Undir hvað hafa Lilja, Ásmundur og Atli skrifað í stjórnarsáttmála?

Það er alltaf verið að tala um að Lilja Mósesdóttir, Atli Gíslason og Ásmundur Einar Daðason hafi skrifað undir stjórmálasáttmálann og þau verði að virða það sem þau skrifuðu undir.

En undir hvað skrifuðu þau?  Eg renndi aðeins yfir sáttmálann og ég verð að segja að sá sáttmáli sem ég las hefur ekki verið sá sem ríkisstjórnin undirritaði á sínum tíma.   Ætli þeim sáttmála hafi verið stungið undir stól?

Hér má sjá ýmislegt fróðlegt, stiklað á stóru.

 

Samstarfsyfirlýsing ríkisstjórnar Samfylkingarinnar og Vinstrihreyfingarinnar græns framboðs 

Ríkisstjórn Samfylkingarinnar og Vinstrihreyfingarinnar – græns framboðs er mynduð um að tryggja efnahagslegan og félagslegan stöðugleika og leita þjóðarsamstöðu um leið Íslands til endurreisnar – nýjan stöðugleikasáttmála. 

Ríkisstjórnin er mynduð á grundvelli góðs samstarfs flokkanna tveggja í fráfarandi ríkisstjórn.

Á ríflega 80 dögum hefur verið lagður grunnur að því að hægt verði að snúa vörn í sókn á flestum sviðum, þrátt fyrir gríðarlega erfiðar aðstæður í íslensku samfélagi og alþjóðlegu efnahagslífi. Í nýafstöðnum kosningum veitti meirihluti kjósenda jafnaðarmönnum og félagshyggjufólki skýrt umboð til að halda áfram og leiða til öndvegis ný gildi jöfnuðar, félagslegs réttlætis, samhjálpar, sjálfbærrar þróunar, kvenfrelsis, siðbótar og lýðræðis.

Ný ríkisstjórn starfar með þessi gildi að leiðarljósi í því skyni að skapa norrænt velferðarsamfélag á Íslandi, þar sem almannahagsmunir eru teknir fram yfir sérhagsmuni.

Lykilverkefnið er að endurreisa traust í íslensku samfélagi og orðspor Íslands á alþjóðavettvangi. 

Ríkisstjórnin mun beita sér fyrir opinni stjórnsýslu, auknu gagnsæi og lýðræðisumbótum.

Ríkisstjórnin mun kappkosta að byggja upp á Íslandi opið og skapandi umhverfi sem stenst samanburð við það sem best gerist í nágrannalöndum okkar í Evrópu, bæði að því er varðar efnahag og lífsgæði. Í þeim efnum horfum við sérstaklega til frændþjóða okkar á Norðurlöndum.  

Framhald verður á miklum efnahagsþrengingum um allan heim og ljóst að ástandið kann að versna áður en það batnar aftur. Einnig liggur fyrir að efnahagur þjóðarinnar mun ekki lagast af sjálfu sér – til þess þarf samfélagið að vinna saman að því að leysa vandann. Allir þurfa að leggja sitt af mörkum, og í réttu hlutfalli við getu. Þessi ríkisstjórn mun ekki velta vandanum yfir á þá verst settu í samfélaginu, né leggja byrðarnar á börnin okkar með því að skjóta vandanum á frest.

Eftir fremsta megni verður staðinn vörður um kjör lágtekjufólks og þá sem við erfiðastar aðstæður búa og byrðunum dreift með sanngirni, jöfnuð og réttlæti að leiðarljósi.  

Ríkisstjórn Samfylkingar og Vinstrihreyfingarinnar – græns framboðs ætlar sér að verða norræn velferðarstjórn í besta skilningi þess orðs.  

 

Efnahagsmál 

Hornsteinar efnahagsstefnu ríkisstjórnarinnar eru trúverðug efnahagsáætlun og stefnumörkun í ríkisfjármálum til fjögurra ára sem miðar að hallalausum ríkisfjárlögum á ásættanlegum tíma, auk samstarf við aðila vinnumarkaðarins um nýjan stöðugleikasáttmála. 

Forsætisráðherra mun einnig láta vinna yfirlit um stöðu og þróun á lykilstærðum í samfélags- og efnhagsmálum til að skilgreina nánar þann vanda sem við er að glíma og framtíðarvalkosti, s.s. í ríkisfjármálum, gjaldmiðilsmálum, atvinnulífi, húsnæðismálum, jafnréttismálum, byggðamálum, löggæslumálum auk annarra mikilvægra samfélagsmála. Til verksins verða m.a. kvaddar fagstofnanir og sérfræðingar úr háskóla- og rannsóknasamfélaginu. Slíkt stöðumat felur í sér mikilvæga viðmiðun til að meta árangur næstu ára í ljósi þróunar síðustu ára og þess sem gerst hefur. 

