Að misskipta landsauðnum og kunna ekki að skammast sín fyrir það.

Nú er alþingi komið í frí, eftir þref, þras og leiðindi bæði fyrir okkur almenning og alþingismennina sjálfa.  Dónaskapur, karp og illdeilur, framíköll og "fliss" eftir því sem best er vitað einkenndu síðustu daga alþingis.  Það eru líka endalauar kvartanir á báða bóga, bæði frá meirihluta og minnihluta, og þeir saka hvor aðra um óheiðarleika og svindl.

Birgitta sagði að þetta væri jafn vitað og hangilærið á borðum íslendinga á jóladag. Það er auðvitað alveg rétt, en þarf það að vera svo?

Fylgjendur ríkisstjórnarinnar hafa ekki sparað stjóru orðin um aðkomu og málþóf minnihlutans.  Og svo hafa þau í minnihlutanum sakað meirihlutan um að vaða yfir allt og alla með skítugum skónum.

Það verður að segjast eins og er að margt hefur áunnist í tíð þessarar ríkisstjórnar, betri fjárhagssýsla en reyndar á kostnað smælingjanna, ég er þar á meðal.  Þeir eru ennþá með puttana í brauðmolakenningunni, þó það sé búið að afsanna hana rækilega meira að segja af efnahagssérfræðingum.

Þessi meirihluti Sjálfstæsðisflokks og Framsóknar hefur sýnt okkur gamlingjum og öryrkjum að við erum hópur sem ekki á upp á það hlaðborð sem öðrum var boðið upp á.  Vigdís segir bara hreint út að við eigum ekki að fá að vera við sama borð og aðrir.  Mér finnst það frekar undarlegt, því ég veit ekki betur en að ég og allir hinir séum búin að borga skatta og skyldur alla okkar hunds og kattarævi eftir 16 ára aldur eða jafanvel fyrr. Og eigum þess vegna fullan rétt á því að fá að sitja við sama borg og aðrir.  Vigdís heldur því líka fram að öryrkjar séu óvenjulega margir hér miðað við höfðatölu, rétt eins og það ágæta fólk geri út á að meiða sig og verða öryrkjar til að fá bætur úr sameiginlegum sjóði okkar allra.  Þetta er í raun og veru alvarleg aðför að því fólki sem er svo óheppið að slasast eða veikjast svo það getur ekki staðið jafnfætis vinnandi fólki.  

Ég ætla mér endilega að minna þennan hóp á það fyrir næstu kosningar hvaða hug þessi meirihluti ber til okkar.  Þó reynt hafi verið að komast hjá því að horfast í augu við þessa staðreynd með því að þetta fólk hafi fengið sitt og vel það.  Þá situr samt eftir sú tilfinning að við getum bara étið það sem úti frýs, meðan ljóst er að aðrir hópar samfélagsins hafa fengið afturvirkar launabætur, og þessi eini hópur skilinn eftir.  Davðíð og Bjarni; VIÐ ERUM EKKI FÍFL.  Við erum fólkið sem vann sleitulaust í sveita okkar andlits svo þið gætuð öðlast áhyggjulítið líf.  Við byggðum upp velferðarkerfi og það þjóðfélag sem við þekktum fyrir hrun.  Sem þið reyndar fóruð ansi hraklega með og eyðilögðuð svo eftir var tekið, þið vitið ÞETTA SVOKALLAÐA HRUN.

Það sem meira er að með betri heilsu eldra fólks og heilbrigðara lífernis og betra matarræðis, höldum við sans lengur og svo fjölgar okkur meir og meir. Þeim fækkar sífellt sem bara kjósa "flokkinn" sinn á hverju sem dynur, og hverjum klukkan glymur.  

Þið skulið heldur ekki skálka í því skjólinu að af því að síðasta ríkisstjórn var jafnvel enn óvinsælli en þessi, þá þurfið þið ekkert að óttast um sætin ykkar, sem auðvitað skipta mestu máli.  Það munu koma upp öfl fyrir næstu kosningar sem verða í mótvægi við fjórflokkinn eins og hann leggur sig.  Og það verður fólk sem virkilega ber hagsmuni almennings fyrir brjósti, og hefur forgangsefnin í fyrirrúmi.  Þið sjáið nú hvernig Píratar bera af í skoðanakönnunum, og það koma fleiri.  +

Það er nefnilega komin tími til að skipta út "sveitalubbum" af tegundinni Sigmundur og Bjarni, og síðan öllum þeim sem kjósa eins og forystan vill, þrátt fyrir drengskaparheit um annað. 

Það vill nefnilega svo til að það er til nóg fyrir alla, ef auðnum er skipt jafnar.  Og það er einmitt það sem almenningur vill.  Þó ykkur sé fyrirmunað að skilja það.  
En ég segi bara eigið góð jól, og hafi ekki of miklar áhyggjur af fólkinu sem þið sviptuð afturvirkuðum launum, meðan þið njótið ykkar tæpu milljónar sem kemur ykkur eflaust í góðar þarfir.  Endilega ekkert að spá í það fólk sem á varla fyrir lyfjunum sínum fyrir jólin, hvað þá jólamat.  

Jólin koma nú samt.