Júlíus Kristján Thomassen, fæddur 8. júlí 1969, dáinn 28. september 2009.

Ég ætla að setja inn nokkrar myndir fyrir þá sem þykir vænt um Júlíus en eru fjarri í dag, og komast ekki.

Ljúflingurinn minn lifir ennþá í minningum okkar allra. 

Sorgin er sár

 

svíður hjarta.

 

Tómleiki og tár

 

tilfinning svarta.

 

Samt lifir sú von

 

að góð sé þín köllun

 

minn elskaði son

 

á Ódáinsvöllum. 

  

Ljúflingur og ljósið mitt

 

leggðu á veginn bjarta.

 

Löngunin og lífshlaup þitt

 

liggur mér á hjarta.

 

 

 

Í dýpstu sorg um dáinsgrund

 

döprum hug mig teymdir.

 

en fórnfýsi og fagra lund

 

í fylgsnum hugans geymdir.

 

   

Ekki barst þú mikið á

 

elsku sonur mildi.

 

Varst samt alltaf þar og þá.

 

Þegar mamma vildi.

 

 

 

Í mér sorgin situr nú

 

sárt er upp að vakna.

 

Hér ég vildi að værir þú

 

vinur þín ég sakna.

 

 

 

Englarnir nú eiga þig.

 

engan frið það lætur.

 

Við það sætta má ég mig

 

móðirin sem grætur.

 

 

 

Elsku Júlli ástin mín.

 

yfir þér nú vaka.

 

Allir vættir. Ævin þín

 

er óvænt stefnutaka.

 

 

 

Ég veit að elsku mamma mín

 

miðlar með þér gæsku.

 

Hún var æðsta ástin þín.

 

öll þín árin æsku .

 

 

 

Nú gráta blessuð börnin þín.

 

bestur alltaf varstu.

 

alltaf setja upp í grín.

 

alla tilurð gastu.

 

 

  

Sendi ég þér sátt og frið.

 

með söknuði í hjarta.

 

held þú eigir handan við,

 

hamingjuna bjarta.

 

 

 

Alltaf tilbúin til að aðstoða ungviðið.  Bæði sín eigin og annara.

 

 

Hann var líka duglegur við að segja þeim að borða hollan mat, og kenndi þeim góða umgengni.

 

Í faðmi fjölskyldunnar.  Þar var hann ánægðastur.

 

Hann færði Dvalarheimilinu Hlíf 18 fiska, sem hafa verið hengdir upp á veggin hússins og eru til mikillar prýði.

 

 

Stolt sinnar móður.

 

Glettinn og skemmtilegur var hann.

 

Og fannst gott að koma til mömmu og fá sér í gogginn.  En oftast kom hann þó færandi hendi, með fisk, harðfisk eða fallegan stein, eða eitthvað til að gleðja mig. 

 

Þetta er Júlli minn, alltaf svo góður við börnin, enda elska þau hann öll.

 

Hann gat líka verið töffari. 

 

Eða natnin uppmáluð.

 

Hér hjálpast þeir feðgar að við að elda fiskisúpu (Gourme) Ofan í fjölda manns.

 

Og hann var einlægur aðdáandi Frjálslyndaflokksins.

 

Hann tók þátt í öllu með börnunum.

 

Og eins og ungamamma með syni sína.

 

Sama hvað var.

 

Alltaf leikið með.

 

Borða saman ís.

 

Synd hvað sá litli hafði lítin tíma með pabba sínum.

 

 

Skemmtileg mynd sem vinkona hans Frída tók.

 

Fallegi grallarinn minn.

 

Og listaverkin flott.

 

Steinninn varð lifandi í höndunum hans.

 

Hann var mjög hreykin af þessum steini. 

 

Hulk í góðum fíling.

 

Og aðstaðan var enginn, hálfónýtur gámur og ljósavél.  En aldrei kvartaði hann.  Það var fjarri honum að kvarta yfir einhverju.  Hann tók hverju eins og það var.  Og var búin að fyrirgefa öllum þeim sem svo sannarlega reyndust honum vondir.  En flestum þótti vænt um hann.

 

Hjartað sem hann gaf mömmu sinni.  Ég á eftir að slípa það aðeins betur mamma sagði hann og brosti.

 

Skreyting hjá Frjálslynda flokknum í kosningunum.

