A boy named Sue.

Þar höfum við það.  Margir hafa reynt að segja þjóðinni að þetta sé allt saman einn samsærispakki, ASG, Icesave og ESB.  Nú er það komið á tært að þannig er það.  Samt sem áður grípa sumir lesist samfylkingarmenn til þess að æpa að þetta sé allt saman þeim að kenna sem hafi staðið gegn samkomulaginu, þeir sem hafa ekki viljað spila geymið eru ljótu karlarnir og ríkisstjórnin fórnarlambið.  Ja hérna hér. 

Mér virðist okkar ríkisstjórnir undanfarin ár ekki hafa neina burði til að leysa svo erfið mál sem að tjónka við svona erfið milliríkjamál.  Þar hafa verið gerð mistök á mistök ofan.  Aðallega sýnist mér af því að í stað þess að ráða færustu sérfræðinga í alþjóðasamskiptum til að vinna að málinu, hafa menn reynt að klúðrast með þetta sjálfir og einnig ráða flokksbræður sína sem eru allsendis ófærir um að eiga við þá hákarla sem um ræðir og eru sjóaðir í að plata sitt fólk upp úr skónum, vanir menn í lygi og undirferli.  svo má líka benda á að mörg ár hefur verið valið í allar stöður pólitískt eða fjölskyldulega en ekki faglega, þannig að það fólk sem er í lykilstöðum er oftar en ekki vanhæft til að gegna svo mikilvægum störfum, eins og nú þarf til.

Það er ljóst að það á að knésetja okkur.  Annað kemur ekki til greina af því að ef þetta örríki gefur skít í samkvæmið, þá missa þeir trúverðugleikann sem þeir telja sig hafa meðal síns fólks.  

Það má því ekki gerast að við segjum þeim upp og leitum annara leiða.  Eins og vinir mínir erlendis segja; þið eruð eina þjóðin sem getur gert það.  Og við það eru þeir hræddir.

 Ætlum við virkilega að láta fara svona með okkur, hvað varð um gamla víkinga andann, eða voru það bara þrælarnir sem eftir lifðu af innrásarliðinu sem hingað kom fyrir þúsöld?

 Vantar okkur ef til vill landsföður eins og pabbann í ljóðinu ameríska, sem vissi að hann gat ekki verið hjá syni sínum, og ákvað þess vegna að nefna hann stúlkunafni, til að hann lærði að berja frá sér þegar föðurins naut ekki við.

 Steingrímur og Jóhanna lýstu þvi yfir galvösk í upphafi þegar þau voru vinsæl og trúverðug, að þau væru eins og pabbi og mamma þjóðarinnar.  Síðan hefur runnið mikið vatn til sjávar, og "pabbi og mamma" hafa reynst vera lánafíklar, sem eingöngu treysta á að einhver komi og mati þau, en ekki manneskjur sem koma með lausnir og herða þjóðina upp í að takast á við vandann sjálf, og það strax í dag en ekki eftir tvö til þrjú ár?

Þetta endalausa væl um að allt lagist þegar við sækjum um aðild reyndist vera tálsýnin ein, og sýnir okkur ágætu landsmenn að þau hafa ekki hugmynd um hvernig þau ætla að leysa málin.  Þær raddir sem nú verja þau í bak og fyrir munu því hljóðna smátt og smátt, þegar það rennur upp fyrir fólki að þessi "lausn" er enginn lausn, heldur eins og ég sagði í pistli hér fyrir framan, ungamamman sem í stað þess að breiða vængi sína blítt yfir land og þjóð, hefur klærnar og gogginn vel brýndan tilbúin til að rífa í sig hræið.

Þið ættuð að sjá heildarmyndina ef þið reynduð að hætta að hugsa pólitískt og færuð að hugsa sem sjálfstætt fólk.  Þetta samkrull þjóðanna og síðan yfirlýsingar til dæmis spánverja  sem nudda saman höndum og bíða slefandi eftir að komast inn fyrir landhelgi okkar og þurrausa fiskimiðin.

Ásókn erlendra aðila um að komast í ódýra raforku, og kaupa sig inn í orkuveitur okkar.  Þarna úti bíða svo sannarlega hákarlar sem enskis svífast, og er alveg sama um fólkið í landinu.  Og við kúrum eins og kjúklingar lokum augunum og tautum við okkur sjálf og aðra; þeir eru bara að reyna að bjarga okkur, þeir bara fara svona að því,  enginn er svona vondur í raun og veru.  

Við erum eins og unglingur sem er plataður af barnaníðingi á netinu til fylgilags, af því að við höldum að allir séu svo góðir of frábærir.

Nei takk segi ég; það er að koma æ betur í ljós hvað er í gangi.  Við getum náð vopnum okkar, með því að neita að taka þátt í þessum leik.  Við getum kastað bullunum út og byrjað upp á nýtt.  Staðið saman sem ein þjóð og hert beltin, staðið föstum fótum og látið umheimin vita að við hin gamla víkingaþjóð getum hrundið þessari árás af höndum okkar.  Það mun kosta blóð svita og tár, en í það minnsta verðum við frjáls þjóð.  Og ég er klár á því að ef við gerum þetta, munum við finna aðilja sem vilja hjálpa til og koma okkur til hjálpar.  En við þurfum samt sem áður að vera viðbúin því að þurfa að standa á eigin fótum meðan þetta gengur yfir, en við verðum þá að minnsta kosti stoltar manneskjur, en ekki undirlægjuþý auðvaldsins og elítunnar í Evrópu.   

