Elli býður í mat.

30.3.2011 | 09:40

Smá léttmeti svo fólkið mitt sem vill bara vill sjá myndir.

Bræður munu berjast.

Og Sigurjón gefur afa að smakka snjódjús, ný uppfinning þeirra bræðra.

Hann er ekki lengur smábarn þessi elska, hann er að þroskast í svona töffarastrák.

Falleg og frábær systkin.

En svo gerðist dálítið alveg nýtt á mínu heimili. Elli bauð í mat sem hann eldaði alveg sjálfur.

Þetta var frábær kjúklingaréttur sem hann hafði fengið uppskrift af hjá vini sínum.

Minn karl var búin að kaupa dúk á borðið og svo var kertaljós og alles.

Svo bauð hann okkur Siggu í mat, og þetta var æðislega gott nammi namm.

Ég held að allt sem hann gerir, geri hann vel. En við áttum þarna virkilega yndislega stund í góðum félagsskap hvors annar og góðan mat.

Og svo er litli maðurinn búin að troða sér upp á fataskáp. LoL Heart

Eigið góðan dag. Hér er yndislegt veður, logn og hitinn fyrir ofan núllið. Sannkölluð dýrð.

Flokkur: Bloggar | Facebook

Athugasemdir

Flottur karl hann Elli þinn og greinilega margt til lista lagt Og ótrúlegt hvað Sigurjón hefur vaxið og þroskast síðasta árið. Síðasta sumar bara var hann smástýri

Dagný, 30.3.2011 kl. 09:45

Frábært hjá Ella, augljóst að hann getur allt sem hann ætlar sér. Það er líka svo frábært að setjast stundum til borðs án þess að hafa haft fyrir því. Sigurjón Dagur er sýnilega að taka vaxtarsprett og verða stór og flottur í stað lítill og flottur. Knús til ykkar

Dísa (IP-tala skráð) 30.3.2011 kl. 10:35

Takk stelpur mínar.

Já það er voða notalegt að láta stjana svona við sig, ég var mest imponeruð að hann skyldi hafa keypt dúkinn. Gaman að láta koma sér svona þægilega á óvart. Takk Elli minn.

Ásthildur Cesil Þórðardóttir, 30.3.2011 kl. 10:43

Elli fær stór prik hjá mér Það mættu fleiri taka hann sér til fyrirmyndar

Knús í kærleikskúluna

ps. hvernig dafnar gróðurinn í skálanum?

Kidda, 30.3.2011 kl. 12:38

Gróðurinn í garðskálanum er eitt af því sem Elli minn tók sig til með, hann er dálítið eyðilegur núna, því það á að flytja öll ávaxtatrén út í garð, nema bara nektarínurnar og perutréð og kirsuberjatréð. En hann ætlar að fylla skálan með sumarblómum, svo er kamillan mín að byrja að opna knúbbana sína, og sem eftir er, er komið á fullan skrið.

Ásthildur Cesil Þórðardóttir, 30.3.2011 kl. 12:41

Flott allt vex líka vonin.

Helga Kristjánsdóttir, 30.3.2011 kl. 13:59

Já líka vonin.

Ásthildur Cesil Þórðardóttir, 30.3.2011 kl. 14:03

Ég er búin að ákveða að kaupa mér eplatré núna í vor, vildi bara að ég hefði gróðurhús....

Jóna Kolbrún Garðarsdóttir, 31.3.2011 kl. 01:37

Þér er ekki fisjað saman....myndirnar er vel teknar og reyndar frábærar.

Minningarnar sem tengjast þessum myndum....óborganlegt.

Sóldís Fjóla Karlsdóttir, 31.3.2011 kl. 08:58

Jóna þú getur gengið í svona ávaxtaklúbb, ég held að hann sé á vegum lanbúnaðarháskóla Íslands, um kvæmi sem eiga að þola íslenskt veðurfar. En þetta er spennandi verkefni að vita hvort hægt er að rækta ávaxtatré.

Takk Sóldís mín.

Ásthildur Cesil Þórðardóttir, 31.3.2011 kl. 09:22

Elli góður sko.

Rosalega hefur strákur stækkað hratt.. alltaf jafn fallegur samt :)

Ragnheiður , 31.3.2011 kl. 23:34

Lífið er ljúft hjá ykkur þarna fyrir vestan sé ég.

Ég ákvað fyrir nokkrum vikum að minn maður - sem er vitavonlaus í eldamennsku - ætti nú að sjá um eldamennskuna á föstudagskvöldum. Ég er búin að skipta um skoðun, ég sé bara um þetta sjálf. Hver nennir að éta nautasteik með piparsósu á hverjum föstudegi - og stundum grillaða hamborgara? Nú, fyrir utan að það kostar formúu. Mín er tekin við aftur í eldhúsinu á föstudagskvöldum.

Þetta smakkaðist svosem ágætlega nema hamborgararnir (ég borða yfirleitt ekki hamborgara), en stundum vantar smá frumlegheit

Sigrún Aðalsteinsdóttir, 1.4.2011 kl. 00:08

Ragnheiður mín strákurinn hefur blásið út og er að verða algjör töffari og ef ég tek ekki til minna ráða, verður þetta litla dýr algjört karlrembusvín

Sigrún mín, já svona getur þetta verið. Þegar Úlfur vildi elda og keypt vara í matinn þá hækkaði matarkostnaðurinn svakalega. En þessi máltíð hans Ella míns var bara á skikkanlegu verði. Og nú ætlar hann að elda þessar kræsingar aftur næsta sunnudag. Og ég hlakka til.