Mannúðarástæður dýraverndunar.

Hafið þið heyrt það betra?  Fé sem gengið hefur á fjöll á sunnanverðum Vestfjörðum í hálfa öld, verður nú fyrir miklum og andstyggilegum árásum fólks.  Það er hundelt uppi, í fyrra var það skotið á færi úr þyrlu, en í ár er það ekki nógu gott, nú er það hrakið fyrir björg af miskunnarleysi.  Og allt í nafni mannúðar.

Ég er svo reið að ég næ ekki upp í nefið á mér.  Dýraverndunaraðilar, þið eigið að skammast ykkar og leyfa þessu fé að vera í friði.  Mér skilst að það séu aðallega hrútar sem lifa af, en að öðru leyti væsi ekkert um féð.  Hvað er í gangi.  HÆTTIÐ ÞESSU STRAX.

Ykkur væri nær að huga að búfjárflutningi milli landshluta, eða jafnvel um hálft landið.  Fé og stórgripir sópað upp í opna tveggja hæða vagna, og tengivagna, þar sem blessaðar skepnurnar eru í klemmu í marga klukkutíma.   Skelfingu lostnar og sumar troðast undir.  Og það hefur komið fyrir oftar en ekki að bílarnir hafa keyrt út af og drepið megnið af fénu og stórslasað það. 

Þess vegna verður allt blaður um mannúð við að strádrepa fé sem hefur aðlagast aðstæðum í fjöllum á sunnanverðum Vestfjörðum afskaplega léttvægt og hræsnisfullt.  Það er ekki mannúð, það er forheimska og einblíningur á stafkróka. Vinsamlegast hættið þessari vitleysu strax, og snúið ykkur frekar að því að fara að skoða hvort flutningarnir sem ég nefndi áðan standist dýraverndunarlög.  Og líka hvort það stenst lög um sauðfjárveikivarnir.  Þ

Þetta er gjörsamlega óþolani árás á skepnurnar og er ykkur til ævarandi skammar.

Athugasemdir

[Sigurður Sveinsson, 28.10.2009 kl. 15:03]

Mæl þú heilust allra. Þetta er yfirgengilega raunalegt framferði. Mannúð þessara dýramorðingja er sérkennileg. Við dýravinir tökum undir með þér. Skammist ykkar og hættið þessu starx.

[Auður M (IP-tala skráð) 28.10.2009 kl. 17:40]

Er þér algjörlega sammála.  Þetta er hreint út sagt andstyggilegt og þessum mönnum til skammar.  Dýrin eiga að fá að vera þarna í friði.  Ef menn hafa af þeim áhyggjur mætti kasta til þeirra heyböggum,  í stað þess að reyna að drepa þau.

[(IP-tala skráð) 28.10.2009 kl. 17:46]

Tek undir hvert orð sem þú segir, þetta er svo fáranlegt að mér lá við að halda að það væri komin 1 apríl er ég hlustaði á fréttirnar. Þetta er til háborinnar skammar og er það vægt til orða tekið.

[Kidda (IP-tala skráð) 28.10.2009 kl. 18:23]

Þvílík mannvonska, hélt að svona lagað væri ekki til hér á landi.

[Ásthildur Cesil Þórðardóttir, 28.10.2009 kl. 19:01]

Og landlæknir lét hafa eftir sér að það væri mannúðlegra að drepa dýrin en að leyfa þeim að ganga úti, þar sem þau hafa verið s.l. hálfa öld eða svo.  þetta er geðveiki.  Og ég er svo reið út af þessu að ég krefst þess að nú þegar verði þetta blóðbað stöðvað.  Ég veit að hugur minn verður hjá blessuðum dýrunum í nótt, liggjandi í blóði sínu fyrir neðan kletta, þar sem ekki eru tök á að aflífa þau.  Svei bara, svei!!!

[Ásdís Sigurðardóttir, 28.10.2009 kl. 19:38]

Tek algjörlega undir orð þín Ásthildur mín. Maður spyr sig stundum hver sé mesta skepnan.

[Ásthildur Cesil Þórðardóttir, 28.10.2009 kl. 19:55]

Enmitt, ég hef svo mikla skömm á þessu að ég á ekki til orð. Ég vona bara að almenningur fyllist þvílíkri reiði og láti í sér heyra, svo þetta hætti hér og nú.  Þetta er bara útúrsnúningar og bull að fé megi ekki ganga laust.  Einu sinni mátti ekki teyma kú niður Laugaveg, eða syngja á almannafæri.  Ef allar reglur væru endanlega þá myndi framþróunin ekki verða nein.  Eða eins og dómsmálaráðherran sagði einu sinni, lögin eru nú barn síns tíma.  Þessi eru það svo sannarlega. 

[IGG , 29.10.2009 kl. 12:40]

Ég hef líka mikið verið að hugsa um „villi“ féð undanfarið og er sammála um að leyfa þeim að spjara sig en kannski víkja að þeim stráum þegar þurfa þykir. Varðandi fjárflutingana er þér algjörlega sammála líka Ásthildur.

[Ásthildur Cesil Þórðardóttir, 29.10.2009 kl. 17:29]

Takk Ingilbjörg mín.  Ég held að við séum á sömu bylgjulengt.

[Hulda Haraldsdóttir, 31.10.2009 kl. 13:15]

Elsku Ásthildur mín einhvern veginn fór þetta framhjá mér en þakka þér fyrir þennan pistil þetta er bara hrein viðurstyggð og maður skilur hreinlega ekki að nokkur skuli gefa kost á sér til svona verka 

[Ásthildur Cesil Þórðardóttir, 31.10.2009 kl. 17:40]

Nei og sem betur fer hefur skapast umræða um þessi ósköp, og líklega verður þetta stoppað af.  Stundum þurfum við almenningur að rísa upp og mótmæla kröftuglega til að hlutirnir verði lagfærðir. 

[Sigurður Þórðarson, 31.10.2009 kl. 19:40]

Á þá ekki að útrýma hreindýrum vegna þess að sum þeirra falla úr hor?  Hvað með kanínur og snjótittlinga á ekki að drepa þetta alltsaman?

Trúa menn því að  "Guð hafi skapað manninn í sinni mynd og gert hann að herra jarðarinnar"?

[Ásthildur Cesil Þórðardóttir, 31.10.2009 kl. 23:35]

Nákvæmlega Sigurður, eigum við ekki bara að drepa allt sem ekki fellur undir skilgreiningurna MANNÚÐ? Líka fólk sem á ekki höfði sínu að halla neinstaðar.  það er auðvitað bara MANNÚÐ að skjóta það svo það þurfi ekki að þjást.