 

Ríkisstjórnin mun gera það sem í hennar valdi stendur til að tryggja öfluga og skilvirka efnahagsbrotarannsókn og að bæði henni og niðurstöðum rannsóknarnefndar Alþingis um bankahrunið verði fylgt eftir af fullum heilindum. Réttar og greinargóðar upplýsingar um stöðuna og réttlátt og heiðarlegt uppgjör við þá peningjahyggju sem leiddi til hrunsins eru mikilvæg forsenda þess að íslenskt samfélag geti sameinast á ný og beint kröftum sínum að því að byggja upp til framtíðar.

Breið samstaða um stöðugleikamarkmið

Mikilvægustu verkefni ríkissstjórnarinnar næstu 100 dagana í efnahagsmálum eru á sviði ríkisfjármála, bankamála og að greiða úr skuldavanda fyrirtækja og heimila. Skapa þarf forsendur fyrir áframhaldandi og hraðri lækkun vaxta og vinna markvisst að því að draga úr höftum í gjaldeyrisviðskiptum.

Markmiðið er að skapa skilyrði til hagvaxtar þegar á næsta ári. Þessi verkefni styðja hvert annað og tengjast með margvíslegum hætti.

Trúverðug stefna í ríkisfjármálum er nauðsynleg til að treysta bankakerfið, styðja gengi krónunnar og skapa forsendur fyrir eðlilegum gjaldeyrisviðskiptum.  

Jafnframt mun ríkisstjórnin marka skýra eigendastefnu þar sem fram komi framtíðaráherslur ríkisins sem eiganda bankanna og hvernig henni verður framfylgt. Markmið þess er að styrkja faglegan, gagnsæjan og traustan grunn undir aðkomu hins opinbera að atvinnulífinu.

Meðal annars verði kveðið á um hvernig eignarhaldi bankanna verður hagað, hugsanlegri eignaraðild erlendra kröfuhafa og sýn á dreift eignarhald á bönkunum til framtíðar.

Þá yrði kveðið á um auglýsingar á stöðum bankastjóra og faglega yfirstjórn þeirra.

Þá þarf að gæta þess að yfirtaka ríkisbanka á einstökum fyrirtækjum skekki ekki samkeppnisstöðu á markaði.

Tryggt verður að unnið verði eftir faglegu og gagnsæju ferli við sölu þeirra. Ríkisstjórnin lýsir sig reiðubúna til viðræðna um þau meginmarkmið sem sett hafa verið fram í ofangreindu samstarfi og vill beita sér fyrir breiðri sátt um að þau geti orðið grunnur að nýjum efnahagslegum og félagslegum stöðugleika á Íslandi. Í því felst meðal annars að ná samstöðu um: 

 

• Áætlun um að skapa skilyrði fyrir afnámi gjaldeyrishafta og hraða lækkun vaxta.

 

• Hagstæð rekstrarskilyrði fyrir fyrirtæki þannig að störf verði varin og aðstæður skapaðar fyrir fjölgun þeirra á ný.

  

• Markmið í ríkisfjármálum í samræmi við sameiginlega áætlun stjórnvalda og AGS.

 

• Að verja velferðarkerfið eins og kostur er.

  Ljóst er að ofangreind markmið nást ekki án þess að með samstilltu átaki takist að ná góðum og jöfnum hagvexti. Til að það sé unnt þarf að: 

• Auka traust og trú á íslenskt efnahagslíf.

 

• Örva innlendar fjárfestingar í atvinnulífinu. 

 

• Stuðla að beinum erlendum fjárfestingum.

 

• Koma á eðlilegum lánaviðskiptum við erlenda banka.

  

Ríkisfjármál

Lykill að endurreisn íslensks efnahagslífs felst í víðtækum aðgerðum á sviði ríkisfjármála með það að markmiði að mæta hinu mikla tekjufalli sem ríkissjóður hefur orðið fyrir vegna efnahagshrunsins og þeim miklu skuldum sem það skilur eftir sig.

Beita verður ríkisfjármálum til að verja grunnvelferðarkerfið og auka kjarajöfnuð um leið og staðið er undir fjárhagsskuldbindingum ríkissjóðs og stutt eftir megni við baráttuna við atvinnuleysi og nýja sókn í atvinnulífi um allt land. 

Kannaðir verði kostir til aukinnar tekjuöflunar ríkissjóðs í samráði við hagsmunaaðila og með hliðsjón af reynslu þeirra landa sem glímt hafa við svipaða erfiðleika.

 Lykilatriði er að aukin skattheimta leggist frekar á þá sem betur eru í stakk búnir til að bera auknar byrðar en verði þó ekki til þess að draga úr möguleikum fólks til að vinna sig út úr þeim erfiðleikum sem framundan eru.

Áfram verði unnið markvisst að því starfi sem hófst með samstarfi stjórnarflokkanna að koma í veg fyrir skattaundandrátt. 

Gripið verði strax til fyrstu aðgerða í ríkisfjármálum.

Forgangsverkefni nýrrar ríkisstjórnar á sviði ríkisfjármála verður jafnframt gerð áætlunar um stefnu í ríkisfjármálum til næstu fjögurra ára.

