Kammerkór, gönguferð og bara eitthvað ljúft undir svefninn.

Ég er búin að vera ótrúlega drusluleg undanfarið.  Loksins er ég að komast á rétt ról.  En ég átti eftir að setja hér inn ýmislegt sem ég hafði lofað ykkur mín kæru.

Eins og við vorum að ræða hér á undan, þá eru börn ótrúlega fljót að tileinka sér að hlusta og taka eftir því sem við þau er sagt.  það þarf ekki marga mánuði.

Ingi frændi nýkomin frá noregsi, hafði lofað Evítu Cesil að koma með sleikjó og auðvitað átti Ásthildur líka að fá.  Og svo er bara að ná sér í nógu marga

Yndislega Matta mín með Símon Dag, þrjátíu ára og flott.  Og bauð til veislu.

Stelpurnar mínar þrjár vantar tvær Siggu og Marijönu.  En hér með minnstu börnin sín.

Að fara út að skemmta okkur með kammerkórnum.  Ég sárlasin en svona er þetta bara. 

Svona opnar maður rauðvínsflösku þegar ekki finnst upptakari!!!

Allt í einu voru allir karlarnir horfnir fram í eldhús.

Málið var að þar sem hér voru líka börn þá var bökuð pizza, og þeir voru að fylgjast með bakstrinum hehehe, en það þurfti svo konu hana Guðrúnu til að taka pizzuna út.

Við vorum aftur á móti í brauði og fíneríi.

Mig langaði að heyra lag frá kammerkórnum, og var þeirri bón ljúflega tekið.  En svo var því allt í einu snúið upp á að karlakórsfélagar sem þarna voru í meirihluta tækju Veifa túttum Vilta Rósa.  hehehehe

Gruna kórstjórann Guðrúnu Jónsdóttur um græsku.  en við konurnar nutum þess að hlusta á strákana okkar syngja.

En það tók smá tíma að fá karlana til að hitna og syngja, og þetta eru þau bestu tilþrif sem ég hef séð hingað til.  Viðar bara koðnaði niður í ekki neitt við stjórnun Guðrúnar, segi og skrifa.  En tilgangurinn helgar meðalið og hún fékk strákana til að syngja Veifa Túttum af krafti.  Svona eiga stjórnendur að vera.

Svo er það Torfi, hann var að segja sögur, meðal annars af pabba mínum og afa á Straumnesfjalli þar sem hann var með í för ungur drengur.

Og Torfi kann að segja frá.  Sumum er það bara eðlislægt að segja sögur.  Þetta toppar enginn.

Ég meina maður "heyrir" hlátrasköllin ekki satt?

En út í enn yndislega dag á Ísafirði.

Dóttir mín tók þessar myndir, þar sem ég ákvað að liggja í rúminu og reyna að ná heilsu.

Stundum held ég að "afi" sé einn af börnunum.

Það sem honum dettur í hug......

Njólaskógurinn nær yfir Hönnu Sól, ekkert smávegis þar.

Horfðu til himins... með höfuð hátt, horfðu til himins.....

Bara svona, þetta er algeng sjón á pollinum okkar, speglun frá fjöllunum, risastór listaverk sem eru svo tignarleg.

Svo þarf að hjálpa litlum skottum yfir erfiðustu hjallana.

en nánar er skoðað sést efst á fjallabrúnum smá sól.  Það er sólin sem við höfum í dag.

Jamm þetta er sólin sem við höfum i skammdeginu.  En hún er þá ekki í augunum á okkur endalaust.

Það má finna snjó... með góðum vilja, eins og allt annað.  Við getum allt ef við bara leitum eftir því.

Yndisleg birta, snæfjallaströndin blasir við í sól.

Ef þið horfið í augun á barninu, þá er auðséð að hún er ævarreið.  það er vegna þess að mamma hennar fór á kajak með pabba sínum og amma var heima að passa. Það hentaði ekki prinsessunni litlu hehehe...

Hér er elsku Sunna mín komin aftur í heimsókn.

Og við kveðjum bara héðan úr kúlunni.

Á morgun á að bjóða hana upp, svo það væri gott að þið mynduð krossa fingur og tær fyrir því að það færi allt á besta veg og að við fáum mögulega að halda henni.  Því það skiptir bara svo miklu máli fyrir mig allavega.  Ég vil bjóða ykkur góða nótt og vona að þið sofið vært og rótt og að gjafir Jólasveinanna rati ofan í skóna ykkar, hvort sem það verður nammi, dót eða bara tækifæri til að lifa mannsæmandi lífi mín kæru.

Athugasemdir

[Sigþrúður Magnúsdóttir (IP-tala skráð) 15.12.2009 kl. 02:02]

Það verður í mínum bænum að kraftaverk gerist á morgun og þetta reddist.

Þú átt það svo sannarlega skilið að halda húsinu þar sem mikil barnahlýja virðist vera viðloðandi þarna:)

Ég hef aldrei skrifað þér en þú hefur oft hlyjað mér um hjartarætur með skrif þín.. Takk fyrir það.

Þú verður í mínum bænum í nótt.

[IGG , 15.12.2009 kl. 02:19]

Takk fyrir frásögn og myndir. Sendi hlýja strauma og óskir um að allt fari á besta veg.

[Ragna Birgisdóttir (IP-tala skráð) 15.12.2009 kl. 07:33]

[Þorsteinn Árnason (IP-tala skráð) 15.12.2009 kl. 08:12]

Kúluna á enginn annar en þið, kæra fjölskylda. Ég á bágt með að trúa neinu öðru. Takk fyrir að deila með okkur hugleiðingum og myndum. Kær kveðja til ykkar.     Steini Árna

[Gréta (IP-tala skráð) 15.12.2009 kl. 08:18]

Knús til ykkar

[Dísa (IP-tala skráð) 15.12.2009 kl. 08:39]

Skemmtileg frásögn. Óska þess af heilum hug að allt fari á besta veg. Get ekki hugsað mér ykkur annarsstaðar eða aðra í Kúlu. Allar góðar vættir veri með ykkur .

