Bestu vinir og Jólin.

Í gær var kveikt á jólaljósunum á Silfurtorgi. 

Bestu vinir.

Þær fóru í pössun í gær, önnur til Tinnu frænku og hin til Möttu frænku.  Sú stutta var frekar súr, vildi bara fá að vera í ömmuholu.  En svo var allt í lagi.

Við erum að undirbúa okkur að fara niður á torg til að vera með þegar kveikt verður á jólatrénu.

Það þarf að laga ýmislegt, og þá er nú ekki amaleglt að eiga stóra systur sem er tilbúin að hjálpa.

Amma taktu mynd.

Óðinn Freyr fékk að koma með okkur á torgið.  Bærinn er fallega skreyttur að venju.

Og fólk farið að safnast saman.

Og afi að spila.

Þarna eru þau öll þrjú að hlusta á afa spila.

Það var dálítið kalt þó veðrið væri gott, svo við fengum okkur heitt kakó og lummu hjá fólkinu í Tónlistaskóla Ísafjarðar sem var með sína árlegu sölu.  Þarna var líka hjálparsveitin og hjá þeim var hægt að kaupa og smakka eldiskrækling algjört sælgæti.

Gaman gaman.

Já það var hálf kaldranalegt á torginu í gær.

En Hjalti stóð vaktina og hjálpaði Matis við að stjórna lúðrasveitinni.  Flottur hann Gummi.

Bæjarstjórinn okkar hélt ræðu, og síðan voru ljósin tendruð.

En börnin voru orðin eftirvæntingarfull.  Eftir hverju skyldu þau vera að bíða?

Jú jólasveinunum.

Þessir kátu karlar sungu og gáfu krökkunum svo súkkulaði.  Nú er alveg ljóst að jólin nálgast.  Bráðum fara þau að setja skóinn út í glugga.

Evíta Cesil kom í heimsókn áðan.

Eftir áramótin missir amma hana til Noregs, ásamt öllum hinum.  En þangað til ætla ég bara að njóta þess að eiga þau öll að. 

Knús á ykkur öll inn í næstu viku.

Athugasemdir

[Ragnheiður , 6.12.2009 kl. 16:36]

Þetta er alveg hræðilegt að missa unga fólkið úr landi.

Fallegar myndir eins og alltaf, kær kveðja vestur til ykkar

[Dísa (IP-tala skráð) 6.12.2009 kl. 18:33]

Takk fyrir að leyfa mér að sjá jólin "heima". Nauðsynlegt að fara á föstunni og fá smástemningu. Fór í Jólaþorpið í Hafnarfirði í dag til að fá forsmekk, svo fer fjölskyldan um næstu helgi, það er einn af hittingunum okkar í fjölskyldunni. Byrjum á að fara til Hörpu og svo er rölt í þorpið og svo til baka í kaffi hjá henni.

[Margret (IP-tala skráð) 6.12.2009 kl. 18:40]

Sæl Ásthildur.Ég hef lesið hugleiðingar þínar lengi,og alltaf hrifist af hvernig þú setur hugsanir þínar á blað.Það sem þú hefur gert fyrir barnabörnin þín er svo fallegt og yndislegt,og hugsaðu bara hvað þú hefur gefið þeim margar minningar sem þau eiga eftir að ylja sér við í framtíðinni.Það er greinilega alveg óskaplega að vera barn í kúlunni þinni.Í ömmu og afa húsi.Í mínum huga eru þið amma og afi ársins.Og hvernig þú hefur getað sett hugsanir þínar fram um son þinn,það er engu líkt.Þú ert hetja mín kæra,ég leyfi mér að segja þetta við þig af því að kærleikurinn er greinilega það afl sem þú gengur fyrir.Og ég met það svo mikið.

Kær kveðja.

Margrét

[margret (IP-tala skráð) 6.12.2009 kl. 18:42]

Á að sjálfsögðu að vera óskaplega gott að vera barn.osf

[Ásthildur Cesil Þórðardóttir, 6.12.2009 kl. 20:16]

Kær kveðja til þín líka elsku Ragnheiður mín.  Við munum deila sorginni yfir jólin yfir sonum okkar, ásamt hinum sem hafa misst.  En mikið þykir mér vænt um öll innleggin þín og hjálpina, hún er ómetanleg.

Dísa mín kæra, það er eitt af því sem aldrei dvín, en það er ánægjan yfir að eiga æskuvinkonu eins og þig, sem alltaf stendur við hlið mér þó hálft landi skilji að.  Segir manni bara að fjarlægðin skiptir ekki máli, það er kærleikurinn sem þarf og er til staðar sem skiptir öllu máli.

Innilega takk fyrir þetta innlegg Margrét mín.  Ég táraðist þegar ég las það sem þú skrifar.  Eitt er að setja hugsanir sínar niður á blað.  Annað er að finna að þær hitta í marg og skipta aðra máli.  Innilega takk fyrir að koma hér og gefa mér þessa jólagjöf.

[, 6.12.2009 kl. 20:54]

[Jóhann Elíasson, 6.12.2009 kl. 21:33]

Já, það eru að verða fáir eftir til að borga skattana.  Ætli það verði ekki skattahækkanir fljótlega????

[Ásthildur Cesil Þórðardóttir, 6.12.2009 kl. 21:36]

Jamm Jóhann minn. það verða fáir eftir til þess. ég hélt satt að segja að það væri míta að vinstri menn bara hækkuðu skatta, en ég er að sjá því miður að það er bara sannleikurinn nakinn.  O vei.

Knús Dagný mín.

[Kidda (IP-tala skráð) 8.12.2009 kl. 09:54]

Það verður erfitt að sjá af börnunum sínum úr landi og kannski sérstaklega barnabörnunum. Segi nú bara að sem betur fer þá höfum við netið, veit ekki hvar við værum stödd ef við hefðum það ekki margra hluta vegna.

Knús í kærleikskúluna

[Ásthildur Cesil Þórðardóttir, 8.12.2009 kl. 13:40]

Já sem betur fer höfum við tæknina í dag sem gerir okkur kleyft að vera í nánara samabandi.