Til þeirra sem málið varða.. og smá mömmó.

Sálfræðileg athugun.

Dagsett 13.12.1996.

Til þeirra sem málið varðar. 

Varðandi Júlíus Kristján Thomassen k. 080769.3269.

 

Júlíus kom á stofu til undirritaðs í tengslum við fyrrihugaða afplánun tíu mánaða faneglsisdóms, sem á að taka gildi þann 16. desember í fangelsinu á Litla Hrauni.  Júlíus Kristján hefur tvisvar áður afplánað fangelsisdóm.

Júlíus Kristján er fíkniefnaneytandi og alkahólisti og hefur komist í kast við lögin í tengslum við fíkniefnaneyslu.  Fíkniefnaneyslan á sér sögu frá 13 - 14 ára aldri.

Í viðtali við Júlíus Kristján kom fram að fyrir hendi er eindreginn vilji og ásetningur til að hætta fíkniefnaneyslu.  Í þessu sambandi skiptir máli hvaða fangelsisúrræði er valið þegar til afplánunar kemur þann 16. desember 1996.

Að sögn Júíusar Krístjáns er vistun á Litla Hrauni ekki vænlegur kostur fyrir hann, með hliðsjón af vilja hans og ásetningi að hætta fíkniefnaneyslu.  Fyrri reynsla hans af fangelsisvist á litla Hrauni var með þeim hætti að neysla hans jókst og vara andlegt ástand hans að eigin sögn og móður hans verra eftir að afplánun lauk en fyrir hana.  Júlíus Kristján verður faðir í fystra skipti eftir 6. mánuði.

Júlíus Kristján telur að Kvíabryggja sé sá afplánunarstaðru sem vænlegastur er í sínum huga til að efla vilja sinn og hætt afíkniefnanotkun.  Í þessu sambandi nefnir Júlíus Kristján m.a. þá vinnuaðstöðu sem Kvíabryggja hefur fram yfir fangelið að Litla Hrauni.

Hegðun í viðtali.

Júlíus Kristján virtist spenntur og kvíðinn í viðtali, átti erfitt með að tjá sig og myndaði ekki aungkontakt.  Við töku prófsins var Júlíus Kristján samvinnufúr og fór í öll eftir fyrir mælum prófanda.

Sálfræðileg próf.

Eftirfarandi próf voru lögð fram.

Vitræn próf.

RPM(Raven Pregressive Matrices)

Persónuleikapróf.

NNPI(Minnesota Multiphasic Personality Inventory)

Niðurstaða sálfræðilegs mats.

Vitræn geta Júlíusar Kristjáns telst innan eðlilgera marka.  Úrlausn MMPI prófsins telst réttmæt. Einstaklingar með þessa úrlausn réttmætirkvarða MMPI prófsins, hafa venjulega brotakennda og neikvæða sjálfsmynd og gera sér vel grein fyrir að þeir þurfa á aðstoð að halda.  Sálræn vandamál eru fyrir hendi og eru einstaklingar með þessa niðurstöðu réttmætiskvarða oft unglyndir, ostöðugir og mótþróafullir.  Einstaklingar með þessa niðurstöðu réttmætiskvarða MMPI prófsins hafa glatað eðlilegum varnarháttum persónuleikans og upplifa sjálfan sig varnarlausa og auðsæranlega. 

 

Niðurstöður.

Vitræn geta Júlíusar Kristjáns eru innan eðlilegra marka.  Einstaklinar með þessa úrlausn MMPI prófs eru oft mjög kvíðnir og þybnglyndir.  Sjálfsmyndin er brotakennd og neikvæð., tilfinningaleg tjáning er heft og erfileikar með að mynda tengsl við aðra eru áberandi. Tilhneygingar gætir til að einangra sig og forðast samskiti við aðra.  Undir álagi er oft leitað á náðir fíkni- og deyfiefna, til að slaka á.  Aðgerðarleysi áhugaleysi oghliðrun við samskiptum við aðra eru helstu einkenni hegðurnar.

 

Mat. 

