Lífið er upp og niður, svo er það okkar að vinna úr því.

Ég er innantóm í dag. Var með fólkinu mínu og vinum að ganga frá dótinu hans Júlla mín.  Fara yfir þau föt sem hann átti og skoða hvað við eigum að klæða hann í á morgun fyrir kistulagninguna.  Þetta tekur á og er slítandi.

Ég hef því ekki mikla orku eins og er.  En það er gott að finna allan hlýhug sem okkur er sýndur hvarvetna.  Og hve vinir hans eru alveg jafn aumir og ég sjálf.  Það er ljóst að Júlli minn var ljúflingur sem allir bera góða sögu.  Margir sem tala um að hann hafi verið þeim góður þegar þeir áttu bágt.  Og alltaf virtist hann vera nálægur ef einhver þurfti á hjálp hans að halda. 

Fallegasta kveðjan sem ég hef fengið og eru þær margar fallegar, er þegar ein vinkona mín hringdi í mig og sagðist hafa dreymt hann.  Hann var með vængi, sagði vinkona mín og hann gekk á vatninu, kring um hann voru jarðarlitirnir, brúnn, og blár eins og hafið. 

Og gegnum huga minn streymdu orð sem voru kveðja til þín, sagði hún.  Og kveðjan er svona;

Þegar Jesú talar, var eins og öll veröldin þagnaði.  Hann talaði til hafsins fjallanna og tindanna sem við trúum fyrir draumum okkar.  

Hann talaði til englanna handan við móðuna miklu, og orð hans blunda í brjóstum okkar eins og ástaróður sem brýst inn í hjörtu okkar gegnum þokuna inn í hug okkar.

Þetta er bara svo fallegt og jákvætt, hljóðlátt alveg eins og sonur minn var alltaf.  Innilega takk fyrir þetta.

En á morgun verður kistulagning, og þá kveðjum við hann öll fjölskyldan, systkin foreldrar börn, systkinabörn og allir sem eru í fjölskyldunni.

Og á laugardaginn kl. tvö verður jarðarförin, þá verður hann kvaddur í hinsta sinn í þessu lífi.  En hann lifir meðal okkar, minningarnar um fallegan góðan töffara mun lifa með okkur áfram.  Og ég vona að fyrir hann og dökku minningarnar sem ég hef reynt að setja hér niður vakni fleiri upp og það verði hugarfarsbreyting til öðruvísi barnanna okkar, og að fólk átti sig á því að bak við hvern fíkil er fjölskylda, mömmur pabbar afar ömmur systkini börn og unnustur. 

Það hefur enginn maður leyfi til að setja sjálfan sig ofar annari manneskju.  Hverjir eruð þið að dæma?  Sá sem upphefur sjálfan sig á kostnað annara, lítillækkar sig gagnvart almættinu.  Ó þér hræsnarar sem þykjast vera betri en aðrir.  Þið megið skammast ykkar fyrir fáfræði ykkar og vesaldóm.

svona hljómar tilkynningin.

Ástkær sonur okkar, faðir, bróðir, barnabarn, frændi og vinur
Júlíus Kristján Thomassen er látinn. 
Jarðarförin fer fram í Ísafjarðarkirkju laugardaginn 10. október  kl. 14.00.
Fyrir hönd annara aðstandenda
 
Ásthildur Cesil Þórðardóttir                           Elías Skaftason
Þórður Alexander Úlfur Júlíusson                  Sigurjón Dagur Júlíusson
Ingi Þór Stefánsson                                         Matthildur Valdimarsdóttir
Bára Aðalheiður Elíasdóttir                            Bjarki Steinn Jónsson
Skafti Elíasson                                                Tinna Óðinsdóttir
Arinbjörn Elvar Elíasson                                 Marijana Cumba
Þórður Júlíusson
 

Á góðum degi, síðustu árin hans var hann hamingjusamur og átti fjölskylduna sína að og var sjálfur að gefa svo mikið af sér.   Átti nægan tíma handa öllum. 

Elsku drengurinn minn þú lifir svo sannarlega í minningunni.  Og jarðarförin þín mun verða falleg. 

 

Athugasemdir

[Birna Dis Vilbertsdóttir (IP-tala skráð) 7.10.2009 kl. 16:12]

[Ásdís Sigurðardóttir, 7.10.2009 kl. 16:28]

[Ruth Bergsdóttir (IP-tala skráð) 7.10.2009 kl. 16:37]

Elsku Cesil - ég hugsa mikið til þín þessa dagana. Hugur minn fer líka sterkt til móður minnar sem átti sinn "Júlla".  Þú minnir mig sterklega á hana núna.  :)  Hún barðist eins og ljón við mann og annan og það fuku hausar einn og jafnvel tveir þegar hún sýndi klærnar. Hún dó 39 ára og náði aldrei að sjá sinn "Júlla" komast á beinu brautina. Það fannst mér sorglegt og finnst ennþá.  Þegar "Júlli" minn tók svo beina veginn í ein 10 ár eða svo segir hann söguna af mér þegar ég hellti mér yfir hann með skömmum ( hann segir það :)  með þessum orðum.  "skammastu þín að hafa ekki hætt áður en hún mamma dó"! 

