Má bjóða ykku í smábíltúr um Djúpið?

21.9.2009 | 13:02

Má bjóða ykku í smábíltúr um Djúpið?

Langar að bjóða ykkur í haustferð um Djúpið. Við skruppum inn í Heydal í gær, með Úlfinn okkar, en hann hefur fengið að fara í vikuferð þangað.

Aldrei er Ísafjarðardjúp fallegra en á haustinn, þegar litadýrðin er sem mest.

Við erum rétt komin inn í Hestfjörðinn hérna.

Reyndar eru litirnir ekki alveg komnir fram, vegna þess að hér hefur verið tiltölulega hlýtt og rigning.

Þetta sem er hvanngrænt enná er reynirinn okkar, en honum hefur fjölgað mikið á þessum slóðum í góðu árferði undanfarin ár. Og nú er hann víða fullur af berjum, svo vonandi eykst hann mikið enn.

Gróður og grjót er falleg blanda.

meira að segja klettarnir eru litskrúðugir.

Það var ekki stoppað, svo þetta er tekið á ferð, enda er ég orðin þrælvön að taka myndir út um bílrúður LoL

Hvalskurðará. Hún er í Skötufirðinum.

Hlíðin mín fríða má líka segja hér, Hjalla meður græna. Reyndra rauða, gula og gráa í dag.

Hér er svo brúin yfir Mjóafjörð komin í gagnið loksins. Við tókum rúnt yfir hana, en þar sem við vorum að fara inn í Heydal, fórum við aftur til baka og héldum okkar ferð áfram hinu meginn.

Heydalur þetta er móttökustaður fyrir gesti, hlaðan hefur verið gerð upp og er virkilega notaleg og hlýleg. Hér keypti fólk frá Reykjavík, en þau hafa sest hér að og gert Heydalin að ferðaþjónustu. Hér er heitt vatn sundlaug og hesta og kajakleiga. Virkilega skemmtilegt að koma.

Stubbur var ánægður með aðstöðuna, hann hlakkar til að eyða hér einni viku í afslöppun.

Virkilega kósý og skemmtilega gerð upp gamla hlaðan. Þetta fólk er alþjóðlegt, þau eru hér á vegum félagsskapar sem kallast Seeds, eða svipað og Veraldarvinir. Vinna hér við ýmsar lagfæringar fyrir gistingu og mat. Svona á lífið að vera.

Stubbur strax farin að láta til sín taka. LoL

Hér kveðjum við hann í bili þessa elsku. Hann mun hafa það gott í sveitiinni.

Haldið heim aftur, þetta skilti hef ég ekki séð áður. Skemmtilegt, og hverfandi eftir því sem malarvegum fækkar hef ég trú á.

Endalaus fegurð.

Skarfurinn er tignarlegur fugl, sérstaklega þegar hann er að þurrka vængina, þessum finnst greinilega ekki þörf á slíku.

Vigur sú fræga eyja, sem margir heimsækja sumar og haust. Eyjan græna.

Á hvað ertu eiginlega að glápa? það er dónalegt að stoppa svona og glápa á mann LoL

Og ég er sko hvergi banginn við þig frú mín góð.

Flott útstilling, gæti allt eins verið listaverk einhvers útilistamanns. en ekki hvað.

Fyrstu jarðgöng á Íslandi, voru auðvitað hér. Hamarsgatið.

Komin heim og þetta er sorbus decora, eða skrautreynir, ber nafn sitt með rentu.

Svo útsýnið okkar venjulega.

Hér er vinaleg mynd af fólki að gefa hrossi. Við erum á leið inn á flugvöll að sækja englana okkar.

Músikfólk, Maggi Reynir bassaleikari og Ingibjörg okkar sem alltaf er kölluð Ingibjörg í BG. Heart

É datt í drullupoll amma.

ég hljóp svo hratt, að ég hrasaði og datt. Heart

Og það er gott að komast heim í durtu:

er hún að verða mátuleg afi?

