Mýrarbolti - nú er lag.

Jamm nú er lag að bregða sér í Mýrarbolta.  En hann verður haldinn hér í Tunguskógi á helginni. sjá hér:

Mýrarboltinn 2007, 3. - 5. ágúst

Nú þegar mánuður er í Evrópumeistaramótið í mýrarknattspyrnu er undirbúningur kominn á fullt skrið. Hálfdán Bjarki Hálfdánsson hefur verið ráðinn drullusokkur mótsins og mun hafa yfirumsjón með öllu sem því við kemur. Eins og alkunna er verður mótið nú haldið í fjórða sinn og eins og undanfarin ár verður leikið á eina viðurkennda keppnissvæði landsins, í Tunguskógi í Skutulsfirði.

Umgjörð mótsins verður stærri og glæstari en nokkru sinni fyrr. Að líkindum verður leikið á í það minnsta fjórum keppnisvöllum, en þar að auki stendur til að bjóða keppendum og áhangendum upp á ýmiskonar afþreyingu meðan á móti stendur.

Að móti loknu verður haldið lokahóf, að líkindum í Edinborgarhúsinu á Ísafirði, en ljóst varð í fyrra að mýrarknattspyrnumenn yrðu að kveðja Skíðaskálann í Tungudal þar sem ólíklegt er að hann rúmi þessa miklu veislu í framtíðinni.

Nánari upplýsingar um mótið og skráningar á það má nálgast á þessari síðu. Þá má reikna má með talsvert tíðari fréttaflutningi af framgangi mála héðan í frá.

Upplýsingar um skráningu

Aldurstakmark á mótið er 18 ár!

 

Þessar myndir eru úr BB.  En þar er linkur á Myrarboltan.  http://www.myrarbolti.com/

Drullusokkar og aðrir íþróttamenn hvernig væri að skella sér á þessa ísfirsku hátíð. 

Innra eftirlit lögreglu.

Það er í raun og veru gott að vita að lögreglumenn séu undir innra eftirliti.  Mér hefur stundum fundist vanhöld á því.  Þetta innra eftirlit er sumsé virkt og fylgt eftir a.m.k. í sumum málum.  En ekki öllum er ég hrædd um.  Hvað með þegar þeir fara illa með fíkniefnaneytendur ?  Og eru ruddalegir við litla Jón og litlu Gunnu ? Er það líka rannsakað ?  Bara spyr.  Ég hef heyrt margar sögur af svoleiðis, en auðvitað eru alltaf tvær hliðar á hverju máli, en þar sem er reykur, þarf að skoða líka hvort ekki er eldur. 

Mig grunar samt að þetta eftirlit sé meira á svona málum, en þeim mannlegu.  Lögregla þarf að vera hafin upp yfir allan grun, og þess vegna verður að fylgjast með skemmdu eplunum, því þau eitra út fra sér. 

Varðstjóri ákærður fyrir brot í opinberu starfi

Finnst þér ekkert óhuggulegt að þú skulir breytast í kött og klóra götukort af Höfn í Hornafirði á bakið á honum, spurði ég rauðhærðu vinkonum mína, sem var nýlega byrjuð í sambúð.

þegar þú færð fullnægingu.

Ekkert óhuggulegra en ef þú tækir upp á því að fara að skrifa erótískar sögur um allar vinkonur þínar, sagði hún ólundarlega.

Æ það dytti mér aldrei í hug, sagði ég og hló.  En veistu að ég ætla að færa þér götukort af Ísafirði, það er betra í laginu að klóra það niður eftir hrygglengjunni á honum.  Það verður sko almennilegt.

  Sorrý krakkar það hljóp einhver fjandans púki í mig, sem ég stóðst ekki.  Það er nú svo með þessa púka, þeir taka yfir stundum.