Ég þarf að biðjast afsökunar

Ég varð því miður að taka út færsluna mína um Deddu.  Einhverjir ættingjar skipuðu mér að taka hana út. Það fylgdi með að ég væri það versta kvikindi sem hefði fæðst á þessari jörð, og ég skyldi biðjast afsökunar á þessari færslu minni og tilkynna að ég hefði verið drukkinn við að rita hana.

Ég vil biðja þá afsökunar sem ég særði með færslunni.  Fólk verður alltaf viðkvæmt þegar maður missir ástvin og það er skiljanlegt.  En ég var hvorki drukkinn né í annarlegu ástandi, öðru en kærleika og virðingu til þessarar frænku minnar sem mér þótti alltaf vænt um.  Þetta er eins og bleikur fíll í stofunni.  Hefði átt að gera mér grein fyrir því.

En svona lítum við misjafnt á hlutina. 

Ég er sem sagt mesta skriðdýr á þessari jörð, andskotans djöfuls kvikindi og búin að rústa öllum tengslum mínum við ættina. 

Elsku Dedda mín ég segi því bara blessuð sé minning þín.

Smá mömmublogg.

Nokkrar myndir af stelpuskottunum mínum svona fyrir mömmu sín.

Já þetta blasti við í morgun, enginn furða að maður færi í hugarferðalag

Ísandi kalt.

Hanna Sólin mín var lasin í dag, svo við vorum heima að dúlla okkur.

Hún er liðug sú stutta því verður ekki á móti mælt.

Þetta kríli er meira fyrir ást og mat.

Það er gott að slaka á fyrir framan sjónvarpið þegar maður er lasin.

Það á líka við þegar maður kemur sprækur heim af leikskólanum...

Hér er pósað fyrir mömmu sína. Amma ég verð að hafa svona handklæði undir því ég má ekki snerta gólfið!!!

Ætli þetta geti gengið?

Best að klifra upp á kommóðuna.

Hoppa hoppa hoppa... sungið með sinu lagi.

Sætust.

Músikantin.

Pússlarinn.

Þetta er svona smá mömmublogg, og Bára mín ég bið að heilsa Hjördísi og við reyndar allar stelpurnar í kúlunni.

Á köldum Ísafjarðardegi er notalegt að fara í smá hugarferðalag. Má bjóða ykkur með?

Maður súnkar niður þegar veðrið lætur svona við mann.  Hundleiðinlegt, en svo er Hanna Sólin mín lasin svo við verðum að vera heima í dag.  Amma það er hundleiðinlegt að vera alein heima, ég má ekki fara í sund ekki fara út.  Ég veit elskan, viltu lita, ég skal finna litabók og liti.  Já!!!

En amma fór að garfa í gömlum myndum og minnast liðinna stunda.

Þegar veðrið er svona leiðinlegt þarf maður annað hvort að muna að aðrir hafa haft það verra, eða endurupplifa góða hlýja daga.

Ekki vildi ég hafa upplifað austurþýskaland á þessum tíma.

Hvað getur maður eiginlega sagt?

Það er alveg með ólíkindum.

Ef þið samt sem áður farið í þessar hryllilegu útrýmingarbúðir, á skuluð þið fá með ykkur túlk.  Þá kemst sagan betur til skila.

Maður getur líka farið inn á pöbb í litlu smáþorpi.  Hér í Lubbenå banka menn þrisvar í borðið og þá er verið að bjóða gesti velkomna.  Þessi maður fyrir endann hér nær er hann Ziegfrid, hann hafði lesið allar sögurnar eftir Laxnes.

Þarna getur maður líka farið í siglingu um síkin á gondólum.  Friðsælt og ljúft.  Það er hægt að velja um tveggja - fjagratíma eða dagsferð.  Bjór og snafs um borð.

Það má skoða stórkostlegar hallir og kirkjur í Köln til dæmis.

Fara á garðyrkjusýningu í Danmörku.

Nú eða eyða tímanum í sumarbústað í danskri sveit með ættingjum og vinum.