Sú áætlun marki útlínur þess verkefnis sem framundan er, jafnt í lækkun ríkisútgjalda og aukinni tekjuöflun. Miðað er við að jafnvægi náist í ríkisfjármálin eigi síðar en 2013.

Í áætluninni verður þess gætt að vernda mikilvæga þætti félagslegrar þjónustu og stefnt er að því að á áætlunartímabilinu verði frumgjöld ríkissjóðs, þ.e. útgjöld án vaxtagjalda, ekki hærra hlutfall af vergri landsframleiðslu en verið hefur á undanförnum árum þrátt fyrir mikinn samdrátt landsframleiðslunnar. Gert verði ráð fyrir að skattbyrðin verði svipuð eða lægri á áætlunartímabilinu en hún hefur verið á síðustu árum og verði í skrefum aðlöguð útgjaldastigi ríkissjóðs.

Áætlun um jafnvægi í ríkisfjármálum verði kynnt opinberlega í sumarbyrjun og þá rædd m.a. við aðila vinnumarkaðarins.  

Greiðslu- og skuldavandi heimila 

Djúp niðursveifla í kjölfar bankahrunsins hefur skapað misgengi á milli greiðslubyrði og greiðslugetu margra heimila í landinu. Þetta misgengi verður að leiðrétta með lækkun á greiðslubyrði þeirra sem verst standa þar til verðmætasköpun atvinnulífsins tekur aftur að aukast.

Markmið ríkisstjórnarinnar er að koma í veg fyrir að tímabundinn greiðsluvandi leiði til vanskila og gjaldþrots, svo sem með hækkuðum og breyttum vaxtabótum og húsaleigubótum.

Lykilatriði er að tryggja húsnæðisöryggi fjölskyldna og einstaklinga.

Greiðslujöfnun sem nú nær bæði til verðtryggðra og gengistryggðra lána gerir kleift að laga greiðslubyrði að lækkandi tekjum. Þá gera ný lög um greiðsluaðlögun sem samþykkt voru á síðasta þingi það mögulegt að taka á vanda þar sem fyrirsjáanlegt er að greiðslu- og skuldabyrði verði  skuldurum ofviða til lengri tíma litið.  Loks gera frystingar greiðslna sem eru í boði hjá lánastofnunum heimilum kleift að bregðast við bráðavanda vegna skyndilegs tekjumissis. Ofangreindum úrræðum þarf að fylgja fast eftir. 

 

• Efnt verður til sérstaks kynningarátaks á þeim úrræðum sem heimilum í erfiðleikum standa þegar til boða.

 

• Ráðgjafarstofa heimilanna verði efld enn frekar ef þörf krefur til að eyða biðlistum eftir viðtölum og aðstoð við endurskipulagningu á fjárhag heimila og fólks í vanda. Sérstaklega verði hugað að aðgengi íbúa á landsbyggðinni að þjónustu Ráðgjafarstöðvarinnar.

  

• Skuldastaða heimila, greiðslu- og framfærslugeta verði til stöðugs endurmats sem og nauðsynlegar aðgerðir til að koma til móts við heimili í vanda.

 

• Heildarmat á þörf fyrir frekari aðgerðir og tillögur í því efni verði unnar í kjölfar úttektar Seðlabanka Íslands á skuldum og tekjum heimila sem áætlað er að liggi fyrir í síðari hluta maímánaðar. Ákvarðanir um frekari aðgerðir og tillögur verði teknar í samráði við aðila vinnumarkaðarins.

   

Varanleg velferð

Heilbrigt velferðarkerfi og baráttan gegn langtímaatvinnuleysi eru mikilvægar forsendur fyrir farsælli enduruppbyggingu samfélagsins.

Mikilvægasta verkefni velferðarþjónustunnar og leiðarljós við forgangsröðun í núverandi aðstæðum er að vernda hag og stöðu barna og fjölskyldna þeirra, sem og þeirra sem lakast standa í samfélaginu.

Ríkisstjórnin lítur á það sem forgangsmál að tryggja að afleiðingar efnahagssamdráttarins leiði ekki til þess að húsnæðisöryggi fjölskyldna og einstaklinga sé ógnað.

Velferðarmálin snúast um öfluga heilbrigðisþjónustu fyrir alla, sterkt almannatryggingakerfi og tryggt húsnæði.  

Til að tryggja betri nýtingu fjármuna í velferðarþjónustu þarf með skipulegum hætti að samþætta úrræði þvert á stofnanir og stjórnsýslustig.

Lögð verður áhersla á mikilvægi samráðs og samvinnu allra sem koma að velferð fólksins í landinu og að litið verði til velferðarvaktarinnar sem fyrirmyndar í þeim efnum. 

Heilbrigðisþjónustan verður tekin til endurskoðunar með heildstæðri stefnumörkun. Markmiðið er að draga úr kostnaði við heilbrigðisþjónustuna og nýta fé skynsamlega.

