Tónleikar T.Í. og konukvöld hjá Karlakórnum Erni.

Ég veit að ég hefði átt að liggja í rúminu í gær, en í fyrsta lagi þá átti Úlfurinn að spila á tónleikum.  Hann er nýkomin úr sveitinni.  Hann nýtur sín afskaplega vel hjá Stellu í Heydal, enda er hún alveg sérstök.  Og svo var konukvöld hjá Karlakórnum Erni. 

Fyrst þurfti að pússla svolítið.  Evíta og Ásthildur báðar mjög áhugasamar um púsl.

Prinsessan mín stóra búin að klæða sig upp á til að fara á Tónleika.

Sæt og fín.

Við dyrnar á Hömrum, en það er salur Tónlistaskólans á Ísafirði annað af tveim menningarhúsum hér.

Og á tónleikum situr maður hljóður og hlustar á músikina.

Úlfurinn ótrúlega flottur, kom úr sveitinni þennan sama dag, og spilar feillaust bara eftir nótum.  Það myndu ekki margir leika eftir.

Þessi unga dama þandi nikku og gerði það vel.

Hér er svo verðandi gítarleikari.

Feiri nikkarar.

Það er eitt víst að ísfirskar hljómsveitir mun ekki skorta færa hljóðfæraleikara.  Og það eru raunar tveir tónlistaskólar hér, Tónlistaskóli Ísafjarðar, gamall og rótgróin, og svo Listaskóla Rögnvaldar.  Þar er meira um aðrar listir líka, ballet, freestyle  dans og margt fleira.

Ekki skortir heldur trommara.  En ég varð því miður að láta mig hverfa af vettvangi.  Þau sátu áfram Elli og börnin.  Það er nefnilega kurteisi og virðing við nemendur að sitja alla tónleikana, svo eru þeir bara svo skemmtilegir.

Og úti er jólalegt, veðrið var yndisleg 9°hiti og logn.

Silfurtorgið allt í ljósum.

Jólalegar útstillingar í gluggum.

Rut bregst heldur ekki.  Stollenbrauði og allar góðu kökurnar í Gamla bakaríinu.

Allir geta fengið sér nýja flík fyrir jólin.  ´Þessi búð er greinilega alveg ný.  En ég versla mín dress hjá Jóni og Gunnu, þau eru með föt í öllum stærðum, líka minni.

Ég gekk líka framhjá Slunkaríki, þar er greinilega sýning í gangi.  Þetta er minnsta gallerí Íslands. Og heitir eftir Sóloni sem byggði sér hús sem hann kallaði Slúnkaríki, sérstæður maðurinn sá.

Þessi jóli hefur annað hvort verið orðin örþreyttur eftir að hafa sett í skó fyrir ísfirsk börn, eða þá  að hann hefur fengið sér of mikið neðan í því.  Hann lá allavega svona kylliflatur.

Fiskarnir hans Júlla míns liggja víða.  Þessa setti hann niður sjálfur þegar hann var að laga steinvegg fyrir vini sína.

Það yljar mér að sjá verkin hans.

En skyndilega kallaði rám rödd, jeppi stoppaði, og ég heyrði Viltu far?

Var þetta þá ekki Rúnar Þór vinur minn og Öddi, báðir þessar elskur.  Þeir eru að spila í Krúsinni í kvöld, þú kemur nú og tekur lagið með okkur sagði Rúnar.  Ég var með þessum elskum í hljómsveitum hér í denn.  Og ég kallaði Rúnar lyklabarnið mitt.  Það eru ástæður fyrir því  en ... Við verðum að láta taka mynd af okkur sagði ég.

Já eins og í gömlu daga.  Oh hvað það var skemmtilegt að hitta þá.

Þessi glæsilegi kórfélagi tók svo má móti mér með jólaglögg við innganginn.

Það var mikið fjör á konukvöldi.  Hér er formaðurinn doktorinn að ræða við einn úr skemmtinefndinni.

Mugipapa var veislustjóri eins og auðvitað alltaf, hann er með skemmtilegri mönnum, pilturinn sá.

Hér eru þeir verðlaunaðir sem lengst hafa verið í kórnum frá upphafi. 

Svo komu krakkar úr Litla Leikklúbbnum og sungu fyrir okkur, lögin hennar Ellýjar Vilhjáms.

Þau ætla að frumsýna í febrúar, og ég er ákveðin í að fara.  Það verður örugglega skemmtilegt.

Gummi Hjalta og hljómsveit spila undir.