 

Ég bið að þið eigið öll góðan dag.   Ég vil nota tækifærið til að þakka öllum sem hafa hringt og komið til okkar á þessum erfiðu tímum.  Öllum sem hafa boðið fram aðstoð og viljað hjálpa til.  Það verður örugglega haft samband.

 

Með kærri kveðju Ásthildur Cesil.

 

Athugasemdir

[Ragna Birgisdóttir (IP-tala skráð) 29.9.2009 kl. 13:47]

[Guðrún María Óskarsdóttir., 29.9.2009 kl. 14:09]

Mínar dýpstu hjartans samúðarkveðjur, elsku Cesil mín, til þín og þinna.

Væri ég hjá þér myndi ég faðma þig og biðja góðan Guð að vera með þér og ykkur, öllum stundum.

kv.Guðrún María.

[Ásthildur Cesil Þórðardóttir, 29.9.2009 kl. 14:12]

Takk Gmaría mín. 

knús á þig Ragna mín og takk.

[Hulda Björk Gunnlaugsdóttir (IP-tala skráð) 29.9.2009 kl. 14:46]

Elsku Ásthildur, sendi þér og fjölskyldu þinni mínar dýpstu samúðarkveðjur. Hann Júlli var góður og hjartahlýr drengur. Algóður Guð er með ykkur og veitir ykkur styrk í gegnum erfiðleikana.

Samúðarkveðjur til ykkar allar. 

Hulda Björk Gunnlaugsdóttir

[Dísa (IP-tala skráð) 29.9.2009 kl. 15:00]

Yndislega fallegt hjá þér og örugglega gott fyrir bæði ykkur og hann allar þessar góðu hugsanir sem fylgja honum héðan.

[Brynja Höskuldsdóttir (IP-tala skráð) 29.9.2009 kl. 15:04]

Elsku fjölskylda. Mínar innilegstu samúðarkveðjur til ykkar.

[Karl Tómasson, 29.9.2009 kl. 15:14]

Elskulega Ásthildur.

Mikið hef ég hugsað til þín og fjölskyldu þinnar í dag. Þeir sem hafa lesið bloggið þitt reglulega hafa væntanlega allir séð þá ást og hlýju sem þú berð til fólksins þíns. Allar fallegu myndirnar þínar úr kúlunni og víðar, hafa verið góð skilaboð til allra um, hvað það er sem öllu máli skiptir í lífinu.

Guð blessi þig og allt þitt fólk.

Kær kveðja. Karl Tómasson.

[Jenný Anna Baldursdóttir, 29.9.2009 kl. 15:45]

elsku, elsku Ásthildur mín.

[Heiða Jóa og Svanfríðar (IP-tala skráð) 29.9.2009 kl. 16:30]

Elskulega Ásthildur mín, falleg orð og fallegar myndir af góðum dreng Ég er ein af þeim heppnu sem fékk gefins listaverk frá honum Júlla. Hitti mig fyrir utan Tjöruhúsið með alla strolluna með mér, rétti mér og sagði það vera frjósemistákn því ekki veitti af  Alveg yndislegur

Ég sendi mínar dýpstu samúðarkveðjur til þín og þinna, megi Guð veita ykkur styrk á þessum erfiðu tímum. 

Kær kveðja Heiða

[Ragnheiður , 29.9.2009 kl. 17:14]

Yndislegar myndir af Júlla þínum, greinilega alltaf svo góður. Það er langt síðan ég fór að fylgjast með hans baráttu og langt síðan þið mæðgin stimpluðuð ykkur í hjarta mér. Þar eruð þið og verðið.

Vonandi hefur Himmi getað tekið á móti, þeir voru ekki ólíkir .

Hjartans knús elsku Ásthildur

[Guðríður Hrefna Haraldsdóttir, 29.9.2009 kl. 17:29]

Mig langar að taka undir orðin hér að ofan með hvað það skín í gegnum öll skrif þín ást og hlýjan sem þú berð til fólksins þíns. Ég hef lesið mannbætandi bloggið þitt í langan tíma. Mikið var strákurinn þinn heppinn að eiga þig sem mömmu og þú heppin að fá að eiga hann. Sérstök kveðja til Úlfs frá okkur systrum (Svanhildi í Ævintýralandi).

[, 29.9.2009 kl. 17:42]

Fallegt ljóð og fallegar myndir af yndislegum dreng. Þið voruð rík að hafa átt hann þótt það væri allt of stutt. Guð geymi góðan dreng.