Í endurskoðuninni er nauðsynlegt að leiða saman heilbrigðisstarfsmenn, sjúklingasamtök og sérfræðinga til að skipuleggja og ná sátt um örugga heilbrigðisþjónustu um allt land. 

Markmið allra endurbóta í heilbrigðisþjónustu og almannatryggingakerfi eiga að vera jöfnuður, gott aðgengi, gæði, öryggi og hagkvæmni.   

Félagslegum afleiðingum atvinnuleysis og fjárhagsvanda fólks verður mætt með markvissu samstarfi og samráði milli ríkis, sveitarfélaga, aðila vinnumarkaðarins og frjálsra félagasamtaka. Beitt verði félagslegum úrræðum til að hindra langvarandi afleiðingar kreppunnar. Áhersla verði lögð á heilsueflingu sem forvörn gegn sjúkdómum og leið til að auka lífsgæði. 

Veitt verði heilbrigðisþjónusta við hæfi á viðeigandi þjónustustigi, óháð efnahag og búsetu.

Hlutverk sveitarfélaga í velferðarþjónustu við börn, fatlað fólk, aldraða og fjölskyldur verði aukið með flutningi verkefna frá ríki til sveitarfélaga. 

Heilsugæslan um land allt verði sett í öndvegi sem fyrsti viðkomustaðurinn í heilbrigðiskerfinu.  

Aðgerðaráætlun í málefnum barna- og ungmenna verði fylgt eftir. 

 Stefnt verði að því að fólk geti búið heima eins lengi og kostur og vilji er til, meðal annars með því að samþætta heimaþjónustu og heimahjúkrun. Staðið verði við framkvæmdaáætlun um ný hjúkrunarrými fyrir aldraða. 

Aukin áhersla verður lögð á endurhæfingu lífeyrisþega til að tryggja virka þátttöku þeirra, meðal annars með því að innleiða  samning Sameinuðu þjóðanna um réttindi fatlaðra. 

Mikilvægt er að allir hafi möguleika á öruggu húsnæði fyrir sig og fjölskyldu sína. 

Innleidd verði ný skipan húsnæðismála til að búa almenningi sambærilegt öryggi og valkosti í húsnæðismálum og á hinum Norðurlöndunum. Markmiðið er að fólk í húsnæðisleit eigi valkosti með eignar-, leigu- og búseturéttaríbúðum, hvort sem það þarfnast húsnæðis í fyrsta sinn eða síðar á lífsleiðinni. Mismunandi búsetuformum verði gert jafnhátt undir höfði. Dregið verði úr vægi verðtryggingar í lánaviðskiptum samhliða auknu framboði óverðtryggðra   

Menntun að leiðarljósi

Menntun, vísindi og menning eru mikilvægir þættir í endurreisn Íslands. Skapandi og gagnrýnin hugsun og aukin áhersla á lýðræði og mannréttindi skipa mikilvægan sess í menntun þjóðarinnar.

Hlutverk skólastarfs er meðal annars að virkja börn og ungmenni til virkrar þátttöku í samfélaginu. Leggja þarf áherslu á rannsóknarsjóði sem eru mikilvægir fyrir framþróun vísinda og tækni á Íslandi.

Hlúa verður að menningarstarfsemi um allt land með áherslu á íslenska frumsköpun. Stór hluti af því að efla menntun, vísindi og menningu er að tryggja jafnrétti til náms og huga að velferð barna og ungs fólks.  

Mikilvægt er að standa vörð um menntunarstig þjóðarinnar.  Gjaldfrjáls grunnmenntun er lykill að félagslegu jafnrétti og velgengni þjóðarinnar til lengri tíma litið.  

Leitast verður við að tryggja velferð og vellíðan barna og ungmenna í leik- og grunnskólum með öflugu samstarfi ríkis og sveitarfélaga og verður áfram staðið við hugmyndafræði skóla án aðgreiningar.   

 

Atvinnumál

Meginverkefni ríkisstjórnarinnar í atvinnumálum verður að draga úr atvinnuleysi með markvissum aðgerðum, útrýma langtímaatvinnuleysi og skapa traustari grundvöll fyrir íslenskt atvinnulíf til framtíðar. 

Áhersla verður lögð á fjölbreytt atvinnulíf, jafnan en stöðugan hagvöxt, nýsköpun og sjálfbæra nýtingu til lands og sjávar. 

Ríkisstjórnin mun beita sér fyrir því að mótuð verði heildstæð atvinnustefna fyrir Ísland, byggð á jafnræði atvinnugreina, jafnrétti kynjanna, heilbrigðum viðskiptaháttum og grænni atvinnuuppbyggingu í samræmi við hugmyndafræði sjálfbærrar þróunar.  Jafnframt verði hugað að samkeppnishæfi íslensks atvinnulífs í alþjóðlegum samanburði.

Stefnan verði útfærð í formlegu samráði stjórnvalda, sveitarfélaga, aðila vinnumarkaðarins, og háskólasamfélagsins.  

