Mín skoðun og hugleiðingar um Icesave og ESB.

Almenningur í Þýskalandi, Austurríki og Danmörku vara íslendinga við að ganga inn í Evrópusambandið. 

Þeir segja að Evrópa sé á fallandi fæti og fyrirtæki þar hvert af öðru að hætta eða fara á hausinn.  Enda eru bankarnir hættir að lána fyrirtækjum og lána bara hvor öðrum og sameinast.  

Sumir  segja mér að þeir hafi tekið alla sína peningana  út úr viðskiptabankanum nema þessar 20.000 evrur sem þýskir bankar ábyrgjast. 

Það sé betra að hafa þá undir koddanum eða eyða þeim í að stórbæta húsin sín til framtíðar.  Setja upp sólarsellur og þétta húsin til að spara orku.  Þetta eru skilaboð til íslendinga frá þessum þjóðum sem vita hvað þeir eru að segja. 

Þau segja líka og ég er að tala um mismunandi fjölskyldur í þremur löndum sem ekkert þekkjast innbyrðis en segja nákvæmlega það sama;

 

Þið hafið allt sem þið þurfið, allar þær náttúruauðlindir sem nýtast ykkur, reynið frekar að standa saman og vinna að því að vera sjálfstæð, skilið láninu frá AGS.  Þið eruð eina þjóðin sem getur gert þetta.  Og við það eru forvígismenn Evrópu skíthræddir, því fólkið þeirra er hundóánægt með ástandið.  Því er lygin þeirra vopn og samtakamátturinn um að halda völdum.  Þeir kaupa því alla háu gjaldi sem þeir þurfa til að fá sínu framgengt. 

Það er líka allstaðar í þessum löndum sama vandamálið með rúmena sem streyma inn  ruplandi og rænandi.  Verð auðvitað að taka fram að það er ekki verið að tala um rúmensku þjóðina í heild heldur fólk sennilega sígauna, sem notfæra sér aðstöðu sína til að komast yfir eignir nágrannanna.  Þeir stela öllu steini léttara.  Austurríkismennirnir sögðu mér  til dæmis að þeir hefðu orðið að koma sér upp sérstakri læsingu á blokkinni þar sem dyggði ekki bara að læsa útidyrum, heldur eru tvær læstar hurðir, með nokkurra metra millilbili og innri hurðin einungis opinn fáa klukkutíma á dag, sam komst einhver rúmenin þangað inn og varð að hringja á lögreglu til að fjarlægja hann.

Í Danmörgu er sama vandamálið með svona hópa.  Þeir hafa meira að segja komið að nóttu til með trailer og lyftara og tekið alla bílana af sama bílastæðinu. 

 Ég hef hvergi orðið vör við andúð á íslensku þjóðinni meðal frændþjóða okkar og heldur ekki fyrrum austantjaldslöndum.  Allir vita af ástandinu, og flestir þeirra bera frekar hag okkar fyrir brjósti og með þessum viðvörunum vilja þeir að við hugsum um hvað við eigum. 

Ef menn eru hræddir við viðskiptaþvinganir, má benda á að það verður örugglega auðvelt að komast að vöruskiptasamningum við til dæmis Serbíu, þeir eru miklir kornræktendur og rækta allan sinn mat sjálfir.  Við ættum svo frekar að fara að leggja áherslu á rafknúin farartæki bæði til sjós og lands, þar sem raforkan er ein af hornsteinum styrks okkar. 

Ég segi enn og aftur, eins og þessir vinir okkar í Evrópu.  Ekki láta þvinga okkur inn í bákn sem er á fallanda fæti, og vill leggja allt í sölurnar til að þvinga okkur inn, hvað sem þeim gengur til.  Sumum sem ég ræddi við finnst líklegast að stjórnvöld finni sívaxandi óánægju meðal þegna sinna yfir ástandinu heima fyrir og vilji þess vegna ekki að örríkið Ísland setji þeim stólinn fyrir dyrnar.  Þeir eru hræddir við að þurfa að svara ýmsum erfiðum spurningum heima fyrir ef svo verður.

Þetta snýst nefnilega allt um völd og álit.  En ekki um efnahagslegar aðgerðir. 

Fólk segir líka við mig; Ef þið haldið að sambandsríkin ætli að gera eitthvað fyrir ykkur, þá er það regin misskilningur.  Þeir ætla bara að tryggja sína stöðu. Þið fáið engar patentlausnir á ykkar vanda, því þeir geta ekki leyst sinn eigin.  Það fara til dæmis daglega fyrirtæki á hausinn í Þýskalandi, oft rótgróin fyrirtæki.  Vegna þess að bankarnir lána ekki lengur til fyrirtækja heldur eru þeir í sama leiknum og útrásarvíkingarnir okkar lána hver öðrum og sameinast til að setja þrengri skorður við viðskiptum, segja einhliða upp þeim samningum sem þeir hafa við viðskiptamenn sína.  Hjólin eru bara stærri og það tekur lengri tíma að hjakkast niður í endalokin.   

Ég viðurkenni að ég veit lítið um þessi mál, og skil ekki alveg sjónarmiðin og reglurnar og allt báknið.  En ég kann að hlusta á fólk sem vill okkur vel, vellesið velmenntað fólk sem er okkur hliðhollt og vill ekki sjá Ísland og þjóðina í þessari stöðu. 

Við skulum því huga vel að hvað við gerum og ekki flana að neinu.  Ekki taka einhver gylliboð og lýðskrum frá neinum.  Heldur vanda vel til, láta valdhafa hér vita að við viljum ekki láta þröngva okkur inn í eitthvað sem við hvorki skiljum né þekkjum.