Í ljósi ofangreinds má álykta að það umhverfi sem skapar sterkan mannúðlegan og öruggan ramma utan um líf Júlíusar Kristjáns, sé líklegast til að stuðla að því að honum takist að sigrast á vímuefnaneyslu sinni. Í slíku umhverfi er líklegast að Júlíus Kristján læri að þekkja sínu réttu tilfinningnar og viðurkenna þær, og ennfremur að hann læri að treysta fólki sem er grundvöllur þess að mynda náin tilfinninaleg bönd við aðrar manneskjur.  Slíkur ávinningur myndi að öllum líkindum gera Júlíus Kristján hæfari til að takast á við spennu, kvíða, þunglyndi og fíkn í vímuefni.

 

Júlíus Einar Halldórsson, B.A.MSc., Cand. Psych.

 Þetta er merkt trúnaðarmál.  Sá trúnaður brast þegar sonur minn dó.  En þar sem einnig stendur; til þeirra sem málið varðar.  Lít ég svo á að málið varði alla fíkniefnaneytendur og aðstandendur þeirra. 

En ætli þetta hafi nú orðið til þess að fangelsismálayfirvöld teldu að það væri heppilegra að leyfia drengnum að afplána á þeim stað sem hann lagði til í ljósi aðstæðna.  Nei sú stofnun er bara fyrir hvítflibba og alþingismenn.

Hann var því sendur beint inn á Litla Hraun.  Þannig var nú það.  Það er þetta sem ég vil benda á, í öll þessi ár hef ég reynt að berjast til að fá menn til að hugsa upp á nýtt.  Hrópa að fíkniefnaneytendur eru fólk, en ekki skepnur.  Því miður hafa hróp mín alltaf kafnað í fordómum og hugsunarleysi, eða jafnvel áhugaleysi á að gera eitthvað til að koma til móts við þennan gríðarlega vanda.

Ég gat ekki vel beitt mér meðan hann var á lífi.  En í hans minningu skulu köll mín heyrast hærra, og menn skulu fá að horfast í augu við sannleikann.

Ég reyndi líka að fá því frestað að drengnum yrði stungið inn svona rétt fyrir jól. En það hlustaði heldur enginn á slíkt. 

Eftir að hann var komin inn, sendi ég honum ýmislegt sem hann bað mig um.  M.a. fæðubótaefni, sem hann ætlaði að nota til að byggja upp líkama sinn.  Sá sem seldi mér það, gekk þannig frá því að það var augljóst að innihaldið var sem það var sagt og augljóslega ekki hróflað við neinu.  Hann fékk þetta samt ekki.  Ég sendi honum myndir af syni sínum og unnustu.  Ég fékk rammana endursenda, en hann fékk aldrei myndirnar.  Ég sendi honum diktafón, sem aldrei kom fram og fleira sem hvarf úr þeirri sendingu, sem ég fékk aldrei skil á hvað varð um. 

Það er til umhugsunar hvort ástandið sé orðið betra í dag.  Hvort svona sálfræðiúttektir séu gerðar, og hvort farið sé eftir ráðum sérfræðinganna.   Ég held ekki.  Og ef menn eru að tala um að það vanti fé eða pláss.  Þá bendi ég á á móti, að líf barnanna okkar eru ómetanleg í fjárhagslegu tilliti.  Þau eru meira virði en regluverk sem er handónýtt og hjartalaust fólk sem á að vera þeim innan handar.  Þetta heitir nefnilega betrunarvist ekki satt?

Inn í Reykjanesi á ættarmóti.

Fallegu börnin mín.

Myndir fyrir Báru mína og Bjarka og fjölskyldu.

Mágkona mín Badda að hjálpa Ásthildi í snjónum.

Hanna Sól og Ásthildur bjuggu til snjókarl.  Amma má ég fá aðra gulrót, Ásthildur át nefið af karlinum, kom svo.

Sæt saman.

Ljósaengillinn er endalaus uppspretta ánægju.

Solla stirða komin í heimsókn.

Hanna Sól og hinn engillinn.

Flottar dömur.

Listaverk frá Júlla mínum.

Ásthildur að leika sér úti.  Hanna Sól er í gistingu hjá Tinnu og Skafta.

Það er fallegt veður í dag.

Með Ásthildi litlu kveð ég í dag.

Innilegar þakkir elskulega fólk sem hringir, kemur og hugsar til mín.  Það er svo gott fyrir sálina.  Og eins svörin ykkar hér og stuðningur við okkur.  Innilega takk og megi allir góðir vættir vaka með ykkur öllum.

Athugasemdir

[Hulda Haraldsdóttir, 4.10.2009 kl. 14:19]