bæ. 

[Bergljót Gunnarsdóttir, 19.10.2011 kl. 15:59]

Það er einkennilegt að þurfa að harma opinberlega, það sem þú sýnir engan harm gagnvart.  Það er þess vegna, og annars, hörmulegt að þessi biskup skuli ekki segja af sér og það strax. Hann er rúinn öllu trausti og virðingu flestra landsmanna.

Þeir sem aðhyllast kirkjuna sem stofnun, ættu að hvetja biskup, sem ekki stendur sig gagnvart þeim mannlegu þáttum, sem ættu þó að vera í forgangi, að hætta að berja höfðinu við steininn, að ganga út og kveðja.

Það er sorglegt að sjá yndælis menn fara svona út af brautinni, en þegar slysin gerast meðvitað, eru þau engin slys lengur.  

[Ásthildur Cesil Þórðardóttir, 19.10.2011 kl. 17:44]

Já Bergljót, þeir sem vilja Karli vel ættu að leggja að honum að segja af sér, fyrst hann sér ekki sjálfur villu síns vegar.  Annars ætti mér það í léttu rúmi liggja hvað hann gerir þar sem ég er ekki í kristnum söfnuði, en mér verður ekki sjálfrátt þegar ég horfi upp á svona asnaskap, að maðurinn skuli virkileg halda að fólk trúi honum.  Og hvernig ætli þeim hafi verið innanbrjósts sem hlustuðu á hann þarna á ráðstefnunni?

[Bergljót Gunnarsdóttir, 19.10.2011 kl. 18:15]

Langar að leiðrétta stafsetninguna á yndæll, sem á að sjálfsögðu að vera inndæll og hefur þar af leiðandi allt aðra merkingu.

[Ásthildur Cesil Þórðardóttir, 19.10.2011 kl. 18:31]

Hahahaha góð.

[Erla Magna Alexandersdóttir, 19.10.2011 kl. 20:21]

jESUS GEKK Í ILSKÓM OG MUSSU  OG VAR EKKI Í SKRAUTHYSUM.

  Það að Kirkja kennd við hann se prjál eitt og valdafíkn er ekki alveg í lagi.

Lög verða að n+á yfir þessa menn eins og aðra. þeir eru ekki sjálfstætt Ríki- og allsekki guðsríki !

[Bergljót Gunnarsdóttir, 19.10.2011 kl. 20:23]

Frábær Erla!!!!!!!!!!

[Valdimar Samúelsson, 19.10.2011 kl. 20:25]

Það sem ég er ekki að skilja er í allri þessari umræðu og spyr því. Hver er munurinn á kynferðislegu ofbeldi innan kirkjunnar og utan. Það eina sem kirkjan á að temja sér er að benda fólki á að kæra svona mál til ríkislögreglustjóra og ef það er einn að kirkjunnar mönnum þá að setja hann til hliðar þar til rannsókn laganna sannar sakleysi hana.. Þeir hafa bara ekki leifi að gera neitt annað. Biskup, prestur eða opinber starfsmaður er ekkert meir eða minni afbrotamaður en hver annar. Ég tel að dómur vegna svona mála sé allt of stuttur.

[Ásthildur Cesil Þórðardóttir, 19.10.2011 kl. 20:31]

Já þetta ætti að vera svona Valdimar.  En af hverju leyfist kirkjunnar mönnum að hafa þetta innan sinna vébanda og plotta um hvort stinga eigi málum undir stól eða setja fyrir siðanefnd kirkjunnar.  Þetta eru fyrst og fremst mannréttindamál og eiga að tilheyra undir saksóknara og lögreglu.

[Bergljót Gunnarsdóttir, 19.10.2011 kl. 20:49]

Að telja sig fyrir utan lög og rétt, sýnir best viðleitnina til að stjórna og skiptir þá réttur fólks engu.

[Vilhjálmur Stefánsson, 19.10.2011 kl. 21:19]

Fyrsta Kirkjan sem er kend við Jesú Krist var stofnuð í Alexandríu í Egyftalandi 50 árum eftir Krist og er kend við Kofta,þar var sú hefð tekin upp að aldrei ættu þeir sem prétikuðu vera í skrautklæðnaði. það voru Katolikkar sem komu með þennann skrautklæðnað í þeim tilgangi að láta Almúgann dýrka þá menn sem klæddust honum.En innan í þessum Skrautklæðnaði er hinir mestu óindismenn.Flestir Prestar klæðast ekki Hempuni vegna köllunar,nei það eru launin og þægindin sem þeir hafa...Sem betur fer þarf ég og fleiri ekki neitt til þeirra að sækja og ekki voru það þeir sem kendu mér að lesa hina Helgu Bók..En Biskupstetrið verður að vera heiðalegur og segja af sér svo hann verði sér ekki meir til skammar..

[Helgi Armannsson (IP-tala skráð) 19.10.2011 kl. 21:27]

http://www.youtube.com/watch?v=qZyZT43IQtk&feature=player_embedded 

tetta er i fyrsta skipti sem eg hef sed biskup sega sat

[Ásthildur Cesil Þórðardóttir, 19.10.2011 kl. 22:05]

Já Vilhjálmur hann verður að víkja blessaður það er ekkert um annað að ræða fyrir hann.  Og hann ætti að fagna því að finna til auðmýktar og biðjast afsökunar, því það er svo gott ekki satt?

Helgi þetta er aldeilis merkilegt myndband.  Og satt að segja hef ég alltaf trúað því að það væri eitthvað skrýtið við 911. 

[Axel Jóhann Hallgrímsson, 20.10.2011 kl. 22:18]

Iðrun biskupsins snýst um eftirlaunin, hann getur sennilega ekki iðrast til afsagnar fyrr en þau eru að fullu í húsi.

[Ásthildur Cesil Þórðardóttir, 20.10.2011 kl. 22:22]

Já þú segir nokkuð Axel minn.  Það skyldi þó aldrei vera að hann væri að hugsa meira um að fylla kornhlöðuna sína en að gera eins og fuglar himinsins.

[Bergljót Gunnarsdóttir, 20.10.2011 kl. 22:38]

Ja hérna hér, þið segið nokkuð,  Iðrast til afsagnar, vel að orði komist Axel.

[Ásthildur Cesil Þórðardóttir, 20.10.2011 kl. 22:41]

Já þetta er vel orðað Bergljót mín.