Bráðaaðgerðir gegn atvinnuleysi 

Nú þegar hefur ríkisstjórnin ráðist í brýnar aðgerðir til að sporna við atvinnuleysi sem skila eiga 6000 ársverkum á næstu mánuðum og misserum. Því til viðbótar verður efnt til fjölþætts átaks til atvinnusköpunar sem felur m.a. í sér eftirfarandi aðgerðir: 

1.      Efld verði úrræði Vinnumálastofnunar og Nýsköpunarmiðstöðvar Íslands þar sem fyrirtæki geta ráðið fólk af atvinnuleysisskrá tímabundið með stuðningi Atvinnuleysistryggingasjóðs. Þar má nefna samninga um starfsþjálfun, reynsluráðningu, nám sem vinnumarkaðsaðgerð, atvinnutengda endurhæfingu, þróun eigin viðskiptahugmyndar, frumkvöðlastarf innan fyrirtækja og sérstök tímabundin átaksverkefni. 

2.      Opinberir sjóðir og samkeppnissjóðir leggi sitt af mörkum til atvinnusköpunar með því að taka mið af fjölgun starfa við ráðstöfun fjármagns án þess þó að slaka á faglegum kröfum.

3.      Umhverfi sprota- og nýsköpunarfyrirtækja verði bætt með lagfæringu á skattalögum til þess að ívilna megi vegna rannsókna og þróunar. Auk þess verði tímabundið veittur frádráttur frá skatti vegna fjárfestinga í sprota- og nýsköpunarfyrirtækjum.

4.      Við innkaup ríkisins, þar á meðal vistvæn innkaup, verði m.a. horft til þess að styðja við bakið á innlendri atvinnustarfsemi og nýsköpun.

5.      Forgangsröðun verkefna hjá ríkinu verði í þágu mannaflsfrekra framkvæmda, s.s. viðhalds opinberra bygginga. Þar verði sérstaklega hugað að bættu aðgengi að opinberum byggingum um allt land. Leitað verði leiða til að flýta hönnun opinberra mannvirkja.

6.      Staðinn verði vörður um opinber störf, ekki síst í velferðarþjónustu og menntastofnunum, og í því skyni gripið til aðgerða sem auka kjarajöfnuð hjá ríkinu og fyrirtækjum og stofnunum í eigu þess.

7.      Sköpuð verði ný atvinnutækifæri fyrir ungt fólk t.d. með því að efla Nýsköpunarsjóð námsmanna og ýta úr vör sumarverkefnum fyrir framhaldsskólanema.

      

Fiskveiðar

Markmið sjávarútvegsstefnu ríkisstjórnarinnar er að fiskveiðar umhverfis landið séu hagkvæmar og skapi verðmæti og störf en séu jafnframt sjálfbærar og vistvænar og í samræmi við alþjóðlegar skuldbindingar um verndun vistkerfa, lífríkis og hafsbotns.

Veiðiheimildir skulu ákvarðast af nýtingarstefnu sem byggist á aflareglu hverju sinni.

Íslenskur sjávarútvegur mun gegna lykilhlutverki við þá endurreisn atvinnulífsins sem framundan er.

Það er því afar mikilvægt að skapa greininni bestu rekstrarskilyrði sem völ er á og treysta þannig rekstrargrundvöllinn til langs tíma, en jafnframt verði leitað sátta um stjórn fiskveiða. 

Endurskoðun laga um fiskveiðar Lög um stjórn fiskveiða verði endurskoðuð í heild með það að markmiði að: 

1. stuðla að vernd fiskistofn

 

1. stuðla að hagkvæmri nýtingu auðlinda sjávar

 

1. treysta atvinnu

  

1. efla byggð í landinu

 

1. skapa sátt meðal þjóðarinnar um eignarhald og nýtingu auðlinda sjávar

  

1. leggja grunn að innköllun og endurráðstöfun aflaheimilda á 20 ára tímabili í samræmi við stefnu beggja flokka.

 Vistvænar veiðar – rannsóknir o.fl. 

1. Ríkisstjórnin telur brýnt að treysta í sessi siðræn viðhorf í umgengni við hafið og auðlindir sjávar í ljósi þess að maðurinn er hluti af náttúrunni og verður að umgangast hana af ábyrgð.

 

1. Nýta þarf krafta sjómanna og útgerðarmanna í hafrannsóknum til að efla gagnasöfnun og rannsóknarverkefni sem þeir eru þátttakendur í.

  

1. Kortleggja vel menntun og fræðslu í sjávarútvegi með það að markmiði að auka menntunarstig í greininni.

 

1. Íslendingar áskilja sér hér eftir sem hingað til rétt til nýtingar sjávarauðlinda samkvæmt alþjóðlegum skuldbindingum. Forsendur fyrir veiðum og nýtingu sjávarspendýra, sela og hvala, verði endurmetnar frá grunni með tilliti til sjálfbærni og efnahagslegrar þýðingar fyrir þjóðarbúið í heild sem og alþjóðlegra skuldbindinga og ímyndar Íslands

  Lýðræði og mannréttindi 

Ríkisstjórnin mun beita sér fyrir opinni stjórnsýslu, auknu gagnsæi og lýðræðisumbótum. Aukin áhersla verður lögð á mannréttindafræðslu og  kvenfrelsi.  

