Göngutúr og ýmsar hugleiðinar.

Ég er búin að slaka vel á í dag.  Hugsa um heilsuna og sona.  

En ég lofaði nokkrum myndum að gönguferð í gær.

Byrja á smáknús.

Tilbúin í göngutúr.

Það þarf samt töluverða þolinmæði að bíða eftir að litla systir verði klár.

Og trúið eða ekki, hér erum við að tala um næstum hádegi.

Reyndar er þetta svona nær birtunni en samt!!!

Og sumstaðar er ennþá snjór ennþá.

En svona að mestu er enginn snjór í byggð og það eru að koma jól.

En það var virkilega gaman að rölta með fjölskyldunni mæli með því sem heilsubót og líka sálarhreinsandi.

Blessuð börnin eru okkur betrumbætingar á meira en einn veg.  Þau geta hreinlega bjargað sálarheill okkar, ef við tökum þannig á málunum.

ef við skoðum sakleysið, og allt það smáa sem gerir okkur að þeim manneskjum sem við erum, sjáum jafnvel gleðina í því einfalda og smáa.  Kitlum hláturtaugar við það einfalda og saklausa.  það er mikilsvirði að geta það á þessum tímum.  Gleyma sér í einfeldni og sakleysi æskunnar.

Það er allt fyrir framan nefið á okkur, ef við bara lítum upp og leyfum okkur að njóta þess.

Já við getum svo sem leyft okkur að verða börn aftur. 

Muna þegar maður sjálfur var svona lítill og saklaus.

Vinna svo sálartetrið sitt þaðan út í lífið.

Muna að þrátt fyrir allt þá eigum við ennþá þetta land og þess dásemdir, ef okkur tekst að koma í veg fyrir að ráðamenn selji það allt undir erlend yfirráð.

Ég er nefnilega alveg klár á að erlendis gera menn sér miklu meira grein fyrir hvað er hér í boði og húfi.  Það fer að verða skortur á ýmsum nauðsynjum eins og vatni og ósnertri náttúru, og ef við gætum ekki að, gæti alleins farið svo að þeir sem við veljum til að gæta hags okkar, sæju sér tækifæri í að framselja þetta í hendur annara, fyrir sig og sína.  'Eg er ekki að segja að það sé endilega núna, en það er bara tímaspurnsmál, hvenær það verður, því það er bara þannig.  Þess vegna þurfum við að fara að huga að því sem við eigum, og hverju við viljum fórna fyrir tímabundin lífsgæði.  Og þá er eins gott að muna að við eigum börn og barnabörn og jafnvel barnabarnabörn sem þurfa líka að lifa eins og frjálsborið fólk.

Þá dugar ekki bara að fylgja "sínum flokki" eða hugsa um flokkshollustu.  Þá dugar ekkert annað en að velja það sem best er fyrir okkar afkomendur.  Ég vil sjá mína frjálsa með öll þau tækifæri og metnað sem landið mitt getur gefið þeim.  Ekkert minna en það dugar mér.  Ég gæti sennilega farið út í stríð og jafnvel drepið svikara til að vernda börnin mín.  Og þetta segi ég sem er uppfull af því að bjarga hunangsflugum upp úr tjörninni á vorin, og búin að kenna barnabörnunum að gera það sama.

Á leið heim aftur eftir yndislegan göngutúr.

Og þá erum við komin heim. 

En ég verð að segja ykkur að dóttir mín kom í Séð og Heyrt, já ég get svo svarið það.  Hef reyndar aldrei keypt það blað fyrr en nú, og hér er skýringin.

Veit svo sem ekki hver þessi Daníel er, en hann er víst að gefa út lög.  En þau ásamt ástvinum fóru saman til parísar í línuskautarallí.  Sel það ekki en ég keypti, en þetta er fallega dóttirin mín.  Svo þið sjáið að Hanna Sól og Ásthildur eiga nú ekki langt að sækja fyrirsætugenin.

Tók þessa mynd af vefsíðu Sæfara í dag.  Þau Elli minn og Bara brugðu sér á kajak í dag í þessu yndislega veðri sem er hér þessa dagana. 

Eigið góða nótt elskurnar mínar.

