Mömmó og minningarsýning.

Ég er þessa dagana að undibúa sýningu sem halda á til minningar um Júlla minn á Vetrarnóttum, sýningin verður sunnudaginn 8. nóvember í Tjörushúsinu þar sem flest listaverkin hans eru, staðsett af honum sjálfum.  En þar verður meira, ég er að láta ramma inn nokkrar teikningar eftir hann og myndir sem hann teiknaði á leður.  Hann var mikið náttúrubarn og hráefnið var hvað sem var, platti úr eldhúsi móður sinnar eða leðurbútur sem hann fann einhversstaðar.

Það er líka hægt að sjá á myndum hans í hvernig skapi hann var, eða hvort honum leið vel eða illa.  Það voru dökk tímabil í lífin hans og líka ljós og fögur.   Þetta sést afar vel í teikningunum hans.

Ég er líka að fara yfir steinaverkin sem hann kildi eftir, sum hálfköruð.  Hann hefur greinilega verið að byrja á einhverju nýju.  Ég ætla að hafa þessa sýningu eins lifandi og fallega og mér er unnt.

Svo eru nokkrar mömmu og pabba myndi.

 

Óðinn Freyr fékk að gista í fyrrinótt.  Og Brandur er auðvitað til í að koma sér í mjúkin hjá honum líka.

Hönnu Sól finnst það svo sem allt í lagi.

Hún fær stundum vinkonur í heimsókn, það finnst stelpunum gaman. 

Og Álfaprinsessur bókstaflega tilheyra kúlunni.

Dansandi prinsessur líka.

Svo er bara að vanda sig.

Já það er fjör og veitir ekki af þegar amma dettur ofan í kjallara.

Bestu vinkonur.

Á föstudögum er farið í bókasafnið og svo má alltaf biðja um ís.

Í gær var amma búin að kaupa bók um Bangsimon og myndir til að líma inn.

Það er skemmtilegt.

Knúsirófan komin á sinn uppáhaldsstað.

Algjör knúsírófa þessi stelpa.

Og þessi er síðan áðan.

Veðrið er ljúft þessa dagana milt og lygnt.

Og haustlitirnir löngu komnir í ljós.

Úlfur fór á Tai Kvon do mót fyrir sunnan, vonandi gengur honum vel.  Því miður komumst við ekki með honum.  En önnur mamma sem fór með hópnum ætlar að hugsa um hann, og svo þjálfararnir.  Hann er í góðum höndum. 

Ingi minn og fjölskylda er líka fyrir sunnan, Sóley Ebba er að fara að keppa á EPTA vonandi gengur henni líka vel.

Og Óðinn Freyr er einnig fyrir sunnan þar sem hann fór á körfuboltamót. Vonandi gengur honum líka vel, hann er bara 6 ára ennþá lítill stubbur en rosalega duglegur.

Hún er dönsk hann er franskur.  Hún vinnur í Reykjavík hann er hér í skóla og í lúðrasveitinni.  Hann hefur komið í heimsókn og nú vildi hann kynna okkur fyrir kærustunni.  Þau eru yndæl bæði tvö og meiri íslendingar í sér en margur íslendingurinn.    Ég hef tekið eftir að það er ákveðin hópur fólks sem hingað kemur erlendis frá sem laðast að okkur og kúlunni. Og það er notalegt. 

 

En ég ætla að safna sjálfri mér saman og hugsa jákvætt.  Hella mér út í minningasýninguna um drenginn minn.  Eigið góðan dag.

 

Athugasemdir

[Dísa (IP-tala skráð) 31.10.2009 kl. 10:55]

Það verður örugglega ljúfsárt að taka saman verkin hans fyrir sýningu, en samt eitthvað sem betra er að ljúka.

Börnin eru sjálfum sér lík og hafa gaman af að vera saman. Augað hennar Ásthildar minnir mig á fermingarmótið á Núpi 1958 sællar minningar.

Kær kveðja til ykkar allra. .

[Ásdís Sigurðardóttir, 31.10.2009 kl. 12:42]

Eslku Ásthildur, það er sjaldan lognmolla hjá þér og alltaf nóg að gera. Ósköp held ég að þú snertir og gleðjir marga með persónu þinni og framkomu á lífsleiðinni.  Kær kveðja til ykkar allra og takk fyrir myndir dagsins, þið eruð orðinn stór hluti af daglegu lífi mínu og mér finnst ég þekkja ykkur ótrúlega vel.  Kærleikskveðja og gangi þér vel með sýninguna, hún verður örugglega syni þínum og ykkur til sóma

[Sigrún Jónsdóttir, 31.10.2009 kl. 13:41]

Takk fyrir mig og gangi ykkur öllum vel   Kærleiksknús

[Jónína Dúadóttir, 31.10.2009 kl. 14:02]

Góða helgi kæra vina

[Ragna Birgisdóttir (IP-tala skráð) 31.10.2009 kl. 14:19]

Hafið það gott vina um helgina.Kveðja.

[Hulda Haraldsdóttir, 31.10.2009 kl. 15:40]

Ástarþakkir mín kæra

[Ásthildur Cesil Þórðardóttir, 31.10.2009 kl. 17:27]

Takk allar. 

Knús á ykkur. 

Ásdís mín gleður mig.

[IGG , 1.11.2009 kl. 10:44]

[Sigrún Þorbjörnsdóttir, 1.11.2009 kl. 22:40]

Ásthildur er svo flott inni í skyrtunni hans afa. Greinilega mikil afastelpa og hún á alltaf eftir að búa að þessum tengslum  Það verður falleg sýningin með listaverkunum hans Júlla, og á afmælisdaginn hennar Þórdísar. Ég skoðaði listaverkin við Tjöruhúsið, ótrúlega falleg. Við fáum vonandi myndir frá sýningunni. Stórt knús til þín.

[Ásthildur Cesil Þórðardóttir, 2.11.2009 kl. 11:11]

Já ég skal taka myndir af sýningunni.  Takk Sigrún mín.

Takk Ingibjörg mín.