Svona undir svefninn.

Smáfuglarnir eru svangir núna, þeir vita sem er að það er von á vetrarhörkum. Dýrin eru næmari ein við og þegar fuglarnir þyrpast að til að borða, og jafnvel heimta sífellt meira þá er nokkuð ljóst að það er von á hreti eða frosthörkum. Ég virði þessi litlu dýr afar mikils og elska að gefa þeim að borða og horfa á þá njóta matarins alveg í botn. Í gær gaf ég þeim fjóra stóra poka af kurluðum maís og ég get svarið það að ég naut hvers augnabliks að vita hve vel þeir nutu þess að koma og borða.  Sælla er að gefa en þiggja.

Þeir eru varir um sig þessar elskur, en líka afar gráðugir enda svangir.

Þeir eru með system sem ekki klikkar, því þeir hafa útverði sem vakta svæðin sem þeir vanalega fá eitthvað frá.  Nokkrir eru á verði og þegar maturinn kemur fara þeir og gera viðvart og eftir augnablik birtist allur skarinn.

Og svo er etið og etið.....

Veðrið leikur við okkur núna, þó sé dálítið kalt þá er ekki hægt að kvarta yfir veðrinu.

Jamm komin aftur skottin litlu.

En það er farið að vora í kúlunni, brumin að springa út og eftir nokkra daga má sjá allskonar blómstur.

Sumt er reyndar farið að blómstra.

Mansúríu rósirnar mínar farnar á stjá og auðvitað blómálfarnir.

Og svo blómstra ég líka Þessi mynd var tekin rétt áðan.

Ég segi bara góða nótt og sofið rótt í alla nótt.

P.S. langar til að vekja athygli á vef vinkonu minnar hversdagshetjunnar sem er að berjast af alefni fyrir lífi sínu og heilsu.  Þar sem kemur fram sorglegar ásakanir á hendur geðlæknum sem hugsa um það eitt að gefa geðlyf en gleyma manneskjunni.  Þetta er holl lesning öllum, og svo er líka gott að senda inn hlýlega kveðju til hennar til að hjálpa henni til heilsu. http://tilfinningatorg.wordpress.com/2011/03/10/sma-frestun/#comment-56

Athugasemdir

[Jóna Kolbrún Garðarsdóttir, 10.3.2011 kl. 01:40]

Já, það má ekki gleyma smáfuglunum, ég gef þeim alltaf þegar snjór er yfir öllu og kuldi...

[Helga Kristjánsdóttir, 10.3.2011 kl. 01:51]

 Þeir hafa verið svo spakir,þegar harkan er mest,að þeir trítla upp á þröskuld. Ég skil ekki hvað er að,ég kemst ekki yfir eina línu án þess að þurrka hana út,síðan er ég löt. Er skúffuð með kannanir,þykist vita betur. Æi bíð góða nótt. 

[Jens Guð, 10.3.2011 kl. 02:07]

  Frábærar myndir.

[Vilborg Eggertsdóttir, 10.3.2011 kl. 02:51]

~ o ~

- fallegar myndirnar af ykkur, þér, fuglunum, gróðrinum og jörðinni, - enda öll af sama meiði.

- megi nóttin umvefja ykkur öll -

[Dísa (IP-tala skráð) 10.3.2011 kl. 09:33]

Fínar myndir af fuglunum og trjánum, en flottust af þér, þú geislar.

[Kidda, 10.3.2011 kl. 09:34]

Frábær mynd af þér mín kæra

Hérna hjá mér er mikið um allskonar smáfugla sem ég kann ekki einu sinni nöfnin á, nágrannarnir eru mjög duglegir að gefa þeim að borða. Þeir fá mat í allskonar fuglahúsum og í einu þeirra eru alltaf 2 epli sem þeir narta í. En það er líka mikið um risaketti sem eru iðnir við að þvælast hérna um. Hugsa að það séu vel yfir 100 fuglar sem eru hérna og virkilega gaman að horfa á þá.

Vorið að koma í kúlu, það líst mér vel á

Knús í vorkúluna

[Ásthildur Cesil Þórðardóttir, 10.3.2011 kl. 10:23]

Takk elskurnar ég var að koma úr viðtali við eigendur nýrra sjónvarpsrásar, stöð1 heitir hún og þar var ég beðin um að rifja upp feril minn í tónlistinni, sem spannar nokkra áratugi.  Byrjaði um 13 ára í söngtríói, og endaði sem gamalt brýni og allt þar á milli. 

Það var gaman að rifja þetta upp.  Veit ekki hvort stöðin nær meira en hér nærhéruð, en ég skal láta ykkur vita þegar þetta verður sýnt. 

Átti mjög skemmtilegt kvöld með yndislegu fólki að rifja þetta allt upp. 

[Sóldís Fjóla Karlsdóttir, 10.3.2011 kl. 13:59]

Þú tekur svo frábærar myndir og ekki er textinn sem fylgir myndunum verri.... þú færð plús fyrir allt þetta.

[Ásthildur Cesil Þórðardóttir, 10.3.2011 kl. 17:17]

Takk Sóldís mín.