[Guðfinna Sigurjónsdóttir (IP-tala skráð) 29.9.2009 kl. 17:42]

Elsku Ásthildur og fjölskyldan þín, sendi ykkur öllum innilegar samúðarkveðjur, hugur minn er hjá ykkur. Hann Júlli var svo sannarlega góður drengur og með hjarta úr gulli.

[Guðrún M Ásgeirsdóttir (IP-tala skráð) 29.9.2009 kl. 17:58]

Elsku Ásthildur sendi þér og fjölskyldu þinni mínar dýpstu samúðarkveðjur.

                                         Rúna Ásgeirsdóttir og fjölskylda.

[Elísabet Sigmarsdóttir (IP-tala skráð) 29.9.2009 kl. 18:01]

Elsku Ía mín, Ég votta þér innilega samúð mína .

Samúðarkveðja frá mömmu 

[Jóhanna Skúladóttir (IP-tala skráð) 29.9.2009 kl. 18:20]

Kæra frænka. Votta þér innilega samúð mína. Jóhanna í Borgarnesi.

[Hrönn Sigurðardóttir, 29.9.2009 kl. 18:41]

Elsku Cesil mín, ef bara ég gæti tekið utan um þig núna

[Sigríður Ásdís Karlsdóttir, 29.9.2009 kl. 18:44]

Elsku 'Asthildur. Vil senda  þér og fjölskyldu þinni innilegar samúðarkveðjur. Guð veri með ykkur,og gefi ykkur styrk í sorginni.   Kv Sirrý

[Sigrún Þorbjörnsdóttir, 29.9.2009 kl. 19:18]

Fallegt ljóð og yndislegt að ylja sér við myndirnar. Ég held að öllum sem hafi kynnst Júlla hafi þótt vænt um hann. Það er bara ekki annað hægt. Þó ég hafi ekki umgengist hann síðustu ár þá er eins og ég hafi alltaf verið að hitta hann, í gegnum myndirnar þínar. Og elsku litli Sigurjón Dagur, sem missir pabba sinn svona ungan, hann á eftir að ylja sér við myndirnar sem þú hefur verið svo dugleg við að taka. Ljós til þín mín elskuleg.

[Hermann Þorleifsson (IP-tala skráð) 29.9.2009 kl. 19:36]

Elsku Ásthildur og fjölskylda. Innilegar samúðarkveðjur til ykkar allra. Þegar ég heyrði um Júlla í gær varð mér allt í einu ljóst að ég hafði svo oft hugsað til hans að undanförnu. Júlli var mikið sérstakur og ég er glaður yfir að hafa átt hann fyrir vin í bernsku. Þið eruð duglegt og góðhjartað fólk sem hug minn allan á núna.

Kær kveðja

Hermann 

[Guðjón M. Þorsteinsson (IP-tala skráð) 29.9.2009 kl. 19:44]

Elsku fjölskylda.

Júlli var indæll drengur og einlægur. Ég talaði einmitt við hann á laugardag og þá brosti hann breitt eins og maður sá hann alltaf.

Við Bryndís viljum senda ykkur okkar dýpstu samúðarkveðjur.

Gaui og Bryndís

[Ásta Björk Solis, 29.9.2009 kl. 20:23]

Hjartans Asthildur og fjolskilda eg sendi ykkur innilegar samudarkvedjur.Eg vona ad gud styrki ykkur oll.

              Asta Bjork

[Heiðrún Rafnsdóttir (IP-tala skráð) 29.9.2009 kl. 21:08]

Elsku Ásthildur og fjölskylda

Innilegar samúðarkveðjur til ykkar allra, minning um góðan dreng lifir áfram.

Takk fyrir að deila þessum myndum með okkur, þær eru dásamlegar.

Heiðrún og fjölskylda

[Ásthildur Cesil Þórðardóttir, 29.9.2009 kl. 21:40]

Takk innilega öll sömul. Ég verð að segja að það er svo notalegt að koma hér inn og lesa allt það fallega sem þið segið um drenginn minn og finna væntumþykjuna og samhyggðina.  Það er bara ómetanlegt.  Innilega takk fyrir okkur öll. 