Utanríkis- og Evrópumál

Ríkisstjórnin leggur áherslu á sjálfstæða íslenska utanríkisstefnu.

Þær miklu breytingar sem orðið hafa á undanförnum árum á sviði utanríkis- og öryggismála, og ná einnig til viðskipta, stjórnmála og umhverfismála, kalla á nýja sýn og nýja nálgun í utanríkismálum. Ríkisstjórnin vill kappkosta að alþjóðasamfélagið stuðli með nýjum hætti að sameiginlegu öryggi, beiti sér fyrir nýjum reglum um fjármagnsmarkaði og aðgerðir gegn spillingu, geri nýjan loftslagssáttmála, tryggi að alþjóðalög gildi um málefni norðurslóða og sameinist um nauðsynlegar og sanngjarnar aðgerðir til að vinna bug á heimskreppunni.

Norrænt samstarf verður áfram einn af hornsteinum íslenskrar utanríkisstefnu en einnig verður lögð áhersla á Evrópumál, norðurslóðasamstarf og sjálfbæra nýtingu auðlinda og alþjóðlega samvinnu á vettvangi Sameinuðu þjóðanna og stofnana þeirra. Meðal meginverkefna utanríkisþjónustunnar á næstu árum verður að endurheimta orðspor Íslands á alþjóðavettvangi, byggja upp ímynd lands og þjóðar á grundvelli þekkingar okkar, menningar og mannauðs og styðja við markaðssókn íslenskra fyrirtækja.

  Leturbreytingar eru mínar.  Og það sem er að það þarf ekki einu sinni að útskýra þær, því þetta vita allir sem vilja vita, að hefur farið gjörsamlega úrskeiðis hjá þessari Norrænu velferðarstjórn.

Hér er sáttmálinn í heild sinni.  

 http://www.stjornarrad.is/Stefnuyfirlysing/nr/322

 

Er ekki komin tími til að breyta um og fara að gera eitthvað í þessum sáttmála?  Lilja, Ásmundur og Daði skrifuðu undir þessar yfirlýsingar.  Hvað hafa hinir skrifað undir?

Athugasemdir

[Jóna Kolbrún Garðarsdóttir, 27.4.2011 kl. 12:35]

Mér virðist svona eftir snöggan yfirlestur, að þetta hljóti að vera stjórnarsáttmáli annarrar ríkisstjórnar.  Vegna fagurra hugsjóna, og loforða til fólksins um breytt vinnubrögð. 

[Jonas kr (IP-tala skráð) 27.4.2011 kl. 12:50]

Þau skrifuðu meðal annars undir þetta:

"Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í þjóðaratkvæðagreiðslu að loknum aðildarviðræðum. Utanríkisráðherra mun leggja fram á Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma."

Nú vilja þau ekki kannast við að hafa samþykkt þetta.

Heiðarlegt fólk?

[Gunnar Heiðarsson, 27.4.2011 kl. 13:36]

Ég hef aldrei áður lesið þennan stjórnarsáttmála í heild sinn, hann er stór merkilegt plagg!

Hvenær tekur svo ríkisstjórnin við völdum? Missti ég af alþingiskosningum?

Þetta getur alavega ekki verið stjórnarsáttmáli núverandi ríkisstjórnar, svo mikið er víst. Eg svo væri hlytu einhver, bara einhver mál að hafa náðst fram. Samkvæmt þessum stjórnarsáttmála vinnur núverandi ríkisstjórn algerlega gegn honum!

Því spyr maður, hvenær tekur þessi frábæra ríkisstjórn við sem kom sér saman um svo góðan stjórnarsáttmála?

[Ásthildur Cesil Þórðardóttir, 27.4.2011 kl. 13:42]

Já einmitt Kolla og Gunnar, þetta er einhver allt önnur ríkisstjórn. 

Jónas.  Samkvæmt utanríkistefnu sáttmála stjórnarinnar samanber þetta hér; 

Utanríkis- og Evrópumál

Ríkisstjórnin leggur áherslu á sjálfstæða íslenska utanríkisstefnu.

Þær miklu breytingar sem orðið hafa á undanförnum árum á sviði utanríkis- og öryggismála, og ná einnig til viðskipta, stjórnmála og umhverfismála, kalla á nýja sýn og nýja nálgun í utanríkismálum. Ríkisstjórnin vill kappkosta að alþjóðasamfélagið stuðli með nýjum hætti að sameiginlegu öryggi, beiti sér fyrir nýjum reglum um fjármagnsmarkaði og aðgerðir gegn spillingu, geri nýjan loftslagssáttmála, tryggi að alþjóðalög gildi um málefni norðurslóða og sameinist um nauðsynlegar og sanngjarnar aðgerðir til að vinna bug á heimskreppunni.

