Síðan skein sól !

Þá skín sólin á ný á okkur hér á vestfjörðum. 

 

 

Það er bara góður hugur í mínu fólki.  Menn spá í atvinnumálin, og mikið er spekulerað um olíuhreinsistöðina.  Og sýnist þar sitt hverjum.  Flestir eru á því að hér sé um einhverskonar gulrót að ræða.   Menn eru orðnir svolítið skeptiskir á kosningaloforð meirihlutans og hvert þau leiða okkur.  Það er komið mikið af innantómum og fjölnota loforðum.  Margir gera að því skóna að hér sé ein slík.  Ef við höfnum þessari stöð sé bara hægt að segja við okkur að fyrst við höfnum þessu, þá þurfum við ekki þessa 15 milljarða sem á að setja hingað.  Því við viljum hvort sem er ekki láta bjarga okkur.

Málið er að við viljum ekki láta gera neitt.  Við viljum fá að bjarga okkur sjálf.  Eða eins og góður maður sagði einhverntímann, látið okkur hafa verkfærin og við skulum vinna.

Við höfum sýnt að við erum dugandi fólk sem vill vera hér áfram og gera það sem gera þarf.  En til þess þurfum við tækifærin og verkfærin og þær auðlindir sem við eigum rétt á hér við bæjardyrnar hjá okkur.  Og við munum sjá um að koma okkar sjálf upp úr þeirri eymd sem nú blasir við. 

Þessar myndir tók ég núna fyrir augnabliki síðan.  Þegar ég kom heim til mín útblásin af bjartsýni á lífið og tilveruna. 

Athugasemdir

[Vestfirðir, 24.4.2007 kl. 18:46]

Lifi Vestfirðir. Vel mælt Ásthildur!

[Ásthildur Cesil Þórðardóttir, 24.4.2007 kl. 19:02]

 

[IGG , 24.4.2007 kl. 19:30]

Sammála hverju orði hjá þér hér að ofan Ásthildur. Vel sagt og flottar myndir.  Takk fyrir hvort tveggja.

[Ásthildur Cesil Þórðardóttir, 24.4.2007 kl. 19:56]

Glöð er ég að heyra það Ingibjörg mín.  Svo sannarlega.

[Ásthildur Cesil Þórðardóttir, 26.4.2007 kl. 10:54]

Ég held að fæstum lítist vel á hana.  En fólk vill ekki kasta þessu frá sér óskoðuð, vegna ástandsins.  hver segir nei við 5-700 störfum.  Fólk spáir og spekulerar hvar væri hægt að koma henni fyrir, og hvar væri nógu djúpur fjörður, hvar nægilegt undirlendi og nægilegur blástur til að hreinsa út mengunina, en svo segir fólk, nei annars þetta er algjört glapræði, við vitum hvernig rússneskir dallar eru, ryðkláfar, og hvað ef slys gerðist og einhver kláfurinn rækist á land og mengaði öll fiskimiðinn.  Og svo hrista menn hausinn og segja nei þetta gengur víst ekki.  Enda er þetta örugglega bara gulrót fyrir okkur, og ef við segjum nei, þá segja "þeir" á móti á hafið þið ekkert að gera með þessa 15 milljarða sem eiga að fara hingað.  Fyrst þið viljið ekki þessa olíuhreinsunarstöð  Við erum nefnilega enginn flón.  Og okkur dettur svo margt í hug. 

Við viljum frekar fá að fiska þann gula sem syndir hér allt um kring.  Og byggja upp smáiðnað og allt sem einstaklingar geta upphugsað ef þeir fá til þess fjármagn og tækifæri.