Smákrúttfærsla.

Við hittumst ferðafélagar í lúðrasveitarferðalagi til Estoníu í sumar, í gær borðuðum saman og horfðum á myndir og bara röbbuðum saman.  Það var gaman. En það kemur seinna.  Núna eru smákrúttmyndir af kisum og börnum.  Svo vorum við að "gæsa" Möttu tengdadóttur í dag, það var skemmtilegt, en það kemur líka seinna.  Svo það verður nóg um gleði á næstunni.  En núna smá krúttmyndir.

Brandur lummast til að vera góður við litla dýrið þegar hann heldur að enginn sjái til.

Og sá litli kann vel að meta Brand, enda er Brandur eðalköttur.

Jóli gaf Ásthildi leir í skóinn í gær, og hún lék sér allan daginn með leirinn.

Og kisi fylgdist með.

Fékk reyndar alveg að vera með.

Litla knúsírófan mín.

Hún dansar við jólasveininn.

Svo náði hún í egg til hænsnanna, amma lá fyrir og var dálítið þunn heheh, þá er svipt upp dyrunum, kveikt ljósið og inn kemur litla valkyrjan með plastpoka með þremur eggjum; Amma ég kom með egg.  Við skulum borða egginn, sagði hún ákveðin, og það var bara ekkert annað að gera en að fara niður og steikja egginn.

Þau brögðuðust mjög vel, enda alveg nýorpin, hvað er betra en nýorpin egg, og lítil skessa sem vekur ömmu sína upp frá fleti til að fara að steikja egg. 

Það er eiginlega ekkert sem toppar þetta.  ekkert fjandans Icesave, fjárlagafrumvarp sem er út úr kú, löngu kokgleyptir ráðherrar, eða vöntun á peningum í ríkissjóð. Ég er sannfærð um að ég mun lifa þetta allt af, til fjandans með ríkisstjórnina, og allan fjórflokkinn eins og hann leggur sig.  Við munum hrista þetta allt af okkur og komast á lappirnar aftur, án ESB án AGS og án breta og hollendinga. Við skulum svo sannarlega komast burtu frá þessu öllu saman, moka skítin út og vera sjálfstæð þjóð í lýðræðisríki, það er bara vinnan að hreinsa skítin út og koma heilbrigðri hugsun og kærleika inn. 

Athugasemdir

[Jóhann Elíasson, 22.12.2009 kl. 22:48]

Já það er sko alveg áreiðanlegt, Brandur er eðalköttur og sá litli fær sko áreiðanlega góða leiðsögn út í lífið.  Ég held að það blundi í öllum að aðstoða og leiðbeina þeim sem yngri eru í gegnum lífið.  Góða nótt mín kæra alltaf líður manni betur þegar maður hefur "heimsótt" kúluna og íbúa hennar.

[Dísa (IP-tala skráð) 23.12.2009 kl. 08:45]

Gott hjá litlu rófunni, rífa ömmu upp og láta hana frekar fá sér hressingu. Hún á eftir að líkjast ömmu enn meira .Kettirnir eru krútt, Brandur hefur örugglega verið að leggja Snúlla lífsreglurnar.

[Guðrún Emilía Guðnadóttir, 23.12.2009 kl. 09:02]

Ef við kunnum það ekki elskuleg þá kenna dýrin okkur það, yndislegar myndir að vanda.
Knús í kúlu ljúfust mín

[Haukur Nikulásson, 23.12.2009 kl. 09:31]

Ekki vantar krúttinn í þennan bæinn, svo mikið er víst!

Bestu kveðjur um gleðileg jól og gott nýtt ár til ykkar Cesil.

[Hulda Bergrós Stefánsdóttir, 23.12.2009 kl. 09:32]

Æ yndilsegar myndir, en mig langaði að senda þér þessar línur:

Í sorgmædd hjörtu send þú inn

þín signuð ljósin blíð

og hugga hvern, er harmar sinn

á helgri jólatíð.         (4. vers Guðlaugur Snævarr)

Hátíðarkveðjur í kúluna til þín og allra þinna

[Sigurlaug B. Gröndal, 23.12.2009 kl. 10:06]

Já, þetta eru sko sannarlega krúttmyndir!!! Þú nærð svo yndislegum augnablikum á mynd að unun er að horfa á. Þær segja svo margt. Sjá litla skottið með leirinn sinn og hæst ánægð með eggin sín og aðeins að knúsa kisu litlu líka. Hvað er yndislegra. Þetta er lífið. Það er ekkert sem toppar þetta!. Knús og kærleikskveðjur til þín, Ásthildur mín og megi þið eiga góð og gleðirík jól þrátt fyrir alla ágjöfina sem skollið á ykkar á þessu hausti. kveðja héðan úr Þorlákshöfn.

[Jóhanna Magnúsdóttir, 23.12.2009 kl. 12:08]

Ekkert "smá" Krútt!

[Ragna Birgisdóttir (IP-tala skráð) 23.12.2009 kl. 15:14]

Elsku Ásthildur.Guð gefi þér og þínum gleðileg jól og gefi ykkur styrk á erfiðri stundu.Bestu kveðjur vestur í kærleikskúlu

[Þórarinn Þ Gíslason (IP-tala skráð) 23.12.2009 kl. 15:39]

Hæ, Ásthildur.

Og Krúttið á hug og hjörtu landsmanna, frábærar myndir !

Kveðja á alla.

[Hrönn Sigurðardóttir, 23.12.2009 kl. 16:55]

Hún er algjör dúlla

[Ásthildur Cesil Þórðardóttir, 23.12.2009 kl. 17:50]

Takk öll. 

[Sigrún Þorbjörnsdóttir, 24.12.2009 kl. 13:53]

Ekkert smá krúttlegar myndir. Enda algjörir krúttmolar þarna á ferð  Hehe, gott hjá Ásthildi að vekja upp ömmu sína, ekkert hangs sko  Hún er svo rösk og yndisleg.