Kúlulíf.

Veðrið er búið að vera gott undanfarna daga, þetta fallega logn sem við erum svo fræg fyrir. Og sólin skín á húsið mitt....

Dag eftir dag.

En hún nær ekki alveg niður núna, heldur kristallast í skýjum og getur sent einn og einn geisla ennþá.  Svo verðum við bara að bíða fram í endaðan Janúar.

 

Því miður er mikil mengun núna frá sorpbrennslunni.  Þetta er ekki falleg sjón.

 

Þetta aftur á móti er yndislegt. Litla fjölskyldan hans Skafta míns.  Hann er í Noregi. 

Ásthildur er voða hrifin af frænku sinni og afi líka.

Og auðvitað er mamma best.

Amma plástur!!!.  Það fóru fjórir plástrar á sárið allt á sama klukkutímanum.  Það var ekki við annað komandi. 

Þetta er auðvitað fjallkonan ekki satt!

 

Smámyndir til að sýna að hér er ennþá mannlíf þrátt fyrir allt. 

Athugasemdir

[Jenný Stefanía Jensdóttir, 13.11.2009 kl. 15:50]

Fjallkonan efnileg, og líka sú sem nostrar við flísina.

Vilji maður detta í "járnmennskuna" þá má segja að húsnæðislánið þitt, sé eina kúlulánið á Íslandi, sem ekki fær að njóta kúlulána umburðarlyndisins fræga, sem nú ríður röftum í þjóðfélaginu. 

Góða helgi.

[Dísa (IP-tala skráð) 13.11.2009 kl. 16:14]

Fjalladrottning, sannkölluð með kórónu og tilheyrandi. Gaman að sjá veðrið og Kúluna, en það er rétt sem að ofan stendur, lánið útá Kúluna er eina kúlulánið sem ekki er tekið gilt sem slíkt. En heiðarleikinn er í öfugu hlutfalli við eftirgjöfina svo það eru frekar meðmæli en hitt.

[Kidda (IP-tala skráð) 13.11.2009 kl. 19:16]

Kannske eru þið með hið eina sanna kúlulán Þess vegna fáið þið ekki afskrifað eins og gervilánin. Sem sýnir kannski líka að þið eruð heiðarleg en hin kúlulánin ekki.

Yndislega kúlan ykkar væri ekki svona yndisleg með öðrum íbúum, þið gerið kúluna svona yndislega og fallega.

Knús í yndislegustu húlu í heimi

[Guðrún Emilía Guðnadóttir, 13.11.2009 kl. 20:18]

Yndislegar myndir að vanda, falleg birtan yfir kúlunni.
kærleik í helgina ykkar
Milla

[Rósa Aðalsteinsdóttir, 13.11.2009 kl. 21:26]

Sæl Ásthildur mín

Búin að skoða heilmikið af myndum. Flottar myndirnar frá sýningunni. Þú ert kjarnakona.

Guð veri með þér í öllu sem þú tekur þér fyrir hendur.

Kær kveðja/Rósa

[Sigrún Aðalsteinsdóttir, 13.11.2009 kl. 22:19]

Skemmtilegar myndir. Haustmyndirnar minna mig á það að bróðir hans pabba bjó á Ísafirði og ég fór nokkrum sinnum í heimsókn til þeirra m.a. um haust og vetur.  Alltaf var jafn fallegt á Ísafirði þegar ég var þar, dúnalogn og skítakuldi, eða bara bongóblíða að sumri til og alltaf spegluðust fjöllin í sjónum og birtan var alveg hreint ótrúleg. 

Reyndar hefur alltaf verið gott veður þegar ég hef komið til Ísafjarðar, hvort sem var um sumar, vetur, vor eða haust.  Ég hef aldrei lent í vondu veðri á Ísafirði, þó ég geri mér fulla grein fyrir því að oft geti verið brjálað veður hjá ykkur þarna fyrir vestan.

[Hrönn Sigurðardóttir, 13.11.2009 kl. 22:39]

Já þetta er sko kúlulán

[Ásthildur Cesil Þórðardóttir, 14.11.2009 kl. 10:43]

Takk mínar kæru. 

Já það er oft gott veður á Ísafirði.  Þó stundum geti það verið alveg brjálað.  Sennilega sýnir bærinn okkar gestum sínum það besta

Þessi fjallkona er alveg spes.   Algjör kjarnakona þó ekki sé hún gömul. Jenný mín.

Já Dísa mín, veðrið okkar hér getur verið svo fallegt.

Takk og knús Kidda mín.

Knús á móti Milla mín.

Takk mín kæra Rósa.

Þessi föðurbróðir þinn heitir hann Ásgeir?  Bara spyr Sigrún mín.

Hrönn og þið allar, já ætli þetta sé ekki það eina sanna kúlulán. Ég ætti ef til vill að tækla það þannig.

[Sigrún Aðalsteinsdóttir, 14.11.2009 kl. 17:16]

Föðurbróðir minn hét Lúðvík Kjartansson og bjó á Króki 2. Hann flutti suður fyrir mörgum árum.  Ég segi nú samt alltaf að ég sé ættuð að vestan þegar ég er spurð, en afi minn og amma bjuggu lengst af í Álftafirði og á Ísafirði.

[Ásthildur Cesil Þórðardóttir, 14.11.2009 kl. 23:16]

Gaman að heyra þekki þau hjón ágætlega, og var meira segja svo heppinn að fá að veita þeim verðlaun sem garðyrkjustjóri fyrir fegursta garðinn á Ísafirði.  Dóttir þeirra var líka bekkjarsystir og vinkona Báru minnar ef mig misminnir ekki.   Svona er heimurinn lítill.Auðvitað ertu ættuð að vestan ef þú átt ættir að rekja hingað.  Þannig er það nú bara Sigrún mín. 

[Sigrún Aðalsteinsdóttir, 15.11.2009 kl. 02:05]

Mig grunaði að þú kannaðist við þau heiðurshjón.  Þau voru jafn áhugasöm um garðyrkju þegar þau bjuggu í Hveragerði og rósirnar hennar Önnu voru alveg hreint ótrúlega fallegar. 

[Ásthildur Cesil Þórðardóttir, 15.11.2009 kl. 11:40]

Þau voru frumkvöðlar hér í gróðri, og það var tekið eftir garðinum þeirra.  Gaman að ryfja þetta upp.

[IGG , 16.11.2009 kl. 02:01]

Kúlan falleg í sólskininu og börnin krútt.