Afgreiðslu AGS frestað

Athugasemdir

[Jón Ingi Cæsarsson, 30.7.2009 kl. 18:29]

Ég held að hógværð og samningvilji skili börnunum okkar meiri árangri en hroki og stórbokkaháttur.

[Ásthildur Cesil Þórðardóttir, 30.7.2009 kl. 18:39]

Ég er algjörlega ósammála þér,ensárt svíður sannleikurinn.

[Ásdís Sigurðardóttir, 30.7.2009 kl. 19:33]

Takk fyrir þetta

[Haukur Nikulásson, 30.7.2009 kl. 22:40]

Mér sýnist að sífellt fleiri séu að verða okkur sammála Cesil.

[Jóhann Elíasson, 31.7.2009 kl. 06:26]

Góð grein Ásthildur og ég er þér 100% sammála.

[Ásthildur Cesil Þórðardóttir, 31.7.2009 kl. 08:35]

Takk Ásdís mín.

Já Haukur ég er afskaplega glöð með það. Vonandi sjá sem flestir ljósið.

Gott að vita Jóhann minn.

[Ásta Hafberg (IP-tala skráð) 31.7.2009 kl. 08:36]

Góð grein og þörf. Það er alveg ljóst að Samfylkingin hefur ekki kynnt sér sitt aðalmál nógu vel til þess að eiga um það einhverja vitræna umræðu.

[Gunnar Skúli Ármannsson, 31.7.2009 kl. 14:50]

Sæl Ásthildur,

góð grein og ég er algjörlega sammála þér. Ég er sammála Hauki að sífellt fleiri eru að átta sig á samhengi hlutanna. Því verðum við að nýta þennan frest vel sem AGS gaf okkur, áfram nú.

[Gunnar Skúli Ármannsson, 31.7.2009 kl. 14:51]

Ég gleymdi einu, Jhonny Cash er líka í miklu uppáhaldi hjá mér.

[Steingrímur Helgason, 31.7.2009 kl. 15:07]

Naglhitt, vinkona.

[Ásthildur Cesil Þórðardóttir, 31.7.2009 kl. 16:39]

Já nú fyrst byrjar áróðurinn af fullum þunga.  Þá þarf Davíð að vera viðbúin að berjast við Golíat.  Risinn á nefnilega alla peningana hefur besta aðganginn að öllum fjölmiðlunum, þannig að hjá okkur verður þetta maður á mann, bloggari á bloggara.  En Davíðar þessa heims hafa stundum unnið Golíatana, og þar liggur okkar von.  Þau byrjuðu strax í morgun með áróðurinn. 

[Ásthildur Cesil Þórðardóttir, 31.7.2009 kl. 16:54]

Sá þessa athugasemd á blogginu hjá bloggvinkonu minni Ásdísi, ég ætla að birta það hér líka.

Ekkert fé er til í bönkunum í dag til að greiða Íslenskum fjármagnseigendum það fé sem þeir eiga þar inni. Samþykki Alþingi hins vegar Icesave þá vita þeir að Íslenska þjóðin verður skattlögð út í eitt til að þeir endurheimti sitt fé.

Hafni Alþingi hinsvegar Icesave samningnum þá skapast hjá þessum aðilum mikil óvissa. Verði samið um Icesave upp á nýtt og ríkið ábyrgist bara þessar 20.887 evrur þá mun það sama væntanlega yfir Íslenskar og erlendar kennitölur ganga. Margir Íslenskir aðilar sem telja sig eiga mikið fé inni í bönkunum, þeir munu þá tapa miklu fé.

Þess vegna eru það svo margir hér heima sem vildu keyra Icesave nánast umræðulaust í gegnum þingið og að þingmenn fengju sem minnst af gögnum um málið. Þetta átti bara að samþykkja.

Icesave samningurinn gengur nefnilega ekki bara út að gera upp við Breta og Hollendinga. Hann gengur út á að Alþingi staðfesti loforð Geirs Haarde frá því í haust að allar innistæður hér heima væru að fullu tryggðar af ríkinu, óháð fjárhæð. Þar lofaði Geir upp í ermina á sér með ekkert umboð frá Alþingi og tóma banka á bak við sig.

Margir þeirra sem nú berjast sem harðast fyrir því að þjóðin samþykki Icesave eiga tugi ef ekki hundruð milljóna frysta inni í bönkunum. Hvernig var t.d. með ráðuneytisstjórann fyrrverandi í fjármálaráðuneytinu? Seldi hann ekki hlutabréf sín í Landsbankanum tveim dögum fyrir hrun fyrir 130 milljónir? Hvar ætli það fé sé geymt? Á bankabók? Ef Alþingi staðfestir ekki Icesave og þar með loforð Geirs þá getur ráðuneytisstjórinn átt von á því að tapa því öllu nema sem svarar 20.887 evrum sem gera um 3,5 milljón.

Eiga menn eins og Indriði H Þorláksson og Svavar Gestsson háar fjárhæðir frosnar inni í bönkunum? Hvað með "sérfræðingana" í Seðlabankanum sem eru einu aðilarnir á Íslandi sem fullyrða að þjóðin geti borgað Icesvase og gefa sér ótrúlegar forsendur eins og að það fáist 75% upp í eignir Landsbankans, eiga þeir háar fjárhæðir bundnar þarna inni?

Friðrik Hansen Guðmundsson, 31.7.2009 kl. 13

[, 1.8.2009 kl. 07:43]

100% sammála - góður pistill

[Ásthildur Cesil Þórðardóttir, 1.8.2009 kl. 11:58]

Gott að heyra Dagný mín.