Nokkur ljóð.

Var að skoða pappírana mína og rakst þá á þessi ljóð mín.  Set þau hér inn í gamni. Fyrsta er samið fyrir jól fyrir nokkrum árum.

 

Ég hugsa oft er herðir frost,

 

hel dimm nóttin nálgast oss

 

Með skammdegi og skugga

 

Er skylda okkar að hugga.

 

Þann sem ekki á neinn að.

 

einskis barn, við skiljum það

 

að þá er þörfin brýna

 

að þekkja vitjun sína.

  

Með kærleikann sem leiðarljós

 

Lifir best vor  sálarrós.

 

það blómið blítt sem dafnar

 

og birtu andans safnar.

 

Allt sem innra áttu nú

 

elsku þína og von og trú

 

vert er gaum að gefa

 grát og sorgir sefa.

 

 

 

  

Dreyfðu ást um byggð og ból

 

Þá bestu áttu gleði jól.

 

Gott er lífið sitt á því að byggja.

 

Að sá sem gefur öðrum, allt mun þiggja. 

  

Ásthildur Cesil.

  Þessar urðu til, þegar skotturnar mínar fóru með mömmu sinni í fyrra sumar til dvalar með henni fyrir sunnan.  

 

Ég sakna þín barnið mitt blíða,

 

Með björtu augun þín skær.

 

Á röddina  hjartnæmu að hlýða,

 

Og knúsa þig brjósti mér nær.

  

Að ræða um prinsessu pakka

 

Og pörin af ballettsins skóm.

 

Um daglegar þarfir, og þakka,

 

þegar þú færir mér blóm.

  

Á ömmu sín æ viltu hlýða .

 

upphugsar alskonar gjörð.

 

Fallega prinsessan fríða.

 

Fróm vil ég stand’ um þig vörð.

  

 

  o0o

 

Prakkarinn litli sem lærir.

 

Og lætur mér líða svo vel.

 

Ákveðin hrund, sem að hrærir

 hjartanu bljúga í mér.  

  

Þú kannt að gleðja og gefa

 

Gott er að hlúa að þér.

 

Grátin þinn  gjallandi sefa.

 

Gefa þér sálina úr mér. 

  

Örmum mig  víst er þú vefur

 

Vaktar og  vilt ömmuskinn.

 

gæfuna mikla mér gefur.

 

gullmolinn yndæli minn. 

 Þessi  fjallar um áhyggjur mínar af Júlla mínum þegar hann var langt niðri.   

Í fegurð vestfirskra fjalla,

 

finn ei í sinninu ró.

 

Sálir í kvöldhúmið kalla

 

því komið er alveg nóg.

  

Af sársauka og svörtum dögum,

 

er sífellt þrengja sér inn.

 

Og mikið af svipuðum sögum

 

segjast þar sonur minn.

  

Sögur, er baráttan bitur

 

brýtur þrekið vort allt.

 

Af eitri sem allstaðar situr

 

hér öllum börnum falt.

  

Samt lifir nú vonar neisti

 

sem nærist, og þerrar mín tár.

 

Svo áfram ég trúi og treysti

 

að tíminn lækni öll sár.

  

Og þó að veik mín nú vonin

 

og virðist svo brjótanleg.

 

Þá samt ég vil fá þennan son minn.

 

á sigursins mjóa veg.

  Ásthildur Cesil.  

 Þessi er bara tilraun til að gera eitthvað öðruvísi.  

  

Íslandstungu, elska enn

 

orðin til mín ríma.

 

Fegurst sungu fornir menn

 

fram til okkar tíma.

  

Við meistaranna munablóm

 

mannsins hugur göfgast.

 

Þegar kanna þeirra dóm

 

þá mun listin höfgast.

 

Ásthildur 2005

Eigið góðan dag mín kæru og takk fyrir mig.   

 

Athugasemdir

[Ragna Birgisdóttir (IP-tala skráð) 20.10.2009 kl. 10:40]

[Jóhann Elíasson, 20.10.2009 kl. 10:51]

Þér er margt til lista lagt, þetta er fallegur kveðskapur.

[Bjarni Kjartansson, 20.10.2009 kl. 11:00]

Svo koma blessaðir vetragosarnir upp og manni líður skömminni skár.

Svo bætast við liljur svo túlípanar og þá er óðar komið vor.

[Ásthildur Cesil Þórðardóttir, 20.10.2009 kl. 12:08]

Takk fyrir það Jóhann minn. 

Knús Ragna mín

Já gamli vinur, vetrargosar og perluliljur, páskaliljur og vetrargosar gleðja þegar vorar. 

[Ásdís Sigurðardóttir, 20.10.2009 kl. 14:34]

Yndislegur kveðskapur, takk fyrir mig í dag

[, 20.10.2009 kl. 14:50]

 

[Sigrún Jónsdóttir, 20.10.2009 kl. 14:56]

yndislegt

[Ásthildur Cesil Þórðardóttir, 20.10.2009 kl. 17:23]

Love you guys

[Birna Dis Vilbertsdóttir (IP-tala skráð) 20.10.2009 kl. 19:15]

Það er einmitt skylda okkar að hugga.Svo falleg ljóð Ég hitti í minni vinnu þá sem þarfnast huggunar,á einn eða annan hátt.Það er ósköp ljúft að hugga þá og ekki minna gaman að gleðjast með þeim.Ég hef þau forréttindi að fá að gera hvoru tveggja

[Helga Magnúsdóttir, 20.10.2009 kl. 19:58]

[Jónína Dúadóttir, 20.10.2009 kl. 21:00]

Þetta finnst mér fallegt

[IGG , 20.10.2009 kl. 21:06]

Ásthildur mín svo sannarlega er þér margt til lista lagt. Virkilega falleg og vel kveðin ljóð.

[Ásthildur Cesil Þórðardóttir, 20.10.2009 kl. 21:32]

Takk allar.