Vekanaktívistarar.

Hlustaði á viðtal við unga konu í gær um Antivegan. http://www.dv.is/frettir/2016/11/7/brotnudu-saman-og-gretu-fyrir-utan-ss-thetta-eru-utrymingarbudir-mordingjar/ Þessi hópur hefur verið að mótmæla við sláturhús SS á Selfossi.  

Ég verð að viðurkenna að ég hef aldrei á minni löngu ævi heyrt aðra eins vitleysu.  

Auðvitað er sárt þegar blessuðum lömbunum er slátrað að hausti.  Ég er alinn upp við að slíkt gerðist.  Flestir nágrannar mínir áttu kindur, kýr og hænur, þegar ég var að alast upp.  Og það kom alltaf að þessum sorglega punkti að það þurfti að slátra.  Til þess var leikurinn nefnilega gerður.  Bændur slátruðu heima og unnu afurðirnar til vetursins.  

Þessi blessuð kona sagði að við værum komin svo langt frá náttúrunni með þessum "verksmiðjubúskap" sem henni var tíðrætt um.  

Það ætti ekki að drepa dýr það væri  morð.  Spyrillinn vildi þá vita hvort þessi dýr myndu þá yfirleitt verða til.  Bændur væru ekki að rækta dýrin til skemmtunnar. 

Hún spurði þá á móti: Hvað með til dæmis svínin enginn sér þau þau eru höfð í búrum, þar sem enginn sér þau, þess vegna væri fólki sem sem alveg sama um hvort ´þau væru til eða ekki.  Lömbin eru náttúrulega algjöðr krútt.  

Þessi ágæt kona gat ekki skilið að ef enginn borðaði kjöt, nýtti ekki ull eða klæddi sig í skinn, þá væru enginn húsdýr lengur.  Það yrðu heldur engir bændur, sveitirnar myndu leggjast í auðn.  Það má ekki einu sinni drekka mjólk, svo kýrnar yrðu slegnar af líka. 

Ég veit svo sem ekki hvað við hin erum komin langt frá náttúrunni, eflaust eitthvað áleiðis í ranga átt.  En þessi stefna er svo mikill kjánagangur að það hálfa væri nóg. 

 

 

 

 

 

 

 

 

 

 

Kindin hefur lifað með okkur í sátt og samlyndi frá upphafi.  Þær hafa fætt okkur og klætt gegnum tíðina.  Lömbin fæðast að vori og eiga gott sumar í umsjá mæðra sinna.  Þegar haustar þarf að setja á og slátra.  Það er lífsins gangur.  Ef það væri ekki, þá væru engar rollur til, því það fer ekki nokkur maður að ala upp kindur sem gæludýr, enda væri það í sjálfu sér dýraníð, því þær vilja ganga frjálsar um fjöll og firningi sumarlangt.

 

 

 

 

 

 

 

 

 

 

 

 

 

Kýrnar hafa líka séð okkur fyrir mjólk, smjöri, skyri,osti og allskonar lostæti, ef ekki má nýta þessar fæðutegundir yrðu engar kýr, það fer enginn að leika sér að því að hafa kýr sem gæludýr.  

Það ljótasta við þessa vitleysu er að þetta fólk er að afvegaleiða börnin og ungviðið í þessum asnaskap til að vinna sér inn málstað.  

Auðvitað má svo ekki borða fisk, og þar með væru engir sjómenn heldur, engar útgerðir og engin gjaldeyrir af fiskveiðum.  

Hvað yrði þá um allt þetta fólk sem lifir af langbúnaði og sjávarútvegi.  Og þá kemur spurningin hverjir eru svo komnir langt frá náttúrunni?

Það væri fróðlegt að fá svör frá þessu fólki, hvernig það heldur að við getum dregið fram lífið á því að neyta einungis grænmeti og ávöxtum.  Þau hafa sennilega heldur ekki lesið að bæði ávextir og grænmeti eru tilfinningaverur, svo það er morð að éta slík.  Þá fer nú hringurinn að þrengjast. 

Já það væri gaman að heyra hvernig þau ætla að höndla þessi mál ef þau ná markmiðum sínum.  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Því má segja að þetta sér framtíð Vekanaktívista.  Verði þeim að góðu, við hin verðum örugglega löngu farin eitthvað annað.