Kúlulíf.

Verð að segja að það er hálf einmanalegt í kotinu þennan morgunin.  Engir litlir armar utan um ömmu sín, eða góðan daginn amma frá þeirri stærri.  En ég veit að þær eiga yndislega daga í réttunum sjá allar kindurnar og hin dýrin, hesta, hunda og hvað eina. 

Þarna vill Ásthildur sitja, hún er eins og besta hússkraut þarna

ég er að týna blómvönd fyrir mömmu mína.

Þetta verður fínn vöndur.

Ætti ég að hafa fleiri liti?

Nei mamma verður svo glöð með þennan vönd.  Blóm handa þér mamma mín.

Þessi er ekki fyrir viðkvæma. Hún er tröllsleg kóngulóin.

Og loksins varð svo klukkan brottfarartími.  Þær höfðu þá farið með afa í bókasafnið til að láta tímann líða.

Fjörugir ferðalangar.

Heppin var ég að Hrólfur Vagnsson var þarna á ferð og það var sko ekkert mál að bera ábyrgð á þeim stelpunum suður.  Takk Hrólfur minn.

Þessi var þarna líka Dorritlaus, ég er samt viss um að hann hefði tekið stelpurnar fyrir mig ef ég hefði lent í vandræðum.   Það er einhvernveginn svo að við erum alltaf fyrst og fremst manneskjur, en ekki titlar og tog.  Hann heilsaði mér meira að segja með virktum fyrr um daginn.

Kvöldið er fagurt.

Og dagurinn líka.

Svo kom elsku Júlíana mín í heimsókn með vinkonu sína.  Það var yndislegt.

Athugasemdir

[Guðrún Emilía Guðnadóttir, 19.9.2009 kl. 09:49]

Auðvitað hefði hann passað stelpurnar fyrir þig elskan, skil að þú saknir þeirra
það er alltaf tómlegt þegar þau fara, þau eru jú englarnir okkar.

Kærleik í kúluna
Milla

[Kristín Katla Árnadóttir, 19.9.2009 kl. 11:06]

Fyrirgefðu elsku Ásthildur mín,hvað ég hef verið ódugleg að svara þér og öllum.

Ég skil vel að þú saknar stelpnanna en þær koma aftur fljótlega vona ég kær kveðja í fallega kúluhúsið sem er draumur og alltaf nóg að gera skemmtilegt hjá ykkur.

[Karl Tómasson, 19.9.2009 kl. 14:41]

Kæra Ásthildur.

Það er alltaf jafn gaman að kíkja í heimsókn til þín.

Eigðu góðan dag. Bestu kveðjur frá Kalla Tomm úr Mosó.

[Sigrún Jónsdóttir, 19.9.2009 kl. 17:49]

Njóttu þess samt að hvíla þig kæra Ásthildur    Ásthildur yngri er að breytast svo mikið í útliti.  Gaman að fylgjast með þessum yndislegu fjörkálfum

[Hrönn Sigurðardóttir, 19.9.2009 kl. 19:57]

Ásthildur junior er kattliðug ;)

[Dísa (IP-tala skráð) 19.9.2009 kl. 23:09]

Alltaf er það svona, maður saknar alltaf fjörkálfanna ef þeir fara þó maður geti stöku sinni óskað þess að fá ró augnablik.  Þær eiga örugglega góða helgi með dýrunum og njóttu þess að hvíla þig á meðan.

[Jakob Falur Kristinsson, 20.9.2009 kl. 16:46]

Fallegar myndir að vanda hjá þér Ásthildur, enda hvergi fallegra en á Vestfjörðum.  Nú hef ég tekið endanlega ákvörðun og flyt aftur til Bíldudals um næstu mánaðarmót.  Þannig að þá fjölgar um a.m.k. einn.  Ég get ekki sagt með góðri samvisku að ég kveðji Sandgerði með söknuði.

[, 20.9.2009 kl. 17:59]

[Ásthildur Cesil Þórðardóttir, 21.9.2009 kl. 08:47]

Takk öll, ég var í leti alla helgina, það er svona þegar litlu englarnir fara, þá er bara legið í leti. 

Satt og rétt Milla mín elskuleg, maður saknar þeirra um leið og þær hverfa út úr dyrunum.

Katla mín, gaman að sjá þig aftur.

Sömuleiðis Kalli minn.

Takk Sigrún mín, já það er gaman að þessum fjörkálfum.

Jamm Hrönn mín, hún er mjúk og liðug sú stutta.

Dísa mín svo sannarlega naut ég þess að hafa bara sjálfa mig og Ella

Gaman að heyra þetta Jakob minn, vertu velkomin vestur.

Knús Dagný mín.

[Herdís Alberta Jónsdóttir, 21.9.2009 kl. 10:45]

Góðan daginn Ásthildur, gaman að skoða myndirnar hjá þér, ég kíkti á kúluna í sumar þegar við Ebba litla vorum að skottast um Ísafjörð en engin var heima, reyni aftur næst. Hafið það sem allra best

[Ásthildur Cesil Þórðardóttir, 21.9.2009 kl. 11:38]

Æ en leiðinlegt Dísa mín.  Það hefði verið gaman að hitta þig.  Lofa að vera heima næst.