Eða fá sér öllara með skólasystkinum á góðum dönskum degi.

Síðan má fara vestur um haf og heimsækja vinkonur.

Fara með henni upp í sögufræg smáþorp þau finnast líka í Ameríku.

Og skoða sig um.

Allt hægt að sjá í BNA

Þar eru líka stærstu lágmyndirnar.

Svo má líka fara aðeins sunnar.

Kúpu til dæmis.  Havanna er skemmtileg borg að skoða, bara gæta sín á stelpunum.  Þær eru allsvæsnar við að reyna við karlana án þess að við tökum eftir því.  Halda fastar í þá en veskin.

Svo syngja þeir svo ljómandi vel á ströndinni.

Svo má fara út að sigla.

Eða bara út í sjóinn.

Pálmar, vindlar og romm.

svo má fara ennþá sunnar til Belize, Cayman islands.

Aldrei hret þar.

Bara ósköp notalegt að vera.  

Já Ísland er land andstæðnanna.  von að við finnum okkur allt til að rífast um og hamast.

Þessi mynd er svona 20 ára gömul.  Það er ekki mikill gróður í kring um mig þá.

En ég vona að þið hafið notið þessa ferðalags með mér í minningalandi.  Þar er svo sem af nógu að taka.  En þetta nægir í dag.   

Grátkórinn byrjaður.

Já þeir eru bestir í að væla greifarnir sem þykjast eiga fiskinn í sjónum.  Ef fyrirtækin þeirra eru ekki betur rekin en svo að þeir fara á hausin við að tekið sé varlega til baka það sem þeir fengu upp í hendurnar ólöglega, þá fara þeir bara á hausinn.  Það vill svo til að fiskurinn hverfur ekki úr sjónum eða hættir að veiðast þó einhverjir stórkarlar leggi upp laupana.  Það verða bara aðrir sem nýta sér auðlind landsmanna allra og gera það vonandi skynsamlegar.  En til þess þarf að breyta miklu í kerfinu sjálfu.  Það er ekki nóg að fara fyrningarleiðina, það þarf að leiðrétta margt annað til dæmis að menn geti komið með allan afla að landi.  Og séu ekki gerðir að glæpamönnum við að henda smáfiski eða óæskilegum tegundum sem ekki er kvóti fyrir.  Þetta þarf að leiðrétta strax og þarf ekki neina fyrningarleið til.  Það er óþolandi er allt að 50 þúsund tonnum af fiski er kastað útbyrðis árlega vegna þess hve kerfið er illa hannað.  Það er líka óþolandi þegar sjórinn er fullur af síld og loðnu að binda hendur sjómanna svo þeir komist ekki í veiðarnar.  Eða eins og einn sjómaður sagði við mig í gær, firðir fyrir suðurfjörðum vestfjarða fullir af sýktri síld, og allir vita að þétt torfa hlýtur að auka smit, þannig að besta leiðin var að veiða sem mest til að grisja stofnin og minnka þannig hættuna á sýkingu stofnsins. 

Það er eins og fáráðnlingar stjórni fiskveiðum hér við land.  Og ekki vilja þeir hlýta ráðum manna eins og Jóns Kristjánssonar sem hefur með góðum árangri ráðlagt færeyingum í mörg ár með þeirra veiðar.

 Blessaðir hættið þessu væli.  Það myndu fáir sakna ykkar þó þið færuð til Miami eða eitthvað lengra. Það myndu bara aðrir fá að veiða í staðinn.  Greinin er hvort sem er í  milljarða skuld.   Vegna þess að menn hafa selt kvóta og komið sér út úr greininni.  Keypt sér m.a. hallir í útlöndum.  og sennilega feita reikninga einhversstaðar í skattaskjólum.  Sorrý en hér þarf breytinga við og nýliðun í greininni.  Og um fram allt frjálsar krókaveiðar.

Fyrning valdi gjaldþroti útgerða

Í Vinnslustöðinni í Vestmannaeyjum.

