Kúlulíf, tónleikar og veður.

Kúlulífið gengur sinn gang.

Brandur elskar morgnana með Hönnu Sól.

Þau eru svo sæt saman.

Litli fílamaðurinn er samt ekki langt undan.

Weetabix með rúsínum og lýsi, það er morgunmaturinn.

Kúlustrákar.

Kúlustelpur.

En ég fór á tónleika í kvöld.  Sóley Ebba er að fara að keppa í píanókeppni EPTA (Evrópusambandi píanókennara)  Sem verða haldnir í Salnum í Kópavogi dagana 4 - 8 nóvember n.k.  Héðan fara fjórir keppendur af 16 yfir allt landið. Kemur svo sem ekki á óvart.  Ísafjörður er og verður Mekka tónlistarinnar.  Viðstödd var Anna Áslaug Ragnar, sem er bæði virtur og frægur píanóleikari.  Reyndar systir Sigríðar Ragnar skólastjóra og Hjálmars H. Ragnar.  Hún er hér reyndar í tilefni af afmæli systur sinnar.

Hér fyrir ofan er Sóley Ebba með tveimur öfum mömmu sinni og svo ömmu. 

Það voru einungis keppendurnir sem spiluðu á tónleikunum.  Og dagskráin var metnaðarfull.  Meðal þess sem þau fluttu öll var frumsamið lag eftir  Tryggva m. Baldvinsson í tilefni keppninnar.  Hugleiðing um íslenskt þjóðlag.  Sem var þrælerfitt bæð hvað hljóma varðar og svo hraða og leikni.  Og það skemmtilegasta var að þau höfðu öll sitthvora túlkunina á laginu.  Þó eru þau öll með sama kennarann.  Beötu Jóh. Sem af mikilli elju hefur hjálpað krökkunum við spilunina.  Þau hafa nú æft sig í allt sumar, og loksins er komið að því að stíga á svið og spila.  Það verður spennandi.

Aron Ottó. Eini karlþátttakandinn.

Kristín Harpa.

Og Hanna Lára. 

Þau voru öll mjög dugleg og virkilega gaman að hlusta á þessa hæfileikaríku krakka spila í kvöld.

Þau fengu mikið lófaklapp og blóm.

Innilega til hamingju með þetta framtak Beata mín.  Gangi ykkur öllum vel krakkar mínir.

Og Sóley Ebba, amma er svo stolt af þér ljósið mitt.

Nokkrar góðveðursmyndir.

Nú er að byrja tími ljóss og skugga.

Þessar myndir voru teknar í gær. Þá var yndislegt veður.  Í dag var lognið að flýta sér smá.

Kúlan í ljósi.

Dularfullur Engidalur.

Og lognið speglar húsin og bátana í pollinu.

Sannarlega rómó og víst er Ísafjörður fallegt bæjarstæði.

Þessi var svo tekin um hálf sex leytið í kvöld.

En ég bara óska tónlistarfólkinu okkar innilega góðrar ferðar.  Og ég ætla að fylgjast með því hvernig þeim gengur. 

 

Athugasemdir

[, 28.10.2009 kl. 20:24]

Það eru ósköp að sjá augað á Ásthildi litlu. Vonandi að þetta hjaðni fljótt. Sendi ykkur knús í kúluna

[Hrönn Sigurðardóttir, 28.10.2009 kl. 21:09]

Já... litla Ásthildur er sannkallaður kúlubúi. Flott stelpa hún Sóley Ebba.

[Karl Tómasson, 28.10.2009 kl. 22:49]

Bestu kveðjur í Kúluna fallegu úr Mosó.

Kalli Tomm.

[Ásdís Sigurðardóttir, 28.10.2009 kl. 23:02]

Öll mín börn meiddust svona á auga eins og Ásthildur þegar þau voru ung, ekkert þeirra bar skaða af sem betur fer, reyndar sprakk augnbotninn í þeim yngsta en það greri, vona að þetta verði í lagi með litlu skottuna.  kúluknús

[Ragna Birgisdóttir (IP-tala skráð) 28.10.2009 kl. 23:14]

Kúluknúskærleiksknús

[Ragnheiður , 28.10.2009 kl. 23:17]

óskaplegt er að sjá litla skottið...þetta var alvanalegt á mínu heimili. Himmi minn gat bara ekki verið öðruvísi en á hausnum !

Kær kveðja...held að ég eigi eftir færsluna á undan..best að skoða það

[Rósa Aðalsteinsdóttir, 28.10.2009 kl. 23:29]

Sæl og blessuð

Blessuð nafna þín með glóðarauga. Vona að hún hafi ekki skaða af.

