Að skoða hlutina.

Ég er ekki stuðningsmaður þessarar ríkisstjórnar, ég er heldur enginn aðdáandi umhverfisráðherra, en ég get vel skilið að það þurfi að skoða svona mál vel.  Það stendur einhversstaðar að ef eitthvað er of gott til að vera satt, þá er það yfirleitt svo.  Stundum vilja menn ana áfram eftir gulrótinni og skoða ekki hvað liggur á bak við.  Það getur leitt til hörmunga, þó það þurfi auðvitað ekki að vera þannig.  En allt kapp er best með forsjá.

Menn muna ef til vill eftir konu nokkurri sem neitaði að selja útlendingum Gullfoss.  Sjálfsagt hefur henni verið bölvað í sand og ösku fyrir að vilja ekki fá peninga inn.  Í dag er þessarar konu minnst sem sérstakrar náttúruverndarkonu, þegar fólk áttaði sig á því hvað það var í raun og veru sem stóð til að selja.

Það er alltaf auðvelt í byrjun að hlaupa á einhver risatilboð, og víst erum við vön allskona gylliboðum, sem oft reynast svo orðin tóm.   Því það er einhvernveginn svo að það er ekki allt sem sýnist.

Þess vegna finnst mér allt í lagi að skoða málin.  Skoða hvað þetta tiltekna tilboð felur í sér, og hvað kemur á eftir.  Hvað er auðkífingar koma hér fleiri og fleiri og vilja kaupa land og hlunnindi?

Þarf ekki að skoða þetta mál í samhengi við annað?

Með þessu er ég ekki að segja að þetta sé ekki ágætt og lyftistöng fyrir norðurland, vissulega gæti það verið.  En má ekki skoða heildarmyndina fyrst?

Stór plön þarf að skoða vel

Athugasemdir

[Þráinn Jökull Elísson, 26.8.2011 kl. 18:49]

Frábær pistill.

[Ásthildur Cesil Þórðardóttir, 26.8.2011 kl. 21:01]

Takk fyrir það Þráinn.

[kristin jonsdottir (IP-tala skráð) 26.8.2011 kl. 21:59]

só?

[Ásthildur Cesil Þórðardóttir, 26.8.2011 kl. 23:23]

Só What?

[Jóna Kolbrún Garðarsdóttir, 27.8.2011 kl. 00:42]

Heyr, heyr

[Helga Kristjánsdóttir, 27.8.2011 kl. 04:15]

   Sæl kona góð,ég er svo syfjuð en í feikna stuði,en krafturinn er þrotinn í kvöld,vegna mikils magns af afmæliskveðjum á Facebook,sem ég svara öllum. Varðandi þennan Kínverja,já finnst í lagi að skoða það án kapps eins og þú segir. Kjartan bloggvinur minn (photo) og etv. einhverra fleiri,er að vinna með honum,það gerði hann ekki ef maðurinn væri ekki með gott orð á sér. Var í sumarbústað með móður Kjartans nýlega,reyndum í trekað að ná í hann á Skype,en tókst ekki. Hann sækir nám í Kínversku,enda kvæntur þarlendri konu,því gefast fáir timar til skrafs.

[Sigurður Þorsteinsson, 27.8.2011 kl. 08:01]

Ásthildur, tek undir með þér, en ekki bara af því að maðurinn er með skásett augu. Heldur almennt. Hvernig viðljum við hafa Ísland.

[Ingibjörg Guðrún Magnúsdóttir, 27.8.2011 kl. 08:46]

Já Ásthildur ég tek líka undir orð þín.

[Ásthildur Cesil Þórðardóttir, 27.8.2011 kl. 10:33]

Já Sigurður ætterni mannsins kemur þessu lítið við, nema hvað heyrst hefur um ágang kínverja á öðrum löndum.  Til dæmis hafa þeir keypt upp flest lönd sem liggja að ám og vötnum í Ástralíu og rækta þar hrísgrjón. Þannig er komið þar að landsmönnum er skammtað vatn, til nota eins og að vökva garðinn sinn og þvo bílinn. Ég man líka eftir ásókn þjóðverja í sumarbústaðalönd í Danmörku fyrir nokkrum árum.  Svo hart kvað að þessu að þjóðverjar voru búnir að taka undir sig flestar strendur á bestu stöðunum í Danmörku, svo það var brugðið á það ráð að afturkalla heimildir og eignir þjóðverja. 

Það er ekki gott þegar heilu þjóðirnar vakna upp við vondan draum og sjá að þær hafa selt sig og landið, svo að kreppir að.