Öll útgerðarfélög landsins verða orðin gjaldþrota eftir sjö ár verði fyrningarleið ríkisstjórnarflokkanna að veruleika. Þetta segir Sigurgeir Brynjar Kristgeirsson, framkvæmdarstjóri Vinnslustöðvarinnar í Vestmannaeyjum.

Ríkisstjórnarflokkarnir hafa lýst yfir vilja til að gera breytingar í sjávarútvegsmálum. Jóhanna Sigurðardóttir, forsætisráðherra, sagði í gær að stefna flokkanna sé að kalla inn aflaheimildir í áföngum, það er að farið yrði svokölluð fyrningarleið.

Sigurgeir Brynjar Kristgeirsson, framkvæmdarstjóri Vinnslustöðvarinnar í Vestmannaeyjum, líst illa á hugmyndir ríkisstjórnarinnar. Fyrning upp á 5% myndi leiða til þess að sjávarútvegurinn í núverandi mynd verði gjaldþrota á 7 árum. Fólkið sem tali fyrir þessu geri sér enga grein fyrir afleiðingunum, segir Sigurgeir Brynjar. Þetta leiði til þess að bankakerfið hrynji aftur og eftir sitji fátæk þjóð sem hafi tapað öllu sínu. Fyrningarleið leiði auk þess til slæmrar umgengni við fiskistofna. Engin langtímasjónarmið verði í heiðri hjá þeim sem nýti fiskimiðin.

 

[e-mail]

Ísland - Thailand og margt annað.

Ég fékk góða heimsókn í dag í garðplöntustöðina mína. 

en fyrst þetta eins og þeir segja í spaugstofunni.  Sú litla búin í baði og bíður eftir kvöldmatnum.

Þetta er ekki kryddlegið hjarta, heldur steinhjarta frá syni mínum.  Flott ekki satt?

Veðrið í gær.

Veðrið í morgun.  Það var sól, en þegar á daginn leið fór að rigna dálítið.

Fallegt veður á Ísafirði. 

En ég sagði að ég hefði fengið góða heimsókn seinnipartinn upp í gróðrarstöðina mína.  Reyndar kom fólk frá Táknafirði sem vildi kaupa grænmeti og krydd, þau áttu erindi hingað og vildu nota ferðina.  Sem betur fer gat ég orðið við því.

En svo eru thailenskar konur hér að læra íslensku, og líka bara um íslenska menningu og hvernig við erum og gerum.  Elskulegar konur sem ætla að setjast hér að og eiga heima, og þá skiptir svo miklu máli að við getum talað sama tungumál.

Þær fá að heimsækja einhverja staði yfir kennslutímann og skólastjórinn sagði að það hefði verið eindregin ósk frá þeim um að koma til mín í gróðurinn.  Svo sem auðvitað með þessi sólarblóm.

Það var virkilega gaman að fá þessar frábæru konur allar í heimsókn.

Smá vor í kroppinn á okkar Ísakalda landi.

En þær eru allar búsettar hér og ætla að eyða ævi sinni sem íslendingar, og okkur er svo sannarlega fengur að þessum yndælu góðu manneskjum. 

Reyndar eru þær flestar góðir viðskiptavinir gegnum árin hjá mér. 

Hér í forgrunni er skólastjórinn þeirra hún Sigurborg og svo okkar prímadonna númer eitt Guðrún Jónsdóttir.  Ég spurði hana hvort hún kenndi þeim gegnum söng.  Já svaraði hún, meðal annars þá syngjum við.  Það er til að æfa hljóðin okkar.  við notum allskonar óhefðbundnar aðferðir sagði Sibba og hló.  Og okkur til mestu furðu eru þessar konur með mjög breitt svið í hæfileikum, þegar farið er að grafast fyrir feril þeirra.  Dansarar, skreytingameistara, og bara mjög hæfileikaríkar konur allar saman.  Enda er okkur mikill fengur í að fá svona innspýtingu í menninguna. 