[Elísabet Ronaldsdóttir (IP-tala skráð) 29.9.2009 kl. 22:06]

Elsku frænka ég hugsa hlýtt til ykkar. Við Judith amma vorum saman í gær og hún sýndi mér fiskinn hans Júlla. Innilegar samúðarkveðjur.

[Kristján H Gíslason (IP-tala skráð) 29.9.2009 kl. 22:34]

Innilegar samúðarkveðjur til ykkar vegna elsku Júlla, hann fór alltof snemma frá okkur, ég mun sakna hans alltaf hann átti stóran stað í hjarta mínu og mun alltaf eiga.

[Ágúst G. Atlason (IP-tala skráð) 29.9.2009 kl. 22:53]

Innilegar samúðarkveðjur á þessum erfiðu tímum til ykkar allra. Hann Júlli mun ávallt lifa í minningunni og hans verður sárt saknað Ásthildur mín. Gaman að sjá þessar myndir af honum og gleðjandi að vita að þú varst ávallt með vélina á lofti og því til ótal margar minningar um þennan góða dreng.

[Málfríður Hjaltadóttir (IP-tala skráð) 29.9.2009 kl. 22:56]

Elsku Ásthildur og fjölskylda við sendum ykkur okkar dýpstu samúðarkveðjur,ég á einmitt hjarta frá honum Júlla blessuðum sem hann gaf mér spes og sagði í leiðinn að ég væri svo góð, þessi orð hans ylja mér er ég hugsa um hann ásamt fleiri fallegum hlutum sem hann gaf okkur og prýða okkar heimili.Hann var yndislegur drengur.

Kveðja Didda Hjalta og Magnús Hrafn.

[Laufey Jóhannesdóttir (IP-tala skráð) 29.9.2009 kl. 22:56]

Kæra Ásthildur.

Ég votta þér og fjölskyldu þinni samúð vegna fráfalls Júlla. Guð vaki yfir ykkur og blessi minningu góðs drengs. Kveðja, Laufey

[Þorsteinn Arnason (IP-tala skráð) 29.9.2009 kl. 23:05]

Elsku vinkona, þetta er ósanngjarnt eins og svo margt annað sem við fáum ekki breytt. Ég sendi ykkur Ella og fjölskyldu ykkar, samúðarkveðjur.     Steini Árna, Borgarfirði

[Valdimar Birgisson (IP-tala skráð) 29.9.2009 kl. 23:33]

Innilegar samúðarkveðjur vegna fráfalls Júlla. Guð styrki ykkur.

 Valdimar og Sigga Dögg

[Elfar Logi Hannesson, 29.9.2009 kl. 23:38]

Kæra fjölskylda, innilegar samúðarkveðjur til ykkar frá okkur Billu, hugurinn er hjá ykkur

[IGG , 30.9.2009 kl. 01:52]

Mydirnar af ljúfum dreng og ljóðið þitt fallega um hann hræra hjartað. Minning hans mun lýsa um alla framtíð. Kærleikskveðjur til ykkar allra, Ingibjörg G G

[Steinunn Helga Sigurðardóttir, 30.9.2009 kl. 05:23]

MEgi dagurinn verða þér eins góður og bjartu og mögulegt er kæra cesil. Hef hugsað mikið til þín.

Kærleikur og Ljós

Steina

[Valdís Stefánsdóttir (IP-tala skráð) 30.9.2009 kl. 05:44]

Mínar innilegustu samúðarkveðjur Ásthildur mín.

[Arndís Baldursdóttir, 30.9.2009 kl. 08:22]

Kæra Ásthildur, Elli og stórfjölskylda. Innilegar samúðarkveðjur til ykkar allra, minning um góðan dreng sem hafði stórt hjarta mun lifa áfram í ykkur. Bið fyrir styrk til ykkar til að takast á við það sem framundan er.  Kveðja Arndís Baldursdóttir.

[Kristín Katla Árnadóttir, 30.9.2009 kl. 09:48]

Elsku hjartans Ásthildur mín.

[Laufey B Waage, 30.9.2009 kl. 11:51]

Einstaklega fallegt ljóð. Það hlýtur að vera dýrmætt fyrir þig elsku Ía mín í þinni miklu sorg, að geta tjáð tilfinningar þínar á svona undurfagran hátt.

Fallegar og skemmtilegar myndir, sem segja mikið.

[Þórdís Einarsdóttir, 30.9.2009 kl. 12:14]

Elsku Ásthildur og allir hinir. Hugsa til ykkar.

