Trumpiskur fréttaflutningur eða hvað?

 

 

 

 

 

 

 

 

 

 

Það hefur alltaf verið rætt um að við Íslendingar væru svo ríkir af orku, bæði heitu vatn og vatnsaflsveitum.  Í því ljósi hafa fjöldinn allur af stóriðjuverum verið reist hér með ívilnunum til að laða þessa aðila að.  Nú allt í einu kemur frétt um að hér sé orkuskortur, og að af því að raforkuverð hafi hækkað til stjóriðju, hljóti líka að verða að hækka orkuverð til heimila.  Annað væri "mismunun" sem sagt það var ekki mismunun þegar álver og önnur slík fengu raforkuna á gjafvirði, en þegar svo virðist sem raforkuverð hafi hækkað til þeirra, leiði það sjálfkrafa til að verð verði að hækka til heimila líka.  Og afsökunin er: Jú það sé hætta á að orkuvirkjanir vilji ekki selja rafmagn til heimla ef þeir græða minna á því.  Tók eftir að danirnir sögðu að þetta kæmi ekki að sök, af því að þetta kæmi allt saman til baka til almennings af því að fyrirtækin væru jú í eigu ríkisins.  Fáránleg fullyrðing að mínu mati. Ríkið er aðal kröfuhafin á peninga fólks í landinu með krumlurnar ofan ofan í hvers manns koppi.  Það þarf sjálfsagt endalaust peninga til að borga ráðamönnum súperlaun, en þetta færi seint í pyngju almennings.

Og brandarinn í þessu öllu er samt, það er verið að tala um í alvöru að leggja sæstreng til Skotlands, af því að við eigum svo mikið af aukaorku????????

Botnar einhver í þessum málflutningi?

http://ruv.is/frett/verd-haekkar-ef-orkutrygging-fer-ekki-i-log

 

 

 

Krónan okkar er ýmist of hágeng eða lággeng.  Nú grenja útgerðarmenn og tala um að þeir geti ekki beðið sekúndu lengur?  Eftir hverju?? Að gengið verði lækkað?  

Það væri ágætt ef einhver myndi reikna út hversu mikið fé þessir kújónar hafa dregið út úr sjávarútveginum til að byggja glæsihallir, hótel, sumarbústaði og allskonar gróðafyrirtæki eins og að kaupa upp allar íbúðir og húsnæði sem losnar til að leigja almenningi fyrir himinháa leigu.  Og svo svona til öryggis er talað um sérstaklega smærri útgerðir eigi í vök að verjast.  Er það ekki vegna þess að þær eru neyddar til að kaupa kvóta af þessum sægreifum á uppsprengdu verði í boði ríkisstjórnna landsins?  Það skyldi þó aldrei vera.

Sjávarútvegurinn græddi milljarða á milljarða á ofan eftir hrun.  Svo virðast þessir aðila vera álitnir glæpasamtök bæði í Evrópu og í suðurhöfum, vegna subbuskapar og meinst óheiðarleika. 

Og þessi ófélega samkunda sem stórútgerðinn með ásýnd sem er svo ljót í augum almennings að þeir þurfa að kaupa sér "fallegt gluggaskraut" til að fegra ásýndina.  

Svo er nú málið með vegagerðina, þegar menn eru reiðir vegna svikinna loforða ríkisins um uppbyggingu vegakerfis landsins, þá þykjast þeir ekki geta gert betur, það þurfi sko að hugsa um heilbrigðiskerfið og annað slíkt.  Fjármálaráðherra lætur hafa eftir sér að það hafi ríkt stjórnleysi í kjölfar afsagnar síðustu ríkisstjórnar og þess vegna sé allt svo ábyrgðarlaust í fjármálum og loforðum.  Hann vill ef til ekki muna að Guðni Th.  skipaði ríkisstjórnina sem starfsstjórn uns ný tæki við, og talað um hve mikilvægt væri að landinu yrði stjórnað af festu meðan þetta ástand varði.  Og hvað svo?  Hann leiðir fyrrvegandi fjármálaráðherra, sem væntanlega sjúskaði svona með fjármálin og vegagerðarloforðin, þennan mann leiðir hann svo til æðstu metorða sem forsætisráðherra.  Þetta væri brandari ef málið væri ekki svona sorglegt og hitti svo marga fyrir.

 Og nýjasta fréttin er svo þvílíkur hagvöxtur að annað eins hefur ekki sést hér á landi. 

  

http://ruv.is/frett/varla-daemi-um-annad-eins-i-sogunni

Og þá spyr ég eins og fávís kona er ekki borð fyrir báru að leggja meiri peninga í að byggja upp heilbrigðiskerfið og vegakerkfið.  

Eða þurfa ráðamenn enn eina kauphækkunina, eða einhver gæluverkefni fyrir sjálfa sig? 

Ég er hætt að trúa fréttum því miður, hugsa alltaf Já að hverju er stefnt núna, Óheiðarleikinn er orðin slíkur í samfélaginu og lygaþvælan og aðferðarfræðin er að læða svona fréttum inn og fréttamenn éta þvæluna endalaust upp án þess að spyrna.

Hvar eru eiginlega fjölmiðlar, neytendasamtökin og verkalýðsforingjarnir, gleypa þeir þetta hrátt?  

Hvort er nægileg orka í landinu svo hægt sér að flytja út í sæstreng raforku til Evrópu, eða svo mikill skortur að það þarf að spara orkuna til heimila.  

Það er nefnilega ekki bæði sleppt og haldið, og hvers vegna þarf að hækka raforkuverð til heimila ef hækkað er til stóriðju?  

 

Ég kalla þetta Trumpiskan fréttaflutning og lái mér hver sem vill.