En ég ætla að fara að slaka á eftir annasaman dag.  Eigið gott kvöld mín kæru og megi gæfan fylgja ykkur.

Var þetta eingöngu til að ná atkvæðum Frjálslyndra?

Ég er mjög hissa á þessu.  Hélt satt að segja að fólk skrökvaði ekki svona blygðunarlaust.  Hvað er þá sem breyttist? 

Það þarf ekki að bylta neinu, heldur færa þjóðinni það sem hún á með réttu.  Og þetta er einmitt tíminn til þess.  Þegar ríkið á nánast allan kvótann.  Þ.e. Hann er veðsettur upp í topp í bönkunum ekki satt?

Það er synd og skömm að ríkisstjórnin vilji ekki stoppa upp í fjárlagagatið með öllum tiltækum ráðum og nýta auðlindirnar til þess, en kjósa þess í stað að hrófla ekki við hagsmunaaðiljum sem aldrei áttu að fá yfirráðin yfir auðlindinni.  Nú varð ég fyrir verulegum vonbrigðum.  Hversu margir af okkar fólki ákvað að veita þeim atkvæði sitt einmitt út af stefnu þeirra í sjávarútvegsmálunum.  Við þá kjósendur er þetta fyrstu gráðu svik og ekkert annað. 

Kvótakerfi ekki umbylt

Smáhugleiðing og Vínarvor.

Svona smáhugleiðing á vormorgni. 

Ég er að reyna að skilja þennan seinagang sem er í stjórnvöldum að gera þær ráðstafanir sem duga og það núna strax.  Þau hafa eytt ótæpilegum tíma í að rífast um ESB aðild, mest sýnist mér til að friða kjósendur sína.  Þrautlenda svo með því sem lá í augum uppi að leggja það í hendur alþingis.  Það lá ljóst fyrir frá byrjun fyrir alla, að þau myndu aldrei koma sér saman um tafarlausa umsókn um ESB.  Ég fagna reyndar þessari niðurstöðu, því hvaða seinkun sem kemur á þessu gerræðislegu tilburðum Samfylkingarinnar kemur okkur til góða.  Evrópusambandið sýnist mér vera að leysast upp í læðing.  Og þar er sama atvinnuleysið og erfiðleikarnir eins og hér.  Þeir eru bara yfirleitt fjölmennari og hrun tekur þess vegna lengri tíma.  Enda tiltaka þeir alltaf auðlindir okkar sem sérstaka ástæðu til þess að við förum inn.  Ætli það sé nú af góðmennsku einni saman.  Ó nei.  ESBtrúarliðið gerir grín að okkur sem ekki viljum inn.  Segja að við séum hrædd og forpokuð.  En ætli það sé ekki öfugt, að það séu Evrópusinnarnir sem eru hræddir og forpolaðir að halda að ESB sé sérstök þrautarlending og allt bjargist bara við það að komast þangað inn.  Þó margar viðvörunarraddir hafi heyrst, þá ómar endalaust með dyggri aðstoð svokallaðra fréttamanna og þáttastjóra á fjölmiðlum allt sem er gott við ESB.  Rætt helst við forkólfa sem endilega vilja þangað inn.

Ég vil ekki sækja um aðild, ég vil að við höldum okkar auðlindum og fetum okkur út úr þessu feni með ráðdeild og sparnaði.  Og auðvitað aðgerðum ríkisstjórnar til að aðstoða almenning og fyrirtæki.

Hér á blogginu eru hnífarnir á lofti, sérstaklega eru sjálfstæðismenn pirraðir og fjandast út í stjórnarviðræður VG og Samfylkingar.  Finna þeim allt til foráttu og tala endalaust um að vinstristjórnir hafi aldrei gefist vel.  Ég er satt að segja orðin dauðleið á þessari endalausu vinstri dellu í Sjálfstæðismönnum.  Eru þeir alveg búnir að steingleyma hverjir og hverra stefna kom okkur í þessa ógöngur.  Og halda þeir virkilega að við séum svona fljót að gleyma að það sé nóg að bylja bara nógu hátt og nógu oft svo við förum að trúa því að þeir einir geti bjargað Íslandi. 