Og nú er allt komið aftur í fastar skorður.

Eigið góðan dag elskurnar megi allir góðir vættir vaka yfir ykkur öllum og vernda. Heart

Flokkur: Bloggar | Facebook

Athugasemdir

Já það er ekki síður fallegt á Íslandi á haustin en á sumrin - bara öðruvísi. Ég hef nú einhverntíman ferðast um vestfirðina með foreldrum mínum en það er langt síðan. Kannast þó við berjabláar brekkur frá þeirri ferð. Æ hvað Ásthildur litla er glöð að komast í ömmufang. Þeim líður nú alltaf best í hversdagsleikanum þessum elskum

, 21.9.2009 kl. 14:25

Fallegar eru myndirnar þínar Ásthildur.

Jakob Falur Kristinsson, 21.9.2009 kl. 15:08

Flottar myndir hjá þér Ásthildur eins og ávalt. Ég tel mig sjá andlit í klettunum á sjöttu mynd ofan frá. Gaman væri að vita hvort fleiri komi auga á þá felumynd.

Bjarni Líndal Gestsson, 21.9.2009 kl. 15:36

Ég sé einnig andlit í klettunum og það er nú ekki erfitt að lesa hinar ýmsu myndir allt í kring í djúpinu.
Takk Ásthildur mín, ég hef alltaf elskað að aka djúpið, það er svo magnað.
Hún var glöð að koma heim sú stutta, enda best að vera hjá ömmu og afa.

Guðrún Emilía Guðnadóttir, 21.9.2009 kl. 16:16

Flottar myndir eins og ávallt Selurinn æði og skrautreynirinn alveg meiriháttar Perlurnar þínar standa svo sannarlega fyrir sínu, meira að segja grátandi.

koss á báttið

Ragnhildur Jónsdóttir, 21.9.2009 kl. 21:47

Djúpið fallegt eins og alltaf og gaman að sjá gleði litlu dúllanna að koma aftur og ömmu og afa að fá þær. Reynirinn flottur og líka Magnús Reynir og Ingibjörg, bónus að sjá þau. Kær kveðja í Kúlu.

Dísa (IP-tala skráð) 21.9.2009 kl. 22:03

Fallegar myndir þínar Ásthildur mín eins og alltaf.Ég bið að heilsa Ingibjörgu hún var svo góð við mig þegar ég átti mjög erfitt.á vissum tíma . En nú hefur það breyst mikið.

Kristín Katla Árnadóttir, 21.9.2009 kl. 22:27

Fallegir haustlitirnir í Djúpinu.

Eru einhvers konar skólabúðir í Heydal, eða er Úlfur þar í prívat-viku?

Laufey B Waage, 22.9.2009 kl. 09:07

Takk öll.

Það er mikið af berjum í Djúpinu Dagný mín. Fólk fer gjarnan inn í Hestfjörð til að týna ber.

Takk Jakob minn.

Takk Bjarni minn, skemmtilegt með andlitið í mynd nr. 6.

Takk Milla mín, já það er heillandi að aka Djúpið á þessum tíma og upplifa alla litadýrð náttúrunnar.

Ragnhildur mín já selurinn var skemmtilegur, hann rótaði sér ekki, þó ég stoppaði til að taka myndina af honum.

Takk Dísa mín, og ekki skemmir fyrir þessi nýja flotta brú skal ég segja þér.

Ég hugsa að skilaboðin þín séu komin til hennar Katla mín.

Laufey, það eru ekki beint skólabúðir, en krakkar sem eiga eitthvað undir högg að sækja fá að dvelja þar viku tíu daga eða svo. Þeim til slökunar. Minn var að greinast ofvirkur og með athyglisbrest, og það er verið að taka á hans málum sem betur fer. Aðstaðan og fólkið í Heydal er í alla staði til fyrirmyndar. Og virkilega gott fyrir unglinga að fá að dvelja þar.

Ásthildur Cesil Þórðardóttir, 22.9.2009 kl. 09:28