Virkilega gaman að sjá þessa flottu krakka uppábúin eins og hér í den, og syngja svona ljómandi vel.

Hér er svo aftur á móti fyrsti tenór sem tók lagið fyrir okkur.

Tvíundarsöngur, þeir sungu minnir mig ó mín flaskan fríða en þeir sungu það á Ungversku. 

Hér er svo kórinn allur, þeir eru rosalega flottir.

Og hér kemur lagið sem Viðar tannlæknir fær að stjórna með tilþrifum.  En það kallast Veifa Túttum, vilta Rósa.  Það er að vísu ítalskt og tekstinn ekki alveg í anda stjórnandans.  En hvað um það við öll hin elskum þessa útgáfu af laginu og horfa á Viðar stjórna.

En allt tekur svo enda og líka þetta skemmtilega kvöld.  Ég verð að segja að maturinn var algjört lostæti en Gestur Elíasson sá um eldamennskuna, grafin lax, grafin ýsa, síld og plokkfiskur.  En þvílíkt sem þetta var gott. 

En nú er að reyna að ná úr sér þessu lungnakvefi.  Við fórum að vísu í göngtúr í morgun, við Elli minn Bára og stelpurnar.  En ég læt inn myndir af því seinna í kvöld.  Það var yndislegt veður og eins og vor í lofti. 

En nú sendi ég ykkur knús inn í helgina.

 

 

Athugasemdir

[Jónína Dúadóttir, 12.12.2009 kl. 15:54]

Góðan bata ljúfan mín

[Ingibjörg (IP-tala skráð) 12.12.2009 kl. 16:09]

Þú veist að forfaðir Gests hét Hallgrímur og var bróðir þeirra Magnúsar og Þórhildar sem við erum komnar út af. (Þetta er örugglega sá Gestur).

Góðan bata.

Ingibjörg

[Jóhann Elíasson, 12.12.2009 kl. 16:22]

Þú lætur ekki bévítans pestina stoppa þig en þú verður að fara varlega ekki viltu vera rúmföst yfir hátíðirnar, ef það vantar einn úr fjölskyldunni um jólin þá fer lítið fyrir hátíðarbragnum.  Ég man eftir því þegar ég var púki, þá var stjúpfaðir minn á sjó ein jólin og okkur krökkunum fannst ekki vera nein jól þá.

[Guðrún Emilía Guðnadóttir, 12.12.2009 kl. 17:28]

Heyrðu elskan mér finnist bara fínt hjá þér að koma með smá come back og syngja með strákunum
Gaman að þessum myndum og þá sér í lagi af prinsessunum, þær eru bara flottar.
Knús til ykkar allra
Milla

[Dísa (IP-tala skráð) 12.12.2009 kl. 22:45]

Flottar myndir hjá þér af prinsessum stórum og smáum og tónlistarfólki og verst að hljóðið vantar . Gaman að sjá myndir af ykkur Rúnari, ég á alltaf hlut í honum síðan ég reyndi að ala hann upp í den, árangurinn var ekki góður. En hann kláraði það sjálfur sem betur fer .

Viltu gera það fyrir mig að fara vel með þig, ég vil eiga þig lengur

[Ásthildur Cesil Þórðardóttir, 13.12.2009 kl. 00:21]

Takk innilega Jónína mín.

Ingibjörg mín, já ég held það.  Gestur var sonur Elíasar Ívarssonar, amma sagði mér að hann væri frændi sinn.  Ég hef því alltaf litið á strákinn sem frænda minn.  Man reyndar vel eftir pabba hans. Sem var kokkur á sjó.

Jóhann minn ég skal lofa þér að fara varlega. Ég vil ekki liggja í einhverju skítaveseni yfir hátíðirnar, svo eru síðust forvöð að vera með börnunum mínum, sem eru að fara til Noregs strax eftir áramótin. 

Milla reyndar fór ég ekki, en var með strákunum í huganum.  Þeir eru flottastir.  Svo gaman að hitta þá. 

Elsku Dísa mín takk fyrir þessi fallegu orð.  Ég lofa þér að fara vel með mig.  Ég vil nefnilega líka eiga bæði þig og alla í kring um mig mikið lengur.  Elsku hjartans æskuvinkona mín.

[IGG , 14.12.2009 kl. 01:55]

Ji hvað það hefði verið gaman að heyra líka en takk fyrir allr þessar myndir Myndirnar af ykkur Rúnari frænda og Erni Jóns eru líka yndislegar