Nei þið ættuð að einbeita ykkur að því að fara í naflaskoðun og endurskoða ykkar gildi og stefnu.  Það er nefnilega ekki rétt að fólkið hafi bara brugðist en ekki stefnan. 

Þolinmæði Framsóknar er líka á þrotum.  En þeir komu þessu nú á koppinn, en hafa misst frumkvæðið.  Og vilja nú vera með.  En ónei, við munum allof vel spillinguna og hyglunina sem þeir stunda.  Það er líka bara kattarþvottur þetta með endurnýjunina í flokknum, það veit næstum hver maður. 

Þá er það Borgarahreyfingin.  Ég óttast það að þau verði fyrir mestu vonbrigðunum.  Full af bjartsýni bæði þingflokkurinn sem slíkur og fólkið sem kaus hana.  Ég vil þeim allt það besta, en mikið held ég að þau eigi eftir að finna að það eru allar leiðir notaðar til að þagga niður í svona framboðum.  Þ.e.a.s. ef þau reyna að koma einhverjum siðabótum á.  Losa um fjórflokkakerfið og samtrygginguna.  Ég er ekki að segja að forystumenn hinna flokkana sé slæmt fólk, en þau hafa þessa samtryggingu og vilja ekki breyta miklu. 

Þá er hætt við að fylgismennirnir verði mestu dómararnir og reiðir fólkinu sem það kaus til að breyta, og í stað þess að reiðast fjórflokknum láti reiðina bitna á sínu fólki.  Svona erum við einfaldlega hvað sem veldur.

Ég veit að Vinstri græn og Samfylkingin eru í afar erfiðum málum.  Og það er alveg sama hvað þau gera, þau munu alltaf vera harðlega gagnrýnd, ef ekki fyrir að gera of mikið, þá að gera of lítið.  Stundum held ég að við íslendingar séum samsafn af eintrjáningum  sem reyna ekki einu sinni að skilja hlutina.  Bara kýla á sína sannfæringu og óskapast yfir öðrum.   Kóngar allir hreint.

Ég verð nú að viðurkenna að ég treysti Vinstri grænum betur til að halda sig á jörðinni en Samfylkingunni.  Mér finnst stundum eins og Samfylkingin sé samsafn af ólíku fólki sem hefur ekki skýra stefnu heldur lætur ráðast af vinsældum hverju sinni.  Og þar innanbúðar er þessi svokallaða elíta sem þekkir ekki landsbyggðina og þarfir hennar.  Samanber Ingibjörg Sólrún. 

Mér sýnist líka að þolinmæði fólks sé á þrotum.  Undir óþolinmæðina spila svo andstæðingar stjórnarinnar og slá bumbur.  Þau slá líka feilnótur stundum, sem herða þennan bumbuslátt, eins og frasinn um að þau hafi nægan tíma.  Eða að þau séu að ná árangri. Það sér enginn ennþá neinn árangur því miður.  Fólk rambar á barmi örvæntingar og það versta sem til er fyrir fólk í þannig aðstöðu er að fá engar upplýsingar og vita ekki neitt hvað bíður handan hornsins. 

Málið er líka að fyrir utan einstaka trúfélaga í samfylkingunni sem eru líkt og sjálfstæðismenn í trúfélagi en ekki stjórnmálaflokki, þá er öðru vísi fólk í þessum flokkum en Sjálfstæðisflokknum og Framsókn.  Fólk sem sættir sig ekki við hvað sem er.  Og jafnvel getur bæði andmælt og skammað sína forystu.  Þar liggur sennilega mesti munurinn á þessum flokkum.

En þetta er nú bara svona hugleiðing.  Vonandi kemst þetta allt í réttan farveg og fólk fær leiðréttingu og framtíðarsýn.  Annars er hætt við að sú efnahagsbylting sem boðuð var í Kastljósinu verði að veruleika.  Sú bylting verður ekki saklaus búsáhaldabylting því miður.  Hún verður bylting þeirra sem eru örvinlaðir og sjá enga útleið.  Ég vona að stjórnvöld reyni ekki svo á þanþol fólks að slíkt gerist.

