Bylting fíflanna - besta hugmyndin hingað til.

Var að lesa bloggfærslur frá Ástu Hafberg, Rakel S. og Dúu, ég hvet ykkur til að lesa líka og kynna ykkur pælingar þeirra um nýtt sameiningartákn.  http://thjodarsalin.blog.is/blog/thjodarsalin/

Loksins geta allit tekið þátt og látið vita af óánægju sinni og staðið saman.  Það kostar bara hugsunina, einn fána og flaggstöng.  Flestir eiga flaggstöng ég á að vísu enga, en ætla að koma mér upp slíkri til að geta dregið fánan að húni. Eð bara flagga honum þar sem ég kem því við. 

En á bloggi Ástu hér að ofan getið þið lesið hugsunina að baki þessu, sem þær kalla bylting fíflanna.  Ég er til. 

Er ekki loksins komin besta lausnin á því að láta í ljós hugsun okkar?

Hvað er betra sameiningartákn ef fífillinn.  Hann er ekki bara grasrótin sjálf, hann er lækingajurt, góður í sultur og vín. Og svo er hann illdrepandi.  Það er mjög erfitt að uppræta hann, þó góður vilji sé til þess.  Ég mæli með Byltingu fíflanna.

Svona lítur fáninn út. Ekki slæm hugmynd. 

bara spurning um hvar við getum nálgast fánann.  Getur einhver upplýst mig um það?

Athugasemdir

[, 10.9.2009 kl. 10:47]

Þetta er frábær hugmynd og bendi ég á þetta blogg og þessa fésbókarsíðu fyrir nánari upplýsingar. Fánasmiðjan á Þórshöfn mun svo framleiða og selja fánana. Svo nú er bara að setja upp fánastöng og flagga alla daga

[Ásthildur Cesil Þórðardóttir, 10.9.2009 kl. 10:59]

Takk Dagný mín fyrir þessa viðbót.  Ég ætla að panta mér svona fána strax í dag. 

[Kidda (IP-tala skráð) 10.9.2009 kl. 11:07]

Ekki langar mig í fánastöng en í fánann langar mig. Hvet alla til að eignast svona fána. Svona þögul mótmæli skila árangri eins og sést vel á borðunum sem voru hengdir á hús og girðingar á Kársnesinu í Kópavogi, þeir vöktu athygli og hið sama mun þessi fáni gera. List vel á nafnið Bylting fíflanna

Knús í kærleikskúluna

[Ásthildur Cesil Þórðardóttir, 10.9.2009 kl. 11:10]

Takk Kidda mín ég hef nú sent email til Fánasmiðjunnar.  Netfang og sími er:

• Fax x 577 2030
• - Karen Rut Konráðsdóttir Farsími: x 897 5064 SMS
• - Netfang [e-mail]
• - Veffang www.fanar.is

knús á móti Kidda mín.

[J. Einar Valur Bjarnason Maack , 10.9.2009 kl. 14:20]

Þessi fáni er tilvísun í Kristjaníufánann þar sem punktarnir yfir i-in þrjú eru gulir á rauðum fleti (Chr°ist°ian°ia)...

...ég kann ágætlega við þennan fána, en er þetta samt ekki soldið mikill stuldur?

[Jens Sigurjónsson, 10.9.2009 kl. 23:03]

Góð hugmynd

[Ásthildur Cesil Þórðardóttir, 11.9.2009 kl. 08:38]

Stuldur eða ekki J. Einar.  En er ekki sama hvaðan gott kemur ?  Ef þeim er sama se á hinn fánann. 

[Dísa (IP-tala skráð) 11.9.2009 kl. 08:38]

Hjartanlegar hamingjuóskir með daginn elsku dúllan mín.

[Ásthildur Cesil Þórðardóttir, 11.9.2009 kl. 09:35]

Takk Dísa mín, loksins náði ég þér aftur hehehe... alveg síðan í byrjum maí.  

[Kidda (IP-tala skráð) 11.9.2009 kl. 10:32]

Til hamingju með daginn í dag mín kæra vinkona

Knús í afmæliskúluna

[Ásthildur Cesil Þórðardóttir, 11.9.2009 kl. 13:00]

Takk Kidda mín.

[J. Einar Valur Bjarnason Maack , 11.9.2009 kl. 13:39]

Jújú...

...ekkert mál með stuldinn þannig séð. 

EN... er þetta ekki spurning um að þarna er um tákn hugsjónar Kristjaníta að ræða og hvað Íslendingar koma til með að standa fyrir í sinni uppreisn verði langt frá þeim ranni?

[Ásthildur Cesil Þórðardóttir, 11.9.2009 kl. 16:13]

Það er ef til vill hægt að segja það.  En fíflarnir standa samt fyrir sínu hér á landi.  Og hugsunin er góð, þ.e. þessi léttgeggjaða hugmynd um fíflin.  Gefur manni meira frelsi en einhver alvarlegri hugsun, ef þú skilur hvað ég meina. Fíflin máttu gera hvað sem var, en ekki kóngurinn.