Myndirnar af Ísafirði flottar að vanda og unga listafólkið tók sig vel út. Vona að þeim vegni vel.

Þegar ég sá mynd af Kúluhúsinu og brekkuna upp að húsinu þá hugsaði ég: þarna er ég búin að spossera.

Guð veri með þér kæra vinkona

Kær kveðja/Rósa

[Sigrún Jónsdóttir, 29.10.2009 kl. 00:41]

Æi, æ litla skinnið. rosaleg kúla við augað hennar.  Vona að Sóley Ebbu gangi vel, hún er mikill músíkkant og syngur svo undurvel líka. Knús í Kærleikskúlu

[Ásthildur Cesil Þórðardóttir, 29.10.2009 kl. 08:40]

Takk öll.  Já litla skottið mitt er ótrúlega dugleg með þetta glóðarauga sitt.  En fóstrurnar fóru með hana á sjúkrahúsið til skoðunar, svona til að tékka á að allt væri í lagi, og svo reyndist vera.  Hún gerir bara allt sem hún gerir í botn.  Þar er ekkert hálfkák.

Knús á ykkur öll inn í daginn.

[Kidda (IP-tala skráð) 29.10.2009 kl. 09:21]

Held hún sé soldið lík ömmu sinni og nöfnu. Held að þú mín kæra gerir fátt með einhverju hálfkáki

Knús í kærleikskúluna

[Ásthildur Cesil Þórðardóttir, 29.10.2009 kl. 09:40]

Takk Kidda mín.

[Sigrún Þorbjörnsdóttir, 29.10.2009 kl. 10:07]

Þau eru ekkert smá flott og dugleg, öll kúlubörnin þín. Ég vona að Sóley Ebbu og hinum krökkunum gangi vel. Brandur er heldur syfjulegur á myndinni  ég kannast vel við svona morgunstundir, fyrsta verk Þórdísar er að ná í kisu og knúsa hana á morgnana  Það er eitthvað við myndina af Kúlunni, þetta er eins og mynd utan á konfektkassa. Það á eftir að taka nokkra daga að renna niður þetta risa glóðarauga, en gott að hún skaðaðist ekki.

Knús elsku Ásthildur mín.

[Laufey B Waage, 29.10.2009 kl. 10:22]

Ætla að skoða vel dagskrána á EPTA og reyna að komast þegar ömmustelpan þín spilar. Gaman að það skulu vera 4 frá Ísafirði.

Njóttu daglegs lífs elsku Ía mín.

[Jóhann Elíasson, 29.10.2009 kl. 10:55]

Rosaflottar myndir af Brandi og Hönnu Sól.  Kona sem ég þekki fór á þessa tónleika í Salnum og hún talaði mikið um hvað "krakkarnir" frá Ísafirði hafi verið góðir og agaðir píanóleikarar (ég vissi nú reyndar ekki hvað það táknaði svo ég sagði bara já).  Útimyndirnar eru alveg frábærar og maður sér að lognið er ekki mikið að flýta sér hjá ykkur.  Vertu sæl mín kæra og megi guð og gæfan vera með ykkur í kúlunni.

[IGG , 29.10.2009 kl. 12:47]

Yndisleg eru þau sem fyrr börnin þín (og Brandur) og gaman að heyra þetta með ungu tónlistarmennina. Ég ætla að fylgjast með þeim. Nu svo er alltaf yndislegt að sjá myndirnar þínar af heimahögunum kæru. Kærleikskveðja til allra í Kúlunni.

[Ásthildur Cesil Þórðardóttir, 29.10.2009 kl. 17:28]

Takk mín kæru.  

[Hulda Haraldsdóttir, 31.10.2009 kl. 13:34]

Það er bara allt svo yndislegt sem frá þér kemur elsku vina mín, ég sé að við eigum sameiginlega ást á himninum og himnamyndum og vissulega er Ísafjörður yndislega fallegur bær þó ég hafi nú ekki komið þangað síðan á unglingsárum þegar ég var á héraðsskólanum á Núpi og´síðan farandverkamaður á Patreksfirði og svo á Flateyri og ég verð nú að segja eins og er að aldrei hefi ég kynnst eins góðu fólki eins og þar.Ég tek líka undir með henni Rósu hér að ofan að á þessum myndum er ýmislegt sem ég þekki. Lífið í Kúlu er svo heillandi (þó ég geri mér vissulega grein fyrir því að það er ekki alltaf auðvelt) að mann langar helst að rjúka til ykkar, enn og aftur þakka þér fyrir að auðga líf okkar á allan þann yndislega hátt sem þú gerir