 

En ég vil hætta þessu svartnættisrausi og ætla að sýna ykkur nokkrar fallegar myndir frá Vínarborg sem dóttir mín sendi mér.

Þetta gæti verið Brandur en þessi kisa er í Austurrík.

Dóttlan mín blessunin í skólanum sínum að hjúkra dýrum.

þessi huppulega kýr kann vel að meta unga læknanemann.

Svínaflensa hvað.  Þetta er ungviði vorsins. Um að gera að koma sér á spena sem fyrst.

Lítil kríli.

Giska á að þetta sé Buddleia eða fiðrildarunni, falleg er hún og ilmurinn eftir því.

Trölli og Goldie ösla alsæl í Dóná.

Skólalóðin hjá Báru minni.  Við eigum þennan tíma eftir, erum aðeins á eftir.

 

Ég var inn í banka í gær og þar sem ég stóð rak ég augun í orðið Gjaldkeri.  Og ég fór að hugsa, hvaðan ætli menn hafi tekið þetta orðskrýpi upp?  Gjaldkeri, sá sem tekur care of money?  Ég get ekki séð neitt samhengi þarna, sá líka orðið féhirðir.  Ætli það sé ekki líkara því sem gerist í bönkum allavega. 

En þetta er nú bara svona sem var í kollinum á mér í morgun.  Eigið góða dag elskurnar og líði ykkur sem allra best.

Vor vor og meira vor.

Héðan er allt gott að frétta, veðrið leikur við okkur. 

Hanna Sól fór í afmæli í gær.  Takið eftir fótaburðinum.  Hún ætlar sér að læra ballett.  Þráir það mjög heitt. 

Veðrið var mjög fallegt bæði í gær og í dag.

Og snjórinn hefur hopað mikið.

Geislasópurinn fallegur núna, og hunangsflugurnar byrjaðar að suða á fullu, ég bjargaði tveimur upp úr tjörninni í dag.

Og auðvitað bregða börnin sér á leik.

Við lítið hús við lygnan fjörð voru Litla Gunna og Litli Jón

Má bjóða þér inn?

Og svo er gott að hlaupa.

Já það er margt hægt að gera.

Og gaman.

Ærsl og læti vorfiðringur.

Frumskógurinn kallar.

Svo má líka dunda við að pússla.

Hjálpa afa með vorverkinn er líka gaman.

ég var nefnilega að fikta, hellti niður neskaffi, þegar amma kom að, þá sagði hún að ég yrði að þrýfa allt sjálf.  Svo kom hún með ryksuguna og sagði að ég yrði að ryksuga, ég var fyrst dálítið smeyk við suguna, en svo fannst mér þetta bara gaman, og ég sugaði allt kaffið upp af gólfinu, é e dulleg, sagði ég svo við ömmu.  Og henni fannst það greinilega líka.

Mjá mjá segir kisa.

Afi þarf að snýta oft þessa dagana.

Veðrið í dag.

Það er líka farið að vora úti.

Líka freisting fyrir litla putta að slíta upp blómin hennar ömmu.

Trén byrjuð að bruma.

Lindifuran mín kemur vel undan vetri eins og flest annað.

 

Bergfuran er líka flott.

Páskarósin að blómstra.

Afi og skottið.

Hinir krakkarnir fóru í fjöruferð með Júlla.

Svo var grillað og lesið.

En ég segi bara góða nótt.

 

Vorið beint í æð.

Vorið er komið.  Ég skal sýna ykkur það, svo ekki verður um villst.

Sonur minn tók þessar myndir.  Hér eru börnin mín í sveitinni og það er mikið að gerast þar.

Hér er Aron Máni með lambið sitt, og það er gimbur, hún hefur fengið nafnið Hanna Sól.