 Elsku Cesil ég hugsa til þín og þinna.  kveðja Ruth 

[Dísa (IP-tala skráð) 7.10.2009 kl. 18:16]

Allar ljúfu minningarnar eiga eftir að ylja ykkur.  

[Heiða Þórðar, 7.10.2009 kl. 18:30]

ást og kærleik ég sendi yfir til ykkar allra.

[Hrönn Sigurðardóttir, 7.10.2009 kl. 18:51]

elsku elsku....

[Huld S. Ringsted, 7.10.2009 kl. 19:14]

[Jónína Dúadóttir, 7.10.2009 kl. 19:28]

[Steinunn Helga Sigurðardóttir, 7.10.2009 kl. 19:32]

Sendi þér og þínum Kærleika og Ljós elsku Cesil !

Hann er núna á góðum stað !

Steina

[Ragna Birgisdóttir (IP-tala skráð) 7.10.2009 kl. 19:37]

[Linda Linnet Hilmarsdóttir, 7.10.2009 kl. 20:00]

Stórt knús og ljúfar kveðjur...

[Jóhanna Magnúsdóttir, 7.10.2009 kl. 20:56]

 Mikið voru þetta yndisleg skilaboð til þín Ásthildur mín frá vinkonu þinni.

[, 7.10.2009 kl. 21:17]

 honum líður vel - segir draumurinn  Friðurinn fylgi ykkur á morgun og alla tíð

[Ásgeir Ingólfs (IP-tala skráð) 7.10.2009 kl. 21:47]

Skiladu kvedju til vinar míns, loksins hefur hann fundid frid.

[Sigrún Jónsdóttir, 7.10.2009 kl. 22:13]

Elsku Ásthildur, ég sendi hugheilt kærleiksknús til ykkar allra

[IGG , 7.10.2009 kl. 23:44]

[Anna Einarsdóttir, 8.10.2009 kl. 00:02]

Megi ykkur hlotnast sá styrkur er þið þurfið á morgun. 

[Steingrímur Helgason, 8.10.2009 kl. 00:32]

Ásthildur Cecil.

Þú ert hetja.

Vertu það líka á morgun, fyrir strákinn þinn...

Líklega munu tár flæða, & láttu þau bara flæða, enda ekkert minni hetja fyrir mér eða öðrum sem að lesa.

[Kristín Katla Árnadóttir, 8.10.2009 kl. 08:45]

Ást og kærleikur til ykkar.

[Ragnheiður , 8.10.2009 kl. 08:50]

Elskuleg  

Dagarnir verða miserfiðir og engin leið önnur en að þrauka þá þrátt fyrir að manni finnist það ekki gerlegt. Það  sem maður á eru tárin og þau hreinsa. Maður á líka styrk í fólkinu sínu og styddu þig við þau.

Svo erum við hér. Af fenginni reynslu veit ég að það hjálpar líka.

Allan minn styrk sendi ég til þín elskuleg.

[Hrönn Sigurðardóttir, 8.10.2009 kl. 09:54]

Kveiki á kerti fyrir ykkur

[Helga skjol, 8.10.2009 kl. 09:54]

Kæra Ásthildur og fjölskylda. Ykkur sendi ég mínar dýpstu samúðarkveðjur

[Ásthildur Cesil Þórðardóttir, 8.10.2009 kl. 10:12]

Innilega takk öll fyrir mig og okkur öll.  ég fer hér inn til að fá fró af hlýjunni og kærleikanum frá ykkur, þegar ég er ein. 

[Kidda (IP-tala skráð) 8.10.2009 kl. 11:12]

Verð með ykkur í huganum á þessum erfiða degi.

Knús í kærleikskúluna

[Sigga Hjólína, 8.10.2009 kl. 13:50]

Ég samhryggist þér svo innilega. Ég man svo vel eftir honum Júlla þínum í tengslum við kvöldverð sem ég átti með mömmu, Möggu (Oddsdóttur Péturssonar) og Lóu í Tjöruhúsinu sumarið 2008.  Mér fannst magnað að sjá höfund þessara flottu steinfiska sem sátu í búrinu fyrir utan hamast eins og þeytispjald þarna fyrir innan. Greinilega fjölhæfur maður á ferð. Gott að þú gleymir ekki að hlúa að sjálfri þér, það er svo auðvelt að gleyma sjálfum sér í svona mikilli sorg.

[Guðrún Emilía Guðnadóttir, 8.10.2009 kl. 14:47]

Elskulega fjölskylda verð með ykkur í huganum og megi góður guð styrkja ykkur og hugga.
Kærleikskveðjur
Milla