Pípí verður stór.

Eins og þið vitið þá kom gæsarungi inn í garðskálann minn óforvarendis í vor smákríli, sem stóð ekki út úr hnefa.  Hann fékk nafnið Pípí, vegna þess að það er nákvæmlega það sem hann segir.

Nú er Pípí að verða táningur, stirðbusalegur og tætingslegur.  En það er gaman að fylgjast með honum, vaxa og dafna.

Þetta er uppáhalds stellinginn hans. Hann eltir mig upp á lóð, þegar ég fer í söluna.  Þar heillar hann gestina og þeir fylgjast með honum.  Hann er líka afar eftiritektarsamur, því hann virðist fylgjast vel með öllu sem gerist í kring um hann.

Af því að hann er svo mikill skítapési þarf ég að smúla garðskálann á hverjum degi.  Honum er illa við slönguna.  Þetta með að stökkva vatni á gæs á ekki við um Pípí.  Og í morgun þegar ég var að ná í slönguna út í garð, sá hann til mín og hljóp sem fætur toguðu út í garð, til að verða ekki fyrir slöngunni.  Ég var rétt búin að taka hana upp til að bera hana inn.  Svo ályktunarhæfni Pípí er í ágætu lagi. 

Systur mínar eru að gera grín að mér og segja að ég þurfi að kenna honum að fljúga. En ég segi þá bara að ég fari með hann upp á kúluna og hendi honum niður og segi: Fly or Die. auðvitað myndi ég aldrei gera það.

En þar sem dúnninn er að fara og fjaðrirnar að vaxa þarf hann sífellt að vera að snyrta sig.

Og það eru allskona tilfæringar, þessar myndir eru teknar í dag eftir vinnu, þegar við sátum og sóluðum okkur í kvöldsólinni.

Hann er afar hjálpsamur, elftinginn er best, svo er grasið og arfinn.  Hann trampar niður blómin er étur þau ekki.  En hann er duglegur að borða, svo borðar hann líka hænsnamat og allskonar kál.

Smá leikfimiæfingar.  Hann er mesti klaufi að koma sér niður af tröppunum, hann kemst auðveldlega upp, en niður kútveltist hann ef maður hjálpar honum ekki. 

Stundum liggur hann með báða fætur aftur fyrir sig.  En hann er alveg vakandi yfir öllu sem gerist í kring um hann.

Fjaðrirna hans eru að byrja að vaxa yfir dúninn. 

Jamm það þarf aðeins að líta í kring um sig, þó maður sé nokkuð öruggur hjá mömmu.

Best að færa sig aðeins.

Og snyrta aðeins meira.

Já svona ná betur undir krikann.

Og svo fjaðrirnar sem eru að myndast.

Og stélið.

Hér sést svo hvernig fjaðrirnar myndar, vaxa fyrst fram og svo fyllist á þær eftir sem á líður.  Þetta verður glæsigæs.

Mamma fær svo smádekur líka.

Ekki veitir af að nudda þreytta fætur. Ósköp mjúklega samt.

Já þetta er lykt sem mér finnst góð segir hann.

Og ekki verra að mamma strjúki yfir kroppinn líka.

Svona kaup kaups.  En Pípí er skynsamur fugl og ljúfur.  Hann er samt að byrja að sýna smá tendensa til að passa húsið, ef einhverjir koma sem hann þekkir ekki.  En hann lætur ekki þannig upp í garðplöntustöðinni, þar rabbar hann við gestina af miklum móð og fær hlýjar viðtökur.

Já samspil milli manns og dýrs er algjörlega eftir því hvernig við sjálf viljum hafa það.  En nóg af Pípí litla sem bráðum verður stór og glæsilegur. 

OG ég segi bara góða nótt.

Athugasemdir

[Dísa (IP-tala skráð) 16.7.2011 kl. 22:09]

Svei mér ef fjaðrirnar hafa ekki vaxið síðan ég sá hann á miðvikudagsmorgun. Takk fyrir síðast, það var meiriháttar að hitta þig og spjalla

[Ásthildur Cesil Þórðardóttir, 16.7.2011 kl. 23:05]

Pípú stækkar dag frá degi.  Mikið. Já elsku Dísa mín mikið var gaman að hittast í rólegheitum og spjalla saman.

[Steingrímur Helgason, 16.7.2011 kl. 23:27]

Glæzd gæzamamma þú, enda ekki á öðru von, kveðjur í kúluna þína...

[Hrönn Sigurðardóttir, 16.7.2011 kl. 23:29]

Uppvaxtarsaga Pípis Góð saga og frábærar myndir.

[Ásthildur Cesil Þórðardóttir, 17.7.2011 kl. 01:00]

Takk Steingrímur minn, jamm Gæsamamma gekk af stað með ungana sína smáu.....

Jamm Hrönn ætti ef til vill að gefa út barnabók með sögum af Pípí

[Kidda, 17.7.2011 kl. 10:23]

Pípí er heppinn að hafa lent í kúlunni þinni og verið tekinn í fóstur. Vonandi  metur hann það í framtíðinni og kíkir í heimsókn næstu árin Kannski hann vilji svo bara ekkert fara.

Fínt að vera komin með varðfugl við kúluna og aðstoðarmann í garðplöntusöluna.

Knús í kúlu

[Ásthildur Cesil Þórðardóttir, 17.7.2011 kl. 10:51]

Já hann fær að ráða hvað hann gerir. En best væri fyrir hann að fylgja félögum sínum til heitari landa og fá sér kærustu og svoleiðis. Takk Kidda mín.

[Ásdís Sigurðardóttir, 17.7.2011 kl. 11:42]

Yndislegur hann Pípí, veit að hann pabbi minn hefði haft gaman af þessu, hann mátti aldrei neitt aumt sjá og oft voru fuglar í búri í bílskúrnum sem hann hafði fundið og var að lækna til flugs á ný. Gangi þér vel með stúfinn, góður varðfugl :):)

[Ásthildur Cesil Þórðardóttir, 17.7.2011 kl. 13:02]

Takk Ásdís mín.  Það er gott fólk sem leggur á sig að hjálpa dýrum.  Fólk sem mér geðjast afskaplega vel að.

[Ragnheiður , 17.7.2011 kl. 15:13]

Fólk sem er gott við dýr er gott fólk. Það erum við sammála um mín kæra. Gaman að PíPí og hann er að verða stór. Hérna eru miklar fuglauppeldisstöðvar og ég fylgist með gæsum og álftum í uppeldinu.

Knús vestur :)

[Ásthildur Cesil Þórðardóttir, 17.7.2011 kl. 15:17]

Takk fyrir innlitið Ragnheiður mín, já það er gaman að fylgjast með blessuðu ungviðinu hvaða tegund það nú annars er, öll falleg og laða fram kærleikan í manni.

[Sigrún Jónsdóttir, 17.7.2011 kl. 17:09]

Yndislegt að lesa um Pípí og sjá myndirnar   Þetta gæti orðið jólasaga ömmu í Kúlu þetta árið

[Ásthildur Cesil Þórðardóttir, 17.7.2011 kl. 17:58]

Já Sigrún mín hún gæti hæglega verið það  Allavega fléttaður inn í söguna.