Við þurfum þess nefnilega ekki.  Við höfum næstum allt sem við þurfum.  Heimóttarskapurinn sem Evrópusinnar saka okkur hin um er nefnilega þeirra meginn.  Að vilja hlaupa undir einhvern verndarvæng af því að þeir halda að ungamamma breiði vængina sína yfir okkur og verndi.   Málið er einfaldlega það að ungamamman er bæði með klær og velbrýndan gogg og þarf nýtt blóð.  Það er því ekki mjög árennilegt að reyna að smjúga þar inn, ekki frekar en Hans og Gréta sem héldu að kökuhúsið væri heimsins besti staður fyrir þau, en fundu svo sannarlega að þar var maðkur í mysunni. 

Við komumst aldrei hjá því að vinna okkur sjálf út úr vandanum.  Og við getum það ef við einhendum okkur í það en ekki þetta bull sem nú er.   Og eins og einn daninn sagði við mig; ég heyri að þið eruð alltaf að tala um að þið þurfið að borga Icesave til að fá traust.... ég get alveg sagt ykkur að traustið er farið, og þó þið borgið kemur það ekkert til baka.  Eina sem þið gerið af viti er að neita að borga og fara svo í að vinna þjóðina út úr þessum vanda heima fyrir. 

Nú segja einhverjir að þetta séu bara tilfinningaleg rök og ekkert að marka.  Það eru til hundrað álitsgjafir skýrslur og allskonar tölulegar upplýsingar sem hægt er að lesa sér til um, svo má skoða hvað mikið er að marka þær, það fer eftir því hver semur og hvernig sá eða sú er tengd inn í apparatið, og hvort viðkomandi fær greitt frá einhverjum til að setja svona kenningar fram, það virðist vera að vel flestir séu falir fyrir fé, og mér skilst að þarna sé allt löðrandi í mútufé og gylliboðum. 

Ég hlusta á fólkið og finn í hjarta mínu að þar liggur sannleikurinn.  Það er að vísu mín sannfæring, en ég vil samt sem áður segja frá þessum álitsgjöfum mínum sem lifa og hrærast í þessu ESBsambandi og þekkja þar allt mikið betur en ég.

Athugasemdir

[Ásdís Sigurðardóttir, 28.7.2009 kl. 12:04]

Takk fyrir þetta Ásthildur mín

[, 28.7.2009 kl. 12:18]

Góður pistill og ég er hjartanlega sammála hverju orði. Við eigum að bjarga okkur sjálf og forystumenn þjóðarinnar að skammast sín fyrir vonleysishjalið og vesaldóminn. Þjóðin þarf pepp en ekki niðurrif.

[Jóhann Elíasson, 28.7.2009 kl. 12:38]

Það eru komin fram nokkrar greinar og ályktanir, þar sem ábyrgð þjóðarinnar á þessu Icesave-dæmi er dregin í efa, en dettur engum í hug að skoða þau mál og svo er það viðurkennt að Íslendingar voru beittir miklum þvingunum og þannig samninga er ekki mikið mál að ógilda en það atriði sem ég sakna einna mest í umræðunni er það að þegar bankarnir voru EINKA(vina)VÆDDIR á sínum tíma, voru AÐALRÖKIN þau AÐ ÞJÓÐIN OG ÞAR MEÐ RÍKIÐ BÆRU EKKI ÁBYRGÐ Á GJÖRÐUM ÞEIRRA.  Var bara verið að BLEKKJA þjóðina þarna á sínum tíma?  Svo er annað sem ekki hefur verið í umræðunni; innan Landsbankans voru tveir bankastjórar á alveg svimandi háum launum það var réttlætt með því að þeir BÆRU SVO GRÍÐARLEGA MIKLA ÁBYRGÐ og þar af leiðandi yrðu þeir að hafa ÞOKKALEG laun það væri ENGINN tilbúinn til að setja sig í svo miklar ábyrgðir á einhverjum „verkamannalaunum".  En hvernig er það eiginlega með þessa ÁBYRGÐ þeirra, ég hef ekki séð neitt í þá áttina að þeir sæti neinni hel.... ÁBYRGÐ?  Hvernig stendur eiginlega á því að þessir menn eru ekki handteknir og ákærðir fyrir stórkostlega vanrækslu í starfi og það að blekkja þjóðina og fyrir fjárplógsstarfssemi erlendis?  Ekki nóg með að þessir menn eigi að fara í fangelsi, heldur einnig öll bankastjórn Landsbankans og allir þeir sem þátt áttu í því að koma Icesave á"koppinn".  Það á að hirða allar eignir þessa fólks og gera allt þetta fólk gjaldþrota.  Það er þetta fólk sem ber ábyrgð á Icesave og það á að borgaekki þjóðin.  Hvaða blaður er þetta eiginlega um að samþykkja þetta rugl með fyrirvara?  Gera menn/konur sér ekki grein fyrir því að Icesave er samningur milli TVEGGJA aðila (reyndar þriggja en látum það liggja milli hluta) og samningum VERÐUR ekki breytt einhliða með einhverjum "draumafyrirvörum".  Þetta hefur mér alls ekki hafa komið fram í umræðunni og nú er hlé á Alþingi svo heilög Jóhanna og Steingrímur Joð hafi tíma til að "tukta" óþæga þingmenn í sínum flokkum til.

[Helga Þórðardóttir, 29.7.2009 kl. 01:33]

Takk fyrir þennan góða pistil Ásthildur

[Ásthildur Cesil Þórðardóttir, 29.7.2009 kl. 08:14]

Takk öll.  Nú þurfum við að róa lífróður til að bjarga landinu okkar undan landráðamönnum nútímans.  Það er mín bjargfasta skoðun.  Sendum þeim skýr skilaboð.  Við höfnum þessu ESB brölti.  Og við höfnum því að borga Icesave skuldir glæpamannanna.