Nýr félagi í kúlunni.

Nú hefur það gerst að nýr meðlimur hefur bæst í kúlufjölskylduna.  Það reiknast beint á dýralæknanemann minn.

Alveg frá því að hún var smástelpa hefur hún komið heim með dýr, hamstra, naggrísi, páfagauka af hinni og þessari gerðinni, hunda, ketti og bara að nefna það.  Og í gær kom hún heim með kettling. 

Auðvitað sigraði hann heimilið eins og skot og Brand líka.

Stelpurnar eiga hann náttúrulega og hann hefur fengið nafnið Snúður, kallaður Snúlli.

Þetta litla grey er alveg ótrúlegur, svona lítill og óvaninn á hús, en gerir samt öll sín stykki í þar til gerðan sand án þess að honum hafi beinlínis verið kennt það.  Það átti að aflífa hann.  En ég þekki dóttur mína, veit ekki hvernig hennar heimili mun líta út, þegar hún byrjar praxis.

Þessi mynd er sérstaklega fyrir Hrönn.

Dýralæknarnir, læknirinn og neminn.  Þær hafa haft heilmikið að gera undanfarið við að hjálpa dýrum, bæði kindum, kúm og kisum og öllum. 

Og á meðan Hanna Sól dansar gegnum lífið.

Leggur litla systir á borð.

En Snúlli á hug og hjörtu allra á heimilinu i dag.

Tvö sæt saman.

Meira að segja Sorró lætur sig hafa að taka á móti litla dýrinu.

En sá stutti var að leita að allt öðru, hann er svo nýfarin frá mömmu sinni blessaður, en hann borðar og borðar alveg heilmikið.  langaði bara í mjólkursopa.

Já hann slapp frá sprautunni.

Létt verk að sigra ömmu.

Og ennþá léttara að sigra afa. 

En sem sagt nú snýst líf okkar um einn lítinn kettling.  Það er ekki svo slæmt.

eigið góðan dag elskurnar og megi friður ríkja með ykkur og megi allir góðir vættir vaka með ykkur og vernda.  Ég held að bænir virki.  Allavega virkaði mjög vel bænir ykkar til mín með uppboðið á húsinu, því Húsasmiðjan hætti við að bjóða upp húsið, af einhverjum ástæðum.  Ég held að þar hafi eitthvað gott gripið inn í.

Athugasemdir

[Ingibjörg (IP-tala skráð) 18.12.2009 kl. 18:07]

Gott að frétta af húsinu.

Og mikið er Snúlli sætur.

Jólakveðja.

Ingibjörg

[Kristín Katla Árnadóttir, 18.12.2009 kl. 18:59]

Mikið er ég glöð að heyra þetta með kúluna þína elsku Ásthildur mín. Knús og kossar til þín elskan, hugur minn hefur verið hjá þér þótt ég hafi lítið komið undafarið er lítið á blogginu núna. Ég sendi þér og þínum kærleik

Gleðilleg jól

[Jónína Dúadóttir, 18.12.2009 kl. 19:20]

Yndislegt... allt saman

[, 18.12.2009 kl. 19:44]

Góðar fréttir Ásthildur mín og til hamingju með nýja kúlubúann. Kisur eru gleðigjafar

[Sigrún Jónsdóttir, 18.12.2009 kl. 20:41]

[Jóhann Elíasson, 18.12.2009 kl. 21:02]

Brandur hlýtur að taka því með stóískri ró að kettlingur komi í "kúluna" enda getur kettlingur aldrei orðið jafn virðulegur og getur ekki haft sama hlutverk og Brandur.

[Ragnheiður , 18.12.2009 kl. 21:07]

Kær kveðja til ykkar í Kúlu og megi hún verða ykkar áfram - kisi er flottur

[Dísa (IP-tala skráð) 18.12.2009 kl. 22:04]

Gott að frétta af Kúlunni. Ég hélt alltaf að jólakötturinn væri svartur, en þessi er sætur . Ég vildi samt ekki hitta hann, hef ofnæmi fyrir köttum í nálægð. Það þarf alltaf að loka köttinn inni ef ég heimsæki Sigga, en það dugir. En til hamingju með kisuna, efast ekki um að hún fær góða aðhlynningu hjá systrunum

[Kidda (IP-tala skráð) 18.12.2009 kl. 22:13]

Snúlli er yndislega fallegur, til hamingju öll með hann

Það er aldeilis frábært hjá Húsasmiðjunni að hætta við uppboðið, þetta eru bestu fréttir sem ég hef fengið í dag. Þið fáið þá vonandi að vera í friði það sem eftir er.

Risaknús til allra heimilisbúa í kærleikskúlunni

[Ásthildur Cesil Þórðardóttir, 18.12.2009 kl. 22:46]

Takk öll.  Já vonandi tekst okkur að vinna okkur út úr þessum vanda í framhaldinu Kidda mín.  En allt svona er barnaleikur miðað við að berjast fyrir börnunum sínum.  Þetta verður all einhvernveginn smámál. 

Dísa mín þú verður að minna mig á að loka kisurnar inni þegar þú lítur við.

Takk elsku Ragga mín.

Einmitt Jóhann Brandur er svo virðulegur köttur að hann tekur þessum litla bara með ró. 

Knús Sigrún mín.

svo sannarlega eru þetta góðar fréttir Dagný mín.

Takk Jónína mín.

Takk elsku Katla mín. 

Jólakveðja til þín líka Ingibjörg mín.

[Arndís Ásta Gestsdóttir (IP-tala skráð) 19.12.2009 kl. 00:12]

Yndislegar fréttir af kúlunni ykkar. Hugur minn er hjá ykkur, ég veit að bænir virka. Gleðileg jól kæru kúlubúar.

[Hrönn Sigurðardóttir, 19.12.2009 kl. 00:51]

Takk fyrir mig Þetta barn er dásamlegt.

[Jóhanna Magnúsdóttir, 19.12.2009 kl. 08:23]

Algjör Snúlli!

[Guðrún Emilía Guðnadóttir, 19.12.2009 kl. 08:24]

Yndislegt að frétta þetta með húsið og Snúllinn er æði, en börnin flottust.
Kærleik í kúlu
Milla

[Ásthildur Cesil Þórðardóttir, 19.12.2009 kl. 13:11]

Takk innilega allar saman.

[Linda Linnet Hilmarsdóttir, 20.12.2009 kl. 23:11]

Til lukku með litla snúð og svo sendi ég þér ljúft knús í fagra kúluhús.....:):):)

[Ásthildur Cesil Þórðardóttir, 21.12.2009 kl. 08:38]

Takk Linda mín elskuleg.

[Sigrún Þorbjörnsdóttir, 22.12.2009 kl. 10:01]

Mikið er ég glöð fyrir ykkar hönd að Kúlan verði áfram ykkar. Til hamingju með Snúlla  Hehe, ég held að Bára ætti að fá sér búgarð áður en hún byrjar praxis  en mikið skil ég hana vel. Stelpurnar eiga aldeilis eftir að dedúa við kisa  

[Ásthildur Cesil Þórðardóttir, 22.12.2009 kl. 10:58]

Takk Sigrún mín, já ég held að það dugi ekkert minna en búgarður fyrir dóttur mína.