[Ásthildur Cesil Þórðardóttir, 15.12.2009 kl. 09:09]

Takk fyrir öll. 

Jamm ég get ekki hugsað mér að búa neinstaðar annarsstaðar.  Skrýtið hvert lífið leiðir mann?  Vonandi fer allt vel. 

Innilega takk fyrir góðar og hlýjar hugsanir.  Ég þarf á svoleiðis að halda núna.

Takk fyrir mig og velkomin hingað Sigþrúður.  Gott að vita.

[Hrönn Sigurðardóttir, 15.12.2009 kl. 09:50]

Ég sendi alla mína krafta í að þið haldið kúlu

[Kidda (IP-tala skráð) 15.12.2009 kl. 10:08]

Ég bið þess heitt og innilega að þið fáið að halda kúlunni, hún er ykkar og það má enginn taka hana frá ykkur. Verð með kkur í huganum í dag og reyni að senda góða strauma til ykkar og vona að enginn ásælist kúluna ykkar.

Risaknús á ykkur öll í dag með von um betri tíð

[Sigrún Aðalsteinsdóttir, 15.12.2009 kl. 11:01]

Vonandi fer allt vel í dag.  Gangi ykkur allt í haginn í dag og alla aðra daga.

[Ásthildur Cesil Þórðardóttir, 15.12.2009 kl. 11:26]

Takk allar saman.  Ég er eitthvað tóm inn í mér.  Ætla ekki að vera viðstödd. 

Finnst þetta vera svo óraunverulegt eins og það komi mér ekki við.  Ég held að það séu einhverskonar varnarviðbrögð líkamans. 

Við höfum nefnilega aldrei tekið þátt í þessu kapphlaupi.  Peningarnir skipta samt ekki máli, heldur þessi niðurlægjandi uppákoma.  En svona er þetta bara, við viljum bjarga okkar nánustu og gerum það af kærleika.  Sá kærleikur endar ekkert, þá er bara að taka því sem að höndum kemur með eins mikilli ró og hægt er. 

[Þórunn Pálsdóttir (IP-tala skráð) 15.12.2009 kl. 15:01]

Kæra Ásthildur!

Ég sendi ykkur allar þær fallegu hugsanir sem ég á í dag og segi eins og fleiri hér að ofan; Kúlan tilheyrir ykkur og bara ykkur.

Ég vona að allt fari vel í dag!

[Ásthildur Cesil Þórðardóttir, 15.12.2009 kl. 17:55]

Takk Þórunn mín.  Það er svo gott að vita af fólki eins og þér.  Og þau erum mörg, fyrir það er ég þakklát.

En ég veit satt að segja ekki hvar ég er stödd.  Það mætti víst enginn í dag.  Ef til vill hafa þeir ekki fundið húsið út af öllum fyrirbænunum.   Hvað veit ég.  En mér er sagt að ég sé á byrjunarreit.  Hvað sem það þýðir er hulið mér.  En ég hlýt að fá betri upplýsingar um þetta allt saman. 

[Kidda (IP-tala skráð) 15.12.2009 kl. 19:10]

Vonandi þýðir þetta að þið fáið að halda kúlunni á meðan þið eruð að vinna ykkur út úr þessu. Veit að við öll munum halda áfram að hugsa vel til ykkar og biðja fyrir því að kúlan verði ykkar um aldur og ævi eða þar til þið viljið fara úr henni.

Sofðu nú vel í nótt elsku Cesil mín

Risaknús til allra kúlubúa

[Dísa (IP-tala skráð) 15.12.2009 kl. 22:56]

[Ásthildur Cesil Þórðardóttir, 15.12.2009 kl. 23:42]

Ég vona það, en ég veit ekkert í minn haus. En ég hlýt að fá skýringar.  Lífið er orðið svo flókið að það er ekki fyrir kerlingar eins og mig að lifa í því. 

[Arndís Ásta Gestsdóttir (IP-tala skráð) 15.12.2009 kl. 23:56]

Kæru kúlubúar. Bið alla góða vætti að vaka yfir ykkur og kúlunni ykkar. Hún tilheyrir engum öðrum en ykkur. Bestu kveðjur úr Borgarfirðinum.

[Ásthildur Cesil Þórðardóttir, 16.12.2009 kl. 09:19]

Takk elsku Dísa mín.   Knúsaðu kallinn frá mér.

[Sigurlaug B. Gröndal, 16.12.2009 kl. 11:20]

Elsku Ásthildur mín. Ég hef ekki verið mikið inn á blogginu núna vegna anna. Mér brá þegar ég las þessu færslu. Ef ég er í tímaþröng og kíki á bloggið, þá kíki fyrst alltaf í þínu síðu, því mér finnst hún svo góð og einlæg og uppbyggileg. Það hryggir mig að heyra af ykkur í þessari stöðu. Mér finnst það skelfileg tilhugsun. Ég vona að allt fari á besta veg. Kúlan og þið eruð eitt!

Kreppan heggur á þá sem síst skyldi. Elsku Ásthildur mín, ég hugsa til ykkar og vona. Knús og kærleikskveðjur. 

[Ásthildur Cesil Þórðardóttir, 16.12.2009 kl. 11:21]

Takk elsku Sigurlaug mín fyrir að gleðja mig svona.   Knús og kærleikskveðja á móti.