Norrænt samstarf verður áfram einn af hornsteinum íslenskrar utanríkisstefnu

Þá hafa þau ekki leyfi til að sækja um aðild að ESB, þar sem höfuðáhersla er lögð á Norrænt samstarf og SJÁLFSTÆÐA ÍSLENSKA UTANRAÍKISSTEFNU. 

Allt annað er svik við þjóðina. 

[Eyjólfur G Svavarsson, 27.4.2011 kl. 14:23]

Þetta er eftir stefnuskránni að dæma, algjör landráðastjórn. Það er ekki hægt að segja annað!!!!Eina heiðarlega fólkið í flokknum er rekið út á gaddinn, fyrir að fylgja stefnuskránni. Er einhver hissa? Ég er ekki hissa, þessari ríkisstjórn er fyrirmunað að gera nokkurn skapaðan hlut rétt, og ætti að vera farin frá fyrir laungu síðan eins og allir vita!!!!!!!

[Erlendur (IP-tala skráð) 27.4.2011 kl. 14:27]

Er það ekki óþarfa smámunasemi að ætlast til að pólitíkusar fari að efna loforð? Er ekki nóg fyrir okkur pöpulinn að treysta að þeir viti betur og sérstaklega þá hvernig á að fara með aurana sem við höfum milli handanna. Aurana sem þeir NB hafa forgangsréttinn að.

[Ásthildur Cesil Þórðardóttir, 27.4.2011 kl. 14:29]

Já þetta er alveg svakalegur lestur að mínu mati. 

[Ásthildur Cesil Þórðardóttir, 27.4.2011 kl. 14:31]

Jú sennilega Erlendur, hvaða vitleysa er þetta í mér

[Ásthildur Cesil Þórðardóttir, 27.4.2011 kl. 14:33]

Annars eru þetta ekki loforð, þau voru gefin FYRIR kosningar og hljómuðu jafnvel ennþá betur, manstu ekkert ESB, enginn AGS og svo framvegis.

Þetta er nefnilega undirritaður sáttmáli milli flokkanna tveggja.

[Sólrún (IP-tala skráð) 27.4.2011 kl. 14:53]

Þetta væri fyndið ef þetta væri ekki svona alvarlegt að sjá þessi ósköp  og skondið að nú vilja V.G. reka burt af þingi  Ásmund Daðason fyrir þær sakir að  ætla  standa við að minstakosti stærstu kosningaloforðin.....

[Ásthildur Cesil Þórðardóttir, 27.4.2011 kl. 15:08]

Nákvæmlega, mér er næst að halda að það fólk sem er að skora á hann að segja af sér hafi alls ekki lesið stjórnarsáttmálann, heldur ráði það blind forræðishyggja af verstu tegund, eða eins og þremenningarnir segja ráðslag forystunnar.

[Valdimar Samúelsson, 27.4.2011 kl. 15:53]

Ásthildur. Það fyrsta sem ég sá að það hefir ekkert verið ritað í þennan sáttmála um umsókn um aðild. Þetta eru fullkomin landráð og það þyrfti að fara í saumana á þessu. Össur og Jóhanna eru sek samkvæmt Kafla X grein 86 þetta er á hreinu.

[Valdimar Samúelsson, 27.4.2011 kl. 15:54]

PS þakka þessa grein líka

[Ásthildur Cesil Þórðardóttir, 27.4.2011 kl. 16:01]

Jú það er að vísu neðanmáls þegar öll greinin er skoðuð.  Hún hljómar svo...

 Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í  þjóðaratkvæðagreiðslu að loknum aðildarviðræðum. Utanríkisráðherra mun leggja fram á  Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma.

Þetta hér er sérlega áhugavert. 

Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma.

[Ásthildur Cesil Þórðardóttir, 27.4.2011 kl. 16:03]

Ég er reyndar alveg sannfærð um að þessi loforð um samvinnu, samráð og réttmætið hafa ekki verið virt af Jóhönnu og Steingrími samkvæmt þessu.  Þar sem nú þegar er farið að tala um að kosning sé ekki bindandi og hvar eru öll samráðin.  Og hvar er umburðarlyndir gagnvart þeim þingmönnum sem hafa vogað sér að tala í aðra veru?

[Sveinn Úlfarsson (IP-tala skráð) 27.4.2011 kl. 16:16]

Þetta sýnir hversu gjörsamlega þessu fólki sem samdi þetta plagg og kallar sig meirihluta þingflokka er skítsama um kjósendur og þá sem þessi samstarfsyfirlýsing átti að þjóna og varð til að það kaus þessa sömu þingmenn.

[Valdimar Samúelsson, 27.4.2011 kl. 16:41]

Já skoðaði plaggið hjá stjórnarráðinu en sá að það er ekki dagsett eins og fyrrverandi stjórnarsáttmálar. Það vekur spurningu hvort þetta plagg hafi verið skrifað eða lagað til eftir á.

[Ásthildur Cesil Þórðardóttir, 27.4.2011 kl. 16:51]

Tæplega lagað eftirá, því þá væru ekki allur þessi fagurgali þarna inni.

