Eru menn ekki að grínast?

Svei mér þá ég starði á þingkonuna og búsáhaldabyltingarsinnan í fréttunum í gær, og var að spá í hvort þetta væri spaugstofan eða hvað.  http://dagskra.ruv.is/sjonvarpid/2009/09/06/ Það á sem sé að nota nokkra milljarða af litlu sameiginlegu fé þjóðarinnar til að byggja háskólasjúkrahús.  Gríðarleg frjárfesting og mikill mannafli.  Ég get svo svarið það.  þau falla eitt af öðru vinstri grænu hetjurnar sem ég hélt í fáfræði minni að væru fyrst og fremst að hugsa um heill íslenskrar þjóðar.  En sé svo að þau eru einungis að hugsa um eigið rassgat.  Álfheiður Ingadóttir, það er bara ekkert vit í því að leggja þennan pening í háskólasjúkrahús, meðan við erum að skera niður í heilbrigðisgeiranum, loka skurðstofum og fækka starfsfólki.  Þið eruð væntanlega að grínast, hafið ákveðið að við þyrftum að hlæja svolítið, það ku vera gott fyrir heilsuna og sálarlífið.  Ef þér hins vegar var alvara þarna í fréttunum í gær, þá verð ég að segja að þú varst aumkvunarverð að þurfa að standa þarna eins og illa gerður hlutur og setja þetta á borð fyrir okkur sem erum að missa allt út úr höndunum á okkur, erum að spá í hvort við eigum fyrir salti í grautinn á morgun, hvað þá borga fyrir skólamat, tryggingar, skatta og aðrar álögur sem sífellt hækka.

Þið eruð bara ekki í lagi, verð að segja það hreint út.  Það ætti að taka helmingin af laununum ykkar, og síðan setja bæði ykkur og alla aðra pólitíkusa í sama fasa og aðra lífeyrisþega.  Meðan þið skynjið ekki hvað er að gerast í þjóðfélaginu, þá þarf að grípa til þess að þið virkilega finnið til þess í pyngjunni. 

Samtrygging og spilling meðal ykkar sem trónið þarna uppi er algjör.  Og íslenskur almenningur er svona um það bil að fá alveg nóg af ykkur.  Það hefur nefnilega komið í ljós, sem maður vildi ekki trúa, að það er sama rassgatið undir ykkur öllum, hvort sem þið kallið ykkur vinstri græn, samfylkingu, sjálfstæðisflokk eða framsókn.  Skrifa með litlum staf til lítilsvirðingar. 

En það er hingað og ekki lengra, vinsamlegast hættið strax að hugsa um háskólasjúkrahús, meðan þið getið ekki mannað þau sjúkrahús sem fyrir eru í landinu.  Þetta blaður um að það skapi svo mörg störf eru hlægileg eða sorgleg eftir því hvernig á það er litið.  Vinsamlegast annað hvort farið að reyna að setja ykkur í spor okkar sem erum að missa tökin og falla í vonleysi, eða segið af ykkur og farið fram á að hér verði sett á laggirnar utanþingsstjórn, eða þjóðstjórn.  Það er orðið hverjum manni augljóst að þið ráðið ekki við ástandið.  ´Hér er klæmst á ESB og Icesave út og suður, eins og það sé það eina sem þarf að gera í augnablikinu.  Jæja ég get sagt ykkur að það er einfaldlega ekki á dagskrá.  Því hér bíða miklu fleiri og brýnni mál að sinna. 

Það er komið nóg. Hingað og ekki lengra.  Nú þarf að endurvekja mótmælin á Austurvelli og á öllum stöðum um allt land.  Til að láta ykkur vita að við viljum þetta ekki lengur.  Við viljum fá réttlæti, tryggingu fyrir því að við getum staðið teinrétt og borgað það sem okkur ber, (ekki meira) og við viljum að börnin okkar séu ekki sett á ævilangan skuldahala, bara af því að þið berið einhverja fáránlega ofurtrú og bleyðugang gagnvart útlendingum. 

Segi nú ekki margt.  En þetta var held ég dropinn sem fyllti minn mæli. Það á sem sagt bara að huga að Reykjavík, háskólasjúkrahús og tónlistahöll.  Þið eruð bara ekki í lagi segi og skrifa. En sagan mun dæma ykkur og það mun verða þungur dómur að lifa með.  Þið megið aðeins huga að því. 

Athugasemdir

[Jóhann Elíasson, 7.9.2009 kl. 22:25]

VG hafa sýnt það að þetta er alveg húmorslaust lið, þeim er örugglega fúlasta alvara með þessu öllu.  Engar tillögur hafa komið fram um það hvernig skuli ráðstafa þeim gríðarlega fjölda fasteigna sem kemur til með að losna, þegar þessum framkvæmdum lýkur kannski finnst mönnum ekki neitt vandamál þar á ferðinni að láta nokkur hundruð þúsund fermetra grotna niður?

[, 7.9.2009 kl. 22:29]

Mikið er ég sammála þér Ásthildur. Veruleikafirring þessa liðs er alger. Byltingu strax!!!

[Sigurbjörn Sveinsson, 7.9.2009 kl. 23:56]

Fjárfestingin, sem fara á í, er rekstrarkostnaður spítlans í 18 mánuði.  Málið er því alls ekki alveg eins einfalt og þú setur það upp. Ef hagræðingin af nýjum spítala undir einu þaki verður 3-4 milljarðar á ári og fjármögnunin fyrir langtímasparnað lífeyrissjóðanna, sem ekki er hægt að nota í rekstur heilbrigðiskerfisins, þá þykir mér þetta vænlegur kostur m.v. ástandið nú.  

[Ásthildur Cesil Þórðardóttir, 8.9.2009 kl. 08:49]

Meðan ekki er hægt að manna þá spítala sem fyrir eru, skil ég ekki hvernig það getur borgað sig að byggja enn eina bygginguna.  Það er löngu sannað að litla einingar eru ekkert óhagkvæmari en stórar.  Það er eitthvað sem okkur var talið trú um til að menn gætu sölsað undir sig lítil fyrirtæki.  Ég er viss um að það er hægt að gera meira og skynsamlegar við peningana en að kasta þeim öllum í einn stað.  Það þyrfti að dreyfa þeim meira, til að virkja fleiri fyrirtæki og einstaklinga til dáða.  Þetta gagnast bara nokkrum aðilum í Reykjavík.  Það þarf auðvitað að koma fólki þar til hjálpar eins og annarsstaðar.  En við búum ennþá í ríki en ekki borgríki, þó sumir virðist halda að lifið endi og byrji við Elliðaárnar.