Hér er Hanna Sól, með Hönnu Sól og báðar kunna að sitja fyrir.

Já Aron Máni og Hanna Sól og Hanna Sól og Ásthildur.

Krakkar og kindur í jötu.

Þau undu sér vel innan um dýrin.

Þær voru ekki smeykar skotturnar mínar.

Já hér er ær að byrja fæðingu.  Líknarbelgurinn kominn.

Nýtt líf að fæðast, er það ekki dásamlegt?  Er það ekki einmitt vorið?

Þær eins og við upplifa sársaukan sem fylgir útvíkkun og hríðum.

Og Aron Máni togar í litla lambið sem er að koma í heiminn.

Úlfur fær að taka á móti því næsta.

Allt er þetta samt undir öruggri stjórn bóndans eða bændanna, hjónanna á staðnum ömmu og afa Arons og Kristjáns Loga.

Móðurástin er alltaf sú sama, hvað sem dýrið heitir, hvort sem það er maður eða maur.  Þannig erum við bara. 

Svo er ágætt að fara bara og gefa öndunum.  Þar er ekki erfið fæðing, eða þannig þar sem þær eignast egg og þurfa svo að liggja á, það krefst þolinmæði en ef til vill ekki sama sársauka.

En þetta elskurnar mínar er vorið beint í æð. 

Suðurferð, fundur og vinafagnaður.

Ég skrapp suður, þurfti bæði að fara á BUGL og miðstjórnarfund hjá Frjálslynda flokknum. Mikilvægasti fundur frá byrjun hugsa ég.  En við fórum með öll börnin.  Þau voru frábær alla leiðina báðar leiðir stillt og góð. 

Daginn sem ég fór kom í heimsókn til mín yndisleg vinkona frá því ég var yngri, en eins og góð vinátta þá er hún tímalaus.  Elsku Gunnþórunn mín, mikið var gaman og gott að hitta þig hér og ekki síður í sumarbústaðnum þínum og íhuga með þér og frábærum konum.  Þúsund þakkir fyrir mig

Þú ert ein af þessum alþýðuhetjum sem ert að vinna á fullu í góðum málum, en í kyrrþey.

Í bílnum á leiðinni, þau voru frábær börnin á leiðinni.  Þó beltin sjáist ekki hér, þá voru þau allan tímann spennt í bak og fyrir, ég set ekki mína gimsteina í neina hættu, þau eru framtíðin.

Dáist alltaf að þessu fallega köflótta fjalli á ströndum, veit ekki hvað það heitir en það er alltaf svona fallegt á þessum tíma.

Það var auðvitað stoppað á leiðinni hér erum við rétt utan við Sauðfjársetrið við Sævang, hvar maður spilaði nú oft hér áður og fyrr fyrir dansi, og lék meira að segja leikrit.

Dýrgripir fjörunnar eru óumdeilanlegir.

Himnagalleríið var svo sannarlega opið í þessari ferð get ég sagt ykkur.

Í allri sinni tign og fegurð.

Og ég get sagt ykkur sem ekki vitið að það er ekki á mörgum stöðum sem himnagalleríið er svona ferskt og fallegt eins og hér, því hitamistur er víðast hvað í heitari löndum.  Þess vegna held ég að túristarnir dáist ekki síður að þessari himnafegurð en landslaginu.

Og ósnortinni náttúru þessi listaverk eru meiriháttar og algjörlega ókeypis.

eins og svart og hvítt, bleikt og blátt... andstæður sem eiga hvergi sinn líka eða mjög fástaðar.

En þau í aftursætinu sátu hljóð og stillt, horfðu á myndir og svo var farið út að hlaupa eða skoða.

Sumir voru að pússla.

Hinir horfðu á teiknimyndir.

Málverk eða íslenskur vorhimin?  Jamm einmitt íslenskur vorhiminn.

svo vorum við komin á gistiheimilið að Einholti þar sem pabbi vinnur.  Og það var gott að hitta pabba sinn.