Þórdís

[Bjarni Thor Valdimarsson (IP-tala skráð) 30.9.2009 kl. 12:21]

Innilegar samúdarkvedjur til thín og fjölskyldunnar.

Bjarni.

[Auður M (IP-tala skráð) 30.9.2009 kl. 13:17]

Elsku Ásthildur mín.  Innilegar samúðarkveðjur til þín og ykkar allra.  Þetta eru fallegar myndir af drengnum þínum.  Og ljóðið kemur við hjartað í mér. 

Auður M

[J. Einar Valur Bjarnason Maack , 30.9.2009 kl. 13:21]

Cesil mín, ég samhryggist þér innilega. Ég þekkti ekki Júlíus persónulega, aðeins af afspurn og þar af góðu einu.

Ég ætla að leyfa mér að vitna í Hávamál, það rit sem ég sæki mér huggun í þegar lífsins harmur sækir að.

1. Deyr fé,

   deyja frændur,

   deyr sjálfur ið sama.

   En orðstír

   deyr aldregi

   hveim er sér góðan getur.

2. Deyr fé,

   deyja frændur,

   deyr sjálfur ið sama.

   Eg veit einn

   að aldrei deyr:

   dómur um dauðan hvern.

 Að þessum orðum sögðum hygg ég að drengur góður deyji aldrei í hugum og hjörtum aðstandenda og óska ykkur huggunar á erfiðum tímum.

kv.

Einar V.Bj. Maack

[Ragnhildur Jónsdóttir, 30.9.2009 kl. 13:26]

Elsku Ásthildur, mikið er þetta fallegt ljóð, sterkt, sárt og fallegt.  Myndirnar segja svo mikla sögu af góðum dreng og hans sterku ljúfu fjölskyldu.

[Ásdís Sigurðardóttir, 30.9.2009 kl. 13:41]

Elsku vinkona, það er fallegt ljóðið þitt, ég ætla að prenta það og geyma það segir svo mikið um móðurástina og þinn góða dreng.  Nú þykir mér verst að hafa ekki verið búin að panta stein fiskinn sem mig langaði svo að kaupa hjá honum og gefa pabba í jólagjöf, pabbi er svo mikill steinasafnari og honum fannst mikið gaman að veiða.  ÉG veit að minningin um son ykkar mun lifa í hjörtum allra þeirra sem þekktu hann og bæjarfélagið ykkar er fátækara að honum gengnum.  Guð blessi Júlla ykkar.

[Íris (IP-tala skráð) 30.9.2009 kl. 13:43]

Innilegar samúðarkveðjur til ykkar hjóna megi englar vaka yfir ykkur öllum sem eigið um sárt að binda  kv Íris Jónsd.

[Anna Lilja (IP-tala skráð) 30.9.2009 kl. 14:01]

Lútur eg sat,

lengi eg hölluðumst,

mjög var eg þá lystur að lifa

En sá réð

sem ríkur var;

frammi eru feigs götur.

Heljar reip 

komu harðlega 

sveigð að síðum mér.

Slíta eg vildi

en þau seig voru;

létt er laus að fara. 

Sól eg sá,

svo þótti mér

sem eg sæi göfgan guð.

Henni eg laut

hinsta sinni

alda heimi í. 

Sól eg sá

síðan aldregi

eftir þann dapra dag,

því fjalla vötn

luktust fyrir mér saman,

en eg hvarf kallaður frá kvölum.

Vonarstjarnan flaug

- þá var eg fæddur, -

burt frá brjósti mér.

Hátt að hún fló,

hvergi settist,

svo hún mætti hvíld hafa. 

 

[Ásthildur Cesil Þórðardóttir, 1.10.2009 kl. 12:30]

Takk innilega fyrir mig

Anna Lilja mín knús til þín líka.  Ég veit að hann var þér afskaplega kær líka, eins og besti vinur og pabbi líka á tímabili.

[, 2.10.2009 kl. 12:42]

Mikið er þetta fallegt ljóð takk fyrir að deyla því með okkur. Megi guð og allir góðir vættir leiða ykkur og styrkja

[Ásthildur Cesil Þórðardóttir, 2.10.2009 kl. 12:51]

Takk Áslaug mín.

[Linda Linnet Hilmarsdóttir, 9.10.2009 kl. 18:12]