Laufey og ég og ég og Laufey ásamt ýmsum öðrum.

Ég fór í kvöldskóla að læra þýsku, kennarinn var frú Brynhildur Björnsson, Þar áður hafði ég verið á kvöldnámskeiðum í frönsku kennarinn þar var frú Bryndís Scram.  En við á þýskunámskeiðinu fórum öll með Brynhildi til Þýskalands, man ekki hvaða ár þetta var, en það var örugglega sautjánhundruð og súrkál.   Faðir Brynhildar var sonur forsetans okkar Sveins Björnssonar og bjó hann í Englandi.  Hann sendi dóttur sína í stríðinu til þýsku eyjarinnar Amrum, til að forða henni frá loftárásum Þjóðverja. 

En í tilefni af því að Laufey bloggvinkona mín kom hér í heimsókn um daginn og við áttum svo notalega stund, datt mér í hug að setja inn nokkrar myndir frá þessari ferð.  Við vorum nefnilega mikið saman á þessum tíma, bæði í þýskunámi og í Litla Leikklúbbnum.

Hér erum við í sollinum, man ekki hvað barinn heitir, en þetta var svona íslandsbúlla í Hamborg minnir mig, annars er ég farin að verða dálítið gleyminn.  þarna var alltaf fjör og fólk stóð upp á borðum og söng, margir íslendingar sóttu þennan stað.

Hér er nærmynd af okkur Laufey, og frú Brynhildur fyrir endanum.  Hún átti allskrautlega ævi, þessi elska m.a. bóndakona í djúpinu fyrir utan að vera afabarn forseta.  Það var gefin út bók um hana, hún var rosalega flott kona.

Hér er hún greinilega að drekka Ella minn undir borðið, en hún var fyrir utan að vera flott kona, algjörlega öðruvísi kona, stórbrotin persónuleiki.

Hér er fremstur til hægri Halldór Hermannsson bróðir Sverris.  Og margir sem ísfirðingar kannast vel við.

ein eyjan í klasanum þýska heitir Helgoland og þar var freeverslun.  Þangað fórum við í verslunarleiðangur, ég er að koma heim til Amrum þaðan.

Hér erum við stöllurnar, flottar og fínar, ennþá flottari í dag auðvitað.

Við gistum hjá vinkonu Brynhildar á Amrum, vinkonu hennar sem hún hafði búið hjá meðan á stríðinu stóð.

Elli með eina þýska á hnjánum.  Þetta var virkilega skemmtileg ferð og góður hópur.

Man svo sem ekki eftir þessum karli, en hann hefur örugglega málað þessa mynd af Amrum.

ég og Lubba mín. Takið eftir skónum!

Við Laufey aftur og Nonni Búbba, Búbba prentara ég held að hann hafi átt merkisafmæli um daginn, til hamingju Búbbi minn.

'Eg á þessum tíma.

Ég held að við höfum verið þarna í viku og notuðum tíman til að hjóla um eyjuna.  Það var ekki mikið annað að gera, nema fara í bjórdrykkjukeppni og skemmta hvort öðru, en ég held að engum hafi leiðst.

Þetta er náttúrulega algjörlega þýskt ekki satt? Bjórtunnur og alles.

Ein af okkur Júlla mínum, á þessum tíma saumaði ég flest föt á mig sjálf.  Það var ekki til peningur til að kaupa slíkt.

Strákurinn hennar mamadí.  Alltaf ljúfur.

Þetta er nú bara svona til að létta andrúmsloftið og hafa gaman af.  En Amrúm er ein af Frisnesku eyjunum þar sem brandararnir byrjuðu löngu á undan Hafnarfjarðarbröndurunum og þeim dönsku holubúabröndurunum. 

Lifið heil og megi allir góðir vættir vaka með ykkur og vernda.  Segi bara góða nótt

Athugasemdir

[, 9.1.2010 kl. 01:25]

Þetta var skemmtileg færsla. Gaman fyrir þig að geta nú skannað inn gömlu myndirnar. Þú hefur verið svaka flott alla tíð og Elli mikill töffari

[Dísa (IP-tala skráð) 9.1.2010 kl. 10:06]

Skemmtilegar myndir . Sé á Bæring að örfá ár eru liðin síðan þetta var tekið. . En þið Elli voruð rosaflott

[Ásthildur Cesil Þórðardóttir, 9.1.2010 kl. 11:50]

Takk báðar.  Já það sést vel á Bæring og Dóra að þetta er bara svona örskotsstung

Ég get líka skannað inn gamlar filmur.  Þarna liggur mikil vinna, sem ég hef hugsað mér að reyna að troða inn í allt sem ég ætla að gera þegar ég hætti að vinna, hvenær sem það verður.

[Laufey B Waage, 13.1.2010 kl. 11:35]

Ferlega gaman að sjá þessar myndir. Takk fyrir. Þetta var haustið 1978. Ég er með það 100% á hreinu. Þá vorum við ungar og flottar, - nú erum við bara stórglæsilegar. Mér finnst hún sérlega skemmtileg myndin af okkur tveimur að syngja saman (einu sinni sem oftar!! - Ég á grænum kjól).

Og takk fyrir síðast enn og aftur!! Hafðu endilega samband þegar þú kemur suður.

[Ásthildur Cesil Þórðardóttir, 13.1.2010 kl. 11:39]

Já sú mynd greinilega erum við að syngja upp úr söngbók.   Já ég geri það.  Það er komin dagsetning á hvenær ég fer suður.  Við förum kring um 30 jan á föstudegi og förum heim þann fjórða feb. 

En við verðum bara í bandi.  Væri gaman að hitta fleiri.

[Laufey B Waage, 13.1.2010 kl. 11:44]

Verð að minnast á eitt í sambandi við Helgolandsferðina. Ég var ekki alveg viss um hvort ég vildi fara (var hrædd um að það væri vont í sjóinn minnir mig). En endaði á að missa út úr mér setningu sem ég hef oft notað síðan: Jú, - það er betra að sjá eftir því sem maður gerir, heldur en því sem maður gerir ekki.

[Ásthildur Cesil Þórðardóttir, 13.1.2010 kl. 11:58]

Hahahaha góð.    Þessar eyjar eru líka kallaðar Frísnesku eyjarnar og þar byrjuðu brandararnir sem hafa einkennt Hafnarfjörð.