[Ásthildur Cesil Þórðardóttir, 27.4.2011 kl. 19:14]

Nákvæmlega Sveinn.

[Jens Guð, 28.4.2011 kl. 00:40]

  Þetta eru þarfar spurningar og tímabærar. 

[Ásthildur Cesil Þórðardóttir, 28.4.2011 kl. 00:43]

Jamm Jens minn, svo sannarlega.

[Helgi Rúnar Jónsson (IP-tala skráð) 28.4.2011 kl. 12:18]

"Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í þjóðaratkvæðagreiðslu að loknum aðildarviðræðum. Utanríkisráðherra mun leggja fram á Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma." Hvernig stendur á því að ég finn þetta hvergi í greininni þinni??, ertu nokkuð búinn að ritskoða stjórnarsáttmálann...?? 

[Ásthildur Cesil Þórðardóttir, 28.4.2011 kl. 12:53]

 

Jú það er að vísu neðanmáls þegar öll greinin er skoðuð.  Hún hljómar svo...

 Ákvörðun um aðild Íslands að Evrópusambandinu verði í höndum íslensku þjóðarinnar sem mun greiða atkvæði um samning í  þjóðaratkvæðagreiðslu að loknum aðildarviðræðum. Utanríkisráðherra mun leggja fram á  Alþingi tillögu um aðildarumsókn að Evrópusambandinu á vorþingi. Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma.

Þetta hér er sérlega áhugavert. 

Stuðningur stjórnvalda við samninginn þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu. Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna. Flokkarnir eru sammála um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma.

Þetta er hérna, ég tók það fram í upphafi að ég hafi tekið hrafl úr textanum, og lét fylgja með tilvísun í greinina, það sérðu ef þú lest allt til enda Helgi minn. 

[Ásthildur Cesil Þórðardóttir, 28.4.2011 kl. 12:58]

Enda er ég að leggja út af því hvað Lilja, Atli og 'Asmundur voru að rita undir, en ekki bera fram sáttmálann sjálfan. 

Þarna sést líka að flokkarnir eru sammála um að virða ólíkar áherslur hvors um sig gagnvart aðild að ESB og rétt þeirra til málflutnings og baráttu út í samfélaginu.  Einmitt það sem þau þrjú eru að gera.  Og fyrir mér sönnun þess að þau hafi verið knúð til að skrifa undir þetta og þess vegna er þessi kljásúla sett inn með virðinguna og réttinn til að standa á máli sínu. 

Tek það líka fram að ég kaus ekki VG og þar af leiðandi ekki þremenningana, mér svíður bara þegar fólk er nýtt niður fyrir það eitt að standa á sannfæringu sinni.  Þarna segir svo ekki verður um villst að hver aðili hefur fullan rétt á því að vinna að sinni sannfæringu í þessu máli. 

[Anna Sigríður Guðmundsdóttir, 28.4.2011 kl. 14:22]

Áshildur. Takk fyrir mjög góðan pistil og þarfa og löngu tímabæra umræðu um raunveruleikann! Það virðist ekki vera í hávegum haft að standa við stjórnarsáttmálann þegar kemur að breytingum í fiskveiðistjórn t.d.?

 Sumir vilja loka augunum fyrir þeim mikilvægasta kafla stjórnarsáttmálans?

 Offramboð af fiski virðist ekki einu sinni hreyfa við samvisku þeirra sem ásaka þau þrjú um að fara ekki eftir stjórnarsáttmálanum fyrir aðrar sakir en að vilja fresta ESB-þráhyggjunni, á meðan mannslífum og heilsu verður bjargað? Fyrirmyndin er á fiski.com sem Jón Kristjánsson lýsir. Færeyska leiðin!

 Þetta áhugaleysi/kæruleysi og dofi er sjúklega óábyrgt og ótímabært, og er auðvitað algjörlega ólíðandi, og brýtur stórlega í bága við stjórnarskrána, meðan fátækt fólk flýr land, eða sveltur sig til sjúkdóma vegna næringarskorts, ef það er of sjúkt til að flýja land!

 M.b.kv.

[Ásthildur Cesil Þórðardóttir, 28.4.2011 kl. 17:04]

Já Anna mín, mér blóðsvíður undan þessu óréttlæti, kæruleysi og umhyggjuleysi þeirra sem voru ráðnir til að vernda okkur öll. 

[Jón Steinar Ragnarsson, 29.4.2011 kl. 02:36]

Ég hefði haft þetta allt í rauðu.

[Helga Kristjánsdóttir, 29.4.2011 kl. 23:50]

     Já halló! Rauður drulludauður bókstafur. Ásthildur mín  (og allir),nú er gamla þreytt eftir 4 daga úthald í yfirsetunni, svo orðbragðið er eftir því,reiðiþrungið.

[Ásthildur Cesil Þórðardóttir, 30.4.2011 kl. 00:11]

Jamm Jón minn, sennilega rétt hjá þér.

Hvíldin er nauðsynleg mín kæra Helga.