Samvinna er ekki sama og samvinna.

Sammála þér gamli vinur að samvinna er alltaf best. En málið er hér að það er aldeilis ekki öruggt um málamiðlanir á alþingi eins og í Mosfellsbæ. Auðvitað á aldrei að útiloka neitt en það er himin og haf milli VG og Sjálfstæðisflokkinn á landsvísu um mörg mál, til dæmis sjávarútvegsmál, málefni öryrkja og aldraðraðra, þjónkun við auðmenn á kostnað þeirra sem minna mega sín, Og svo margt fleira ef eitthvað er að marka málflutning VG í kosningabaráttunni.  

Satt að segja ef eitthvað er að marka málflutning VG þá er algjörlega útilokað að sátt geati náðst um slíkt samstarf.  Bendi til dæmis á fimmára áætlun núverandi ríkisstjórnar þar sem ekkert tilliti er tekið til undirskriftir rúmlega áttatíu þúsund undirskrifta um að meira fé sé veitt í heilbrigðiskerfið.  Aðhaldi skal beitt í öllu ekki gert neitt fyrir öryrkja og eldriborgara.  Og svo margt og margt.  Það getur vel verið að sjálfstæðismenn í Mosó séu meiri jafnaðarmenn en almennt, en það er svo langt í frá að það sé á landsvísu.  Og Fyrrverandi fjármálaráðherra fái hann til þess tækifæri núna að halda sinni stefnu áfram þá verður ekkert ráðrúm til að breyta um.  Bara safna fé í ríkið og ekkert ráðrúm til að sinna þeim sem minna mega sín.  Því við þurfum svo mikið að geta gumað af útþendu peningaveski, rétt eing og onkel Jóakim þarf að geta synt í sínum yfir fulla peningatanki.  

Allt hægt ef fólk er reiðubúið til málamiðlunar