Slaka á og fá sér gúrku og svoleiðis, þetta er jú gúrkutíð.

svo má lika fíflast smá.  Þetta gistiheimili er vel staðsett, herbergin stúdíóíbúðir, litlar en ósköp notalegar, með sjónvarpi og öllum þægindum.  Ódýr gisting, enda var fullbókað eftir 1. maí af útlendingum.

en það voru ekki bara stelpur að hitta pabba sinn stubbur var að hitta mömmu sína, hann vildi endilega kaupa blóm og færa henni.  Það var fallegt.

Það var svo lesið eins og venjulega allt á sínum stað.  En auðvitað sá pabbi fyrst og fremst um þetta allt saman meðan á dvölinni stóð.

ég sagði ykkur að ég hefði farið á miðstjórnarfund hjá Frjálslyndum.  Það var gagnlegur og góður fundur.  Mikill hugur í okkar fólki, og þar var ákveðið að halda áfram og brjótast aftur upp á við.  Að vísu erum við bara núna á byrjunarreit.  Enginn á launum hjá flokknum, og engir peningar, en við eigum okkur sjálf og góða málefnaskrá, sem við viljum ekki að glatist.  Virkilega hæfir og góðir einstaklingar sem vilja leggja sitt af mörkum og vinna flokknum brautargengi.  Það sem mestu máli skiptir er sennilega að með því að enginn er lengur á launum eða slíku, þá losnum við við fólkið sem er bara þar til að ná sér í aukabitling eða sækjast eftir stöðu eða peningum.  Þá eru bara eftir þeir sem vilja vinna láta að sér kveða með bjartsýnina og gott hugarþel að vopni.

Þetta var fullskipaður miðstjórnarfundur og mjög gagnlegur og góður.

Og við erum full af bjartsýni, svo er bara að sjá hvert það leiðir okkur öll. Allavega var snarfelld tillaga frá ´Magnúsi Þór um að halda nýtt landsþing og kjósa nýja forystu.  Þar var snarfellt með öllum greiddum atkvæðum nema atkvæði Viðars Guðjohnssens og hjásetu Sturlu.  Enda hefur verið mikil endurnýjun í bæði miðstjórn, stjórn og ýmsum ráðum og nefndum flokksins.

Sólarlagið er fallegt í henni Reykjavík, eða var þennan dag allavega.  Hina dagana var rigning og rok. 

Þessar myndir eru teknar upp í rimahverfinu.

Þar hitti ég aðra góða vinkonu mína.  Og þá þriðju upp í Borgarnesi hana Ingibjörgu Guðmundsdóttur í BG, sem kom og heilsaði upp á mig.  Ég er heppinn að eiga svo marga góða vini.  En reyndar marga sem ég komst ekki af að hitta eins og Dísu mína Gríms.

Svo var haldið heim.  Stubburinn vildi endilega að við tækjum mynd af kókdósinni.

Og víst eru fjöllin glæsileg í Borgarfirðinum.

Þau gengu svo upp á Grábrók Úlfur, Hanna Sól og afi, meðan við Ásthildur sátum í bílnum og hlustuðum í hundraðasta skipti á Abbabbbabb, sem ég ætla að hvíla mig leeeeeengi á.

Hanna Sól pósar fyrir afa í fjörunni í Bitrufirðinum.

Meðan sumir borð epli og vilja ekki fara út hehhehe

Hér erum við aftur á móti í Botni í Mjóafirði.

Lítil krýli þurfa að fara út og hlaupa af og til.

gaman að henda steinum í ána.

Þá er um að gera að miða vel.

Vestfirsku alparnir... ekki þessir á suðurfjörðunum, heldur þeir norðari.

Og gott að hafa tölvuna og geta horft á mynd, styttir tímann ótrúlega mikið.

Og hér blas við fjöllin mín.  Og ferðin senn á enda gott að koma heim. Allir glaðir að komast aftur í rútínuna.  Og ekki sakar veðrir hér, sól og blíða.

Segi bara hilsen elskurnar og takk fyrir mig og hlý orð.  Þið eruð yndi.