 

 

 

Athugasemdir

[Jónína Dúadóttir, 13.12.2009 kl. 22:03]

Góða nótt

[Hrönn Sigurðardóttir, 13.12.2009 kl. 22:11]

Góða nótt

[Dísa (IP-tala skráð) 13.12.2009 kl. 22:13]

Já, börnin  eru yndisleg og saklaus og fátt skemmtilegra en að tala við barn sem þeir fullorðnu eru ekki búnir að kenna að fela og skrökva. Þar á ég við mig og  þig og alla hina sem segja, nei það má ekki segja svona þá getur einhverjum sárnað. En meðan þau eru lítil finnst okkur dúllulegt ef þau segja nei ég vil ekki þetta það er ekki fallegt.

En það er yndislegt að ræða við litla manneskju og finna rökhugsunina, sem er aðeins frábrugðin okkar en rökin samt góð. Börnin auðga lífið og minna okkur á margt. Vona að þið eigið margar svona góðar stundir, ekkert getur skemmt þær.

[Þórarinn Þ Gíslason (IP-tala skráð) 13.12.2009 kl. 23:44]

Sæl Ásthildur.

Alltaf jafn notaleg lesning og myndaskoðun.

Takk fyrir . Kær kveðja.

[Jóna Kolbrún Garðarsdóttir, 14.12.2009 kl. 00:45]

Litla fólkið gefur lífinu gildi.  Skemmtileg lesning og frábærar myndir. 

[IGG , 14.12.2009 kl. 01:50]

Þið eruð bara yndisleg. Takk fyrir þetta allt kæra Ásthildur.

[Sigrún Jónsdóttir, 14.12.2009 kl. 03:21]

[Ragna Birgisdóttir (IP-tala skráð) 14.12.2009 kl. 07:42]

[TARA ÓLA/GUÐMUNDSD., 14.12.2009 kl. 07:50]

Svei mér þá ef þetta er ekki Ísafjörður Ásthildur mín :)

[Kidda (IP-tala skráð) 14.12.2009 kl. 10:40]

Hm smá afskiptasemi, hefði viljað sjá þig með trefil um hálsinn

 En gott að þú ert komin með smáheilsu aftur. Og myndirnar þínar klikka ekki frekar en fyrri daginn.

Knús í jólakúlu

[Rafn Gíslason, 14.12.2009 kl. 16:39]

Takk fyrir myndirnar og pistilinn Áshildur mín og það er ekki laust við að manni langi vestur á heimaslóðir þegar maður skoðar myndirnar þínar.

[Jóhanna Magnúsdóttir, 14.12.2009 kl. 17:56]

Takk fyrir, asskoti ertu töff týpa í pelsinum þínum Ásthildur mín. .. Reyndar bara svona generalt töff.

[Ásthildur Cesil Þórðardóttir, 14.12.2009 kl. 21:19]

Takk öll. 

Takk Jóhanna mín.

Rafn í og með eru myndirnar til þess að reyna að láta fólk langa til að koma heim aftur, eða í það minnsta í heimsókn.

Kidda ég lofa að vera með trefil næst.  Knús.

Já einmitt Tara mín

Knús Ragna mín.

Knús Sigrún mín.

Takk Ingibjörg mín.

Takk Jóna mín.

Kveðja til þín líka Þói minn

Sammála Dísa mín það er mjög gott að rökræða við börn og hlusta á það sem þau hafa að segja.  það er oft svo skynsamlegt.  Við hlustum bara ekki nógu vel eftir því.

Góða nótt Jónína mín og Hrönn.

[Sigrún Þorbjörnsdóttir, 14.12.2009 kl. 21:35]

Börn hafa oftar en ekki rétt fyrir sér. Það er ekki búið að menga þau af ósanngirni. Ég man t.d. oft eftir einu tilraunaverkefni þar sem börn áttu að svara spurningum. Ein spurningin var "Er í lagi að stela ef við erum veik og eigum ekki pening fyrir lyfjum?" 14 ára svaraði: "Já, ef við þurfum lyfið"  7 ára svaraði: "Það má ekki stela. Þeir sem eiga pening eiga að láta þennan veika fá pening fyrir lyfjum". Ég ætla rétt að vona að þessi 7 ára hugsun verði allsráðandi þegar einhverjum dettur í hug að selja vatnið okkar!

Það er ótrúleg heilsubót að fá sér göngutúr, að ég tali ekki um í rólegheitum með börnin með, yndislegt  Bára og Hanna Sól eru bara flottar fyrirsætur, og sækja það allt saman beint frá þér  

Knús elskuleg mín.

[Ásthildur Cesil Þórðardóttir, 14.12.2009 kl. 23:40]

Takk Sigrún mín.  Já við skulum vona að þessi 7 ára hugsun verði ofan á.  Knús inn í svefninn elskuleg mín.