13.12.2015 | 23:50

Mannúðarsjónarmið eigi ætíð að vera í hávegum höfð???

„Til viðbótar við það er það mín skoðun að mannúðarsjónarmið eigi ætíð í hávegum höfð þegar við vinnum og þróum þessi mál áfram,“ sagði Ólöf. Mál albönsku fjölskyldnanna sem fluttar hefðu verið úr landi eftir að umsókn þeirra um hæli var hafnað hafi haft mikil áhrif á marga og hún væri þar ekki undanskilin né nokkur annar sem starfaði að málefnum útlendinga. Það væri þó aukaatriði í málinu. Það sem mestu skipti væru börnin, réttindi þeirra og hagur. Mál fjölskyldnanna hefði því miður ekki farið til úrskurðarnefndar útlendingamála".

Hverslags blaður er þetta Ólöf? Þú gast auðveldlega gert eitthvað í þessu máli, og miðað við þessi orð þín á ég auðvita von á því að þú einbeitir þér nú fyrir jólin að láta sækja þetta fólk og veita því dvalarleyfi, annars ertu ómerkingur orða þinna.

Þið þú og útlendingastofnun hafi gerið gerð afturreka með allann ykkar málflutning og hver réði því að fólkinu var ráðlagt að draga kæru sína til baka?

Ég hef megnan viðbjóð á fólki sem segir eitt og meinar annað. Þegar þú og þínir líkar sáu viðbrögðin þá var byrjað að væla um árásir, í stað þess að gera eitthvað rótækt í málinu.

Ég skora því á þig að láta sækja þetta fólk og leyfa því að dvelja hér af þessum mannúðarðástæðum sem þú gumar svo mikið af. Mannúarsjónarmið eigi ætíð að vera í hávegum höfð?

Satt að segja hélt ég í fávisku minni að þú myndir ræða um miskunsama samverjan, eða vitna í postulana eða jesú; leyfið börnunum að koma til mín, eða jafnvel lesa upp úr Barnasáttmála sameinuðu þjóðanna. En nei, þú fórst að gera sjálfa þig að fórnarlambi. Svei

Ég vona að þú eigir góð og hamingjusöm jól, slíkur verður ekki að fagna hja þessum fjölskyldum í Albaníu, þó þau haldi ef til vill ekki jól, þá verða komandi tímar þeim erfiðir. Nema þú ákveðir að gefa þeim gjöf í anda samúðar, mannúðar og kærleika. Ég og reyndar margir fleiri bíðum eftir því.